எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!
தமிழகத்தில் வரும் மே மாதம் நடைபெற உள்ள சட்டப்பேரவைத் தேர்தலை முன்னிட்டு, மாவட்ட ஆட்சியர்களை பணியிட மாற்றம் செய்து தேர்தல் ஆணையம் உத்தரவு பிறப்பித்துள்ளது.
தேர்தல் ஆணையம் பிறப்பித்துள்ள உத்தரவில்,
சேலம் மாவட்ட முதுநிலை ஆட்சியராக கார்த்திகேயன் நியமிக்கப் பட்டுள்ளார்.
திண்டுக்கல் மாவட்ட முதுநிலை ஆட்சியராக சத்தியபிரதா சாஹு நியமிக்கப் பட்டுள்ளார். தேனி மாவட்ட ஆட்சியராக நாகராஜன் நியமிக்கப் பட்டுள்ளார்.
வேலூர் ஆட்சியராக ராஜேந்திர ரத்னு நியமிக்கப் பட்டுள்ளார்
தமிழகத்தில் வரும் மே மாதம் சட்டப்பேரவைத் தேர்தல் நடைபெற உள்ள நிலையில், ஐஏஎஸ், ஐபிஎஸ் அதிகாரிகளை பணியிட மாற்றம் செய்து தேர்தல் ஆணையம் உத்தரவு பிறப்பித்துள்ளது.
அந்த உத்தரவில்,
சேலம் மாவட்ட காவல் கண்காணிப்பாளராக இருந்த சுப்புலட்சுமி பணியிட மாற்றம் செய்யப்பட்டுள்ளார். அவருக்கு பதிலாக அமித்குமார் சிங் சேலம் மாவட்ட காவல் கண்காணிப்பாளராக நியமிக்கப்பட்டுள்ளார்.
புதுக்கோட்டை எஸ்பி ராஜேஸ்வரி மாற்றம் செய்யப்பட்டுள்ளார். சந்தோஷ் ஹதிமானி புதுக்கோட்டை மாவட்ட எஸ்பியாக நியமிக்கப்பட்டுள்ளார்.
தருமபுரி எஸ்பி லோகநாதன் மாற்றப்பட்டு பண்டி கங்காதர் புதிய எஸ்பியாக நியமிக்கப்பட்டுள்ளார்.
நாமக்கல் எஸ்பி மகேஸ்வரன் மாற்றப்பட்டு சசிமோகன் நியமிக்கப்பட்டுள்ளார். திருச்சி எஸ்பி உமா மாற்றம் செய்யப்பட்டு, நிஷபா பார்த்திபன் புதிய எஸ்பியாக நியமனம் பெற்றுள்ளார்.
புதுச்சேரி மத்திய பல்கலை.யின் பொறியியல் பருவத் தேர்வுகள் மே 20-ம் தேதிக்கு ஒத்தி வைக்கப்பட்டுள்ளதாக தேர்வு கட்டுப்பாட்டு அதிகாரி டாக்டர் கே.தரணிக்கரசு தெரிவித்துள்ளார்.
பல்கலைக்கழக பொறியியல் பருவத் தேர்வுகள் ஏப்ரல் 25ஆம் தேதி தொடங்குவதாக இருந்தது. ஆனால் தேர்தல் அறிவிக்கப்பட்டதாலும், பாடங்கள் முழுமையாக முடிக்கப்படாததாலும், தேர்வுகளை ஒத்தி வைக்க வேண்டும் என பொறியியல் கல்லூரி மாணவர்கள் கோரிக்கை வைத்தனர்.
இந்நிலையில், தேர்வு கட்டுப்பாட்டு அதிகாரி வெளியிட்ட அறிக்கை: பல்கலைக்கழகத்தின் அனைத்து இணைப்பு பொறியியல் கல்லூரி முதல்வர்கள் பங்கேற்ற ஆலோசனைக் கூட்டம் வெள்ளிக்கிழமை நடைபெற்றது. தேர்வுத் துறையில் நடைபெற்ற இக்கூட்டத்தில் பருவத் தேர்வுகள் குறித்து விவாதிக்கப்பட்டது.
அனைத்து கல்லூரிகளின் முதல்வர்களும் பருவத் தேர்வுகளை ஒத்தி வைக்க ஒப்புதல் தெரிவித்தனர். இதையடுத்து பொறியியல் பருவத் தேர்வுகள் வரும் மே மாதம் 20-ம் தேதி தொடங்குகிறது. இதற்கான தேர்வு அட்டவணை அனைத்துக் கல்லூரிகளுக்கும் அடுத்த வாரம் அனுப்பி வைக்கப்படும். மாணவ, மாணவியருக்கும் உரிய தகவல் தெரிவிக்கப்படும் என தெரிவித்துள்ளார் தரணிக்கரசு.
பாரத ஸ்டேட் வங்கியில் உள்ள காலிப் பணியிடங்களில் சேர விரும்புவோர் 25-ஆம் தேதிக்குள் ஆன்லைனில் விண்ணப்பிக்கலாம்.
இது குறித்து பாரத ஸ்டேட் வங்கி சார்பில் வெளியிடப்பட்ட செய்தியில் கூறப்பட்டுள்ளதாவது: பாரத ஸ்டேட் வங்கி சார்பில் தமிழகம் மற்றும் புதுச்சேரியில் "இளநிலை இணை உதவியாளர்' (வாடிக்கையாளர் சேவை மற்றும் விற்பனை) பிரிவு, இளநிலை இணை வேளாண்மை உதவியாளர் பிரிவு ஆகிய இரு பிரிவுகளிலும் பணியிடங்கள் பூர்த்தி செய்யப்பட உள்ளன.
இந்தப் பணியிடங்களுக்கு விண்ணப்பிக்க விரும்புவோர், வரும் 25-ஆம் தேதிக்குள்(திங்கள்கிழமை) ஆன்லைனில் விண்ணப்பிக்கலாம்.
மேலும் முழுமையான விவரங்கள் அறிய www.statebankofindia.com, www.sbi.co.in என்ற இணையதளத்தைப் பார்க்கலாம் என்று தெரிவிக்கப்பட்டுள்ளது.
சென்னை, வட தமிழகத்தில் ஏப்.28 -ஆம் தேதி வரை வெயிலின் தாக்கம் அதிகரிக்கும் என்று வானிலை ஆய்வு மையம் எச்சரித்துள்ளது.
சென்னை உள்ளிட்ட தமிழகத்தின் பல்வேறு மாவட்டங்களில், வெயிலின் தாக்கம் அதிகரித்து வருவதால், மக்கள் வீட்டிலேயே முடங்கும் நிலை ஏற்பட்டுள்ளது. பல இடங்களில், இயல்பு வாழ்க்கையும் பாதிக்கப்பட்டுள்ளது.
தமிழகத்தில் இன்று வேலூரில் அதிகபட்சமாக 110 டிகிரி ஃபாரன்ஹீட் வெப்பம் பதிவாகியுள்ளது. மேலும் 12 இடங்களில் 100 ஃபாரன்ஹீட்டுக்கும் அதிகமாக வெப்பம் பதிவாகி உள்ளது.
பகல் வேளைகளில் வெப்பத்துடன் அனல் காற்று வீசியதால் வாகன ஓட்டிகள், பயணிகள், பாதசாரிகள் கடும் இன்னலுக்கு ஆளாகினர்.
இந்நிலையில், மேற்கு திசையில் இருந்து காற்று வீசுவதாலும், கடல் காற்று தொடங்குவதற்கு தாமதாவதாலும் தமிழகத்தில் வெப்பத்தின் தாக்கம் அதிகமாகக் காணப்படுகிறது. இதன் காரணமாக தமிழகத்தில் அடுத்த இரு தினங்களுக்கு வெப்பத்தின் அளவு ஒன்றிரண்டு டிகிரி அதிகரிக்கக்கூடும்.
குறிப்பாக சென்னை, காஞ்சிபுரம், கடலூர், விழுப்புரம், திருச்சி, அரியலூர், கோவை, தருமபுரி உள்ளிட்ட வட தமிழக மாவட்டங்களில் வெப்பத்தின் அளவு அதிகரிக்கக் கூடும் என்று வானிலை மையம் குறிப்பிட்டுள்ளது
Admission Notification
B.Ed Programme (Two Years) Distance Education
2016-17
*Eligibility-10+2+3 or 11+1+3 Pattern
*Medium of Instruction -English only
*Cost of Application -Rs.500/-
*Course Fees- 18,000 Per Year
*Last date for issue and receipt of filled application forms - 24.05.2016
உங்களுடைய
👉🏼தொகுதி பெயர்,
👉🏼தொகுதி எண்,
👉🏼வாக்கு சாவடி பாகம் எண்,
👉🏼வாக்காளர் பட்டியல் வரிசை எண்
ஆகியவற்றை அறிந்துகொள்ள வேண்டுமா???
எளிமையான வழி இதோ👇🏽
👉🏼உங்களுடைய வாக்காளர் அடையாள அட்டை எண்ணை type செய்து
9444123456
என்ற எண்ணுக்கு SMS அனுப்புங்கள்.
👉🏼ஒருசில வினாடிகளில் விவரங்கள் தமிழிலும் ஆங்கிலத்திலும்
Message மூலம் உங்கள் phone-க்கு வரும்.
வாக்கு சாவடியின் பெயரும் வரும்.
👉🏼தபால் ஓட்டுக்கு விண்ணப்பிக்க
தேவையான விவரங்களை பெறுவதற்கு இந்த வசதியை பயன்படுத்திக் கொள்ளுங்கள்.
எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!
