Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Thursday, 20 April 2017

தொடக்கக்கல்வி 2017-2018 ஆம் ஆண்டுக்கான பணிநிரவல், மாறுதல் மற்றும் பதவி உயர்வு கலந்தாய்வுக்கான கால அட்டவணை

கௌரவ விரிவுரையாளர்களின் சம்பளம் அடுத்த கல்வியாண்டு முதல் 15 ஆயிரத்தில் இருந்து 25 ஆயிரமாக உயர வாய்ப்பு.

அரசு கலைக் கல்லூரி கௌரவ விரிவுரையாளர்களின் சம்பளம் 15 ஆயிரத்திலிருந்து 25 ஆயிரமாக உயர வாய்ப்பு உள்ளது என உயர்கல்வி வட்டாரத்திலிருந்து தகவல் கிடைத்துள்ளது.
மேலும் சம்பள உயர்வினை கொண்டு வர மாண்புமிகு உயர்கல்வி துறை அமைச்சரே தீவிர முனைப்புடன் உள்ளதாக தகவல் கிடைத்துள்ளது.இதனால் அடுத்த கல்வியாண்டில் கௌரவ விரிவுரையாளர்களின்  நீண்ட நாள் கோரிக்கை நிச்சயம் நிறைவேற வாய்ப்பு உள்ளது. இந்த தகவல் கல்வியாளர்களிடத்தில் மிகுந்த  வரவேற்பை பெறும்.

TNPSC.,க்கு புதிதாக 5 உறுப்பினர்கள் நியமனம்

டி.என்.பி.எஸ்.சி.,க்கு புதிதாக 5 உறுப்பினர்கள் நியமனம் செய்யப்பட்டுள்ளனர். புதிய உறுப்பினர்களாக ராஜாராம், கிருஷ்ணகுமார், சுப்பிரமணியம் , சுப்பையா, பாலுசாமி ஆகியோரை புதிய உறுப்பினர்களாக நியமித்து கவர்னர் வித்யாசாகர்ராவ் ஆணை பிறப்பித்துள்ளார்.
டி.என்.பி.எஸ்.சி. உறுப்பினர்கள் 11 பேர் நியமனத்தை கடந்த ஆண்டு டிசம்பரில் சென்னை உயர்நீதிமன்றம் ரத்து செய்தது. காலியாக உள்ள 11 உறுப்பினர்களில் தற்போது 5 உறுப்பினர்கள் நியமிக்கப்பட்டுள்ளனர்

ஆசிரியர்கள் பொதுமாறுதல் 2017 - 18 தொடர்பான பள்ளிக்கல்வி இயக்குநரின் செயல்முறைகள்


Teachers Transfer Application Form - 2017 (New)


ஆசிரியர்களுக்கான பொதுமாறுதல் நடைபெறும் கால அட்டவணை வெளியீடு.

ஆசிரியர்களுக்கான பொது மாறுதல் கலந்தாய்வுக்கு வரும் 24 முதல் மே 5 வரை விண்ணப்பிக்கலாம்.

ஆசிரியர்களுக்கான பொது மாறுதல் கலந்தாய்வுமே 19 முதல் 31 வரை நடைபெறும் - பள்ளிக்கல்வித்துறை அறிவிப்பு.

எஸ்எஸ்எல்சி, பிளஸ் 2 தேர்வில் 100 சதவீத தேர்ச்சிக்காக சராசரி மாணவர்களை பெயிலாக்கும் தனியார் பள்ளிகள்: புகார் வந்தால் கடும் நடவடிக்கை: பள்ளிக் கல்வி இயக்குநர் எச்சரிக்கை

எஸ்எஸ்எல்சி, பிளஸ் 2 பொதுத் தேர்வில் 100 சதவீத தேர்ச்சி பெறும் நோக்கில் 9-ம் வகுப்பு மற்றும் 11-ம் வகுப்பில் சுமாராக படிக்கும் மாணவர்களை பெயி லாக்கிவிடுவதாக சில தனியார் பள்ளிகள் மீது புகார்கள் எழுந் துள்ளன.
இத்தகைய பள்ளிகள் மீது நடவடிக்கை எடுக்கப்படும் என்று பள்ளிக்கல்வி இயக்குநர் எஸ்.கண்ணப்பன் எச்சரிக்கை விடுத்துள்ளார்.எஸ்எஸ்எல்சி மற்றும் பிளஸ் 2 தேர்வில் 100 சதவீத தேர்ச்சி பெற வேண்டும், தங்கள் பள்ளி மாணவர்கள் அதிக மதிப்பெண் பெற்று மாநில அளவில் ரேங்க் எடுக்க வேண்டும் என்று எதிர்பார்ப்பது பள்ளிகளின் இயல்பு. இது தனியார் பள்ளிகளுக்கு மட்டுமின்றி அரசுப் பள்ளிகள், அரசு உதவி பெறும் பள்ளிகள் ஆகியவற்றுக்கும் பொருந்தும். 9-ம் வகுப்பு மற்றும் 11-ம் வகுப்பில் சுமாராக படிக்கும் மாணவர்களை அடுத்த வகுப்புக்கு அதாவது 10, 12-ம் வகுப்புக்குச் செல்ல அனுமதித்தால் பொதுத்தேர்வில் தேர்ச்சி விகிதம் பாதிக்கப்படும் என்பதற்காக சில தனியார் பள்ளிகள் அத்தகைய மாணவர்களை 9, 11-ம் வகுப்பிலேயே வடிகட்டிவிடுவதாக தொடர்ந்து குற்றச்சாட்டுகள் எழுப் பப்பட்டு வருகின்றன. இன்னும் சில பள்ளிகள் 10-ம் வகுப்பு, 12-ம் வகுப்புக்கு செல்ல அனுமதித் தாலும் சராசரி மாணவர்களை தனித்தேர்வர்களாக தேர்வெழுத வைக்கும் சம்பவங்களும் ஆங் காங்கே நிகழாமல் இல்லை. கடந்த ஆண்டு தென்மாவட்டத்தில் ஒரு தனியார் பள்ளியில் இதுபோன்று அதிக எண்ணிக்கையிலான மாணவர்களை தனித்தேர்வர்களாக பொதுத்தேர்வு எழுத வைக்க முயற்சி நடந்தது பெரும் பரபரப்பை ஏற்படுத்தியது.

இதுபோன்ற சம்பவங்கள் தனியார் சுயநிதி பள்ளிகளிலும், அரசு உதவி பெறும் பள்ளிகளிலும்தான் நிகழ்கின்றன. அரசுப் பள்ளிகள் மீது இதுபோன்ற புகார்கள் எழுவதில்லை.இந்நிலையில், சென்னையில் இந்த ஆண்டு சில தனியார் பள்ளிகளில் 9-ம் வகுப்பில் சுமாராக படித்த மாணவ, மாணவிகள் பெயிலாக்கப்பட்டிருப்பதாக தகவல்கள் வெளியாகியுள்ளன. கீழ்ப்பாக்கத்தில் உள்ள ஒரு தனியார் பள்ளியில் 60-க்கும் மேற்பட்டோர் இதுபோன்று பெயிலாக்கப்பட்டுள்ளனர். இந்த விவகாரம் குறித்து பள்ளிக் கல்வி இயக்குநர் எஸ்.கண்ணப்பனிடம் கேட்டபோது அவர் கூறியதாவது:தகுந்த காரணம் இல்லாமல் எந்த மாணவரையும் 9-ம் வகுப்பிலும், 11-ம் வகுப்பிலும் பெயலாக்கக் கூடாது. 100 சதவீத தேர்ச்சி பெற வேண்டும் என்பதற்காக இதுபோன்று9-ம் வகுப்பிலோ, 11-ம் வகுப்பிலோ, சுமாராக படிக்கும் மாணவர்களை பெயிலாக்குவது தவறு. இதுதொடர்பாக குறிப்பிட்ட பள்ளியின் மீது புகார் வரப்பெற்றால் அந்த பள்ளி மீது நடவடிக்கை எடுக்கப்படும். ஒருசில மாணவர்கள் வகுப்புக்கு சரிவர சென்றிருக்க மாட்டார்கள்.

 வருகைப் பதிவு மிகவும் குறைவாக இருக்கும். தேர்வு எழுதியிருக்க மாட்டார்கள். அதுபோன்ற மாணவர்களை பெயிலாக்கினால் ஒன்றும் செய்ய இயலாது. மாணவர்கள் உரிய காரணம் இன்றி பெயிலாக்கப்பட்டிருந்தால் மட்டுமே நடவடிக்கை எடுக்க முடியும். தகுந்த காரணம் இல்லாமல் பெயிலாக்கப்பட்டிருப்பதாக மாண வர்களோ, பெற்றோரோ உணர்ந் தால் அந்த பள்ளி தனியார் பள்ளி யாக இருப்பின் மெட்ரிகுலேஷன் பள்ளிகள் ஆய்வாளரிடம் (ஐ.எம்.எஸ்.) அரசு உதவி பெறும் பள்ளியாக இருந்தால் மாவட்ட முதன்மை கல்வி அதிகாரியிடம் (சி.இ.ஓ.) புகார் செய்யலாம். அந்த புகார்கள் மீது உடனடியாக விசாரணை நடத்தப்பட்டு உரிய நடவடிக்கை எடுக்கப்படும். இவ்வாறு கண்ணப்பன் கூறினார்.

1.25 கோடி பள்ளி மாணவர்களுக்கு விரைவில் ஸ்மார்ட் கார்டு வழங்கப்படும்: பள்ளிக்கல்வி அமைச்சர் கே.ஏ.செங்கோட்டையன் தகவல்.

பெயர், பிறந்த தேதி, முகவரி, ரத்த வகை, ஆதார் எண் உள்ளிட்டவிவரங்களுடன் ஒரு கோடியே 25 லட்சம் பள்ளி மாணவர்களுக்கு விரைவில் ஸ்மார்ட் கார்டு வழங்கப்படும் என்று பள்ளிக்கல்வி அமைச்சர் கே.ஏ.செங்கோட்டையன் தெரிவித்தார்.
எஸ்எஸ்எல்சி, பிளஸ் 2 தேர்வு எழுதியுள்ள மாணவர்களுக்கு மேற் படிப்பு மற்றும் வேலைவாய்ப்புக்கு வழிகாட்டும் வகையில் ஆசிரியர் கல்வியியல் ஆராய்ச்சி நிறுவனம் சார்பில் அனைத்து மாவட்டங்களி லும் (சென்னை நீங்கலாக) கடந்த 6, 7-ம் தேதி ஆகிய 2 நாட்கள் வழிகாட்டி முகாம்கள் நடத்தப்பட் டன. அந்த நேரத்தில், தேர்தல் நடத்தை விதிகள் அமலில் இருந்த காரணத்தினால், சென்னை மாவட் டத்தில் மட்டும் வழிகாட்டி முகாம் நடத்தப்படவில்லை.கல்வி வழிகாட்டி முகாம்இந்த நிலையில், சென்னையில் செவ்வாய், புதன் ஆகிய 2 நாட்களாக 10 இடங்களில் வழிகாட்டி முகாம்கள் நடைபெற்றன. முகாம் நடைபெற்ற இடங்களில் ஒன்றான சாந்தோம் செயின்ட் பீட்ஸ் ஆங் கிலோ-இந்தியன் பள்ளியில் நேற்று நடைபெற்ற விழாவில் பள்ளிக்கல்வி அமைச்சர் கே.ஏ.செங் கோட்டையன், நிதித்துறை அமைச் சர் டி.ஜெயக்குமார், பள்ளிக்கல் வித்துறை செயலாளர் டி.உதயச் சந்திரன், மாவட்ட ஆட்சியர் வி.அன்புச்செல்வன் உள்ளிட்டோர் கலந்துகொண்டனர்.விழாவில், மேற்படிப்பு மற்றும் வேலைவாய்ப்புக்கான வழிகாட்டி கையேட்டை அமைச்சர் செங் கோட்டையன் வெளியிட்டு சிறப்புரையாற்றினார். அப்போது அவர் கூறியதாவது:கல்வித்துறையில் ஒட்டுமொத்த இந்தியாவுக்கே வழிகாட்டும்வகையில் தமிழகம் திகழ்ந்து கொண்டிருக்கிறது. கல்வித்துறை யில் முதல்வர் ஜெயலலிதா பல்வேறு புதுமையான திட்டங்களை கொண்டுவந்தார். கடந்த 5 ஆண்டு களில் பள்ளிக்கல்வித் துறைக்கு மட்டும் ஒரு லட்சத்து 21 ஆயிரம் கோடியை ஒதுக்கியவர் ஜெய லலிதா. இந்தியாவில் வேறு எந்த மாநிலத்திலும் கல்வித் துறைக்கு இவ்வளவு அதிக நிதிஒதுக்கப் பட்டது கிடையாது. கல்வியால் மட்டுமே ஏழ்மையை ஒழிக்க முடியும் என்று அவர் உறுதியாக நம்பினார். இந்த ஆண்டு பட்ஜெட்டில் கல்வித் துறைக்கு ரூ.26 ஆயிரத்து 862 கோடி ஒதுக்கப்பட்டிருக்கிறது.

தற்போது பள்ளிகளில் ஒரு கோடியே 25 லட்சம் மாணவ-மாணவிகள்கல்வி பயின்று வரு கிறார்கள். அவர்களில் 10-ம் வகுப்பு, 12-ம் வகுப்பு படிக்கும் மாணவர் களுக்கு மேற்படிப்பு மற்றும் வேலை வாய்ப்புக்கு உதவும் வகையில் வழிகாட்டி கையேட்டை உருவாக்கி யுள்ளோம். மாணவர்கள் தேர்வு செய்து படிக்கும் வகையில் 262 பாடப் பிரிவுகளை கொடுத்துள்ளோம். சுமாராக படிக்கும் மாணவர்கள் என்னென்ன தொழிற்கல்வி படிப்பு களில் சேரலாம் என்ற விவரங் கள் இந்த கையேட்டில் இடம்பெற் றுள்ளன. புதிய படிப்புகளை படிக் கும்போது வேலைவாய்ப்பு பெரு கும். ஏழை மாணவர்கள் கல்வியால் மட்டுமே வாழ்க்கையில் உயர முடியும்.பள்ளிகளில் படிக்கும் ஒரு கோடியே 25 லட்சம் மாணவ-மாணவிகளுக்கு விரைவில் ஸ்மார்ட் கார்டு வழங்க உள் ளோம். இது தொடர்பான அறி விப்பு பள்ளிக்கல்வி மானியக் கோரிக்கையின்போது வெளியிடப் படும். இந்த ஸ்மார்ட் கார்டில் மாண வர்களின் பெயர், பிறந்த தேதி, பெற்றோர் பெயர், முகவரி, ரத்தப் பிரிவு, ஆதார் எண் உள்ளிட்ட அனைத்து விவரங்களும் இடம் பெற்றிருக்கும்.படிப்பில் மட்டுமின்றி உடல் நலன், பிறருக்கு உதவுவது, நாட்டுப் பற்று, சமூக சிந்தனை உள்ளிட்ட இதர விஷயங்களிலும் மாணவர்கள் சிறந்து விளங்க வேண்டும் என்று விரும்புகிறோம். இதற்காக பள்ளி களில் யோகா, நல்லொழுக்க வகுப்பு, சாலை பாதுகாப்பு விதிகள், பெற்றோரை நேசிப்பது, சமூக சிந் தனை ஆகியவற்றிலும் கவனம் செலுத்தும் வகையில் கல்வியில் பல புதிய திட்டங்கள் கொண்டுவரப்பட உள்ளன.இவ்வாறு அமைச்சர் செங் கோட்டையன் கூறினார்.

அமைச்சர் ஜெயக்குமார் பேசும் போது, “பள்ளி மாணவர்களுக்கு வழிகாட்டுவதற்காக இத்தகைய முகாம்கள் நடத்தப்படுகின்றன. மாணவர்களும் இந்த முகாம்களில் அளிக்கப்படும் வழிகாட்டுதல்களை மனதில்கொண்டு செயல்பட வேண்டும்” என்றார்.பள்ளிக்கல்வித்துறை செயலர் உதயச்சந்திரன் தலைமை தாங்கிப் பேசும்போது, “மாணவர்கள் எதிர் காலத்துக்கு பயனளிக்கும் கல் வியை கற்கவும் அவர்களின் கனவு களை நனவாக்கவும் மேற்கொள்ளப் படும் முயற்சிதான் இந்த வழிகாட்டி முகாம். இந்த திட்டத்துக்கு வித் திட்டவர் பள்ளிக்கல்வி அமைச்சர் தான்.

இது, மாணவர்கள் தங்களின் திறமைக்கேற்ப என்ன படிப்பை தேர்வுசெய்யலாம் என்ற கலந்துரை யாடல் நிகழ்ச்சியாகும். மாணவர் கள் இந்த முகாமை நல்ல முறை யில் பயன்படுத்திக்கொள்ள வேண்டும்” என்றார்.முன்னதாக, மாநில கல்வியியல் ஆராய்ச்சி மற்றும் பயிற்சி நிறுவன இயக்குநர் வி.சி.ராமேஸ்வர முருகன் வரவேற்றார். நிறைவாக, சென்னை மாவட்ட முதன்மைக் கல்வி அதிகாரி அனிதா நன்றி கூறினார்

தமிழ்நாடு தொடக்கக் கல்வி சார்நிலைப் பணி - 2017ம் கல்வியாண்டிற்கான உதவி தொடக்கக் கல்வி அலுவலர்கள் மாறுதல் மூலம் நியமனம் - 31.10.2010 முடிய தகுதியுள்ள அரசு / நகராட்சி / ஊராட்சி ஒன்றிய நடுநிலைப் பள்ளி தலைமையாசிரியர்கள் பட்டியல் தயார் செய்து அனுப்ப இயக்குனர் உத்தரவு






DEE - தொடக்கக்கல்வி - மாணவர் சேர்க்கை குறித்து தொடக்கக்கல்வி இயக்குனர் அறிவுரை....

தொடக்கக்கல்வி - மாணவர் சேர்க்கை குறித்து தொடக்கக்கல்வி இயக்குனர் அறிவுரை....

கேந்திரிய வித்யாலயா பள்ளிகளில் 10,039 ஆசிரியர் காலிபணியிடங்களை நிரப்பக்கோரிக்கை.

கேந்திரிய வித்யாலயா பள்ளிகளில் 10,039 ஆசிரியர் காலிபணியிடங்களை நிரப்பக்கோரிக்கை வைத்துள்ளனர்.
மத்திய மனிதவள மேம்பாட்டு அமைச்சகத்திற்கு கேந்திரிய வித்யாலயா பள்ளிகள் அமைப்பு கடிதம் அனுப்பியுள்ளது. கேந்திரிய வித்யாலயா பள்ளிகளில் 14,114 மற்ற பணிகளும் நிரப்பப்படாமல் உள்ளன.

உலகப் புத்தக நாளையொட்டித் தமிழில் குழந்தைகளுக்காக இதுவரை வெளியான புத்தகங்களில் குழந்தைகள் அவசியம் படிக்க வேண்டிய 20 புத்தகங்கள்

ஏப்ரல் 23 - உலகப் புத்தக நாள்

உலகப் புத்தக நாளையொட்டித் தமிழில் குழந்தைகளுக்காக இதுவரை வெளியான புத்தகங்களில் குழந்தைகள் அவசியம் படிக்க வேண்டிய 20 புத்தகங்களைப் பார்ப்போம்.

10 நேரடி தமிழ்ப் புத்தகங்கள்

ஆடும் மயில் மற்றும் மலரும் உள்ளம், அழ.வள்ளியப்பா, என்.சி.பி.எச். வெளியீடு

புகழ்பெற்ற குழந்தைக் கவிஞர் அழ. வள்ளியப்பாவின் பாடல் தொகுதிகள் இவை. குழந்தைகளே வாசித்து, பாடி மகிழக்கூடிய பல்வேறு பாடல்களைக் கொண்ட தொகுப்புகள்.

தரங்கம்பாடி தங்கப் புதையல், பெ. தூரன், வானதி வெளியீடு

பண்டைய துறைமுக ஊரான தரங்கம்பாடியில் இருக்கும் புதையலைச் சிறுவர்களே தேடிச் செல்லும் சாகசக் கதை.

சந்திரகிரிக் கோட்டை, ஆர்.வி.

‘கண்ணன்’ இதழின் ஆசிரியர் ஆர்.வி. பல்வேறு வகைக் கதைகளை எழுதுவதற்காக அறியப்பட்டவர். அவர் எழுதிய சாகசம் நிறைந்த கதை இது.

கானகக் கன்னி, கல்வி கோபாலகிருஷ்ணன், சாகித்ய அகாடமி வெளியீடு

குழந்தைகளுக்கான அறிவியல் நூல்களை எழுதுவதற்காகப் புகழ்பெற்ற நூல் ஆசிரியர், தாவரங்களைப் பற்றி கதை போல அறிந்துகொள்ள வாய்ப்பளிக்கும் இந்த நூல் மத்திய அரசின் பரிசைப் பெற்றது.

சிற்பியின் மகள், பூவண்ணன், வானதி வெளியீடு

குழந்தைகளுக்கான வரலாற்று கதைகளை எழுதுவதற்குப் புகழ்பெற்ற நூல் ஆசிரியர், வரலாற்று பின்னணியில் சிற்பி ஒருவரைப் பற்றி எழுதிய கதை.

தங்க மயில் தேவதை, முல்லை தங்கராசன், பூங்கொடி வெளியீடு

ஒரு விறகு வெட்டிக்குத் தங்க முட்டையிடும் மயில் கிடைக்கிறது. அது திடீரெனத் தங்க முட்டையிடுவதை நிறுத்தி விடுகிறது. அதைத் தொடர்ந்து நடக்கும் மாயாஜாலங்களும் மர்மமும் கூடிய கதை.

மர்ம மாளிகையில் பலே பாலு, வாண்டுமாமா, வானதி வெளியீடு

வாண்டுமாமாவின் புகழ்பெற்ற கதாபாத்திரங் களான பலே பாலு, சமத்து சாரு, அண்ணாசாமி போன்றவர்களின் ஜாலி யான சேட்டைகள் நிறைந்த படக்கதைகள் கொண்ட நூல். படக்கதைகளை வரைந்தவர் ஓவியர் செல்லம்.

கொடி காட்ட வந்தவன், ரேவதி, தமிழ்நாடு காந்தி நினைவு நிதி

1934-ம் ஆண்டு குற்றாலத்தில் குளிக்க வரும் மகாத்மா காந்தி, அங்குத் தாழ்த்தப் பட்டவர்கள் குளிக்கத் தடை இருப்பதை அறிந்து திரும்பிச் சென்றது ஓர் உண்மைச் சம்பவம். அதன் அடிப்படை யில் எழுதப்பட்ட குழந்தைகளுக்கான கதை.

ஆயிஷா, இரா.நடராசன், புக்ஸ் ஃபார் சில்ரன்

அறிவியல் மனப் பான்மை தொடர்பாக உத்வேகம் ஊட்டும் ஆயிஷா என்று பள்ளிச் சிறுமியை அடிப்படையாகக் கொண்ட புகழ்பெற்ற கதை.

இருட்டு எனக்குப் பிடிக்கும் (அன்றாட வாழ்வில் அறிவியல்), ச. தமிழ்ச்செல்வன், அறிவியல் வெளியீடு

குழந்தைகளுக்கு அறிவியல், வரலாறு, சமூகம் சார்ந்து புதிய பார்வையுடன், எளிய முறையில் புரிதலை ஏற்படுத்தும் வகையில் எழுதப்பட்ட எட்டு கட்டுரைகளைக் கொண்ட நூல்.

10 மொழிபெயர்ப்புப் புத்தகங்கள்

அப்பா சிறுவனாக இருந்தபோது, அலெக்சாந்தர் ரஸ்கின் (நா. முகமது செரீபு), புக்ஸ் ஃபார் சில்ரன்

ஒவ்வொருவரும் சிறு பிள்ளைகளாக இருந்தபோது செய்த சேட்டைகள், அட்டகாசங் களைச் சிரிக்கச் சிரிக்கத் திரும்பப் படிப்பதற்கு வாய்ப்பளிக்கும் நூல்.

குட்டி இளவரசன், அந்த்வான் து செந்த் எக்சுபெரி, வெ.ஸ்ரீராம் - ச. மதனகல்யாணி, க்ரியா வெளியீடு

உலகப் புகழ்பெற்ற, கோடிக்கணக்கானோரால் வாசிக்கப்பட்ட இந்த நூல் குழந்தைகளுக்கான நூலாகப் போற்றப்படுகிறது. குழந்தைகளின் உலகுக்கே உரிய அற்புதங்களும் ஆச்சரியங்களும் நிரம்பிய நூல்.

நீச்சல் பயிற்சி, ரஷ்யச் சிறார் எழுத்தாளர்கள் (தமிழில்: சு.ந. சொக்கலிங்கம்), என்.சி.பி.எச். வெளியீடு

பல்வேறு ரஷ்ய எழுத்தாளர்கள் எழுதிய குழந்தை களுக்கான இந்தக் கதைகள் இன்றைக்கும் சிறிதளவுகூடச் சுவாரசியம் குன்றாமல் உள்ளன.

ஆலிஸின் அற்புத உலகம், லூயி கரோல் (எஸ். ராமகிருஷ்ணன்), வம்சி வெளியீடு

முயலின் வளைக்குள் சென்று ஒரு திரவத்தைக் குடித்துச் சிறிய உருவைப் பெறும் ஆலிஸ், பல்வேறு ஆச்சரியங்கள் நிறைந்த உலகுக்குள் உலவுகிறாள். மாயாஜாலக் கதைகளில் உச்சம் தொட்ட புத்தகம் இது.

வாசித்தாலும் வாசித்தாலும் தீராத புத்தகம், எஸ்.சிவதாஸ் (ப. ஜெயகிருஷ்ணன்), அறிவியல் வெளியீடு

உயிரினங்களைப் பற்றியும், அவற்றின் வாழ்க்கை பற்றியும் நாம் அறிந்ததும் புரிந்துகொண்டதும் குறைவு. இந்தப் புத்தகத்துக்குள் புகுந்து வெளிவரும்போது, எல்லா உயிரினங்களையும் நாம் நேசிக்க ஆரம்பித்துவிடுவோம்.

சாரி பெஸ்ட் ஃபிரெண்ட், ஆங்கிலச் சிறார் எழுத்தாளர்களின் கதைகள் (தமிழில் குமரேசன்), புக்ஸ் ஃபார் சில்ரன்

ஸாய் விட்டேகர், கீதா ஹரிஹரன், ஷாமா ஃபதேஅலி, போலி சென் குப்தா போன்ற புகழ்பெற்ற ஆங்கிலச் சிறார் எழுத்தாளர்களின் முக்கியமான கதைகளின் தொகுப்பு.

கானகத்துக் கீதங்கள், ஜித் ராய் (கு.ராஜாராம்), நேஷனல் புக் டிரஸ்ட் வெளியீடு

காடுகள், உயிரினங்களைப் பற்றி மிக எளிமையாகவும், அறிவியல்பூர்வமாகவும் விளக்கி இயற்கையின் உன்னதத்தைக் குழந்தைகளுக்குப் புரிய வைக்கும் நூல்.

பெனி எனும் சிறுவன், கிகோ புளூஷி, (யூமா வாசுகி), புக்ஸ் ஃபார் சில்ரன்

புறஉலகைப் பற்றி பெரிதாக அறியாத நகரத்துச் சிறுவனாக இருக்கும் பெனி, தன் மாமாவின் கிராமத்துக்குச் சென்று திரும்பும்போது, முற்றிலும் மாறுபட்ட ஒருவனாக இருக்கிறான். குழந்தைகளின் மனவோட்டத்தை வெளிப்படுத்தும் நாவல்.

புத்தகப் பரிசுப் பெட்டி, 15 மலையாள ஓவியக் கதைப் புத்தகங்கள், தமிழில்: உதயசங்கர், புக்ஸ் ஃபார் சில்ரன்

காலம் காலமாக நம்மிடையே புழங்கி வரும் கதைகளும் நம்மைச் சுற்றியுள்ள காக்கா, அணில், பூனை, நாய், குரங்கு, யானை போன்றவற்றைப் பற்றியும் கருத்தைக் கவரும் ஓவியங்களைக் கொண்ட 15 புத்தகங்களின் தொகுப்பு.

கனவினைப் பின்தொடர்ந்து, த.வெ.பத்மா (ஜெ. ஷாஜகான்), எதிர் வெளியீடு

நம் மறந்துவிட்ட, அவசியம் தெரிந்துகொள்ள வேண்டிய பல்வேறு வரலாற்று செய்திகளைக் கதைபோலச் சுவாரசியமாகத் தரும் நூல்.

மே 1-ம் தேதி முதல் பொறியியல் படிப்புக்கு விண்ணப்பிக்கலாம்: உயர்கல்வி அமைச்சர் அன்பழகன் அறிவிப்பு.

மே 1-ம் தேதி முதல் பொறியியல் படிப்புக்கு விண்ணப்பிக்கலாம் என்று உயர்கல்வி அமைச்சர் அன்பழகன் இன்று சென்னை அண்ணா பல்கலைக்கழத்தில் அறிவித்துள்ளார்.

விண்ணப்பத்தை ஆன்லைனில் பதிவு செய்ய மே 31 ம் தேதி கடைசி நாள் என்றும் பூர்த்தி செய்த விண்ணப்பத்தை ஜுன் 3ம் தேதிக்குள் சமர்பிக்க வேண்டும் என்றும்   ஜூன் 20 ம் தேதி ரேண்டம் எண் வெளியிடப்படுகிறது என்றும் அவர் தெரிவித்துள்ளார்.

ஜூன் 27- ம் கலந்தாய்வு நடத்தப்படும் என்றும் தெரிவிக்கப்பட்டுள்ளது. 

மதுரையில் நாளை TET., மாதிரி தேர்வு : தினமலர் நடத்துகிறது

மதுரையில் தினமலர் மற்றும் நேஷனல் இன்ஸ்டிடியூட் ஆப் பேங்கிங் இணைந்து நடத்தும் டி.இ.டி. இலவச மாதிரி தேர்வு (தமிழ் மீடியம்) நாளை (ஏப்.,21) நடக்கிறது.

மதுரை மாட்டுத்தாவணி பஸ் ஸ்டாண்ட் எதிரே உள்ள நேஷனல் இன்ஸ்டிடியூட் ஆப் பேங்கிங் மையத்தில் காலை 10:00 மணி முதல் மதியம் 1:00 மணி வரை இத்தேர்வு நடக்கும். முன்பதிவு செய்தவர்களுக்கு மட்டுமே அனுமதி. அவர்கள் காலை 9:30 மணிக்கு வர வேண்டும்.

ஆசிரியர் தேர்வு வாரியம் சார்பில் ஏப்.,29 மற்றும் 30ல் நடக்கும் டி.இ.டி., தேர்வில் பங்கேற்பவர்கள் அதிக மதிப்பெண் பெறும் வகையில், தினமலர் சார்பில் இந்த இலவச மாதிரி தேர்வு நடக்கிறது. அரசு நடத்தும் தேர்வுக்கான முன்தயாரிப்பு முயற்சியாக இந்த தேர்வு அமையும்.
தேர்வில் வழங்கப்படும் நேரத்திற்குள், விடைகளை எவ்வாறு எழுதி முடிக்கலாம் என்ற நேர மேலாண்மை குறித்த அனுபவமும் பங்கேற்கும் தேர்வர்களுக்கு கிடைக்கும். விபரங்களுக்கு 98426 34271ல் என்ற எண்ணில் தொடர்புகொள்ளலாம்.

மக்களின் நிதியுதவி... சிறந்த பள்ளியாக ஜொலிக்கும் கிராமத்து அரசுப் பள்ளி!

அந்தப் பள்ளியா..? வேண்டாம்'' என பொதுமக்கள் ஒதுக்கிய ஓர் அரசுப் பள்ளியை ஐந்தே ஆண்டுகளில் 'வாவ்!' என வியக்கும்

நிலைக்கு உயர்த்தி விருதுகள் வாங்க வைத்துள்ளார் ஓர் ஆசிரியர். பல லட்சம் ரூபாய் செலவில் தனியார் பள்ளிக்கு இணையான கட்டமைப்பு வசதிகளுடன் சிறந்த கல்வித் தரத்துடனும் மிளிர்கிறது அந்தக் கிராமத்து அரசுப் பள்ளி.

விழுப்புரம் மாவட்டம், வல்லம் ஒன்றியம் பள்ளிகுளம் கிராமத்தில் இருக்கும் ஊராட்சி ஒன்றிய நடுநிலைப் பள்ளி. ஊர்கூடித் தேர் இழுத்தால் விரைவாகப் பலன் கிடைக்கும் என்பதற்கு மிகச் சரியான உதாரணத்துடன் விளங்குகிறது. கிராம மக்களின் பங்களிப்புடன் இந்தப் பள்ளியின் நிலையை மாற்றியிருக்கும் ஆசிரியர் தமிழரசனின் கண்களில் உற்சாகம் மிளிர்கிறது. 

“விழுப்புரம் மாவட்டத்தின் கடைக்கோடியில் இருக்கும் இந்தப் பள்ளிக்கு 2012-ம் வருடம் கணித ஆசிரியராக வந்தேன். அப்போது, இந்தப் பள்ளியில் மாணவர் சேர்க்கை ரொம்பவே குறைவாக இருந்துச்சு. இங்கே படிக்கும் பசங்களிடம் ஒழுக்கம் குறைவு, கல்வித் தரம் சரியில்லை என ஊர்மக்களிடம் பரவலான எண்ணம் இருந்துச்சு. அதனால், மாணவர்களை நல்வழிப்படுத்தி, அவர்களின் கல்வித் தரம் உயரவும், பள்ளியின் கட்டமைப்பை மேம்படுத்தவும் முடிவுசெஞ்சேன். 

முதல் கட்டமாக, பிள்ளைங்க எப்படிப் படிக்கிறாங்கன்னு பெற்றோர்களுக்குத் தெரியப்படுத்த திட்டம் போட்டேன். அதுக்காக, தனியார் பள்ளி மாதிரியே 6 முதல் 8-ம் வகுப்பு

 வரையான மாணவர்களுக்கு டைரி முறையைக் கொண்டுவந்தேன். நோட்டுப் புத்தகத்தையே டைரியாக பயன்படுத்தி, தினமும் ஒவ்வொரு மாணவர்களும் படிக்கும் விஷயத்தை எழுதி, பெற்றோரிடம் கையெழுத்து வாங்கிட்டு வரச் சொன்னேன். இந்த முயற்சி நல்ல பலனைக் கொடுத்துச்சு. இப்போ, எங்கள் பள்ளியின் பெயரிலேயே டைரியை அச்சிட்டு எல்லா வகுப்பு மாணவர்களுக்கும் கொடுத்திருக்கோம். மாணவர்கள், பெற்றோர், பள்ளிக்கிடையே ஆரோக்கியமான சூழலை ஏற்படுத்த, 2012-ம் வருஷம் முதல் ஆண்டு விழா நடத்திட்டு வர்றோம். இதன் மூலம், தங்கள் பிள்ளைகளின் திறமைகளைப் பெற்றோர் நேரில் பார்த்து சந்தோஷப்படுறாங்க. 

முதல் வருஷத்தின் ஆண்டு விழாவின் நிகழ்ச்சிகளுக்கு இடையிடையே பள்ளியின் நிலை, செய்ய வேண்டிய மாற்றங்கள் பற்றி பெற்றோர்களுக்குச் சொன்னேன். நடுநிலைப் பள்ளியாக இருக்கும் நம் பள்ளியை ஒரு லட்சம் ரூபாயை அரசுக்குக் கொடுத்து உயர்நிலைப் பள்ளியாக மாற்றலாம். அதன் பிறகு, பள்ளிக்கான பல தேவைகளைப் பூர்த்தி செய்யும் எனச் சொன்னேன். மக்களும் சொன்னதை புரிஞ்சுகிட்டு, அடுத்த நாளே நிதியுதவிக்காகப் பலரிடமும் அழைச்சுட்டு போனாங்க. ஒரே நாளில் ஒரு லட்சம் ரூபாய் கிடைச்சதும், சந்தோஷத்தில் திகைச்சுட்டேன். அந்தத் தொகையை உடனே அரசுக்கு அனுப்பிவெச்சோம்" என்கிற தமிழரசன், அடுத்தடுத்த மாற்றங்களைக் கூறுகிறார். 

"பல லட்சம் செலவில் டிஜிட்டல் போர்டு, கணினி, ஏசியுடன் ஸ்மார்ட் கிளாஸ், பெரிய அளவிலான நூலகம், அறிவியல் ஆய்வகம், நவீன ஓவியங்களுடன் கூடிய வகுப்பறைகள், சுத்திகரிக்கப்பட்ட குடிநீர், ஆங்கில சிறப்புப் பயிற்சி, மாணவர்களின் பிரச்னைகளை தீர்க்கும் 'கருத்து சுதந்திரப் பெட்டி' எனப் பல விஷயங்களைச் செய்தோம். இதனால், மாணவர்கள் ஆர்வத்தோடு படிக்க ஆரம்பிச்சாங்க. அடுத்தடுத்த வருஷங்களில் மாணவர்களின் சேர்க்கை எண்ணிக்கையும் அதிகமாச்சு. மக்களின் கூட்டு முயற்சியோடு செய்த உழைப்புக்குப் பலன் கிடைச்சது. மாவட்டத்தின் சிறந்த நடுநிலைப் பள்ளியாக போன வாரம் எங்கள் பள்ளி தேர்வாகி இருக்கு. மேலும், தமிழ்நாடு அரசு சார்பில் காமராஜர் விருதும், 50 ஆயிரம் ரூபாய் பரிசுத்தொகையும் பள்ளிக்கு கிடைச்சு இருக்கு. இந்தத் தொகையில் முதல் மற்றும் இரண்டாம் வகுப்புகளுக்குச் சேர், டேபிளை வாங்கினோம்" என்கிற ஆசிரியர் தமிழரசன், பள்ளி சார்பில் வென்ற மற்றொரு சிறப்பான விருது பற்றியும் கூறுகிறார்.

''தமிழ்நாடு அரசின் எஸ்.எஸ்.ஏ திட்டத்தில் பல்வேறு ஆசிரியர்கள் தேர்வுசெய்யப்பட்டு, பி.பி.எல் (project based learning) என்ற செயல்திட்டத்தை செயல்படுத்த ஊக்குவிக்கிறாங்க. அதுக்காக, என் வழிகாட்டுதல் மூலம் ஐந்து மாணவ, மாணவிகள் சேர்ந்து, எங்கள் பள்ளியில் பிரதான பிரச்னைக்கு தீர்வு கண்டுபிடிச்சோம். குழந்தைகளுக்கு அரசு இலவசமாக கொடுத்திருக்கும் செருப்புகளை, சின்ன வகுப்பின் பல குழந்தைகள் ஸ்கூல் ப்ரேயரின்போது விட்டுட்டுப் போயிருவாங்க. மற்ற வகுப்பறை வாசலில் இருக்கும் செருப்புகளை விளையாட்டா எடுத்துகிட்டுப் போய் வேற இடத்துல போட்டுருவாங்க. இந்தப் பிரச்னைக்கு தீர்வாக, ஒவ்வொரு வகுப்பு மாணவரின் செருப்புக்கும் ஒவ்வொரு கலர் பெயிண்ட் அடிச்சு, ஒவ்வொரு செருப்பிலும் அந்த மாணவரின் சீரியல் நம்பரை எழுதினோம். இதனால், செருப்பு மிஸ்ஸானாலும் யாருதுன்னு ஈஸியா அடையாளம் தெரிஞ்சுக்க முடிஞ்சுது. உலக அளவில் குழந்தைகளிடம் இருக்கும் திறமைகளைப் பாராட்டி விருது வழங்கும் குஜராத்தைச் சேர்ந்த 'டிசைன் ஃபார் சேஞ்ச்' தனியார் அமைப்புக்கு இந்த புராஜெக்ட் பற்றி அனுப்பிவெச்சோம். 100 சிறந்த புராஜெட்டுகளில் எங்களுடைய புராஜெக்ட்டுக்கும் விருதும் பத்தாயிரம் பரிசும் கிடைச்சு இருக்கு.

இந்தப் பள்ளியின் மாற்றங்களுக்கு பத்து லட்சத்துக்கும் அதிகமா செலவாகி இருக்குது. இதில், கணிசமான தொகையைக் கொடுத்தவங்க கிராமத்து மக்கள்தான். மக்கள் ஆசிரியர்களாகிய எங்கள் மேலே வைத்த நம்பிக்கையை காப்பாத்தி இருக்கோம். எங்களின் இந்தப் பணி தொடரும்'' என்று புன்னகைக்கிறார் ஆசிரியர் தமிழரசன். 

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!