Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 26 April 2017

அரசாணை எண் 78 நாள்:21/4/17- கருணை அடிப்படையில் பணி நியமனம்- பணியிடையே மரணமடைந்த அரசு ஊழியர்களின் திருமணமான பெண் வாரிசுதாரர்களுக்கும் கருணை பணி வழங்குதல் !!

அரசாணை எண் 78 நாள்:21/4/17- கருணை அடிப்படையில் பணி நியமனம்- பணியிடையே மரணமடைந்த அரசு ஊழியர்களின் திருமணமான பெண் வாரிசுதாரர்களுக்கும் கருணை 
அடிப்படையில் பணி நியமனம் வழங்குதல்...https://app.box.com/s/vb1m8xib8yr2wqw4y96xqlqmbf7to00t

GPF - Rate of interest is 7.9%

G.O. No.102 Dt: April 25,2017 -PROVIDENT FUND– General Provident Fund (Tamilnadu) – Rate of interest for the period 01.04.2017 to 30.06.2017 – Orders 
Click Here For Download

TNPSC :இளநிலை அறிவியல் அலுவலர், சுகாதார புள்ளியியலாளர் உட்பட 3 டிஎன்பிஎஸ்சி தேர்வுகளுக்கு மே மாதம் சான்றிதழ் சரிபார்ப்பு

இளநிலை அறிவியல் அலுவலர், வட்டார புள்ளியியலாளர் உள்ளிட்ட 3 டிஎன்பிஎஸ்சி தேர்வுகளுக்கான சான்றிதழ் சரிபார்ப்பு மே மாதம் நடைபெறுகிறது.

இதுதொடர்பாக டிஎன்பிஎஸ்சி செயலர் மா.விஜயகுமார் வெளியிட்டுள்ள செய்திக்குறிப்பில் கூறியிருப்பதாவது: 
தமிழ்நாடு தடய அறிவியல் சார்நிலைப் பணியில் அடங்கிய இளநிலை அறிவியல் அலுவலர் பணியில் 30 காலியிடங்களை நிரப்ப கடந்த ஆண்டு அக்டோபர் மாதம் எழுத்துத் தேர்வு நடத்தப் பட்டது. இத்தேர்வில் 4,413 பேர் கலந்துகொண்டனர். இவர்களில் சான்றிதழ் சரிபார்ப்புமற்றும் நேர்காணலுக்கு 65 பேர் அனுமதிக்கப்பட்டுள்ளனர். அவர்களுக்கு மே 5-ம் தேதி சான்றிதழ் சரிபார்ப்பு நடைபெறும். தமிழ்நாடு மருத்துவ சார் நிலைப் பணியில் அடங்கிய வட்டார சுகாதார புள்ளியியலாளர் பணியில் 173 காலியிடங்களை நிரப்பும் பொருட்டு கடந்த ஆண்டு ஜூன் மாதம் தேர்வு நடத்தப்பட்டது.இத்தேர்வை 4,270 பேர் எழுதினர்.

இதில் நேர்காணலுக்கு 342 பேர் அனுமதிக்கப்பட்டுள்ளனர். அவர்களுக்கு சான்றிதழ் சரிபார்ப்பு மே 15 முதல் 19-ம் தேதி வரை நடைபெறும். குரூப்-3 ஏ தேர்வில் அடங்கிய கூட்டுறவு சங்கங்களின் இளநிலை ஆய்வாளர் பணியில் 24 காலியிடங்களை நிரப்ப கடந்த 2013-ம் ஆண்டு ஆகஸ்டு 3-ம் தேதி எழுத்துத் தேர்வு நடத்தப்பட்டது. இத்தேர்வில் 46 ஆயிரத்து 797 பேர் கலந்துகொண்டனர். சான்றிதழ் சரிபார்ப்புக்கு (பட்டியல்-5) 34 பேர் அனுமதிக்கப்பட்டுள்ளனர். அவர்களுக்கு மே 8-ம் தேதி சான்றிதழ் சரிபார்ப்பு நடைபெறும்.

சான்றிதழ் சரிபார்ப்புக்கு தற்காலிகமாக தெரிவு செய் யப்பட்ட விண்ணப்பதாரர்களின் பதிவெண்கள் அடங்கிய பட்டியல் டிஎன்பிஎஸ்சி இணைய தளத்தில் (www.tnpsc.gov.in) வெளியிடப்பட்டு இருக்கிறது. இவ்வாறு அந்த செய்திக் குறிப்பில் கூறப்பட்டுள்ளது

அரசு ஊழியர்களுக்கு அகவிலைப்படி 4 சதவீதம் உயர்வு - தமிழக அரசு உத்தரவு.

தமிழ்நாடு அரசு ஊழியர்களுக்கு அகவிலைப்படியை உயர்த்தி தமிழக அரசு உத்தரவிட்டுள்ளது.இது தொடர்பாக தமிழக முதல்வர் எடப்பாடி பழனிசாமி இன்று வெளியிட்டுள்ள அறிக்கையில்,
''01.01.2016 முதல் திருத்திய ஊதியம் பெறாத மத்திய அரசு அலுவலர்களுக்கு 01.01.2017 முதல் அகவிலைப்படியினை நான்கு சதவீதம் உயர்த்தி அறிவிக்கப்பட்டதன் அடிப்படையில், தமிழ்நாடு அரசு அலுவலர்கள், ஆசிரியர்கள், ஓய்வூதியதாரர்கள் மற்றும் குடும்ப ஓய்வூதியதாரர்களுக்கு அகவிலைப்படியை 01.01.2017 முதல் நான்கு சதவீதம் உயர்த்தி வழங்கப்படும் என்பதை மகிழ்ச்சியுடன் தெரிவித்துக் கொள்கிறேன்.

இந்த அகவிலைப்படி உயர்வு உள்ளாட்சி நிறுவனங்கள் மற்றும் அரசு மானியம் பெறும் கல்வி நிறுவனங்களில் பணிபுரியும் அலுவலர்கள், ஆசிரியர்கள், வருவாய் துறையில் பணிபுரியும் கிராம உதவியாளர்கள், அங்கன்வாடி மற்றும் சத்துணவு ஊழியர்கள், ஊராட்சி செயலாளர்கள் மற்றும் வழக்கமாக அகவிலைப்படி அளிக்கப்படும் அனைத்து அரசு அலுவலர்கள், ஓய்வுதியதாரர்கள் மற்றும் குடும்ப ஓய்வூதியதாரர்களுக்கும் பொருந்தும்.

இந்த அகவிலைப்படி உயர்வினால் அரசு ஊழியர்களுக்கு ரூ.244/- முதல் ரூ.3080/- வரையில் ஊதிய உயர்வும், ஓய்வூதியதாரர்கள் மற்றும் குடும்ப ஓய்வூதியதாரர்களுக்கு ரூ.122/- முதல் ரூ.1540/- வரை ஓய்வூதிய உயர்வும் கிடைக்கும். இந்த கூடுதல் தவணை அகவிலைப்படி ஜனவரி, 2017 முதல் ஏப்ரல், 2017 வரையிலான காலத்திற்கு நிலுவையாகவும், மே, 2017 மாதம் முதல் சம்பளத்துடனும் வழங்கப்படும். இந்த அகவிலைப்படி உயர்வினால் சுமார் பதினெட்டு லட்சம் அரசு அலுவலர்கள், ஓய்வூதியதாரர்கள் மற்றும் குடும்ப ஓய்வூதியதாரர்கள் பயனடைவர். அகவிலைப்படி உயர்வின் காரணமாக அரசுக்கு ஏற்படும் கூடுதல் செலவு ஆண்டொன்றுக்கு தோராயமாக ரூ.986.77 கோடியாக இருக்கும்'' என்று முதல்வர் பழனிசாமிதெரிவித்துள்ளார்.

தமிழக அரசின் 64 துறைகளைச் சேர்ந்த அரசு ஊழியர்கள் தங்களது 15 அம்ச கோரிக்கைகளை வலியுறுத்தி மிகப் பெரும் போராட்டத்தை நடத்திவரும் நிலையில், அரசு ஊழியர்களுக்கு அகவிலைப்படியை உயர்த்தி தமிழக அரசு உத்தரவிட்டுள்ளது குறிப்பிடத்தக்கது.

SSA -வில் பணியாற்றிடும் அனைத்து வகை பணியாளர்கள் ஆதார் எண் மற்றும் தேவையான விவரங்களை பதிவேற்றம் செய்தல் சார்பு -நாள்:21/4/17

பள்ளிக் கல்வித்துறையில் பணியாற்றும் அமைச்சுப் பணியாளர்களுக்கு பதவி உயர்வு - Court News

பள்ளிக்கல்வித்துறையில் பணியாற்றும் அமைச்சுப் பணியாளர்களுக்கு பதவி உயர்வு வழங்கக் கோரிய வழக்கில்,

8 வாரத்திற்குள் உரிய உத்தரவு பிறப்பிக்க வேண்டும் என தமிழக அரசுக்கு உயர்நீதிமன்ற மதுரை கிளை உத்தரவிட்டுள்ளது. உயர் கல்வித்துறை, சுகாதாரத் துறை, வனத்துறை, உள்ளிட்ட துறைகளில் பனியாற்றும் அமைச்சு பணியாளர்களுக்கு பதவி உயர்வு வழங்கும் வகையில் அரசாணை பிறப்பிக்கப்பட்டது. மற்ற துறைகளில் இது தொடர்பான பணிகள் தொடங்கப்பட்டுள்ள நிலையில், பள்ளிக் கல்வித்துறையில் பணியாற்றும் அமைச்சுப் பணியாளர்களுக்கு பதவி உயர்வு வழங்க உத்தரவிட வேண்டும் என உயர்நீதிமன்ற மதுரை கிளையில் மனுத்தாக்கல் செய்யப்பட்டது. மனுவை விசாரித்த நீதிபதி சுந்தர், 8 வாரத்திற்குள் உரிய உத்தரவு பிறப்பிக்க வேண்டும் என பள்ளிக்கல்வித்துறைச் செயலருக்கு உத்தரவிட்டார்.

பள்ளிக்கல்வி துறை சந்திக்கும் சவால்கள்!

பள்ளிக்கல்வித் துறை இயக்குனராக, இளங்கோவன் இன்று பொறுப்பு ஏற்கிறார். பள்ளிக்கல்வி செயலர், உதயசந்திரனின் ஆக்கப்பூர்வமான வேகத்துக்கு ஈடுகொடுக்கும் வகையில், இளங்கோவன் செயல்பட வேண்டிய நிலை ஏற்பட்டுள்ளது. இத்துறையில், பல சவால்கள் காத்திருக்கின்றன.அதன் விபரம்:
* உயர்நிலை, மேல்நிலைப் பள்ளிகளில், தலைமை ஆசிரியர் உட்பட, ஆசிரியர்களின் செயல்பாடுகளில் முன்னேற்றம் கொண்டு வர வேண்டும்

* பல ஆசிரியர்கள், வகுப்பில் பெயருக்கு பாடம் நடத்திவிட்டு, தாங்கள் நடத்தும் அல்லது பணியாற்றும், 'டியூஷன்' மையத்துக்கு மாணவர்களை வரவழைக்கும் நிலையை மாற்ற வேண்டும்

* தனியார் பள்ளிகளுக்கு நிகராக, அரசு பள்ளி மாணவர்களையும் தேர்ச்சி அடைய செய்ய வேண்டும். அரசு பள்ளி மாணவர்கள், மாநில, மாவட்ட அளவில், 'ரேங்க்' பெற, நடவடிக்கை எடுக்க வேண்டும்

* குறுநில மன்னர்கள் போல் செயல்படும், முதன்மை கல்வி அதிகாரிகளின் நடவடிக்கைகளை கண்காணிக்க, குழு அமைக்க வேண்டும்

* பத்தாம் வகுப்பு, பிளஸ் 2 தேர்வு முறையில் மாற்றம் கொண்டு வர வேண்டும்

* அரசு பள்ளிகளில் மாணவர் சேர்க்கையை அதிகரிப்பதுடன், ஆசிரியர்களுக்கு, செயல்திறன் அறிதல் திட்டம் கொண்டு வர வேண்டும்

* வகுப்புகளுக்கு வராமல், 'ஓபி' அடிக்கும் ஆசிரியர்கள் மீது, நடவடிக்கை எடுக்க வேண்டும்

* புதிய பாடத்திட்டம் தயாரிக்கவும், வெளி மாநிலங்களில் வெற்றிகரமாக செயல்படும் கற்பித்தல் முறைகளை, தமிழகத்தில் அமல்படுத்தவும் நடவடிக்கை எடுக்க வேண்டும்.

மாணவர்கள் நலன் கருதி 6 ஆயிரம் பள்ளிகளுக்கு அங்கீகாரம் பள்ளிக்கல்வி துறை செயலாளர் உத்தரவு.

தமிழகத்தில் நர்சரி, பிரைமரி, மெட்ரிகுலேஷன் பள்ளிகள் அங்கீகாரம் கேட்டு தொடக்கப்பள்ளி இயக்குனர், மெட்ரி குலேஷன் பள்ளிகள் இயக்குனர் ஆகியோருக்கு விண்ணப்பித்து உள்ளன. 
இதில் மெட்ரிகுலேஷன் பள்ளிகளில் இட வசதி போதாத பள்ளிகள் 740 உள்ளன. இந்த பள்ளிகள் தவிர 3 ஆயிரம் மெட்ரிகுலேஷன் பள்ளிகள் அங்கீகாரம் கேட்டு மெட்ரிகுலேஷன் பள்ளிகள் இயக்குனரகத்துக்கும், 3 ஆயிரம்நர்சரி, பிரைமரி பள்ளிகள் தொடக்கப்பள்ளி இயக்குனருக்கும் அங்கீகாரம் கேட்டு விண்ணப்பங்கள் அனுப்பி உள்ளன. அங்கீகாரம் பெறாத பள்ளிகளில் படிக்கும் மாணவர்கள் தேர்வு எழுத அந்த பள்ளிகள் அங்கீகாரம் பெற்றிருக்க வேண்டும் என்பதாலும், அவர்கள் பெறும் கல்வி சான்றிதழ் தகுதி உடையதாக இருக்க வேண்டும் என்பதாலும் தகுதி உடைய பள்ளிகளுக்கு அங்கீகாரம் வழங்க பள்ளிக்கல்வி துறை முடிவு செய்தது.

எனவே தகுதி உடைய நர்சரி, பிரைமரி, மெட்ரிகுலேஷன் பள்ளிகளுக்கு 2018 மே 31-ந்தேதி வரை அங்கீகாரம் வழங்க பள்ளிக்கல்வி துறை செயலாளர் த.உதயச்சந்திரன் உத்தரவிட்டார். அதன்படி மாணவர்கள் நலன் கருதி 3 ஆயிரம் நர்சரி, பிரைமரி பள்ளிகள் மற்றும் 3 ஆயிரம் மெட்ரிகுலேஷன் பள்ளிகள் என மொத்தம் 6 ஆயிரம் பள்ளிகளுக்கு அங்கீகாரம் கொடுக்கப்படஉள்ளன.

போக்குவரத்து நெரிசலுக்கு தீர்வு காணும் வகையில் புறநகர் விமான நிலையமாகிறது வேலூர் விமான நிலையம்

ஆசிரியர்கள் அவசியம் வாசிக்க வேண்டிய நூல்கள்

1. குழந்தைகள் எவ்வாறு கற்கிறார்கள் - ஜான் ஹோல்ட்

2. டோட்டோ சான் - ஜன்னலில் ஒரு சிறுமி

3. பகல் கனவு - ஜிஜுபாய் பதேக்கா

4. வன்முறையில்லா வகுப்பறை - ஆயிஷா நடராசன்

5. இது யாருடைய வகுப்பறை ? ஆயிஷா நடராசன்

6. கல்வி ஓர் அரசியல் - வசந்தி தேவி

7. என்னை ஏன் டீச்சர் பெயில் ஆக்கினீங்க - ஷாஜகான் - வாசல் பதிப்பகம்

8. முதல் ஆசிரியர் - சிங்கிஸ் அய்மாத்தவ்

9. குழந்தைகளைக் கொண்டாடுவோம் - ஷ.அமனஷ்வீலி

10. பாகுபடுத்தும் கல்வி - வசந்தி தேவி

11. ஒரு ஆரம்பப்பள்ளி ஆசிரியனின் குறிப்புகள் - பி.ச.குப்புசாமி - விஜயா பதிப்பகம்

12. டேஞ்சர்: ஸ்கூல் ! சமகால கல்விகுறித்த உரையாடல்

13. கரும்பலகையில் எழுதாதவை - பழ.புகழேந்தி

14. ஆயிஷா - ஆயிஷா நடராசன்

15. தமிழக பள்ளிக் கல்வி - SS.ராஜகோபாலன்

16. வகுப்பறைக்கு வெளியே - இரா.தட்சணாமூர்த்தி

17. எனக்குரிய இடம் எங்கே? - சா.மாடசாமி

18. என் சிவப்புப் பால் பாயிண்ட் பேனா - சா.மாடசாமி

19. தமிழக பள்ளிக் கல்வி - பிரச்சனைகளும் தீர்வுகளும்

20. பள்ளிகளில் பாகுபாடு - தமிழில் கோச்சடை

21. குழந்தை மனமும் அதன் மலர்ச்சியும் - பெ.தூரன்

22. ஆசிரிய முகமூடி அகற்றி

23. கற்க கசடற - பாரதி தம்பி

24. கசக்கும் கல்வியும் கற்கண்டாகும் - ஜோசப் ஜெயராஜ்

25. தமிழகத்தில் கல்வி - காலச்சுவடு பதிப்பகம்

26. வகுப்பறையின் கடைசி நாற்காலி. ம.நவின் - புலம் பதிப்பகம்’

27. ஆக்கவிய ஆசிரியம் - Rajendran Thamarapura

28. கிழக்கு வெளியீடு - குழந்தைகள் விரும்பும் பள்ளிக்கூடம்

29. அவர்கள் சின்னஞ்சிறு மனிதர்கள் - பூம்புகார் பதிப்பகம்

30. இந்தியக் கல்வி வரலாறு - எஸ். சுப்பிரமணியன்

31. உலகக் கல்வியாளர்கள் - இரா.நடராசன்

32. மூன்றாம் உலகின் குரல் - மக்கள் கண்காணிப்பகம்

33. குழந்தை மொழியும் ஆசிரியரும் - கிருஷ்ண குமார்

34. மாற்றுக் கல்வி : பாவ்லோ ஃப்ரெய்ரே சொல்வதென்ன? - அ.மார்க்ஸ்

35. எதார்த்தத்தை வாசித்தலும் எழுதுதலும் - தமிழில் கமலாலையன்

36. சக்தி பிறக்கும் கல்வி - வே. வசந்திதேவி

37. மீண்டெழும் அரசுப் பள்ளிகள் - பேரா. நா.மணி

38. போயிட்டு வாங்க சார் - ச.மாடசாமி

39. ஐந்தாறு வகுப்பறைகளும் பத்துப் பதினைந்து காக்கைகளும் - ஈஸ்வர சந்தான மூர்த்தி

40. கனவு ஆசிரியர் - க.துளசிதாசன்

41. கரும்பலகைக்குப் பின்னால் 1-6 - சவுத் விஷன்

42. எங்கள் ஐயா

43.சிறகிசைத்த காலம்

44. விளையாட்டு ஒன்றும் விளையாட்டல்ல - நந்தகுமார்

45. அன்புள்ள ஆசிரியருக்கு°°° இரா.நடராசன்

46. வணக்கம் டீச்சர் - விஜயா பதிப்பகம்

47. இருளும் ஒளியும்

பள்ளி இறுதிநாளில் அரசுப் பள்ளியின் நெகிழ்ச்சி தருணங்கள்!

ஒவ்வொருவரின் வாழ்விலும் மறக்க முடியாத பள்ளி நாள் என்னவென்று கேட்டால், அநேகர் சொல்லும் பதில்... ஒவ்வோர் ஆண்டின்  பள்ளியின் கடைசி நாள் தான் என்று சொல்வார்கள். தேர்வுகள் முடிந்து மாதக்கணக்கில் விடுமுறை தொடங்கப்போகிறதே என்கிற மகிழ்ச்சியும் நண்பர்களைப் பிரியப் போகிறோமே என்கிற கவலையும் ஒருசேர இணைந்திருக்கும் நாள். ஆனாலும் அன்றைய தினத்தை மகிழ்ச்சியோடுதான் கொண்டாடியிருப்பீர்கள். அந்தப் பழக்கம் இன்றும் தொடர்ந்தே வருகிறது. அதுவும் அரசுப் பள்ளிகளில் இப்போது ஆசிரியர்களும் மாணவர்களோடு இணைந்து பள்ளியின் கடைசி வேலைநாளை கொண்டாடி வருகிறார்கள். இது மாணவர் - ஆசிரியர் இருவர்களுக்கிடையே நல்ல புரிதலைக் கொடுக்கும் என்று ஆசிரியர்கள் கூறுகின்றனர். அதுபோன்ற பள்ளிகளில் நடந்த சில நெகிழ்ச்சித் தருணங்களின் தொகுப்பு:
 


* ஊ.ஒ.ந.நி.பள்ளி, பாப்பாபட்டி, கறம்பக்குடி, புதுக்கோட்டை மாவட்டம்.

ஆட்டம் பாட்டம் கொண்டாட்டம்

மாணவர்களுக்கு மகிழ்ச்சி என்றாலே ஆட்டம், பாட்டம், கொண்டாட்டம்தான். ஆனால் பள்ளி நாட்களில் அது வாய்ப்பில்லையே. அதனால் பள்ளியின் இறுதி நாளில் அதற்கு தடைச் சொல்லாமல் சந்தோஷமாக ஆடிப் பாடி அந்த நாளை கொண்டாடியிருக்கிறார்கள்.

* ஊராட்சி ஒன்றிய நடுநிலைப்பள்ளி, கோனேரிகுப்பம், விழுப்புரம் மாவட்டம்.

ஜிகினா திருவிழா

ஆசிரியர் பள்ளிக்குள் நுழைந்ததுமே முக்கியமான விஷயம் சார் என்று வகுப்புக்குள் அழைத்துச் சென்றிருக்கிறார்கள். அவரும் ஏதோ பிரச்னையோ என்று நினைத்து வந்திருக்கிறார். ஆனால், வகுப்புக்குள் நுழைந்ததுமே அங்கு தயாராக இருந்த திவாகர் எனும் மாணவர் வாசலில் கட்டியிருந்த பலூனை வெடிக்கச் செய்தான். அதனுள் இருந்த ஜிகினா ஆசிரியரின் தலை, சட்டையெல்லாம் ஒட்டிக்கொண்டது. இன்னொரு பலூனை வெடிக்கச் செய்து மற்ற மாணவர்களின் மேல் பூச, எல்லோரும் ஜிகினாவின் பளபளப்பில் மகிழ்ச்சியோடு மின்னினார்கள்.

*சேர்மன் மாணிக்க வாசகம் நடுநிலைப்பள்ளி, தேவகோட்டை.

ஒளியேற்றும் விழா!

இந்தப் பள்ளியில் வித்தியாசமான பழக்கம் ஒன்றை பள்ளியின் கடைசி நாளன்று கடைபிடிக்கிறார்கள். நடுநிலைப்பள்ளி என்பதால் 8-ம் வகுப்பு மாணவர்கள் அந்தப் பள்ளியை விட்டு விடைபெறுவார்கள் அல்லவா... அதனால், அடுத்த வரும் 8-ம் வகுப்புக்குள் நுழையும் மாணவர்களிடம் ஏற்றப்பட்ட மெழுகு வர்த்தியைக் கொடுப்பார்கள். இதனை ஒளியேற்றுதல் எனும் தலைப்பில் ஒவ்வோர் ஆண்டும் நடத்தி வருகிறார்கள்.


 * ஊராட்சி ஒன்றிய தொடக்கப் பள்ளி, துளுவபுஷ்பகிரி, திருவண்ணாமலை.

கேக் எடு கொண்டாடு!

பிறந்த நாளைப் போல சூப்பரான கேக் வாங்கி வந்து, அனைத்து மாணவர்களும் பாட்டுப்பாடிகேக் வெட்டியிருக்கிறார்கள். எல்லோருக்கும் கேக் கிடைத்ததும் மாணவர்களின் உற்சாகக் குரல் பள்ளியை அதிர வைத்தது.

* ஊராட்சி ஒன்றிய நடுநிலைப் பள்ளி, பேரணம்பட்டு பகுதி.

எழுத்தாளருடன் செல்ஃபி

தமிழின் மிக முக்கியமான எழுத்தாளர் அழகிய பெரியவன். அவர் ஆசிரியராக பணியாற்றி வருபவர். இந்த ஆண்டின் பள்ளி இறுதி நாளில் மாணவர்கள் விடைபெறுகையில் நீண்ட நேரம் ஆலோசனைகள் வழங்கினார். மாணவர்களின் அன்பையும் ஆர்வத்தையும் கண்டு நெகிழ்ந்து அந்தக் கணத்தைப் பத்திரப் படுத்திக்கொள்ள எல்லோரும் இணைந்து செல்ஃபி எடுத்துக்கொண்டனர்.

* ஊராட்சி ஒன்றிய நடுநிலைப் பள்ளி, குடியாத்தம், வேலூர் மாவட்டம்.

சின்னச் சின்னப் பரிசுகள்!

8-ம் வகுப்பு மாணவர்கள் இந்த ஆண்டு படிப்பை முடித்து வேறு பள்ளிக்குச் செல்லவிருக்கிறார்கள். அவர்கள் செய்த ஒரு விஷயம் ஆசிரியர்கள் உள்பட பலரையும் ஆச்சர்யப்படுத்தியது. 8-ம் வகுப்பு மாணவர்கள் ஒன்றிணைந்து பணம் சேகரித்து, அந்தப் பள்ளியில்  ஒன்று முதல் ஏழாம் வகுப்பு வரை படிக்கும் அனைத்து மாணவர்களுக்கு நினைவுப் பரிசுகளை வாங்கித் தந்திருக்கின்றனர். ஆசிரியர் கோபிநாத் வேஷம் போட்டு, நாடகம் நடித்து மாணவர்களை உற்சாகப்படுத்துபவர். அதனால் மாணவர்கள் வண்ணப் பொடி, ஜிகினா தூவி பள்ளியின் இறுதிநாளை கொண்டாடியிருக்கிறார்கள்.

ஊராட்சி ஒன்றிய நடுநிலைப் பள்ளி, நல்லம்பாக்கம், வண்டலூர்.

எதிர்பாராத பரிசு!

பள்ளியின் இறுதி வேலை நாளன்று வகுப்புக்குள் நுழைந்த கிருஷ்ணவேணியின் ஆசிரியரை நெகிழச் செய்யும் காட்சி ஒன்று இருந்தது. கரும்பலகையில் இரண்டு மாணவிகள் " I Love My Teache" என ஆசிரியர் வருவதைக்கூட உணராமல் எழுதிகொண்டிருந்தனர். அவர்கள் மட்டுமல்ல மேடம், நாங்களும்தான் என வகுப்பின் பிற மாணவர்களும் சொல்லியிருக்கின்றனர். உணர்ச்சியின் தருணத்தை நினைவில் நிறுத்தும் விதத்தில் எல்லோரும் இணைந்து புகைப்படம் எடுத்துக்கொண்டனர்.

விடுமுறைக்கான தோழன்..! அரசுப் பள்ளியின் ‘செம’ ஐடியா

’’பள்ளிக்கூடம் லீவு விட்டாச்சு. இனி ஜாலிதான்’’னு எல்லா மாணவர்களும் ஜாலி மூடில் இருக்க..

விருதுநகர் மாவட்டம் சத்திரரெட்டியாபட்டி, அரசுமேல்நிலைப்பள்ளி மாணவர்களில் 100 பேருக்கு மரக்கன்றுகளை கொடுத்து விடுமுறையில் தண்ணீர் ஊற்றி பராமரித்து பள்ளிக்கு வரும்போது பத்திரமாகக் கொண்டுவந்து நடச் சொல்லி விடுமுறையில் மரக்கன்று வளர்க்கும் பணியைக் கொடுத்திருக்கிறார் இப் பள்ளியின் தலைமையாசிரியர் மோகன்.

பள்ளித்தலைமையாசிரியர் மோகனிடம் பேசினோம்,‘’ அமெரிக்காவில் வசிக்கிற தமிழர்களில் சுற்றுபுறச்சூழலில் அக்கறை கொண்டவர்கள் இணைந்து ’யுனேட்டட் தமிழ் பவுண்டேசன்’னு ஒரு அமைப்பை ஏற்படுத்தியிருக்காங்க. அதோட நோக்கமே மண், மரம், மழை ஆகியவற்றைக் பாதுகாக்கணும்னு என்பதுதான். அதாவது பாஸ்ட்புட் தவிர்த்து மண்ணில் விளையும் இயற்கை விவசாய உணவுப்பொருளை உண்ண ஊக்குவிப்பது, மரக்கன்றுகளை அதிகளவில் நடுவது, மழைநீரைச் சேமித்து வைப்பது இதுதான். இந்த அமைப்பு தமிழ்நாடு முழுவதும் உள்ள பள்ளிகளில் மரக்கன்றுகளை நட்டு அதை மாணவர்களையே பராமரிக்கச் செய்யவேண்டும்னு பள்ளிகளில் மரம் வளர்க்கும் திட்டத்தை தொடங்கியிருக்காங்க. அதன்படி, விருதுநகர் மாவட்டத்தில் முதலில் எங்க பள்ளியிலதான் அமல்படுத்தணும்னு சொன்னாங்க. இந்த பவுண்டேசனின் உதவியோடு வனத்துறையிடமிருந்து 70 வேம்பு மற்றும் 30 புங்கன் என மொத்தம் 100 மரக்கன்றுகளை வாங்கி நடலாம்னு முடிவுசெய்தோம். ஆனால், ஏப்ரல் 21-ம் தேதியோட எல்லா மாணவர்களுக்கும் தேர்வு முடிஞ்சு லீவு விட்டுடுவோம்.. மரக்கன்றுகளை நடமுடியாது, அப்படியே நட்டாலும் நட்டவுடனே விடுற உயிர்நீரோட மாணவர்கள் வீட்டுக்குப் போயிடுவாங்க. ஒன்றரை மாசம் லீவு முடிஞ்சு ஜூன் மாதம் பள்ளிக்கூடம் தொறந்ததும் வந்துப்பார்த்தா நூற்றுக்கு நூற்று மரக்கன்றுகளும் ஒன்னுபோல பட்டுப்போயிருக்கும். அதனால பள்ளி ஆசிரியர்களிடம் பேசி ஒரு முடிவெடுத்தோம்.

எங்க பள்ளியில படிக்குற 6-ம் வகுப்பு, 8-ம் வகுப்பு மாணவ, மாணவிகள் 150 பேரில், விடுமுறைல அவரவர் சொந்த ஊருக்குப் போகும் மாணவர்கள் எண்ணிக்கையை கழிச்சுட்டு 100 மாணவ, மாணவிகளுக்கு ஆளுக்கு ஒரு மரக்கன்றை கொடுத்து, இந்த ஒன்றரை மாத லீவு நாட்கள்ல வீட்டுல வச்சு முறையாத் தண்ணீர் ஊற்றி பராமரிக்கணும். ஜூன் மாதாம் பள்ளிக்கூடத்துக்கு வந்ததும் அவரவர் மரக்கன்றுகளை பெஞ்சுகளில் அவரவர் பெயர் எழுதி ஒட்டியிருக்கும் இடத்துல அவரவர் மரக்கன்றுகளை வச்சிடணும். எத்தனை பேரோட மரக்கன்று உயரமாவும், செழுமையாவும் வளரந்திருக்கோ அத்தனை பேருக்கும் ஒரு பரிசுன்னு சொல்லியிருக்கோம். இந்த 100 மரக்கன்றுகள் வளர்க்குற பொறுப்பை எடுத்திருக்குற மாணவர்களின் வகுப்பாசிரியர், மூன்று நாளுக்கு ஒரு முறை மாணவரோட பெற்றோரின் போன் நம்பருக்கு போன் செய்து மாணவரிடம் பேசி, ’’தண்ணீர் ஊத்துனியா, கன்று எப்படி வளர்ந்துருக்குன்னு’’ கேட்பார்கள்.

7-ம்வகுப்பு மற்றும் 9-ம் வகுப்பு மாணவர்களிடம் இந்த லீவு நாட்கள்ல வீட்டுக்கு பக்கத்துல கிடைக்குற புங்கன், வேப்பமுத்து, வாதாங்கொட்டை, நாவல், கொடுக்காப்புளின்னு என்னென்ன விதைகள் கிடைக்குதோ அதை பாக்கெட் கவர்களில் மண்ணை நிரப்பி போட்டு முளைக்க வச்சு கொண்டுவரச் சொல்லியிருக்கோம். விதைபோட்டு வளர்த்துக் கொண்டுவரமுடியாதவர்கள் விதையைத் தேடி அலையாமல், கன்றுகளை வேரோட எடுத்து வளர்த்தும் கொண்டுவரலாம். இவர்களுக்கும் பரிசுன்னு சொல்லியிருக்கோம். லீவு நாட்கள்ல விளையாடினாலும் ஒரு மரக்கன்றை கொடுத்து முறையா தண்ணீர் ஊற்றி வளர்த்துடணும்னு சொல்லுறதுனால மாணவருக்கு ஒரு பொறுப்பு வந்துடும். ஜூன் மாசம் பள்ளிக்கூடம் ஆரம்பிச்சதும் அந்தந்த மரக்கன்றுகளை அந்தந்த மாணவர் கையாலயே குழி எடுத்து, நட்டு, பாத்தி கட்டி தினமும் தண்ணீர் ஊத்தி வளர்க்க சொல்லப்போறோம். அந்தந்த மரக்கன்றுக்கு அந்தந்த மாணவர் பெயரையே வைக்கப் போறோம்’.

இந்த பவுண்டேசன் மாணவர் மூலம் மரம்வளர்ப்பு திட்டத்தை மாவட்டத்துல முதல்ல எங்க பள்ளியில துவங்குறதுக்கு பள்ளியிலேயே மாடித்தோட்டம் போட்டு பராமரிச்சதும் ஒரு காரணம். ஆறு மாசத்துக்கு முன்னால விருதுநகர் ஜே.சி.ஐ அமைப்போட இணைந்து ‘என்பள்ளி என்தோட்டம்’’ங்குற திட்டத்தின் படி, கீரைகளை எப்படி வளர்க்குதுன்னு 11-ம் வகுப்பு மாணவர்கள் 80 பேருக்கு பள்ளியிலேயே பயிற்சி கொடுத்து, செடிகள் வளர்க்கும் 80 பைகளில் தென்னை நார்க்கழிவு, மண்புழு உரம், மட்கிய சாணவுரம் ஆகியவற்றைக் கலந்து மாணவர்கள் கையாலயே நிரப்பச் சொல்லி அதில் பொன்னாங்கன்னி, கரிசலாங்கண்ணி, பசலை, முளைக்கீரை ஆகிய நாலு வகையான கீரை விதைகளை விதை போட்டு தினமும் காலையில வகுப்புக்குள்ள போறதுக்கு முன்னாலயும், மாலையில வகுப்பைவிட்டு வீட்டுக்கு போகும் போதும் என ரெண்டு தடவை தண்ணீர் ஊற்றி வளர்த்தாங்க. ஸ்டூடன்ஸ் கையாலயே மண் நிரப்பி, விதை போடச்சொல்லி , தண்ணீர் ஊத்தச் சொல்லி அந்தந்த செடிகளுக்கு அந்தந்த மாணவர்கள்தான் பொறுப்புன்னு சொன்னதுனால, தான் விதைச்ச கீரைவிதையை நல்லா வளர்க்கணும்னு எல்லா மாணவர்களுமே நல்லா வளர்த்தாங்க. இதுல சில மாணவர்கள் வீட்டுல இருந்து மட்கிய சாணத்தைக் கொண்டு வந்து போட்டும் வளர்த்தாங்க. ’’தாம் விதைத்த விதை கீரைகளாக வளர்ந்து வருகிறது’’ என்ற சந்தோசமும், இயற்கை விவசாயத்தின் மீது ஆர்வமும் நம்பிக்கையும் வந்துச்சு, இதுல, சரியாக விதை வளராவிட்டா மாணவர்களுக்கு வருத்தம் வந்துடக்கூடாதுன்னு மீண்டும் விதை விதைக்க கூடுதலாக விதைகள் வச்சிருந்தோம். ஆனா, எல்லா விதைகளும் முளைச்சு மாணவர்களுக்கு நல்ல மகசூலை கொடுத்துச்சு.

கீரை விதைதூவிய, 35 முதல் 40 நாட்களில் முழுமையாக வளர்ந்து அறுவடை நிலைக்கு வந்ததும், அவரவர் பைகளில் வளர்த்த கீரைகளை அவரவர் கையாலயே அறுவடை செய்யச் சொன்னோம். அறுவடை செய்த கீரைகளை என்னாப்பா செய்யலாம்னு மாணவர்களிடமே கேட்டதும், ‘’சத்துணவு சாம்பார் குழம்புல போட்டு எல்லாருமே கீரைக்குழம்பா சாப்பிடலாம் சார்’’னு மாணவர்களே சொன்னதுதான் ஆசிரியர்கள் எல்லாருக்கும் சந்தோசத்தை ஏற்படுத்துச்சு.

மாணவர்களோட ஆசைப்படியே ஒரு நாளுக்கு 5 பேர் வீதம் அறுவடை செய்யச் சொல்லி ஒருநாள் விட்டு ஒருநாள் என்ற கணக்கில் 16 நாளுக்கு அறுவடை செய்து சத்துணவு சாம்பார் குழம்பில் சேர்த்து மாணவர்களுக்கு பரிமாறினோம். இந்த 16 நாளும் பள்ளிக்கூடத்துல கீரைசாம்பார்தான். காய்கறி விதைகளைக் கொடுத்தால் பறிப்புக்கு வர குறைந்தது 65 நாட்கள் ஆகும். மேலும், மாணவர்களுக்கு இயற்கை விவசாயத்தைப் பற்றி எளிதா புரிஞ்சுக்கணும்னுதான் 35 - 40 நாட்கள்ல பறிப்புக்கு வர்ற கீரைகளை விதைக்க சொன்னோம். இதுலயே இயற்கை விவசாயத்து மேல மாணவர்களுக்கு முழு நம்பிக்கை வந்துடுச்சு. இதே கீரைத்தோட்டத்தை திரும்பவும் ஜூன் மாதம் ஆரம்பிக்கப் போகிறோம். இந்த விசயம் எல்லாப் பள்ளிகளுக்கும் தெரிஞ்சு பின்பற்ற ஆரம்பிச்சாங்க.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!