Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 13 May 2017

12ம் வகுப்பு மதிப்பெண் சான்றிதழ்களில் கிரேடு முறை இடம் பெறாது: அரசு தேர்வுகள் இயக்கம் !!

12ம் வகுப்பு தேர்வு முடிவுகள் வெளியிட்டதில் A முதல் I வரை குறிப்பிட்டது கிரேடு முறையல்ல என அரசு தேர்வுகள் இயக்கம் குறிப்பிட்டுள்ளது. வரிசை எண்களை 1,2,3 என குறிப்பிட்டால் குழப்பம் ஏற்படும் என்பதால் ஆங்கில அகரவரிசை 
பயன்படுத்தப்பட்டுள்ளது. மேலும் கடந்த ஆண்டுகளை போலவே மதிப்பெண்கள் பதிந்த சான்றிதழ் வழங்கப்படும் என்றும் அரசு தேர்வுகள் இயக்கம் விளக்கம் அளித்துள்ளது. மேலும் எந்தவித கிரேடும் மதிப்பெண் சான்றிதழ்களில் இடம் பெறாது என அரசு தேர்வுகள் இயக்கம் தெரிவித்துள்ளது.

மத்திய அரசு ஒதுக்கீட்டை பயன்படுத்தும் வாய்ப்பை பலர் இழந்து வருகின்றனர் - வேளாண் படிப்பில் !!

இந்த தகவல், தமிழக மாணவர்களுக்கு தெரியாததால், மத்திய அரசு ஒதுக்கீட்டை பயன்படுத்தும் வாய்ப்பை பலர் இழந்து வருகின்றனர்.கடந்த சில ஆண்டுகளாக மருத்துவ படிப்பில் இடம் கிடைக்காத மாணவர்கள், வேளாண் படிப்புகளை தேர்வு செய்வது அதிகரித்துள்ளது.

கடந்த ஆண்டு, வேளாண்கல்வியில் சேருவதற்கு, 40 ஆயிரம் விண்ணப்பங்கள் வந்தன; இது
மருத்துவ படிப்புக்கு வந்த விண்ணப்பங்களை விட, 26 சதவீதம் அதிகம். இதனால், ஆண்டுதோறும், வேளாண் படிப்புகளின் ’கட் ஆப்’ மதிபெண், மருத்துவ ’கட் ஆப்’ மதிப்பெண்ணுக்கு இணையாக உயர்ந்துள்ளது.

இந்த ஆண்டு, ’நீட்’ தேர்வு கடுமையாக இருந்ததால், மருத்துவ படிப்பில் சேரும் தமிழக மாணவர்களின் எண்ணிக்கை குறைய வாய்ப்புள்ளது. இதன் தொடர்ச்சியாக, வேளாண் படிப்புகளுக்கு விண்ணப்பிக்கும் மாணவர்களின் எண்ணிக்கை மேலும், அதிகரிக்கும் என, எதிர்பார்க்கப்படுகிறது.

தமிழ்நாடு வேளாண் பல்கலையின் கீழ், 14 உறுப்பு கல்லுாரிகள் மற்றும் 21 இணைப்புக்கல்லுாரிகள் உள்ளன. இவற்றில், 13 பட்டப்படிப்புகள் உள்ளன. மொத்தம் உள்ள, 2,820 இடங்களில், 65 சதவீதத்தை தமிழ்நாடு வேளாண் பல்கலை மூலமாகவும், மீதமுள்ள, 35 சதவீத இடங்கள், அந்தந்த கல்லுாரிகள் மூலமாகவும் நிரப்பப்படுகின்றன.

இந்த இடங்களைத் தவிர்த்து, இந்திய வேளாண் ஆராய்ச்சிக்கழகம் (ஐ.சி.ஏ.ஆர்.,) நடத்தும் நுழைவு தேர்வு மூலம் 15 சதவீத இடங்கள், கூடுதலாக நிரப்பப்படுகின்றன. ஆனால், தமிழக மாணவர்களுக்கு, இங்கு 2,828 இடங்கள் மட்டுமே இருப்பதாக கணக்குக் காண்பிக்கப்படுகிறது. ஐ.சி.ஏ.ஆர்., நடத்தும் நுழைவுத் தேர்வு குறித்து, பெரிதாக விளம்பரங்கள், தகவல்கள் எதுவும் வெளியிடப்படுவதில்லை.

இதனால், வேளாண் படிப்புகளுக்கு மத்திய அரசு ஒதுக்கீடு இருக்கிறது என்பதும், அதற்கு ஐ.சி.ஏ.ஆர்., நுழைவுத் தேர்வு நடத்துகிறது என்பதும் பெரும்பாலான பெற்றோர் மற்றும் மாணவர்களுக்கு தெரியவில்லை. ஐ.சி.ஏ.ஆர்., இணையதளத்தில் மட்டுமே, இதுகுறித்து தகவல்கள் உள்ளன.

இந்த நுழைவுத்தேர்வு குறித்து, சத்தமின்றி அறிவிக்கப்பட்டு, மே 6ம் தேதியே முடிக்கப்பட்டு விட்டது. வேளாண் பல்கலை, இது குறித்த விழிப்புணர்வை ஏற்படுத்தாததால், ஐ.சி.ஏ.ஆர்., மூலம் கிடைக்கும் வேளாண் படிப்பு இடங்களை தமிழக மாணவர்கள் பலர் இழந்துள்ளனர்.

வேளாண் பல்கலை துணைவேந்தர், ராமசாமியிடம் கேட்ட போது, ”மத்திய அரசு சார்பில் வழங்கப்படும், 15 சதவீத இடங்கள் ஐ.சி.ஏ.ஆர்., நுழைவுத்தேர்வு வாயிலாக நிரப்பப்படுகின்றன. இந்த இடங்கள் வேளாண் பல்கலை அறிவித்துள்ள, 2,820 மொத்த இடங்களில் சேராது.

அது தனியாக வழங்கப்படுகிறது. இது குறித்த தகவல்கள் வேளாண் பல்கலை தகவல் கையேட்டிலும், ஐ.சி.ஏ.ஆர்., இணையதளத்திலும் உள்ளன,” என்றார்.

வேளாண் பல்கலை தரும் தகவல் கையேடு, விண்ணப்பம் வாங்கும்போது தான் தரப்படுகிறது; அதற்கு முன்பாகவே, இந்த நுழைவுத் தேர்வு நடந்து முடிந்து விட்டது. அடுத்த ஆண்டிலாவது, இந்த தவறு திருத்தப்பட வேண்டியது அவசியம்.

பின்தங்கும் ஆங்கில வழி மாணவர்கள்!!

அரசு ஆங்கில வழி பள்ளிகளில் படிப்போர், வரும் 2018-19 கல்வியாண்டில், பத்தாம் வகுப்பு பொதுத்தேர்வு எழுத உள்ளனர். இவர்களுக்கு பாடம் நடத்த, பிரத்யேக ஆசிரியர்கள் நியமித்தால் மட்டுமே, மொழித்திறன் மேம்படும் வாய்ப்பு உள்ளது. தனியார் பள்ளிகளுக்கு இணையாக, அரசுப்பள்ளிகளில் 
ஆங்கில வழி வகுப்புகள், 2012 -13 கல்வியாண்டில் துவங்கப்பட்டது.

தமிழகத்தில், 3,400 ஆங்கில வழி அரசு, அரசு உதவிபெறும் பள்ளிகளில், 3.32 லட்சம் மாணவர்கள் படிக்கின்றன. இதில், 2014 -15 கல்வியாண்டில், ஆறாம் வகுப்பில் ஆங்கில வழி துவங்கிய போது சேர்ந்த மாணவர்கள், வரும் 2017-18 கல்வியாண்டில், ஒன்பதாம் வகுப்புக்கு செல்கின்றனர்.

அடுத்த கல்வியாண்டில், பொதுத்தேர்வு எழுதவுள்ளனர். எட்டாம் வகுப்பு வரை, ’ஆல்பாஸ்’ முறை பின்பற்றப்படுவதால், ஆங்கில வழி மாணவர்களுக்கு பாதிப்பில்லை. இவர்களுக்கு, தமிழ்வழியில் பாடம் நடத்தும் ஆசிரியர்களே வகுப்பு கையாள்கின்றனர்.

பல அரசுப்பள்ளிகளில், தமிழ்வழியில் படிப்போர் எண்ணிக்கை குறைவாக இருப்பதால், இரு வழிகளில் படிப்போரையும் சேர்த்து, பாடம் நடத்தப்படுகிறது. இதனால், ஆங்கில மீடியம் படிப்போரின், மொழித்திறன் மேம்பட வாய்ப்பில்லை. பொதுத்தேர்வில், அரசு ஆங்கில வழி மாணவர்கள், பின்தங்கும் அபாயம் உள்ளதாக, புகார் எழுந்துள்ளது.

தமிழ்நாடு உயர்நிலை, மேல்நிலைப்பள்ளி தலைமையாசிரியர் சங்க மாநில ஆலோசகர் பாலகிருஷ்ணன் கூறுகையில்,”அரசுப்பள்ளிகளில், ஆங்கில வழி வகுப்புகள் துவங்கப்பட்டதால், மாணவர் சேர்க்கை அதிகரித்துள்ளது.

இவர்களுக்கு, தமிழ்வழியில் பாடம் நடத்தும் ஆசிரியரே, வகுப்பு கையாள அனுமதித்தால், அதிக பணிச்சுமை ஏற்படும். பாடத்திட்ட அழுத்தத்ததை கருத்தில் கொண்டு, அரசு ஆங்கில வழிப்பள்ளிகளுக்கு, புதிதாக ஆசிரியர்கள் நியமனம் செய்தால், வேலையில்லாமல் திண்டாடும் பட்டதாரிகளும் பலனடைவர். பொதுத்தேர்விலும், அரசு ஆங்கில வழி மாணவர்கள், அதிக மதிப்பெண் பெற முடியும்,” என்றார்.

அரசுப்பள்ளி மாணவர்களின் சீருடையும், ’பளீச்’ நிறத்தில் வேண்டுமென கோரிக்கை !!

தனியார் பள்ளிகளை போல, அரசுப்பள்ளி மாணவர்களின் சீருடையும், ’பளீச்’ நிறத்தில், காட்சிக்கு அழகாக இருக்கும்படி, மாற்றம் செய்ய வேண்டுமென்ற கோரிக்கை வலுத்துள்ளது.
கோவை மாவட்டத்தில், 861 அரசு, அரசு உதவிபெறும், மாநகராட்சி, நகராட்சி, பஞ்சாயத்துக்குட்பட்ட 
தொடக்கப்பள்ளிகள் உள்ளன. இங்கு, ஐந்தாம் வகுப்பு வரை படிக்கும், மாணவியருக்கு மெரூன் நிறத்தில், பாவடை, சட்டையும், மாணவர்களுக்கு, கால்சட்டை, மேல்சட்டையும், சீருடையாக உள்ளது.

இதுதவிர, 261 நடுநிலைப்பள்ளிகள், 197 உயர்நிலை, மேல்நிலை பள்ளிகள் உள்ளன. இங்கு படிக்கும் மாணவிகளுக்கு, சுடிதாரும், மாணவர்களுக்கு, பேண்ட், சட்டையும் சீருடையாக அளிக்கப்படுகிறது.

ஆண்டுக்கு நான்கு ’செட்’ சீருடை வழங்கப்படுகிறது. இதை அணியும் ஒரு மாதத்திற்குள், ’வெளிரிய’ நிறத்தில், பழைய சீருடை போல காட்சியளிக்கிறது.

தனியார் பள்ளிகளில், காட்சிக்கு அழகாக இருக்கும் படியாக, கோடு, கட்டம் போட்ட சீருடை அளிக்கப்படுவதால், மாணவர்கள் தனித்தன்மையுடன் தெரிகின்றனர். இதைபோல, அரசுப்பள்ளி சீருடையிலும் மாற்றம் செய்ய வேண்டுமென்ற, கோரிக்கை வலுத்துள்ளது.

ஒருங்கிணைந்த பெற்றோர் மாணவர் நலசங்க மாநில பொதுசெயலாளர் சரவணவேல் கூறுகையில், ”அரசுப்பள்ளி மாணவர்களுக்கு விநியோகிக்கப்படும் சீருடை தரமற்றதாக உள்ளது. மற்றவர்களுடன் பழக, அரசுப்பள்ளி மாணவர்கள் தயங்குகின்றன.

எனவே, அடுத்த கல்வியாண்டு முதல், தரமான துணியில், தனியார் பள்ளி மாணவர்கள் அணிவது போல, புதுமையான டிசைன்களில், சீருடை அளித்தால், மாணவர்கள் பயனடைவர்,” என்றார்.

பள்ளிக்கல்வி - ஜீவன் ரக்சா பதானின் தொடர் விருதுகள் 2017க்கான தகுதியான நபர்கள் தேர்ந்தெடுத்து அனுப்ப கோரி இயக்குநர் உத்தரவு



பள்ளிக்கல்வி - அரசு அலுவலகங்கள் மற்றும் பள்ளிகள் சார்ந்த இடங்களில் புகையிலை பொருட்கள் பயன்பாட்டினை தடை செய்ய அரசு உத்தரவு.

புத்தகப் பைகள் இல்லாத தினம்: உ.பி. அரசு திட்டம்.

அரசு பள்ளிகளில் சனிக்கிழமை ஒரு தினத்தை மட்டும் புத்தகப் பைகள் இல்லாத தினமாக கடைப்பிடிக்க உத்தரப் பிரதேச அரசு திட்டமிட்டு வருகிறது.

இதுதொடர்பாக அந்த மாநில அரசு வெள்ளிக்கிழமை வெளியிட்ட அறிவிப்பில் கூறப்பட்டுள்ளதாவது:
தலைநகர் லக்னௌவில் துணை முதல்வர் தினேஷ் சர்மா தலைமையில் வெள்ளிக்கிழமை ஆலோசனைக் கூட்டம் நடைபெற்றது. அப்போது, அரசு பள்ளிகளில் சனிக்கிழமை ஒரு நாளை மட்டும் புத்தகப் பைகள் இல்லாத தினமாக அறிவிக்கலாம் என்று ஆலோசனை தெரிவிக்கப்பட்டது.

இதன்படி, சனிக்கிழமை ஒரு நாள் மட்டும் பள்ளிகளுக்கு மாணவ, மாணவிகள் புத்தகப் பைகளை எடுத்து வரத் தேவையில்லை.அன்றைய தினம் படிப்பைத் தவிர விளையாட்டு போன்ற மற்ற திறன் விஷயங்களில் மாணவர்கள் ஆர்வம் காட்டலாம். இதன்மூலம், ஆசிரியர், மாணவர்களுக்கு இடையே நல்ல புரிந்துணர்வு ஏற்படவும் வாய்ப்புள்ளது என்று அந்த அறிவிப்பில் தெரிவிக்கப்பட்டுள்ளது.

முன்னதாக, அரசு பள்ளி மாணவ, மாணவிகளின் சீருடைகளின் வண்ணங்களையும் முதல்வர் யோகி ஆதித்யநாத் தலைமையிலான அரசு மாற்றியமைத்தது.கோடை விடுமுறை முடிந்து பள்ளிகள் திறக்கப்படும்போது புதிய வண்ண சீருடைகளை மாணவர்கள் அணிந்துச் செல்ல உள்ளனர்.

தேசிய அளவிலான தகுதித் தேர்வுகளை எதிர்கொள்ள பள்ளி பாடத்திட்டத்தில் மாற்றம் செய்யப்படும்:பள்ளிக்கல்வித் துறை அமைச்சர் செங்கோட்டையன் தகவல்.

தமிழகத்தைச் சேர்ந்த மாணவர் கள், தேசிய அளவில் நடை பெறும் தகுதித் தேர்வுகளை எதிர் கொள்ள வசதியாக, பாடத் திட்டத்தில் மாற்றம் செய்யப்பட உள்ளது என பள்ளிக் கல்வித் துறை அமைச்சர் கே.ஏ.செங் கோட்டையன் கூறினார்.கோவை விமான நிலையத் தில் செய்தியாளர்களிடம் அவர் நேற்றுகூறியதாவது:
பள்ளிக் கல்வியில் தரவரிசைப் பட்டியல் முறையை நீக்க வேண் டும் என்ற நீண்ட நாள் கனவு தற்போது நிறைவேறி உள்ளது. குறுந்தகவல் (எஸ்.எம்.எஸ்.) மூலம் தேர்வு முடிவுகள் அறிவிக்கும் திட்டம் இந்தியா வுக்கே வழிகாட்டியாக உள்ளது. அனைத்து மாணவர்களுக்கும் செல்போன் மூலம் தேர்வு முடிவு அனுப்பப்பட்டுள்ளது. ஒருசில ருக்கு மட்டும் செல்லாமல் இருக்கலாம்.தேர்வு முடிவு வருவதற்கு முன்பே புதிய நடைமுறையை அறிவித்தால் மட்டுமே, மக் களிடம் வரவேற்பு இருக்கும் என்று கருதியதால் தேர்வுக்கு முதல் நாள் இந்த புதிய நடை முறை குறித்து அறிவிக்கப் பட்டது.

மாணவர்கள் மகிழ்ச்சி

இந்த புதிய நடைமுறையால் மாணவர்களும், பெற்றோ ரும் பெரிதும் மகிழ்ச்சி அடைந் துள்ளனர். மாணவர்களுக்கு மன அழுத்தம் கொடுக்கக்கூடாது என்பதற்காக தரவரிசைப் பட்டியல் என்ற நடைமுறை ரத்து செய்யப்பட்டுள்ளது.புதிய பாடத்திட்டம் தொடர் பாக உயர்நிலைக் குழு பல்வேறு கருத்துகளைத் தெரி வித்துள்ளது. அதை செயல் படுத்துவது தொடர்பாக ஆலோ சித்து வருகிறோம்.தமிழக கல்வித்திட்டங்களை மாற்ற நடவடிக்கை எடுக்கப் பட்டுள்ளது. ‘நீட்’ தேர்வை எதிர்கொள்ளும் வகையில் தமிழக பாடத்திட்டம் மாற்றி யமைக்கப்படும்.பிரதமரின் துறை மூலமாகவே ‘நீட்’ தேர்வில் இருந்து விலக்கு அளிப்பது குறித்த மனுவை குடியரசுத் தலைவருக்கு அனுப்ப இயலும். ‘நீட்’ தேர்வில் கேள்விகள் மாற்றிக் கேட்கப்பட்டது குறித்து மத்திய அரசுதான் பதில் கூற வேண்டும் என்றார்.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!