Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Sunday, 21 May 2017

தொடக்கக்கல்வி செயல்முறைகள்- பள்ளிக்கு ஒன்று வீதம் தூய தமிழ் அகராதி வழங்க இயக்குனர் உத்தரவு

பள்ளி ஆசிரியர்களுக்கான கலந்தாய்வு நாளை முதல் தொடக்கம்.

பள்ளி ஆசிரியர்களுக்கான கலந்தாய்வு நாளை முதல் தொடக்கம்.

தொடக்க, நடுநிலைப் பள்ளி ஆசிரியர்களுக்கான பொதுமாறுதல், பதவி உயர்வுக்கான கலந்தாய்வு திங்கள்கிழமை முதல் (மே 22) தொடங்குகிறது.

நடுநிலைப் பள்ளி தலைமை ஆசிரியர்களுக்கான பொது மாறுதல், பதவி உயர்வு, பட்டதாரி ஆசிரியருக்கான பணிநிரவல், பொது மாறுதல் ஒன்றியத்துக்குள், பட்டதாரி ஆசிரியருக்கான பதவி உயர்வு, பட்டதாரி ஆசிரியருக்கான பொது மாறுதல் கலந்தாய்வு (மாவட்டத்துக்குள் ஒன்றியம் விட்டு ஒன்றியம்) மே 22-ஆம் தேதி நடைபெறுகிறது.

தொடக்கப் பள்ளி தலைமையாசிரியர்களுக்கான பொது மாறுதல், தொடக்கப் பள்ளித் தலைமை ஆசிரியர்களுக்கான பதவி உயர்வு கலந்தாய்வு மே 23-ஆம் தேதியும், இடைநிலை ஆசிரியர்களுக்கான பணிநிரவல் கலந்தாய்வு மே 24-ஆம் தேதியும் நடைபெறுகிறது.

இடைநிலை ஆசிரியர்களுக்கான பொது மாறுதல் (ஒன்றியத்துக்குள்), இடைநிலை ஆசிரியருக்கான பொது மாறுதல் கலந்தாய்வு (மாவட்டத்துக்குள் ஒன்றியம் விட்டு ஒன்றியம்) மே 25-ஆம் தேதியும், பட்டதாரி ஆசிரியருக்கான பொது மாறுதல் கலந்தாய்வு (மாவட்டம் விட்டு மாவட்டம்) மே 26-ஆம் தேதியும் நடைபெறும்.

மாவட்டம் விட்டு மாவட்டம் மாறுதல் கோரும் இடைநிலை ஆசிரியருக்கான பொது மாறுதல் கவுன்சிலிங் மே 29, 30-ஆம் தேதி நடைபெறும் என மாவட்டத் தொடக்கக் கல்வி அலுவலர் அலுவலக செய்திக் குறிப்பில் தெரிவிக்கப்பட்டுள்ளது.

TNPSC:குரூப் 2 ஏ பதவியிடங்கள்: விண்ணப்பிக்க மே 26 கடைசி

TNPSC:குரூப் 2 ஏ பதவியிடங்கள்: விண்ணப்பிக்க மே 26 கடைசி

குரூப் 2ஏ பதவியிடங்களுக்கான தேர்வுக்கு விண்ணப்பிக்க வரும் 26 -ஆம் தேதி கடைசி நாளாகும் என தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) தெரிவித்துள்ளது.

குரூப் 2ஏ பிரிவில் வரும் உதவியாளர், கணக்காளர் பதவியிடங்களில் மொத்தம் ஆயிரத்துக்கும் மேற்பட்ட காலியிடங்கள் உள்ளன. இந்த இடங்களை நிரப்புவது தொடர்பான அறிவிக்கை கடந்த மாதம் 27 -ஆம் தேதி (ஏப்.27) வெளியிடப்பட்டது.

இந்த நிலையில், டிஎன்பிஎஸ்சி (www.tnpsc.gov.in) இணையதளம் மூலம் விண்ணப்பிப்பதற்கான கடைசி தேதி மே 26 ஆம் தேதியாகும்.

விண்ணப்பித்த பிறகு, வங்கி அல்லது தபால் நிலையம் மூலமாக தேர்வுக் கட்டணத்தைச் செலுத்த மே 29 -ஆம் தேதி கடைசி நாள்.

குரூப் 2ஏ தேர்வுக்கு இதுவரை 2 லட்சத்துக்கும் அதிகமானோர் விண்ணப்பித்துள்ளனர்.

ஊதியக் குழு ஊதிய மாற்றம்- ஊதியக் குழு அறிக்கைக்கு முன் ஊதிய மாற்றம் செய்தல் தொடர்பான பரிசீலனைக்கு தமிழக அரசு அனைத்து துறை விபரம் கோரியுள்ளது

ஒரே மதிப்பெண் எடுத்த இரட்டையர்கள்! குவியும் பாராட்டுக்கள்..

ஒரே பள்ளியில் படித்து வரும் இரட்டையர் எஸ்.எஸ்.எல்.சி., தேர்வில் ஒரே மாதிரியாக 494 மதிப்பெண் எடுத்து, அனைவரையும் ஆச்சர்யபடுத்திய மாணவிகளில் மதிப்பெண் பட்டியில் வெளியாகியுள்ளது. 

எஸ்.எஸ்.எல்.சி.,தேர்வு எழுதிய திருநெல்வேலியை சார்ந்த இரட்டையர் ஒரே மதிப்பெண் பெற்று அனைவரையும் ஆச்சர்யத்தில் ஆழ்த்தியுள்ளனர். நெல்லை மாவட்டம் வள்ளியூர் கிங்ஸ் மெட்ரிக் பள்ளியில் படித்து வரும் இரட்டையர்களான ஜோனிகா வளன், ஜோஷிகா வளன் ஆகிய மாணவியர் ஒரே மதிப்பெண் பெற்று அசத்தியுள்ளனர். இரட்டையர்கள் என்றால் உருவத்தில் ஒற்றுமை இருக்கும் என்பார்கள் ஆனால் இந்தச்சகோதரிகள், 10ம் ஆம் வகுப்பு தேர்வில் 494 மதிப்பெண்கள் பெற்றுள்ளனர். இரட்டையர்களின் இந்த ஒற்றுமையை கண்டு சக மாணவர்கள் வியந்தனர். இவர்கள் இருவரும் கணிதம், அறிவியல், சமூக அறிவியல் பாடங்களில் நூற்றுக்கு நூறு மதிப்பெண்கள் பெற்றுள்ளனர். மின் வாரியத்துறையில் அதிகாரியாக இருக்கும் தந்தை, குடும்பத்தலைவியான அம்மா, இருவரும் தங்கள் மகள்களை பற்றி கூறுகையில, சின்ன வயது முதல் இருவரும் ஒரே மதிப்பெண்கள் பெற்றது இல்லை. இரண்டு பேரும் நன்கு படிப்பார்கள். அதனால்சிறந்த மதிப்பெண் பெறுவார்கள் என நினைத்திருந்தோம். ஆனால் ஒரே மதிப்பெண் எடுத்து சாதனை படைப்பாளர்கள் என யாரும் நினைக்கவிலலை, என தங்கள் மகிழ்ச்சியை வெளிப்படுத்தினர்.

மருத்துவ பட்ட மேற்படிப்புகளுக்கு தனியார் கல்லூரிகளில் ஆண்டுக்கு ரூ.13 லட்சம் வரை கட்டணம் நிர்ணயம்

தனியார் மருத்துவ, பல் மருத்துவக் கல்லூரிகளில் பட்ட மேற்படிப்புகளுக்கு ஆண்டுக்கு ரூ.2.25 லட்சம் முதல் ரூ.13 லட்சம் வரை கல்விக் கட்டணம் நிர்ணயிக்கப்பட்டுள்ளது.
தமிழகத்தில் 8 நிகர்நிலைப் பல்கலைக்கழகங்கள், 7 தனியார் மருத்துவக் கல்லூரிகள், 7 தனியார் பல் மருத்துவக் கல்லூரிகள் உள்ளன. தனியார் மருத்துவ, பல் மருத்துவக் கல்லூரிகள், நிகர்நிலைப் பல்கலைக்கழகங்கள் அரசுக்கு 50 சதவீத இடங்களைக் கொடுக்க வேண்டும் என்று நீதிமன்றம் உத்தரவிட்டது. அதன்படி, தனியார் கல்லூரிகள் (சிறுபான்மையினர் கல்லூரிகள் 50 சதவீத இடங்கள், சிறுபான்மையினர் அல்லாத கல்லூரிகள் 65 சதவீத இடங்கள்) மாநில அரசுக்கு இடங்களைக் கொடுத்தன. நிகர் நிலைப் பல்கலைக்கழகங்கள் நீதிமன்றத்துக்கு சென்றதால், இன்னும் அரசு ஒதுக்கீட்டு இடங்கள் கிடைக்கவில்லை.ஒற்றைச் சாளர முறைதனியார் மருத்துவ, பல் மருத் துவக் கல்லூரிகள், நிகர்நிலைப் பல்கலைக்கழகங்களில் உள்ள அரசு மற்றும் நிர்வாக ஒதுக்கீட்டு இடங்களுக்கான மாணவர் சேர்க் கையை மாநில அரசே ஒற்றைச் சாளர முறையில் நடத்த வேண்டும் என மத்திய அரசு தெரிவித்திருந்தது. அதன்படி நிகர்நிலைப் பல்கலைக் கழகங்களில் உள்ள மருத்துவப் பட்ட மேற்படிப்புகளுக்கான கலந்தாய்வு சென்னை அண்ணா சாலையில்உள்ள பன்னோக்கு உயர் சிறப்பு மருத்துவமனையில் கடந்த 18-ம் தேதி தொடங்கியது. கலந்தாய்வு இன்று வரை நடக்கிறது.

2-ம் கட்ட கலந்தாய்வு

இதைத் தொடர்ந்து, தனியார் மருத்துவக் கல்லூரிகளில் நிர்வாக ஒதுக்கீட்டு இடங்களுக்கான கலந் தாய்வு நாளை (22-ம் தேதி) தொடங்கி முதல் 23-ம் தேதி பகல் 11 மணி வரைநடக்கிறது. 23-ம் தேதி பகல் 2 மணிக்கு பிறகு தனியார் பல்மருத்துவக் கல்லூரி கள், அண்ணாமலை பல்கலைக் கழகத்தின் பல் மருத்துவப் பட்ட மேற்படிப்பு இடங்களுக்கான கலந் தாய்வு நடைபெறுகிறது. இதை யடுத்து தனியார் மருத்துவக் கல்லூரிகள், அண்ணாமலை பல் கலைக்கழகத்தின் அரசு ஒதுக் கீட்டு இடங்களுக்கான 2-ம் கட்ட கலந்தாய்வு 24-ம் தேதி தொடங்கி 27-ம் தேதி வரை நடக்க உள்ளது.

சிறுபான்மையினர் கல்லூரிகள்

இந்நிலையில், தனியார் மருத் துவ, பல் மருத்துவக் கல்லூரிகளில் பட்ட மேற்படிப்புகளுக்கு 2017-18ம் ஆண்டுக்கான கல்விக் கட்டணத்தை நீதிபதி என்.வி.பாலசுப்பிரமணியன் தலைமையிலான குழுவினர் நிர்ணயித்துள்ளனர். அதன்படி சிறுபான்மை தனியார் மருத்துவக் கல்லூரிகளில் பட்ட மேற்படிப்புகள் (சிகிச்சை) அரசு ஒதுக்கீட்டு இடத்துக்கு ரூ.3 லட்சம், நிர்வாக ஒதுக்கீட்டு இடத்துக்கு ரு.11.50 லட்சம், பட்ட மேற்படிப்புகள் (கற்பித்தல்) அரசு ஒதுக்கீட்டு இடத்துக்கு ரூ.2.25 லட்சம், நிர்வாக ஒதுக்கீட்டு இடத்துக்கு ரூ.3.25 லட்சம், பட்டய மேற்படிப்புகளுக்கு (டிப்ளமோ) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.3.50 லட்சம் நிர்ணயிக்கப்பட்டுள்ளது.சிறுபான்மை அல்லாத..சிறுபான்மை அல்லாத தனியார் மருத்துவக் கல்லூரிகளில் பட்ட மேற்படிப்புகளுக்கு (சிகிச்சை) அரசு ஒதுக்கீட்டு இடத்துக்கு ரூ.3 லட்சம், நிர்வாக ஒதுக்கீட்டு இடத்துக்கு ரூ.13 லட்சம், பட்ட மேற்படிப்புகள் (கற்பித்தல்) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.3.50 லட்சம்,பட்டய மேற்படிப்புகளுக்கு (டிப்ளமோ) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.3.50 லட்சம் நிர்ணயம் செய்யப்பட்டுள்ளது.

பல் மருத்துவக் கல்லூரிகள்

சிறுபான்மை தனியார் பல் மருத் துவக் கல்லூரிகளில் பட்டமேற் படிப்பு (சிகிச்சை) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.8.50 லட்சம், பட்ட மேற்படிப்பு (கற்பித்தல்) அரசு ஒதுக் கீட்டு இடத்துக்கு ரூ.2.25 லட்சம், நிர்வாக ஒதுக்கீட்டு இடத்துக்கு ரூ.3.25 லட்சம்நிர்ணயிக்கப்பட்டுள்ளது.சிறுபான்மை அல்லாத தனியார் பல் மருத்துவக் கல்லூரியில் பட்ட மேற்படிப்பு (சிகிச்சை) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.9.50 லட்சம், பட்டமேற்படிப்பு (கற்பித்தல்) அரசு ஒதுக்கீட்டு இடத்துக்கு ரூ.2.50 லட்சம், நிர்வாக ஒதுக்கீட்டு இடத்துக்கு ரூ.3.50 லட்சம்நிர்ணயம் செய்யப்பட்டுள்ளது.

ரூ.60 லட்சம் கட்டணம்

நிகர்நிலைப் பல்கலைக்கழகங் களில் மருத்துவப் பட்ட மேற்படிப்புகளுக்கு ரூ.3 லட்சம் முதல் ரூ.60 லட்சம் வரைகட்டணம் நிர்ணயிக்கப்பட்டுள்ளது. அந்தந்த பல்கலைக்கழகங்களில் உள்ள கல்விக் கட்டண நிர்ணயக்குழு, இந்தக் கட்டணத்தை நிர்ணயித் துள்ளது.

ஆசிரியர்கள் அடிக்கடி விடுமுறை எடுத்தால் நடவடிக்கை பள்ளிகல்வித்துறை இயக்குனர் உத்தரவு

பள்ளிக்கல்வித்துறை இயக்குனர் வெளியிட்டுள்ள செய்திக்குறிப்பில் கூறியிருப்பதாவது:-

பள்ளிகள் ஆய்வு

முதன்மை கல்வி அலுவலர்கள் அரசு மேல்நிலைப்பள்ளிகளை ஆண்டு ஆ ய்வு செய்யும் போது சில நெறிமுறைகளை கடைப்பிடிக்க வேண்டும். குறிப்பாக 2 ஆண்டுகளுக்கு மேலாக ஆய்வு செய்யப்படாத பள்ளிகளை ஆய்வு செய்ய முன்னுரிமை அளிக்க வேண்டும். மாணவர்கள், ஆசிரியர்களுடன் கலந்தாய்வு செய்வதுடன், நாள் முழுவதும் பள்ளியில் இருந்து துல்லியமாக ஆய்வு செய்ய வேண்டும்.சிறந்த ஆசிரியர்களை பாராட்ட வேண்டும். நீண்ட நாள் விடுமுறையில் இருக்கும் மாணவர்களை பள்ளிக்கு அழைத்துவர நடவடிக்கை எடுக்க வேண்டும்.

ஆசிரியர் மீது நடவடிக்கை

நீண்ட நாள் விடுமுறையில் இருக்கும் ஆசிரியர்கள் மற்றும் அடிக்கடி விடுமுறை எடுக்கும் ஆசிரியர்கள் மீது உரிய நடவடிக்கை எடுக்க வேண்டும். பள்ளிகளின் கட்டமைப்பு வசதி, கழிப்பறை, குடிநீர் வசதி, நூலகப்பயன்பாடு குறித்து ஆய்வு மேற்கொள்ள வேண்டும். பள்ளி வளாகத்தில் திறந்தவெளிக்கிணறுகள், உயர் அழுத்த மின்கம்பங்கள் பழுதடைந்துள்ள கட்டிடங்கள் ஆபத்தான முறையில் இருந்தால் அவற்றை சீர் செய்து தர வேண்டும். அரசின் அனைத்து திட்டங்களும் மாணவர்களுக்கு சென்று அடைந்துள்ளதா என்பதை பார்க்க வேண்டும்.

மேல்நிலை அறிவியல் பாடங்களுக்கான செய்முறைகள் முறையாக நடைபெறுவதை உறுதி செய்வதுடன், மாணவர்கள் சேர்க்கை பதிவேடு உள்ளிட்ட அனைத்து பதிவேடுகளையும் ஆய்வு செய்ய வேண்டும். பள்ளிகளில் காணப்படும் குறைபாடுகளை களைய கால அவகாசம் அளிக்க வேண்டும். ஆண்டு ஆய்வு செய்யப்பட்ட பள்ளிகள் மற்றும் மாவட்ட கல்வி அலுவலகங்களின் விவரங்களை மாதம் தோறும் இயக்குனர் அலுவலகத்துக்கு அனுப்ப வேண்டும்.

இவ்வாறு அதில் கூறப்பட்டு உள்ளது.

முதல் தர மருத்துவ கல்லூரிகளில் 'சீட்' டாக்டர்களுக்கு கை கொடுத்த 'நீட்

'நீட்' தேர்வின் பலனால், கோவையைச் சேர்ந்த, ஒன்பது டாக்டர்களுக்கு, தேசிய அளவில், முதல் தர கல்லுாரிகளில், முதுகலை படிப்புகளுக்கான ஒதுக்கீடு கிடைத்துள்ளது.
தமிழகத்தில், இளநிலை மற்றும் முதுநிலைமருத்துவப் படிப்புகளுக்கு, 'நீட்' நுழைவுத் தேர்வை கட்டாயமாக்கி, மத்திய அரசு உத்தரவிட்டது.எம்.டி., - எம்.டி.எஸ்., போன்ற அனைத்து முதுநிலை மருத்துவப் படிப்புகளுக்கும், 'நீட்' தேர்வின் அடிப்படையில் மட்டுமே, மாணவர்கள் சேர்க்கப்படுவர் என, அறிவிக்கப்பட்டது. மத்திய அரசு ஒதுக்கீட்டு இடங்கள் மட்டுமின்றி, மாநில இடங்களுக்கும், 'நீட்' மதிப்பெண் தேவை என, அறிவிக்கப்பட்டது. இதற்கான தேர்வுகள், 2016 டிசம்பரில் நடத்தப்பட்டன. பல்வேறு பிரச்னைகள் காரணமாக, முடிவுகள் வெளியாவதில் தாமதம் ஏற்பட்டது. தொடர்ந்து, கடந்த மாதம் இம்முடிவுகள் வெளியிடப்பட்டன.தமிழகத்தைச் சேர்ந்த, பல டாக்டர்கள் முதுகலை படிப்புக்கு தேர்வாகினர்.

இவர்களில், கோவையைச் சேர்ந்த ஒன்பது டாக்டர்கள், டில்லியில் உள்ள முதல்தர கல்லுாரிகளில் தேர்வு பெற்றுள்ளனர். அரசு மருத்துவமனை டாக்டர் ஒருவர் கூறுகையில், 'நீட் தேர்வால், அகில இந்திய அளவில், நம் மாணவர்கள் இடங்களை பிடிக்க முடியும் என்பதற்கு இது உதாரணம்.'கடந்த ஆண்டுகளில், முதுகலை படிப்பு பயில விரும்புவோர், தமிழகத்தில் உள்ள கல்லுாரிகளை மட்டும் தேர்வு செய்தனர்.

போட்டி, மாநிலத்துக்கு உள்ளேயே முடிந்துவிடும். தற்போது அதிக எண்ணிக்கையில், முதல்தரமருத்துவக் கல்லுாரிகளில் மாணவர்கள் சேர்ந்துள்ளனர்.'இதன் மூலம், நம் மாணவர்களின் திறமை வெளி வந்துள்ளது. 'நீட்' தேர்வால், மாணவர்களின் கல்வித்தரம் உயரும்' என்றார்.

30 வயதுக்கு மேற்பட்டவர்களுக்கு மருத்துவ பரிசோதனை திட்டம்

நாடு முழுவதும், 100 மாவட்டங்களில், 30 வயதுக்கு மேற்பட்டவர்களுக்கு, மன உளைச்சல், நீரிழிவு மற்றும் புற்று நோய்களுக்கான மருத்துவப்பரிசோதனை செய்யும் திட்டம் துவங்கியுள்ளது.
மத்திய அரசு புதிதாக அறிமுகம் செய்துள்ள, தேசிய மருத்துவக் கொள்கையின்படி, நோய்த் தடுப்பு முறைக்கு முக்கியத்துவம் தரப்படுகிறது.புற்றுநோய்அதன்படி, என்.சி.டி., எனப்படும், ஐந்து முக்கிய தொற்றாத நோய்கள் உள்ளதா என்பதற்கான பரிசோதனை திட்டம், டில்லியில் துவக்கிவைக்கப்பட்டுள்ளது.இந்த திட்டத்தின் கீழ், மன உளைச்சல், நீரிழிவு மற்றும்வாய், கருப்பை, மார்பக புற்றுநோய்களுக்கான பரிசோதனைகள் மேற்கொள்ளப்படும்.இந்த திட்டம் குறித்து, மத்திய சுகாதாரத் துறை அமைச்சரும், பா.ஜ., மூத்த தலைவருமான ஜே.பி. நட்டா கூறியதாவது:தற்போதைய வாழ்க்கை முறையால், பல்வேறு நோய்களால் அவதிப்படுகிறோம்.

இதனால், மருத்துவச் செலவுகள் அதிகரிப்பதுடன், நாட்டின் உற்பத்தியும் பாதிக்கிறது.அதனால் தான், நோய்க்கு சிகிச்சைக்கு பதிலாக, நோய் தடுப்பு முறைகளுக்கு முக்கியத்துவம் அளித்து வருகிறோம்.சிகிச்சை மையம்அதன்படி, 30 வயதுக்கு மேற்பட்டவர்களுக்கு, தொற்றாத நோய்களுக்கான மருத்துவப் பரிசோதனை செய்யப்பட உள்ளது. முதற்கட்டமாக,100 மாவட்டங்களில் உள்ளவர்ளுக்கு இந்த சோதனை செய்யப்படும். அதைத் தொடர்ந்து, நாடு முழுவதும் விரிவுபடுத்தப்பட்டு, 50 கோடி பேருக்கு இந்தப் பரிசோதனை செய்யப்படும்.இரண்டு ஆண்டுகளில், இந்த வகை நோய்களுக்கான சிகிச்சை மையங்கள், நாடு முழுவதும், 400 நகரங்களில் துவங்கப்பட்டுள்ளன.இவ்வாறு அவர் கூறினார்.

விழிப்புணர்வு பிரசாரம்

மத்திய சுகாதாரத் துறை இணையமைச்சரும், அப்னா தள் கட்சியைச் சேர்ந்தவருமான அனுபிரியா படேல் கூறியதாவது:ஐந்து வகையான, தொற்றாத நோய்களின் தாக்கம் மிகவும் அதிகமாகவே உள்ளன. இந்த நோய்களால், ஆண்டுக்கு, 90 லட்சம் பேர் உயிரிழக்கின்றனர்.நீரிழிவு நோயால், ஏழு கோடி பேரும்; மாரடைப்பு நோயால், 78 கோடி பேரும் பாதிக்கப் பட்டுள்ளனர். இந்த புள்ளி விபரங்களின்படி, இந்த நோய்களின் தீவிரம் புரிய வரும்.நம் வாழ்க்கை முறையால், இந்த நோய்கள் ஏற்படுவதால், அவற்றை தவிர்ப்பது மிகவும் சுலபம். இது தொடர்பான விழிப்புணர்வுபிரசாரம் மேற்கொள்ளப்படும்.

இவ்வாறு அவர் கூறினார்.

சொந்த பணத்தில் வகுப்பறையை மாற்றியமைத்த ஆசிரியர் " அன்னபூர்ணா" - இப்படிக்கு இவர்கள் நிகழ்ச்சி | ஞாயிறு ( 21.05.2017 ) இன்று இரவு 7.30 மணிக்கு NEWS 18 - தொலைக்காட்சியில் காணத்தவறாதீர்!!

அரசு பள்ளியில் மாணவர்சேர்க்கையை அதிகரிக்க...ஓர் ஆசிரியரின் பயணக்குறிப்பு

முதலில் ஆசிரியர்களாகிய நம்மை தான் சீர்படுத்திக்கொள்ளவேண்டும் இதை படியுங்கள். 


நாளை சமுகத்தின் 

இன்றைய சிற்பிகள் நாம்...
ஆண்டி முதல் 
அரசியல்வாதி வரை...
ஆசிரியரால் உருவாக்கப்படுபவர்கள்...
இச்சமூகத்தில் 
நல்ல மாற்றங்களை 
நம்மால் 
ஏற்படுத்த முடியும்...
என்று முதலில்
உங்கள் மீது நல்ல
நம்பிக்கை வையுங்கள்...

2. ஒற்றுமையே உயர்வு

ஊர்கூடி தேர் இழுப்பது போன்றுதான் - உங்கள் 
செயல் என்றாலும்...
உங்கள் கருத்துக்களை 
மற்றவர்களும் பின்பற்றவேண்டும் - என்று 
உடனே உங்கள் கருத்துக்களை 
அவர்களிடம் திணிக்காதீர் - இது 
உங்கள் நண்பர்களையும் 
பகைவர்கள் ஆக்கும் 
உறவினராயினும் பின்
உறவ கசக்கும்...

3. முதல் பயணம்...

அப்படி என்றால் தனி ஒரு நபராய் 
நான் மட்டும் எப்படி? - என்ற கேள்வி 
உங்களை பின்னுக்கு இழுக்கும்..
புறம்தள்ளுங்கள் அதை முதலில் 
பின் உங்கள் தன்னம்பிக்கையை மட்டும் 
துணைக்கு அழைத்துக்கொண்டு பயணியுங்கள்
உங்கள் காலின் நடைபாதைக்கு மட்டும் வெளிச்சம் கிட்டும்... 
அது வேறுஎதுவும் அல்ல 
உங்கள் தன்னம்பிக்கை 

4. விளக்கு எரிய...

நல்ல மாற்றங்கள் 
நம்மிடம் இருந்து பிறக்கப்போகிறது - என்று 
உங்களை நீங்களே அவ்வப்பொழுது 
பாரட்டிக்கொள்ளுங்கள் 
இந்த சுயபாரட்டு - நம்மை 
எத்தனை இடர்பாடுகள் வந்தாலும் 
சோர்வடையசெய்யாது...
இது உங்கள் தன்னம்பிக்கை விளக்கிற்கு
வார்க்கும் எண்ணெய்...

5. தடை ஓட்டப் பயணம்..

உங்கள் நெடும்பயணத்தில் 
கேலிகள் வேலிபோடும்
இலக்கை அடைவதுதான் நம் நோக்கம்
வேலியை உடைப்பது நம் இலக்கல்ல
கோபம் கொண்டு உடைக்க முற்படாதீர்...
அதில் நம் சக்தியை விறையமாக்க வேண்டாம்
புத்திசாலியாய் தாண்டி செல்லுங்கள்...

6. கழி கிடைக்கும் கண்டிப்பாய்...

உங்கள் விடாமுயற்சிக்கும் 
தன்னம்பிக்கைக்கும் சிறிய பரிசு காத்திருக்கும்
அந்த இருட்டு பயனத்தில்
இன்னொரு ஓளி
ஆம் உங்களை போன்றே 
உங்கள் முன்னோ பின்னோ
ஒருவர் வந்து கொண்டிருப்பார் - அல்லது
சென்றுகொண்டிருப்பார்...
உங்கள் பயணப்புகழ் பகிராதீர்..
அவரைப்பார்த்து புன்னகை மட்டும் சிந்துங்கள்...
நீங்கள் விழும் நேரத்தில் கழியாய் இருப்பார்...

7. தோள் கொடுத்து தொடருங்கள்

இரண்டு கால்களின் பயணம் நான்காகும்
இரண்டு விளக்குகளின் வெளிச்சம் 
உங்கள் பாதையை இன்னும் தெளிவாக்கும்
தோள் கொடுத்து தொடருங்கள்
தோல்வி பயம் பட்டுபோகும் 
தற்போது மெல்ல வெற்றி 
வெளிச்சம் போட்டுக்காட்டும்
உங்களின் பயணப்பாதையை...

8.உங்கள் வெற்றி இதுவல்ல

இது உங்களின் வெற்றியல்ல
உங்கள் தன்னம்பிக்கயின் வெற்றி
அதிராமல் ஆரவாரமில்லாமல் அமைதியாய்
நீங்கள் வந்த பாதையை 
சற்று திரும்பி பாருங்கள்
ஒரு கூட்டமே 
ஒளிப்பிழம்பாய் வந்துகொண்டிருக்கும் 
இதுதான் உங்களின் வெற்றி...

- இது ஓர் ஆசிரியரின் பயணக்குறிப்பு

அரசு பள்ளியில் மாணவர்சேர்க்கையை அதிகரிக்க... 

1. தற்பொழுது இருக்கும் மாணவர்களை தமிழ், ஆங்கில வாசிப்புதிறனில் சீர்படுத்துங்கள்.

2. மாணவர்கள் தங்கள் முந்திய வகுப்பு வரை எதுவும் தெரிந்துகொண்டு வருவதில்லை என்று குறைகூறாமல் உங்கள் திறமைக்கு அளிக்கப்பட்ட சவாலாய் எடுத்துக்கொண்டு செயல்படுங்கள்...

3. எழுத்தே கூட தெரியாமல் இருப்பார்கள் அவர்களை இனம் கண்டு அவர்களுக்கு அட்டைதாளில் எழுதப்பட்ட எழுத்துக்கள் கொண்டு தினமும் வாய்விட்டு படிக்கசொல்லி பயிற்சி கொடுங்கள்..

4. தினமும் க - வரிசை ங - வரிசை என்று ஒவ்வொரு வரிசையாய்
பழைய தமிழ் செய்திதாள்களை கொடுத்து எழுத்துக்களை வட்டமிட்டு வரச்செய்யுங்கள் இப்பயிற்சி எழுதுக்களின் உருவங்களை அவர்கள் மனதில் நிலைநிறுத்த பயன்படும்.

5. ஒரு சொல்வார்த்தை இரு சொல்வார்த்தை என தினமும் 10 வார்த்தைகள் (சொல்வதை எழுதுதல்) டிக்டேஷன் வைத்து பளு இல்லாமல் வலு சேருங்கள்

6. வாசிப்பில் எழுத்துக்களின் சேர்ப்பை தெளிவான ஒலிநடையுடன் மெதுவாய் கற்பித்து அவர்களின் வாசிப்பிற்கு கருகொடுங்கள்...

7. கருவை வலுப்படுத்த தினமும் நீங்கள் வாசித்து அவர்களையும் வாசிக்கவைத்து ஒழுங்குபடுத்தி வாசிக்க செய்து பயிற்சி கொடுங்கள்...

8. தொலைக்காட்சி செய்திவாசிப்பை மாணவர்களிடம் இதுதான் வாசிப்பு என்று உதாரணப்படுத்துங்கள்.

9. அதுபோன்று வாசிக்கும் மாணவர்களுக்கு மற்ற மாணவர்கள் முன்னிலையில் அவர்களை முன்னிலைப்படுத்தி பாராட்டுகளை பெற்றுக்கொடுங்கள்..

10. பரிசுகளை வழங்குங்கள்.

விதை முளைவிட்டு, துளிர்விட்டு, இலைவிட்டு, நோய்பட்டோ, மீண்டும்துளிர்விட்டோ, இலைவிட்டு, கிளைபடர்ந்து, மலர்மலர்ந்து, காய்விட்டே கனியாகிறது... 

இதே போல தான் மாணவர்கள் உங்களுக்கு எந்தநிலையிலும் எந்தகலவையிலும் உங்கள் வகுப்பிற்குள் வந்து சேர்வார்கள்...
விரக்தியும், விதண்டாவாதத்தையும் விட்டுவிட்டு...
நீர் ஊற்றுவதும், உரமிடுவதும், நோய்வராமல் பாதுகாப்பதும் நம்கடமை என்று எண்ணி பயணத்தை துவக்குங்கள்...

நம் முதல் பயணம் வெற்றிபெற நம்மை நாமே வாழ்த்திக்கொண்டு புறப்படுவோம்..

அரசு நிர்ணயம் செய்த கட்டண விபரம்!!

LKG கட்டணம்                    -  3750
UKG கட்டணம்                    -  3750
 1-ம் வகுப்பு கட்டணம்       -  4550
2-ம் வகுப்பு கட்டணம்       -  4550
3-ம் வகுப்பு கட்டணம்       -  4550
4-ம் வகுப்பு கட்டணம்       -  4550

5-ம் வகுப்பு கட்டணம்       -  4550
6-ம் வகுப்பு கட்டணம்       -  5050
7-ம் வகுப்பு கட்டணம்       -  5050
8-ம் வகுப்பு கட்டணம்       -  5050
9-ம் வகுப்பு கட்டணம்       -  6300
10-ம் வகுப்பு கட்டணம்      -  6300

10-ம் வகுப்பு வரை மேற்படி கல்வி கட்டணத்தை அரசு நிர்ணயம் செய்துள்ளது. மேற்படி கல்வி கட்டணத்தை விட கூடுதல் கட்டணம் கேட்கும் பள்ளி நிர்வாகத்தின் மீது கீழ்க்கண்ட அதிகாரிகளிடம் புகார் அளியுங்கள்:-

மாவட்ட ஆட்சியர்,
பள்ளிகல்வி இயக்குனர்,
மெட்ரிகுலேசன் பள்ளிகள் இயக்குனர்,
மெட்ரிகுலேசன் பள்ளிகள் இணை இயக்குனர்,
மெட்ரிகுலேசன் பள்ளிகள் ஆய்வாளர்,
முதன்மை கல்வி அலுவலர்,
மாவட்ட தொடக்கக் கல்வி அலுவலர்,
மாவட்ட கல்வி அலுவலர்,
உதவி தொடக்கக் கல்வி அலுவலர்

மேற்படி அதிகாரிகளுக்கு புகார் அனுப்புங்கள். புகார் அனுப்பியும் நடவடிக்கை எடுக்கவில்லை என்றால் சென்னை உயர்நீதி மன்றத்தில் வழக்கு தாக்கல் செய்யுங்கள்.

மேலும் குழந்தைகளுக்கான இலவச மற்றும் கட்டாயக் கல்வி உரிமைச் சட்டம் 2009, சட்டப் பிரிவு 12(1)(சி) -ன் கீழ் 2017-2018 ம் கல்வியாண்டில் 25% இட ஒதுக்கீடடின் கீழ் மேற்படி பள்ளியில் 30 மாணவர்களை LKG  யில் சேர்த்துகொள்ள மேற்படி பள்ளியில் அரசு இடம் ஒதுக்கியுள்ளது.

பள்ளி திறப்பு தள்ளிப் போகுமா?

பள்ளி திறப்பு தள்ளிப் போகுமா? பள்ளி திறப்பு தள்ளிப் போகுமா? என்ற கேள்விக்கு ஈரோட்டில் பதிளளித்த அமைச்சர் செங்கோட்டையன்,
கோடை விடுமுறைக்கு பின் பள்ளி திறப்பது குறித்து முதல்வரை சந்திக்க உள்ளேன் எனக் கூறினார். 

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!