Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Thursday, 25 May 2017

மீதமுள்ள வரையறுக்கப்பட்ட விடுப்பு (RESTRICTED HOLIDAYS) 2017 !!

22.06.2017- வியாழன்- ஷபே காதர்

03.08.2016-வியாழன்-ஆடிப்பெருக்கு
04.08.2017-வெள்ளி-வரலட்சுமி விரதம்
07.08.2017-திங்கள்-ரிக் உபகர்மா
08.08.2017-செவ்வாய்-காயத்ரி ஜெபம்
25.08.217-வெள்ளி-சாம உபகர்மா
31-08.2017-வியாழன்-அர்ஃபா

04.09.2017-திங்கள்-ஓணம்
22.09.2017-வெள்ளி-ஹிஜரி புத்தாண்டு

18.10.2017-புதன்-தீபாவளி நோன்பு

02.11.2017-வியாழன்-கல்லறைத் திருநாள்
04.11.2017-சனி-குருநானக் ஜெயந்தி
02.12.2017-சனி-திருக்கார்த்திகை

24.12.2017-ஞாயிறு-கிறிஸ்துமஸ் ஈவ்
29.12.2017-வெள்ளி-வைகுண்ட ஏகாதேசி
31.12.2017-ஞாயிறு-நியூ இயர்ஸ் ஈவ்
-கல்விச்சிறகுகள்

மேல்நிலை சிறப்புத் துணைத் தேர்வு கால அட்டணை-2017 !!


TNPSC : குரூப்-2ஏ தேர்வுக்கு இலவச பயிற்சி: சென்னை மாவட்ட ஆட்சியர் அறிவிப்பு

டிஎன்பிஎஸ்சி குரூப்-2ஏ தேர்வுக்கு இலவச பயிற்சி வகுப்புகள் நடத்தப்படுவதாக சென்னை மாவட்ட ஆட்சியர் வெ.அன்புச்செல்வன் அறிவித்துள்ளார்.இது தொடர்பாக இன்று அவர் வெளியிட்ட செய்திக்குறிப்பில்,
''தமிழ்நாடு அரசுப்பணியாளர் தேர்வாணையம் (டிஎன்பிஎஸ்சி) நடத்தும் குரூப்-2ஏ பணி தேர்வுக்கான இலவச பயிற்சி வகுப்புகள் சென்னை மாவட்ட வேலைவாய்ப்பு அலுவலகம் (பொது), 3-வது தளம், சாந்தோம், சென்னை-4 என்ற முகவரியில் திங்கள் முதல் வெள்ளி வரை தினமும் காலை 10 மணி முதல் மாலை 4 மணி வரை நடைபெற உள்ளன.

இந்தப் பயிற்சியில் கலந்துகொள்ள விருப்பம் உள்ளவர்கள் திங்கள் முதல் வெள்ளிவரை அலுவலக நேரங்களில் மேற்கண்ட முகவரியில் தங்களது வேலைவாய்ப்பு பதிவு அடையாள அட்டை மற்றும் உரிய கல்வி சான்றுகளுடன் நேரில் தொடர்புகொண்டு பயன்பெறலாம்'' என்று அன்புச்செல்வன் தெரிவித்துள்ளார்.

7வது ஊதியக்குழு பரிந்துரை கருத்துக்கேட்பு கூட்டம்! 4 நாட்கள் நடக்கிறது!!

7வது ஊதியக்குழு பரிந்துரை தொடர்பான கருத்துக்கேட்புக் கூட்டம் சென்னை லேடிவெலிங்டன் கல்லூரி வளாகத்தில் 4 நாட்கள் நடைபெற இருக்கிறது.
மத்திய அரசு ஊழியர்களுக்கு 7வது
ஊதியக்குழு பரிந்துரைகளை கடந்த ஆண்டு அமல்படுத்தியது. அந்த 7வது ஊதியக்குழு பரிந்துரைகளை தமிழக அரசும் செயல்படுத்த அரசு ஊழியர்கள் கோரிக்கை வைத்திருந்தனர்.

இதுகுறித்து கடந்த பிப்ரவரி 22ந்தேதி தலைமை செயலகத்தில் முதல்வர்  எடப்பாடி பழனிசாமி தலைமையில் ஆலோசனை கூட்டம் நடைபெற்றது.
அப்போது தமிழ்நாடு அரசு அலுவலர்கள், ஆசிரியர்கள் மற்றும் உள்ளாட்சி நிறுவனங்களில் பணியாற்றும் பணியாளர்களுக்கு ஊதிய விகிதங்களை மாற்றியமைப்பதற்கான பரிந்துரைகளை அளிக்க 5 பேர் கொண்ட குழு அமைக்கப்பட்டது.

அக்குழுவில் நிதித்துறை கூடுதல் தலைமை செயலாளர், உள்துறை முதன்மைச் செயலாளர், பள்ளிக்கல்வித்துறை முதன்மைச் செயலாளர், பணியாளர் மற்றும் நிருவாகச் சீர்த்திருத்தத்துறை செயலாளர் மற்றும் உறுப்பினர் செயலாளராக டாக்டர் P. உமாநாத் ஆகியோர் உறுப்பினர்களாக நியமிக்கப்பட்டனர்.
இந்த குழுவினர்  மத்திய அரசின் 7-வது ஊதியக் குழு பரிந்துரைகளை திருத்திய ஊதிய விகிதங்கள் குறித்து ஆராய்ந்து வருகிறது.

இதைத்தொடர்ந்து சென்னை லேடி வெலிங்டன் கல்லூரியில் 4 நாட்களாக கருத்து கேட்பு முகாம் நடைபெற உள்ளது.
நாளை  தொடங்கி,  சனிக்கிழமை (27ந்தேதி), மற்றும் 02.06.2017 (திங்கட்கிழமை), 03.06.2017 (செவ்வாய்க்கிழமை)  ஆகிய தேதிகளில் நடைபெற இருக்கிறது.
இந்த கருத்துக்கேட்பு கூட்டத்தில் நிதியமைச்சர் ஜெயக்குமார், மற்றும் ஊதியக்குழு உறுப்பினர்கள் பங்கேற்பார்கள் என கூறப்பட்டுள்ளது.

DEE - ஊராட்சி ஒன்றிய / அரசு / நகராட்சி / தொடக்க மற்றும் நடுநிலைப் பள்ளிகளில் கணிணி மற்றும் அதன் சார்ந்த உபகரணங்கள் பயன்பாடு் சார்ந்த விவரம் கோரி - இயக்குனர் உத்தரவு!!

ஐடி ஊழியர்கள் மட்டுமல்ல.. அரசு ஊழியர்களும் பணிநீக்கம்.. மத்திய அரசின் திடீர் நடவடிக்கை..!

இந்திய ஐடி நிறுவனங்களின் அறிவிக்கப்பட்டுள்ள பணிநீக்கம் குறித்த அறிவிப்புகள் ஒட்டுமொத்த இந்தியாவையே அதிரவைத்துள்ள நிலையில், அரசு பணியிடங்களில் ஜாலியாக ஒரு வேலையும் செய்யாத 129 அரசு ஊழியர்களுக்கு மத்திய அரசு கட்டாய ஓய்வை அளித்து அரசு ஊழியர்களுக்கு அதிர்ச்சி அளித்துள்ளது. 


இந்த அறிவிப்பை மத்திய அமைச்சர் ஜித்தேந்திர சிங் உறுதிப்படுத்தினார். மத்திய அரசு பணியில் இருக்கும் ஊழியர்களைத் திறன்ஆய்வு செய்து மரகட்டையாக இருக்கும் ஊழியர்களை அரசுக்குத் தேவையில்லை என மத்திய அரசின் திடீர் நடவடிக்கையின் மூலம் கட்டாய ஓய்வை அளித்துள்ளது. இதன் படி கடந்த சில மாதங்களில் குரூப் ஏ பிரிவில் 30 பேரையும், குரூப் பி பிரிவில் 99 பேர் என மொத்தம் 129 மத்திய அரசு ஊழியர்களுக்குக் கட்டாய ஓய்வு என்ற பெயரில் பணியை விட்டு நீக்கியுள்ளது மத்திய அரசு.

இந்த அறிவிப்பை வெளியிடும் முன் மத்திய அரசு குரூப் ஏ பிரிவில் 24,000 ஊழியர்களையும், குரூப் பி பிரிவில் 42,251 ஊழியர்களின் செயல்திறனை ஆய்வு செய்து அதன் பின்னரே 129 ஊழியர்களை வேலையை விட்டுத் துரத்தியுள்ளது. இந்நிலையில் மத்திய அரசு அடுத்தகட்ட திட்டமாகக் குரூப் ஏ பிரிவில் 34,451 ஊழியர்களையும், குரூப் பி பிரிவில் 42,521 ஊழியர்களின் செயல்திறனை ஆய்வு செய்ய முடிவு செய்துள்ளது. இந்த ஆய்வில் non-performersஆகக் கருதப்படும் ஊழியர்கள் நிச்சயமாகப் பணியில் இருந்து வெளியேற்றப்படுவார்கள் என அரசு தரப்பு தெரிவித்துள்ளது.

கடந்த ஜனவரி மாதத்தில் மத்திய அரசு non-performer என்ற முத்திரை குத்தி உயர் ஐஏஎஸ் அதிகாரியை பணியைவிட்டு நீக்கியது. அதேபோல் மத்திய பிரதேசத்தில் அரவிந்த் மற்றும் டினோ ஜோஷி என்கிற ஐஏஎஸ் தம்பதிகள் திடீரெனப் பணியில் இருந்து நீக்கப்பட்டனர். 4 வருடங்களுக்குப் பின் இவர்களின் வீட்டில் சோதனை நடத்தியபோது 350 கோடி ரூபாய் மதிப்புகள் சொத்துக்கள் மற்றும் 3 கோடி ரூபாய் ரொக்கம் இவர்கள் வீட்டில் இருந்து வருமான வரித்துறையினர் கைப்பற்றினர். 

மத்திய அரசு பொதுவாக அரசுப் பணியாளர்களின் செயல்திறன் குறித்த ஆய்வைப் பணியில் சேர்ந்து 15 வருடத்திலும், அதன் பின் 25 வருடத்திலும் ஆய்வு செய்வார்கள். 

பிளஸ் 2 துணைத்தேர்வு ஜூன் 23 - ஜூலை 6 வரை நடக்கிறது: தனியார் பிரவுசிங் சென்டர்களில் விண்ணப்பிக்க முடியாது.

பிளஸ்-2 துணைத்தேர்வு ஜூன் 23ல் தொடங்கி ஜூலை 6ம் தேதி வரை நடக்கிறது. துணைத்தேர்வுக்கு மே 29 முதல் ஜூன் 1 வரை ஆன்லைனில் விண்ணப்பிக்கலாம் என்றும் தெரிவிக்கப்பட்டுள்ளது. 

பள்ளிகள், தேர்வுமையங்கள்  மூலம் ஆன்லைனில் மட்டுமே விண்ணப்பிக்க முடியும் என்று தெரிவிக்கப்பட்டுள்ளது. தனியார் பிரவுசிங் சென்டர்கள் மூலம் துணைத்தேர்வுக்கு விண்ணப்பிக்க முடியாது என்றும் தெரிவிக்கப்பட்டுள்ளது.

அரசு பள்ளி மாணவர்கள் ஜப்பான் பயணம்

தொழில்நுட்ப பரிமாற்ற கருத்தரங்கில் பங்கேற்க ஊட்டி அரசு பள்ளி மாணவர்கள் ஜப்பான் செல்கிறார்கள்.

ஜப்பான் நாட்டில் உள்ள டோக்கியோ நகரில் வருகிற 28-ந்தேதி தொடங்கி அடுத்த மாதம் (ஜூன்) 2-ந்தேதி வரை தொழில்நுட்ப பரிமாற்றம் குறித்த கருத்தரங்கு நடைபெறுகிறது. இதில் தமிழகத்தில் இருந்து 5 மாணவர்கள் கலந்து கொள்ள உள்ளனர்.

இதில் ஊட்டி அரசு பள்ளியை சேர்ந்த 11-ம் வகுப்பு மாணவர் அருண், 10-ம் வகுப்பு மாணவர் கோகுல் ஆகிய இருவரும் தேர்வு செய்யப்பட்டு உள்ளனர். இவர்கள் இருவரும் சகோதரர்கள் என்பது குறிப்பிடத்தக்கது.

இந்த 10 விஷயங்களை சாத்தியப்படுத்துங்கள் செங்கோட்டையன்! - கல்வி சீர்திருத்தத்தை விவரிக்கும் கலாமின் ஆலோசகர்

பிளஸ் 1 வகுப்புக்கும் பொதுத்தேர்வு முறையை பள்ளிக் கல்வித்துறை அமல்படுத்தியது கல்வியாளர்களிடையே வரவேற்பையும் விமர்சனத்தையும் ஒருசேரப் பெற்றுள்ளது. 'பத்தாம் வகுப்பில் இருந்து தொடர்ந்து மூன்று பொதுத் தேர்வுகளை மாணவர்களால் எதிர்கொள்ள முடியுமா?' என்ற வாதத்தையும் அவர்கள் முன்வைக்கின்றனர். 'கல்வித்துறையில்தான் சீர்திருத்தம் தேவைப்படுகிறதே தவிர, பொதுத்தேர்வு முறையில் அல்ல' என்கிறார் அப்துல் கலாமின் அறிவியல் ஆலோசகராக இருந்த வெ.பொன்ராஜ்.

 செங்கோட்டையன்

பள்ளிக்கல்வித்துறையில் இதுவரையில் இல்லாத அளவுக்குப் புதிய நடைமுறைகளை செயல்படுத்தி வருகிறார் அமைச்சர் செங்கோட்டையன். அந்த வரிசையில், நடப்பு கல்வி ஆண்டு முதல் பிளஸ் 1 வகுப்புக்கும் பொதுத் தேர்வை அறிவித்தார். இதனால், தனியார் பள்ளிகள் பலவும் அதிர்ச்சியில் ஆழ்ந்தன. அமைச்சரின் அறிவிப்பு குறித்து நம்மிடம் பேசிய பொன்ராஜ், "அரசின் இந்த முடிவு என்பது மாணவர்கள் மீதான தேவையற்ற சுமையாகத்தான் பார்க்கிறேன். தற்போதுள்ள நிலையில் நமது கல்வித்திட்டத்தில் சீர்த்திருத்தமும் சிந்தனையில் மாற்றமும் தேவைப்படுகிறது. பொதுத்தேர்வு நடத்துவதால் எந்தத் தீர்வும் வந்துவிடாது. பள்ளிக் கல்வித்துறையில் 12 ஆண்டுகளுக்குப் பிறகு பாடத் திட்டத்தில் மாற்றம் கொண்டு வருவதை வரவேற்கிறேன்.

ஆனால், 11 ஆம் வகுப்புக்குப் பொதுத் தேர்வும் சிறப்பு பயிற்சி வகுப்புகளும் நடத்தப்படுவதை என்னால் ஏற்றுக் கொள்ள முடியவில்லை. பள்ளிகளில் சிறப்பு பயிற்சி கொடுக்க வேண்டிய நிலை வருகிறது என்றால், உங்கள் கல்வி முறையும் கற்பிக்கும் முறையும் சரியில்லை என்றுதான் அர்த்தம். கல்வியில் சீர்திருத்தத்தைக் கொண்டு வர வேண்டும். அந்த சீர்திருத்தமானது மாணவர்களின் சிந்திக்கும் திறனை ஆராயும் திறனை வளர்ப்பதாக இருக்க வேண்டும். மனப்பாடம் செய்யும் திறனைப் புகுத்தி, மாணவர்களை மூன்று ஆண்டுகள் சித்ரவதை செய்வதாக இருக்கக் கூடாது. தொடர்ந்து மூன்று ஆண்டுகள் பொதுத்தேர்வு நடந்தால், அந்த மாணவன் எப்படித் தாங்குவான்? பொதுவாக, பொதுத்தேர்வு என்றாலே பெற்றோர்களின் இம்சையைத் தாங்க முடியாது. இதில் மூன்று ஆண்டுகள் அவனை நீங்கள் கொடுமைப்படுத்த வேண்டுமா?" என ஆதங்கப்பட்டவர்,

பொன்ராஜ்"தற்போதுள்ள சூழலில் மாணவர்களுக்குத் தேவையானது படிக்கும் திறன், கற்றல் திறன், கேட்கும் திறன், பார்க்கும் திறன், பகிரும் திறன், சிந்திக்கும் திறன் ஆகியவைதான். இதனை 10, 11, 12 பொதுத் தேர்வுகள் கொண்டு வருமா என்றால் கண்டிப்பாகக் கிடையாது. அடுத்த வருடம் பொறியியல் கல்லூரிகளுக்கும் அகில இந்திய தகுதித்தேர்வு வர இருக்கிறது. ' NEET, JEE தேர்வுக்கு இணையான தேர்வை தமிழக அரசு நடத்திக்கொள்ளும்' என்று மாநில உரிமைக்காகப் போராடி, அதை செயல்படுத்த வேண்டிய சட்டப்பூர்வ கடமை தமிழக அரசுக்கு உண்டு. இதை சாத்தியப்படுத்த முடியவில்லை என்றாலும் மாணவர்களை பலியாக்காதீர்கள். இதில், அமைச்சரின் கவனத்துக்கு சில ஆலோசனைகளையும் சொல்ல விரும்புகிறேன்" என்றவர், பத்து விஷயங்களைப் பட்டியலிட்டார்.

பொன்ராஜ்

1. 9 ஆம் வகுப்பு முதல் 12 ஆம் வகுப்பு வரையில் நான்கு வருட  முன் பட்டப்படிப்பு பாடத் திட்டத்தை (Pre Graduation Course) உருவாக்குங்கள்.

2. ஆறு மாத செமஸ்டர் சிஸ்டத்தின்படி இந்தப் படிப்பு அமைய வேண்டும். இந்த நான்கு வருடங்களுக்குள், அந்த மாணவன் எந்தப் பாடப்பிரிவில் தோல்வி அடைந்தாலும், பின்பு படித்து வெற்றி பெற வாய்ப்பு உண்டு. இந்த முறையில் வந்தால் மாணவர்களுக்கு பொதுத்தேர்வு குறித்த பயம் குறையும். பயம் இல்லாத மனமே எதையும் வெல்லும். மதிப்பெண் மட்டும் குறிக்கோள் அல்ல.

3. இதன் வழியாக கற்பித்தல், கற்கும் முறை, கேள்வி கேட்கும் முறை, வினாத்தாள் திருத்தும் முறை ஆகியவற்றில் மாற்றம் கொண்டு வாருங்கள்.

4. இந்தப் பாடப் பிரிவுகளுக்கு ஏற்ப ஆசிரியர்களுக்குத் தேவையான பயிற்சியை அளிக்க வேண்டும்.

5. நீங்கள் விரும்பியபடி, மூன்று வருட காலத்தில் நமது பாடத்திட்ட முறையை, மத்திய பாடத்திட்டத்தைவிட (CBSE) உலகத் தரமுள்ளதாகக் கொண்டு வாருங்கள். அந்த வேலைகள் தனியாக நடக்கட்டும்.

6. தற்போதைய உடனடித் தேவை, மத்திய பாடத்திட்ட முறையை (CBSE) அடுத்த ஆண்டு தமிழில் மாற்றுங்கள். 9 ஆம் வகுப்பு முதல் 12 ஆம் வகுப்பு வரை, மேம்படுத்தப்பட்ட பாடத் திட்டம் வரும் வரை இதைத் தமிழில் கற்றுக்கொடுக்க ஆசிரியர்களுக்குப் பயிற்சி கொடுங்கள்.

உதயசந்திரன்

உதயசந்திரன்

7. தமிழுக்கும் ஆங்கிலத்துக்கும் முக்கியத்துவம் கொடுங்கள். ஆங்கிலத்தை ஆறே மாதத்தில் படிக்க வைக்க, பேச, விவாதிக்க எளிய வழிமுறைகள் இருக்கின்றன. அதை அறிமுகப்படுத்தி, ஆங்கிலத்தின் மீதுள்ள பயத்தைப் போக்குங்கள்.

8. விளையாட்டு, சமூக சேவை, ஒழுக்கம், யோகா, தியானம், பெற்றோர்களை மதிக்கும் பண்பு, பேச்சுத் திறன், எழுத்துத் திறன், அரசியல் அறிவு, அறிவார்ந்த விவாத திறன் போன்றவைகளுக்கும் தனித்தேர்வு முறை வைத்து அதையும் உயர்கல்வி  தகுதித் தேர்வுக்கு ஒரு மதிப்பெண்ணாக, அல்லது கிரேட் முறையில் அவனை மதிப்பிட்டு மாணவர்களை பன்முகத்தன்மை கொண்ட மனிதனாக, சமூக, பொருளாதார, அரசியல் உணர்ந்த வல்லமை மிக்க மாணாக்கர்களை உருவாக்கும் பாடதிட்டத்தை அறிமுகப்படுத்துங்கள்.

9. பள்ளி ஆசிரியர்களுக்கு மாணவர்களின் விடையை புரிந்து வினாத்தாளை திருத்தும் திறனை ஏற்படுத்திக்கொடுங்கள். அதாவது ஒரே விடையை ஆசிரியர்கள் மாணவர்களிடம் இருந்து எதிர்பார்க்க கூடாது. அப்படிப்பட்ட அடிப்படை கேள்விகள் இருக்க கூடாது. சிந்திக்கும் திறன் உள்ள கேள்விகள் கேட்கப்பட வேண்டும். அதற்கு மாணவர்கள் மட்டுமல்ல, ஆசிரியர்களும் தயாராக வேண்டும்.

10. இந்த பாடத் திட்ட முறையை, கற்றல், கற்பிக்கும் முறையை, பயிற்றுவிக்கும் முறையை ஊக்குவிக்கும் முகமாக தரச்சான்று பெற வைத்து பள்ளிகளை தொடர்ந்து தரப்படுத்துங்கள்" என விவரித்தவர்,

"இந்த பத்து விஷயங்களையும் சரியாகச் செய்தால், உலகத்திலேயே மிகச் சிறந்த கல்வித்துறையாக தமிழக கல்வித்துறை மாறும். மாணவர்களுக்கு வகுப்பறைகளில் படிக்கும் படிப்பே போதுமானதாக இருக்கும். தனியாக சிறப்பு பயிற்சி கொடுக்க வேண்டிய அவசியம் இருக்காது. இதன்பின்னர், ஆரம்பக் கல்வி, நடுநிலைக்கல்வியில் படிப்படியாக மாற்றம் கொண்டு வாருங்கள். இப்படியொரு மாற்றத்தைக் கொண்டு வர உங்களாலும் (அமைச்சர் செங்கோட்டையன்) முடியும். பள்ளிக் கல்வித்துறை செயலர் உதயச்சந்திரனாலும் முடியும். நீங்கள் செய்வீர்கள் என நம்புகிறேன்" என்றார் தீர்க்கமாக

புதிய மாற்றங்களால் 'கல்வி மறுமலர்ச்சி' மலருது மனஅழுத்தமில்லா மாணவர் சமுதாயம்!

கற்றதை மனப்பாடம் செய்து பெற்ற மதிப் பெண்ணை கொண்டாடும் கல்வி முறைக்கு முற்றுப்புள்ளி வைத்து மாணவரின் சிந்தனை திறனை அதிகரித்தும்,படைப்பாற்றலை ஊக்கு விக்கும் வகையில் தமிழக கல்வி துறையில் அடுத்தடுத்த மாற்றங்கள் அரங்கேறி வருகின்றன. 

'மதிப்பெண்ணே மாணவர் அளவுகோல்,' என்ற மாயையை மாற்றி, மனஅழுத்தத்தை மாணவ ருக்குள் உற்பத்தி செய்யும் தேர்வு முறைக்கு விடை கொடுத்து, அறிவு தேடலை நோக்கிய கல்வித்துறையின் இப்புதிய பயணம் குறித்து பெற்றோர், பள்ளி முதல்வர்கள், கல்வி நிறுவன உரிமையாளர் என்ன சொல்கிறார்கள்...

தொடர்ந்து பொதுத் தேர்வுகள் 

ஹேமா ஆட்ரே, முதல்வர், சி.இ.ஓ.ஏ., பள்ளி, மதுரை: கல்வித் துறையில் சமீபமாக நடக்கும் மாற்றங்கள் இத்துறையில் மறுமலர்ச்சியை ஏற்படுத்தும். தேர்வு நேரம் குறைப்பு, மனப் பாடம் செய்து படிக்கும் முறைக்கு முற்றுப் புள்ளி வைக்கப்பட்டுள்ளது. 'புளு பிரின்ட்', 'புக் பேக்' வினாக்கள் மட்டுமே இல்லாமல் சிந்திக் கும் வகையிலும் வினாக்கள் இடம் பெறுவது ஆரோக்கியமானது. ஆனால் பத்தாம் வகுப்பு, பிளஸ் 1 மற்றும் பிளஸ் 2 என தொடர்ந்து மூன்று ஆண்டுகள் பொது தேர்வுக்காக மாண வர்கள் தயாராவது அவர்களை சோர்வடையச் செய்யும்.

புரட்சியை ஏற்படுத்தும் 

அபிலாஷ்,இயக்குனர்,அரபிந்தோ மீரா கல்வி குழுமம், மதுரை: கல்வித்துறையின் அடுத் தடுத்த மாற்றங்கள் அறிவியல் பூர்வமாக நடக் கிறது. பாடத் திட்டங்கள் திட்டமிட்டு அடுத் தடுத்த கல்வியாண்டில் மாற்றப்படும் என்ற அறிவிப்பு வரவேற்கதக்கது. தரத்தை உயர்த்தும் வகையில் பிளஸ் 1ஐ பொதுத் தேர்வாக மாற்றியுள்ளது நல்ல முடிவு.

வினாக்களில் 'அப்ஜெக்டிவ்' முறை வினாக்க ளும் 'புக்பேக்', 'புளுபிரின்ட்' அடிப்படையிலான வினாக்கள் இடம் பெறாமல், சிந்தித்து எழுதும் வினாத்தாளாக இருக்க வேண்டும். குறிப்பாக மொழி பாடங்களை தவிர மெயின் பாடங்களில் அதிகமாக 'அப்ஜெக்டிவ்' வகை வினாக்கள் இடம் பெற செய்ய வேண்டும். இதுபோன்ற மாற்றங்களால் தமிழக கல்வித்துறையில் புரட்சி ஏற்படும்.

எளிதாக எதிர்கொள்வர்

எஸ்.ஆக்னஸ்ரீட்டா (முதல்வர், எஸ்.எம்.பி.எம்., மெட்ரிக் மேல்நிலைப்பள்ளி, திண்டுக்கல்): பல பள்ளிகள் பிளஸ்1 பாடங்கள் நடத்தாமல் பிளஸ் 2 பாடங்களையே நடத்தின. இதனால் பிளஸ்1 பாடங்கள் முக்கியத்துவம் இழந்தன. பிளஸ் 1ல் பொதுத் தேர்வு அறிவிப்பு மிகவும் பயனுள்ளதாக இருக்கும். தற்போது மேல்நிலை பள்ளியில், இரண்டாண்டிற்கும் ஒருங்கிணைந்த சான்றிதழ், அதற்கும் 'ஸ்மார்ட் கார்டு' என அறிவித்திருப்பது வரவேற்கத்தக் கது. இதனால் மேல்நிலை வகுப்பு முடித்து செல்லும் மாணவர்கள்,தேசிய நுழைவுதேர்வை எளிதாக எதிர்கொள்வர்.

சரியான நடவடிக்கையே

ஆர்.கிருஷ்ணமூர்த்தி(தாளாளர், வித்யாபார்த்தி மெட்ரிக் பள்ளி,திண்டுக்கல்): பிளஸ்1ல் மாநில அளவிலான பொதுத்தேர்வு அறிவித்தது சரியான நடவடிக்கையே. பிளஸ்2 பாடத்தை பல பள்ளிகள் இரண்டு ஆண்டுகள் நடத்துவது தடுக்கப்பட்டுள்ளது. நீட், ஜே.இ.இ., தேர்வுக்கு சி.பி.எஸ்.இ., படத்தை மையமாக வைத்துள்ளது. இதனை கருத்தில் கொண்டு நமது பாடத்திட்டமும் மாற்றப்பட உள்ளது. இது மாணவர்களின் சிந்தனை திறனை அதிகரிக்கும்.

மாணவர் திறன் மேம்படும்

பி.சுபா ஈஸ்வரி ( முதல்வர், தேனி மேலப்பேட்டை இந்து நாடார் மெட்ரிக் மேல்நிலைப்பள்ளி, முத்துத்தேவன்பட்டி): சி.பி.எஸ்.இ.,க்கு இணையாக மாநில பாடத்திட்டம் அமைகிறது. மனப்பாட சுமை குறைந்து புரிந்து படிக்கலாம். மாணவர் திறன் மேம்படும். 2021ல் சி.பி.எஸ்.இ., மாணவர்களைப்போல கல்வியில் நம்மவர்கள் பிரகாசிப்பர். 6ம் வகுப்பில் ஐ.டி., பாடம் கொண்டு வருவது சிறப்பானது. பல தேர்வுகள் ஆன்-லைனில் நடத்தப்படுவதும், பல்வேறு துறைகளில் 'மொபைல் ஆப்' கள் பயனுக்கு வருவதால் கீழ்நிலை வகுப்பிலே மாணவர்கள் தகவல் தொழில் நுட்பத்தில் முத்திரை பதிப்பர்.

பிரித்து படிப்பதால் எளிமை

ஜீவானந்தம் (முதல்வர், பூர்ண வித்யாபவன், கோடாங்கிபட்டி, தேனி ): பிளஸ் 1ல் அரசு பொது தேர்வு சிறந்தது. புதிய கல்விமுறையால் மாணவர் அறிவு கூர்மை அதிகரிக்கும். பிள்ளை கள் மூன்று ஆண்டுகளுக்கு அரசு பொதுதேர்வு எழுத நேரிடும் என பெற்றோர் குழம்புகின்றனர். பாடங்களை பிரித்து படிப்பதால் ஆர்வமாக படிப்பர். ஐ.ஐ.டி., ஜே.இ.இ., என்.ஐ.டி.இ., போன்ற உயர் கல்வியில் படிக்க வாய்ப்புகள் அதிகரிக் கும். மனப்பாட கல்விமுறை ஒழிந்து செயல் முறை கல்வி திறனை மேம்படுத்தும்.

அறிவு வளர்ச்சி பெறும்

ஸ்ரீனிவாசலு, முதல்வர், ஏ.வி.எம்., மெட்ரிக் பள்ளி, ராமநாதபுரம்: வட மாநில மாணவர் களுக்கு இணையாக போட்டி தேர்வுகளில் தேர்ச்சி பெற புதிய கல்விக்கொள்கை வழி வகுக்கும். மாணவர்கள் மதிப்பெண்ணை குறிக் கோளாக கொண்டு செயல்பட்ட தற்போதைய கல்வி திட்டம் மாறி, மாணவர்கள் அறிவு வளர்ச்சியை மையமாக வைத்து அமைக்கப் படும் புதிய பாடத்திட்டம் வரவேற்கதக்கது, என்றார்.

எதிர்பார்த்த அம்சம்

எம்.அஜ்மல்கான், தலைமை ஆசிரியர், கீழ முஸ்லிம் மேல்நிலை பள்ளி, பரமக்குடி: போட்டித் தேர்வுகளில் பிளஸ் 1 மற்றும் பிளஸ் 2 பாடங்களில்இருந்தே கேள்விகள் கேட்கப்படு கின்றன. அகில இந்திய அளவில் நடக்கும் போட்டித் தேர்வுகளிலும் வெற்றி பெற வாய்ப் பாக அமையும்.இத்துடன் அனைத்து பாடங் களுக்கும் அக மதிப்பெண் வழங்குவதாக கூறி இருப்பது நீண்ட நாட்களாக ஆசிரியர்கள் எதிர் பார்த்த அம்சமாகும். இந்த முறையால் 

மாணவர்கள் எளிதாக தேர்வில் வெற்றி பெறவும் வழிவகுக்கப்பட்டுள்ளது.

புரிந்து படித்தால் வெற்றி

கே.ஆர்.பரமேஸ்வரன், முதல்வர், புதுவயல் கலைமகள் வித்யாலயா பள்ளி: மத்திய அரசின் நீட், ஐ.ஐ.டி., தேர்வில் பிளஸ் 1 பாடங்களிலிருந்து 50 சதவீத வினாக்கள் கேட்கப்படுகிறது. பள்ளிகள் அவர்களுடைய வளர்ச்சியை மட்டுமே கருத்தில் கொண்டு, பிளஸ் 2 பாடத்தை நேரடியாக நடத்தி மாணவர் களை மனப்பாட இயந்திரமாக மாற்றினர். தற்போதைய பொது தேர்வு அறிவிப்பால், பிளஸ் 1 பாடத்தையும் நடத்த வேண்டிய கட்டா யம் ஏற்பட்டுள்ளது. புரிந்து படித்தால் மட்டுமே வெற்றி பெற முடியும். இதன் மூலம் கல்வி மற்றும் வேலை வாய்ப்பில் மாணவர்கள் இந்திய அளவில் முதலி டம் பெறுவார்கள். மதிப்பெண்ணை மட்டும் நம்பி இயங்கி வந்த பள்ளிகளுக்கு மட்டுமே இது சிரமம். 

எளிதில் மாணவர்கள் வெற்றி

எம்.விவேகானந்தன், முதன்மை முதல்வர், 21 ம் நுாற்றாண்டு மெட்ரிக் மேல்நிலைப் பள்ளி, சிவகங்கை: தேர்வு முடிவுகள் மதிப்பெண் அடிப் படையில் தரப்பட்டியல் வெளியிடாதது மாணவர் களுக்கும், பெற்றோருக்கும் மனஅழுத்தத்தை குறைத்துள்ளது.இனி தேர்வு என்றால் பயம் இருக் காது. பொதுத்தேர்வு அறிவிப்பால் பிளஸ் 1 பாடங் களை கற்பிக்க வேண்டிய கட்டாயம் ஏற்பட்டுள்ளது. பிளஸ் 1, பிளஸ் 2 தேர்வு மதிபெண்களை தலா 600 குறைத்திருப்பது நல்ல அம்சம். அறிவித்தப்படி செயல்படுத்த வேண்டும். வினாத்தாள் வடிவமைப் பையும் விரைவில் வெளியிட வேண்டும்.

படிப்பில் ஏற்றத்தாழ்வு நீங்கும்

எஸ்.சித்ராஜெயந்தி (முதல்வர், ஜேசீஸ் மெட்ரிக்., மேல்நிலைப்பள்ளி சிவகாசி) : மதிப்பெண்களை மையம் வைத்து மட்டும் பள்ளிகள் இயங்காது. மாணவர்கள் மீதும் அக்கறை செலுத்த துவங்குவர். தனித்திறமையை மேம்படுத்தும். இதன் மூலம் தன்னம்பிக்கை, வளர்ச்சி ஒருசீராக இருக்கும். படிப்பில் ஏற்றத்தாழ்வு நீங்கும். உயர்கல்வியில் சிறந்து விளங்க முடியும். கல்லுாரி போல் நடை முறை வைத்தால் மாணவர்கள் படிப்பதில் கவனம் குறையும்.

ஆசிரியர்களுக்கு தேவை புத்தாக்க பயிற்சி

அ.சுதாகரன்(முதல்வர், ஸ்ரீவி.லயன்ஸ் மெட்ரிக்., மேல்நிலைப்பள்ளி, ஸ்ரீவில்லிபுத்துார்): அகில இந்திய நுழைவுத்தேர்வுகளில் மாணவர்கள் பங்கேற்கும் அளவிற்கு தற்போதைய பாடத்திட்டம் தயார் படுத்தாமல் இருந்தது. இது தற்போதய மாற் றங்கள் மூலம் சி.பி.எஸ்.இ., மற்றும் ஐ.சி.எஸ்.இ., போன்ற பாடதிட்டங்களுக்கு நிகராக பாடதிட்டத்தை மேம்படுத்த இருப்பது வரவேற்கதக்கது. இதனால் தமிழக மாணவர்களின் கல்வித்தரம் அதிகரிக்கும். ஆசிரியர்கள் புதிய பாடத்தை சரிவர கற்பிக்க, வல்லுனர்களை கொண்டு புத்தாக்க பயிற்சி அளிப்பது மிகவும் அவசியம்.

புரிதல் திறன் அதிகரிக்கும் 

சனாஸ்ரீ, பெற்றோர், மதுரை: என் குழந்தைகளை சி.பி.எஸ்.இ., பாடத் திட்டத்தில் படிக்க வைக்கி றேன். தமிழக கல்வித்துறையில் ஏற்பட்டு வரும் மாற்றங்களால் அனைத்து வகை மாணவர்களின் எதிர்காலமும் சிறப்பாக அமையும். பிளஸ் 1 பொது தேர்வு என்பதால் அதை கட்டாயம் மாணவர் படிக்க வேண்டும். பிளஸ் 1 பாடத் திட்டத்தில் உயர் கல்விக்கு தேவையான விஷயங்கள் உள்ளன.

மனப்பாடம் செய்து படித்தால் மதிப்பெண் பெற முடியுமே தவிர மாணவர்கள் எதிர்காலத்தில் எவ் வித பலனும் இருக்காது. சிந்தித்து எழுதும் முறை யால் மாணவர்களின் புரிதல் திறன் அதிகரிக்கும். நம் பாடத் திட்டங்களை சி.பி.எஸ்.இ.,க்கு இணை யாக மாற்றம் செய்யப்பட்டால் அரசு பள்ளிகளின் தரம் அதிகரிக்கும் என்பதில் மாற்றம் இல்லை.

தரம் அதிகரிக்கும் 

யாழினி, பெற்றோர், மதுரை: பிளஸ் 1 பாடங்களை படிக்காமல் நேரடியாக பிளஸ் 2 படித்து விட்டு உயர் கல்விக்கு செல்வதால் பொறியியல், ஐ.ஐ.டி.,யில் கணிதம், அறிவியல் பகுதிகளில் சிக்கல் ஏற்பட்டது. தற்போது பிளஸ் 1, பிளஸ் 2விலும் இணைத்து ஒருங்கிணைந்த மதிப்பெண் கணக்கீடு செய்வது மாணவர்களுக்கு மன அழுத்தத்தை குறைக்கும். 

அதுபோல் ஒரு பாடத்திற்கு 100 மதிப்பெண்ணில் மாணவர் செயல்திறனுக்கு 10 மதிப்பெண் வழங்கப் படுவதால் அவர்கள் ஒழுக்கத்தை கடைபிடிப்பர். சிறந்த மாணவர் சமுதாயம் உருவாகும். ஆறு முதல் பத்தாம் வகுப்பு அறிவியல் பாடத்தில் தகவல் தொழில்நுட்பம் (ஐ.டி.,) பாடம் சேர்க்கப்படுவது, ஆசிரியர்கள் தரத்தை அதிகரிக்கும் வகையில் கையேடுகள் வழங்குவது போன்றவை கல்வி தரத்தை அதிகரிக்கும் என்பதில் சந்தேகம் இல்லை.

வாழ்வை எதிர்கொள்வர்

சுதாராணி (பெற்றோர், திண்டுக்கல்): தற்போதுள்ள கல்வித்திட்டத்தில் மனப்பாடமே பிரதானமாக உள்ளது. புத்தகப் பைகளை சுமந்து, அவர்களின் முதுகு சாய்ந்து விட்டது. போட்டி உலகத்தில் நமது குழந்தைகளும் ஜெயிக்க வேண்டும், பின்தங்கி விடக்கூடாது. வேலை என்பது இரண்டாம் கட்டமே.

வாழ்க்கை பிரச்னைகளை எதிர்கொள்ள அவர்களா கவே சிந்தித்து தீர்வு காண வேண்டும். சாதனை படைக்க வேண்டும் என பெற்றோர் நினைப்பர். மாணவர்களின் மன அழுத்தத்தை குறைத்து, செய் முறைகள், சிந்தனை ஆற்றலை வளர்க்கும் கல்வியை தர வல்லதாக புதிய பாட திட்டம் அமை யும் என்பதில் சந்தேகம் இல்லை. இதனால் இந்த நடவடிக்கையை வரவேற்கலாம்.

முழுமையான மாற்றம் தேவை

எஸ்.இந்திரா(பெற்றோர், திண்டுக்கல்): அகில இந்திய மருத்துவ நுழைவுத் தேர்வு நடத்தப்படுவது தமிழ்நாட்டில் 'கட்டாயம்' என்ற நிலை வந்து விட்டது. தற்போது பிளஸ் 1, பிளஸ் 2 பாடத்திட்டம் மற்றும் தேர்வு முறைகளில் மாற்றம் வரவேற்கத் தக்கது. ஆனால் ஏற்கனவே உள்ள பாடத் திட்டத்தின் ஒரு சில பகுதிகளை மட்டும் மாற்றுவதாக தெரி கிறது. அதைவிடுத்து ஏற்கனவே உள்ள கல்வி முறையில் முழுவதும் மாற்றம் கொண்டு வர வேண்டும். மாணவர்கள் 'நீட்' தேர்வு, ஜே.இ.இ., போன்ற தேசிய நுழைவு தேர்வுகளை எதிர் கொள்ளும் வகையில் தயாராக வேண்டும் ,என்றார்.

மன அழுத்தம் இருக்குமா

எம்.சுமந்திராதேவி (பெற்றோர், தேனி): புதிய பாட திட்டத்தால் மூன்று ஆண்டிற்கும் மாணவர்கள் அரசு பொதுத்தேர்வு எழுத வேண்டும் என்பதால் மன அழுத்தம் ஏற்படுமோ என்ற அச்சம் உள்ளது. 10ம் வகுப்புவரை சமச்சீர் கல்வியில் படித்து முடித்து பிளஸ் 1ல், சி.பி.எஸ்.இ., பாடம் என்கின்ற போது பயம் ஏற்படுகிறது. ஆனால் 'நீட்' தேர்விற்கு புதிய பாடத்திட்டம் பயன்படும் என்றால் வரவேற்க தக்கதுதான். ஆரம்பத்தில் குழப்பம் இருக்கும். பின்னர் சரியாகும் என நம்புகிறோம். ஒரே மாதிரியான கல்வி திட்டமாக இருப்பது சிறந்தது.

வரவேற்கத்தக்க மாற்றம்

கே.அமுதா, பெற்றோர்,ராமநாதபுரம்: அரசின் புதிய கல்விக் கொள்கை வரவேற்கத்தக்கது. 

மாணவர்கள் தரமான கல்வியை பெற வேண்டும். மதிப்பெண்களை குறைத்து பாடத் திட்டங்களை மாற்றம் செய்யும் போது மாணவர்கள் அறிவுத்திறன் வளர்ச்சி பெறும். போட்டி தேர்வுகளில் மாணவர்கள் எளிதில் வெற்றி பெறும் வகையில் பாடத்திட்டம் அமைய வேண்டும். வாழ்க்கைக்கு பயனுள்ள கல்வியை அரசு வழங்குவதில் தாமதம் கூடாது, என்றார்.

பாடதிட்டம் வரவேற்கத்தக்கது

தேன்மொழி, பெற்றோர், திருப்புவனம்: கிராமப் புற மாணவர்கள் நீட் தேர்விற்கு தயாராகும் வகையில் பாடத் திட்டம் சரி. ஆனால் அதனை கற்பிக்கும் அளவுக்கு தகுதி வாய்ந்த ஆசிரியர் கள், ஆய்வு கூட வசதி பற்றி எதுவுமே சொல் லப்படவில்லை அதனையும் சரி செய்தால் நல்லது. ஆனால் அதற்கு உரிய புத்தகங்கள், உள்ளிட்டவை உரியநேரத்தில் மாணவர் களுக்கு கிடைக்க வேண்டும். தனியார் பள்ளி களைப் போல தகுதி வாய்ந்த ஆசிரியர்கள் நியமனம் செய்யப்பட வேண்டும்.

புத்துணர்வு ஏற்படும்

கே.பாப்பா,பெற்றோர் ஏ.வேலங்குடி: 11ம் வகுப்பிற்கு பொதுத்தேர்வு வைப்பதால், ஒரு வகுப்பிற்கான பாடமே படிக்காத நிலை நீக்கப்பட்டுள்ளது.மேலும் 12ம் வகுப்பு பாடத் தையே திருப்பி, திருப்பி படிக்கப்படுவதும் தவிர்க்கப்படுகிறது. இதனால் மாணவர்கள் சலிப்பில்லாமல் புத்துணர்வுடன் புதிய பாடத்தை படிக்க உதவுவதுடன் புதிய பாடங் களை அறிய உதவுகிறது. இளம் வயதில் குறிப்பிட்ட கால இடைவெளியில் தேர்வுகள் நடத்தப்படுவது நல்லதே. அதே போன்று ஒரே மதிப்பெண்கள் என்ற அளவுகோலும், தேர்வு நேரம் குறைக்கப்பட்டுள்ளதும் தேவையான மாற்றமே.

இதுவும் ஒரு கசப்பு மருந்தே

கார்த்திகா(ராஜபாளையம்): சி.பி.எஸ்.இ., பாடத்திட்டத்தை விட மேலான வகையில் தமிழக பாடத்திட்டம் அமைக்க உள்ளதாக அறிவிப்பு வெளியாகியது வரவேற்கத்தக்கது. 10, 11, 12 ம் வகுப்புகளுக்கு பொது தேர்வு முறை மீண்டும் மார்க்குகள் மற்றும் அடுத்த மாணவர் களுடன் ஒப்பீடு போன்ற மன அழுத்தங்க ளுக்கே வழிவகுக்கும். ஆழமான அறிவு தேடல் சார்ந்த புதியபாடதிட்டத்தையும் வரவேற்கி றோம். புதிய பாடதிட்ட முறை பெற்றோருக்கு அதிக வேலைப்பளுவும், செலவும் கொடுப்ப தாக இருக்கப்போவது மட்டும் உண்மை. எங்களுக்கு பாதிப்பு ஏற்படும் என்று தெரிந்தா லும் இதுவும் ஒரு கசப்பு மருந்தே. இருந்தாலும் இம்மாற்றத்தை வரேவற்பதே அடுத்த தலைமுறைக்கு நாம் செய்யும் உதவி.

மனப்பாடம் மட்டும் கல்வி அல்ல

ரேகா(விருதுநகர்): கல்வித்துறையில் சில மாற்றங்களை செய்வது வரவேற்கத்தக்கதாவே உள்ளன.பிளஸ் 1 தேர்வையும் பொதுத் தேர் வாக அறிவித்தது சிறந்தது. பத்தாம் வகுப்பு முதல் மூன்று ஆண்டுகள் கஷ்டப்பட்டால் அடுத்து மருத்துவம், பொறியியல் என உயர்கல்விக்கு செல்லலாம். மாணவர்கள் முழு வேகத்தையும் காட்டி செயல்படுவார்கள். சில தனியார் பள்ளிகளில் பிளஸ் 1 வகுப்புகளில் அந்த பாடத்தை புறக்கணித்துவிட்டு பிளஸ் 2 பாடங்களை துவக்கிவிடுகின்றனர். இவர்க ளுக்கு மனப்பாடம் திறன் மட்டுமே இருக்குமே ஒழிய சிந்திக்கும் திறன், காலத்திற்கு தகுந்தாற்போல செயல்படுவது போன்றவை குறையும்.

கால அவகாசம் தேவை

பாபு அப்துல்லா, கல்வியாளர்: வரவேற்கத் தக்கது. கால அவகாசம் வழங்க வேண்டும். கேரளா வில் மத்திய அரசின் பாடத்திட்டத் தினை பின்பற்றுகின்றனர். அங்கு அகில இந்திய போட்டி தேர்வுகளில் எளிதில் தேர்ச்சி பெறுகின்றனர். நீட் தேர்வு காலத்தின் கட்டா யம். அதே போல் சி.பி.எஸ்.இ., மெட்ரிக், ஸ்டேட் போர்டு என்றில்லாமல், அனைவருக் கும் மத்திய அரசின் பாடத்திட்டத்தினை எல்லோருக்கும் பொதுவாக கொண்டு வர வேண்டும். அதற்காக ஆசிரியர்கள் தங்களது திறமைகளை வளர்த்துக்கொள்ள வேண்டும். அதற்கான கால அவகாசம் வழங்க வேண்டும், என்றார்.

புரிந்து படிக்க வாய்ப்பு

த.தனுஷ்கோடி, கல்வியாளர்: பிளஸ் 1 தேர் வில் மாற்றம் வரவேற்கத்தக்கது. பல பள்ளி களில் பிளஸ் 1 பாடம் நடத்தாமலேயே பிளஸ் 2-வுக்கு நடத்துகின்றனர். இதனால், மாணவர் கள் போட்டி தேர்வில் சிரமப்படுகின் றனர். பிளஸ் 1 பாடத்திட்டத்தின் அடிப்படை தெரிவ தில்லை. நிறைய இன்ஜி., கல்லுாரிகளில் மாணவர்கள் முதல் ஆண்டில் பெயிலாகின் றனர். முதல் செமஸ்டர் பிளஸ் 1 அடிப்படை யில்தான் கேள்விகள் உள்ளது.பாடத்திட்டத்தை சி.பி.எஸ்.இ-க்கு இணையாக கொண்டு வருவது போட்டி தேர்வுக்கு எளிதாக இருக்கும். புரிந்து படிக்கும் வாய்ப்பு உருவாகியுள்ளது.

நம்பிக்கையை வளர்த்துள்ளது

மணிமாறன் (கல்வியாளர் ,விருதுநகர்): அடிப் படை கல்வி பிளஸ் 1 பாடங்களில் உள்ளது. இதை தவிர்க்கும் பள்ளிகள் பல, பிளஸ் 2 பாடத்தை இரு ஆண்டுகள் நடத்துகின்றன. ஒரே பாடத்தை இரு ஆண்டு படிக்கும் மாண வன், பிளஸ் 2 பொதுத்தேர்வில் மற்றவர்களை காட்டிலும் அதிக மதிப்பெண் பெறுகிறான். மற்ற மாநிலங்களை காட்டிலும் தமிழகத்தில் தான் இது அதிகம் நடந்தது. 

இரண்டு ஆண்டு படித்து அதிக மதிப்பெண் பெற்ற மாணவன், உயர்கல்வி படிக்கும்போது தடுமாகிறான். பிளஸ் 1 க்கு அரசு பொதுத்தேர்வு வேண்டும் என கல்வியாளர்கள் கடந்த பத்து ஆண்டு முன் கோரிக்கை வைத்தனர்.அது தற்போது நடந்துள்ளது. இது வரவேற்கத்தக்கது. 

நீட், ஜே.இ.இ., மற்றும் சிவில் சர்வீஸ் போன்ற தேர்வு கேள்விகள் 60 சதவீதம் பிளஸ் 1 பாட பிரிவு, 40 சதவீதம் பிளஸ் 2 பாடத்திட்டத் திலும் கேட்கின்றனர். கல்வித்துறையில் தற் போதைய மாற்றம் மாணவர்களுக்கு முன்னேற்றத்தை தரும்.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!