Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 21 June 2017

அரசுப் பள்ளிகளில் 2,536 ஆசிரியர்கள் நியமனம் - பள்ளிக்கல்வித்துறை அனுமதி !

மேல்நிலைப் பள்ளிகளில் காலியாக உள்ள, 2,536 பணியிடங்களை நிரப்பும் வரை, தற்காலிக ஆசிரியர்களை நியமித்துக் கொள்ள, பள்ளிக்கல்வித்துறை அனுமதி வழங்கியுள்ளது.
தமிழகத்தில், 2,500க்கும் மேற்பட்ட அரசு மேல்நிலைப் பள்ளிகளில், 2,645 முதுகலை ஆசிரியர் பணியிடங்கள் காலியாக உள்ளன. இதில், 2,536 பணியிடங்களை நிரப்புவதற்காக, ஆசிரியர் தேர்வு வாரியம் அறிவிப்பு வெளியிட்டுள்ளது.

இதற்கான தேர்வு, சான்றிதழ் சரிபார்ப்பு உள்ளிட்ட பணிகள்முடிந்து, ஆசிரியர்களை நியமிக்க குறைந்தபட்சம், நான்கு மாதங்களாகிவிடும். நடப்பு கல்வியாண்டில், பிளஸ் 1 வகுப்பும் பொதுத்தேர்வு என, அறிவிக்கப்பட்டுள்ளதால், ஆசிரியர் பணியிடங்கள் காலியாக உள்ள பள்ளிகளில், மாணவர்களின் கற்பித்தல் பணிகள் பாதிக்கும் சூழல் உருவாகியுள்ளது.இந்நிலையில், காலிப்பணியிடங்களில், தற்காலிக ஆசிரியர்களை நியமித்துக் கொள்ள அனுமதியளித்து, பள்ளிக்கல்வித்துறை செயலர் உதயச்சந்திரன் உத்தரவிட்டுள்ளார்.

அதில் அவர் கூறியிருப்பதாவது:

தமிழக அரசு மேல்நிலைப்பள்ளிகளில் காலியாக உள்ள, 2,536 முதுகலை ஆசிரியர் பணியிடங்களை தேர்வு செய்து நிரப்பப்படும் வரை, ஜூன் முதல், செப்டம்பர் வரையுள்ள நான்கு மாதங்களுக்கு, தற்காலிக ஆசிரியர்களை பெற்றோர் ஆசிரியர் கழகம் மூலம் நியமனம் செய்து கொள்ளலாம்.அந்தந்த ஊர்களில், அந்தந்த பள்ளி அமைந்துள்ள பகுதி மற்றும் அருகில் உள்ள பகுதிகளில் வசிக்கும் தகுதி வாய்ந்த நபர்களை, நியமித்துக் கொள்ளலாம். பள்ளி தலைமை ஆசிரியர், மேல்நிலை வகுப்பு துணைத்தலைமை ஆசிரியர், ஒரு முதுகலை ஆசிரியர் கொண்ட தேர்வுக்குழு மூலம், நியமனம் செய்யப்பட வேண்டும்.இவர்களுக்கு தொகுப்பூதியமாக மாதந்தோறும், 7,500 ரூபாய்வழங்கப்படும். இதற்காக, தமிழகம் முழுவதும், 7.61 கோடி ரூபாய் நிதி ஒதுக்கீடு செய்யப்பட்டுள்ளது. இவ்வாறு அவர்கூறியுள்ளார்.

நிகழாண்டில் 11 பொறியியல் கல்லூரிகள் மூடல்

தமிழகத்தில் இந்த ஆண்டில் 11 பொறியியல் கல்லூரிகள் மூடப்படுவதால் அவற்றில் மாணவர் சேர்க்கை இம்முறை இருக்காது என உயர் கல்வித் துறைச் செயலர் சுனில் பாலிவால் கூறினார்.

அண்ணா பல்கலைக்கழகத்தில் செவ்வாய்க்கிழமை நடைபெற்ற பி.இ. சேர்க்கை விண்ணப்பதாரர்களுக்கான சமவாய்ப்பு எண் வெளியீட்டு நிகழ்ச்சிக்குப் பின் அவர் அளித்த பேட்டி:
பொறியியல் பட்டதாரிகளுக்கு வேலைவாய்ப்புக் கிடைப்பது சற்று பாதிக்கப்பட்டிருப்பதால், பி.இ. படிப்புகளில் சேர்க்கை குறைந்து வருகிறது என்பது உண்மைதான்.
2017-18 கல்வியாண்டில் தமிழகத்தில் மொத்தம் 11 கல்லூரிகள் மூடப்படுவதால் இந்தக் கல்லூரிகளில் நிகழாண்டில் முதலாமாண்டு சேர்க்கை நடைபெறாது.

கோடை விடுமுறையை அதிகரிக்க முடிவு: இந்நிலையை மாற்ற பல்வேறு முயற்சிகளை மேற்கொள்ள தமிழக அரசு திட்டமிட்டுள்ளது. மாணவர்கள் வேலைவாய்ப்புத் திறனை மேம்படுத்திக்கொள்ள, அவர்களுக்குப் படிக்கும்போது தொழில் பயிற்சி அவசியம்.
மாணவர்கள் தொழில் நிறுவனங்களுக்குச் சென்று அதிக நாள்கள் பயிற்சி பெறும் வகையில் அனைத்து பொறியியல் கல்லூரிகளிலும் 2, 4, 6 பருவத் தேர்வுகளுக்குப் பின்னர் வழங்கப்படும் கோடை விடுமுறையை அதிகரிக்கச் செய்வது குறித்து ஆய்வு செய்து வருகிறோம். பருவத் தேர்வுகள் இப்போது 43 நாள்கள் நடத்தப்படுவதையும், குறைக்கவும் முயற்சிகள் எடுக்கப்பட்டு வருகின்றன.
கட்டணம்: தமிழகத்தில் சுயநிதிப் பொறியியல் கல்லூரிகளுக்கான கல்விக் கட்டணத்தைப் பொருத்தவரை கடைசியாக 2012 ஜூலையில் மாற்றியமைக்கப்பட்டது. அதன் பிறகு, 5 ஆண்டுகளாக கட்டணம் மாற்றியமைக்கப்படவில்லை.
இம்முறை கட்டணத்தை மாற்றியமைப்பதற்கான நடவடிக்கையை நீதிபதி பாலசுப்பிரமணியன் தலைமையிலான குழு மேற்கொண்டு வருகிறது. இதற்காக தனியார் சுயநிதிப் பொறியியல் கல்லூரிகள் கூட்டமைப்புடன், கட்டண நிர்ணயக் குழு 3 முறை ஆலோசனைகளை மேற்கொண்டுள்ளது. விரைவில் இதுதொடர்பாக அறிவிப்பு வெளியாகும்.
ஒரு புதுக் கல்லூரி: தமிழகத்தில் 527 பி.இ., பி.டெக். கல்லூரிகள், 53 கட்டடவியல் (பி.ஆர்க்.) கல்லூரிகள் என மொத்தம் 580 பொறியியல், தொழில்நுட்பக் கல்லூரிகள் உள்ளன.
இந்த ஆண்டு புதிதாக ஒரு பொறியியல் கல்லூரி தொடங்க அகில இந்திய தொழில்நுட்ப கவுனசில் (ஏஐசிடிஇ) அனுமதி அளித்துள்ளது.

மாற்றத்துக்குத் தயாரா ஆசிரியர்களே?

தமிழகக் கல்வித்துறை வரலாற்றில் மிகப் பெரிய புரட்சியை பள்ளிக் கல்வித்துறை அமைச்சர் கே.ஏ. செங்கோட்டையன் கொண்டு வந்திருக்கிறார். இதனால் மாணவ, மாணவியரின் மன அழுத்தம் குறைந்து தனியார் பள்ளி நிர்வாகிகளுக்கு மன அழுத்தம் அதிகரித்துள்ளது.

தமிழகத்தில் ஒவ்வோராண்டும் பல லட்சம் மாணவ, மாணவியர் 10 மற்றும் பிளஸ் 2 பொதுத்தேர்வு எழுதுகிறார்கள். இத்தேர்வில் தனியார் பள்ளியில் அதிக மதிப்பெண் வாங்கும் மாணவ, மாணவியரை விளம்பரம் செய்து கொண்டாடுவார்கள்.

தங்கள் பள்ளியில் படித்த மாணவர்களில் எத்தனை பேர் பொறியியல், மருத்துவம் மற்றும் முக்கியக் கல்லூரிகளில் சேர்ந்தார்கள், எத்தனை பேர் வெளிநாட்டுப் பல்கலைக்கழகத்தில் சேர்ந்துள்ளனர் என்று விளம்பரப்படுத்திக் கொள்வார்கள்.

தனியார் பள்ளிகளில் படிப்போர் 9-ஆம் வகுப்புப் புத்தகத்தைத் தொடாமல் 10-ஆம் வகுப்புப் பாடத்தை இரண்டு ஆண்டுகள் படிப்பவர்கள். அதேபோல பிளஸ் 1-ஐ படிக்காமல், பிளஸ் 2 பாடத்தை இரண்டு ஆண்டுகள் படிப்பவர்கள். இவர்களில் பெரும்பாலானோர் புரிந்து படிப்பதற்குப் பதிலாக மனப்பாடம் செய்துதான் தேர்வெழுதுகிறார்கள்.

இப்படி மனப்பாடம் செய்து தேர்வெழுதும் மாணவர்கள், கல்லூரிக்குச் செல்லும்போது தவிக்கின்றனர். தங்கள் பள்ளி மாணவர்கள் எத்தனை பேர் ஐ.ஐ.டி.யில் சேர்ந்தனர் என்பதை இதுவரை எந்தத் தனியார் பள்ளியும் விளம்பரம் செய்ததில்லை.

பாடத்திட்டத்தில் மாற்றம் தேவை என்பார்கள். பிற பொறியியல் கல்லூரிகளில் சேர்வதற்கான கட்-ஆப் மதிப்பெண்ணைத்தான் விளம்பரம் செய்கிறார்கள். இதனால் என்ன பயன்?

இப்போது பிளஸ் 1, பிளஸ் 2 வகுப்புகளுக்குப் பொதுத்தேர்வு என்று ஆணை பிறப்பிக்கப்பட்டுள்ளது. இந்த அறிவிப்பால் அரசுப் பள்ளிகளை விடத் தனியார் பள்ளிகளுக்குத்தான் நெருக்கடி ஏற்பட்டுள்ளது.

இந்த ஆண்டு நீட் தேர்வில் எத்தனை மாணவர்கள் தேர்ச்சி பெற்று மருத்துவப் படிப்பில் சேர்ந்தார்கள் என்ற விவரத்தைப் பார்த்தாலே போதும், இதுவரை இவர்கள் மாணவர்களுக்கு பிளஸ் 1 எடுத்தார்களா இல்லையா என்ற விவரம்.

அரசுப் பள்ளிகளின் தரத்தை மேம்படுத்த ஓர் அருமையான வாய்ப்புக் கிடைத்திருக்கிறது. ஆனால் அதை அமல்படுத்த வேண்டியது அப்பள்ளி ஆசிரியர்களிடம் உள்ளது.

பாடத்திட்டத்திலும் தேர்வு முறையிலும் மாற்றங்கள் கொண்டு வரப்படும் என்று அறிவிக்கப்பட்டுள்ளது. ஆனால் இப்போதுள்ள அரசுப் பள்ளி ஆசிரியர்களால் மத்திய இடைநிலைக் கல்வி வாரியத்துக்கு இணையான பாடத்தை மாணவர்களுக்குக் கற்றுத் தர முடியுமா என்ற கேள்வி எழுகிறது.

மத்திய அரசு ஆசிரியர்களுக்கு இணையான தகுதியை மாநில அரசும் நிர்ணயித்தால் பல ஆசிரியர்கள் தகுதியிழக்க வேண்டியிருக்கும். இதை ஆசிரியர்கள் ஏற்றுக் கொண்டுதான் ஆக வேண்டும்.

மத்திய இடைநிலைக் கல்வி வாரியப் பாடத்திட்டத்தில் மனப்பாடத்துக்கு முக்கியத்துவம் கிடையாது. புரிந்து படித்தால் மட்டும் தேர்வெழுத முடியும். அந்தக் கேள்வித்தாள்கள் அனைத்துமே பயன்பாட்டுக்கு முக்கியத்துவம் தந்து தயாரிக்கப்படுபவை. ஆனால் மாநில அரசுப் பாடத்திட்டத்தில் மனப்பாடத்துக்குத்தான் முக்கியத்துவம்.

தனியார் பள்ளிகளைப் போலவே அரசுப் பள்ளிகளிலும் ஆசிரியர்களுக்கும் பொறுப்புகளை நிர்ணயிக்க வேண்டும். சி.பி.எஸ்.இ. போல தேர்வு முறையைக் கொண்டு வர வேண்டும்.

சி.பி.எஸ்.இ.க்கு நிகரான பாடத்திட்டங்களைக் கொண்டு வரும் அதேவேளையில் ஆசிரியர்களின் தகுதியையும் உயர்த்தியாக வேண்டும். மொழிப் பயிற்சிக்கு முக்கியத்துவம் தர வேண்டும். இதற்கான பல அறிவிப்புகளை கல்வி அமைச்சர் வெளியிட்டுள்ளார்.

பள்ளிகளுக்கு நாளிதழ்கள் வாங்குதல், ஆன்-லைனில் தேர்வறை நுழைவுச் சீட்டுப் பெறுதல் உள்ளிட்ட வசதிகள் ஏற்படுத்தப்பட உள்ளன. இதன் மூலம் மாணவர்கள் மட்டுமில்லாமல் ஆசிரியர்களும் தங்கள் அறிவை விரிவுபடுத்திக் கொள்ள வாய்ப்பு ஏற்படுத்தப்பட்டுள்ளது.

தமிழகத்தில் 3000 பள்ளிகளில் ஸ்மார்ட் வகுப்பறைகள், சுமார் 6000 பள்ளிகளில் ரூ.437 கோடி செலவில் கணினி ஆய்வகங்கள் ஆகியவை அமைக்கப்படும் என தமிழக முதல்வர் அறிவித்துள்ளார்.

இவை அனைத்தும் ஆசிரியர்களுக்கு மட்டுமில்லாமல் மாணவர்களுக்கும் நல்ல வாய்ப்பாக அமைந்துள்ளது.

சி.பி.எஸ்.இ. பாடத்திட்டத்துக்கு இணையான பாடத்திட்டத்தைத் தமிழகத்தில் கொண்டு வரும் முன் அண்டை மாநிலங்களுக்குச் சென்று ஆய்வு செய்ய வேண்டும். இப்போதைய நிலையில் ஆந்திர மாணவர்கள்தான் ஐ.ஐ.டி.யில் அதிகமாகச் சேர்கின்றனர்.

சி.பி.எஸ்.இ. பாடத்திட்ட அளவுக்கு மாநிலப் பாடத்திட்டத்தைச் சிறப்பாகச் செயல்படுத்துவதற்குக் கண்டிப்பாக ஆசிரியர்களிடமும் அரசியல்வாதிகளிடமும் எதிர்ப்பு இருக்கும்.

ஆனால் எதிர்காலத் தலைமுறையின் நலன் கருதி மாநில அரசு பின்வாங்காமல் இத்திட்டத்தைக் கண்டிப்பாகச் செயல்படுத்த வேண்டும்.

பள்ளிக்கல்வியைப் பொருத்தவரையில் அரசின் அத்தனை முடிவுகளையும் செயல்படுத்துவது ஆசிரியர்களின் கையில்தான் உள்ளது. அதற்காக அவர்களின் தகுதியை உயர்த்தியாக வேண்டும். அரசு இந்த விஷயத்தில் தீர்மானமாக முடிவெடுத்தாக வேண்டும். அப்போதுதான் தமிழக மாணவர்களும் தேசிய அளவிலுள்ள தேர்வுகளில் சிறப்பிடம் பெற்று இழந்த பெருமையை மீட்க முடியும்.

தமிழக மாணவர்களின் திறனை மேம்படுத்தியாக வேண்டும் என்பதில் அரசு உறுதியாக இருந்து அறிவிப்புகளை வெளியிட்டுள்ளது. மாற்றத்துக்கு ஆசிரியர் கள் தயாரா? சவாலை ஏற்றால் தமிழக அரசுப் பள்ளிகளில் உண்மையான கல்விப் புரட்சி ஏற்படும் நாள் வெகு தொலைவில் இல்லை.

ஆசனம் செய்வோம்; ஆரோக்கியமாக வாழ்வோம்: ஜூன் 21 இன்று உலக யோகா தினம்...

ஐ.நா., அங்கீகாரம்

இப்போது தமிழகம்மட்டுமின்றி, உலகம் முழுவதும் யோகாவை விழிப்புடனும், மகிழ்ச்சியுடனும், ஆழ்ந்தசிந்தனையுடனும் நம் முன்னோர்கள் செய்து வந்த யோகாசனம், உடற்கூறு விஞ்ஞான கலை என்று ஏற்றுக் கொண்டுள்ளது.உலகத்தில் மனிதனாக பிறந்த அனைவருமே ஜாதி, மதம், மொழி, இனம் கடந்த இனிய மார்க்கமாகவே யோகாசனத்தை ஏற்றுக் கொண்டுள்ளது. ஐ.நா.சபையே ஜூன் 21ஐ உலக யோகா தினமாக கொண்டாடவும் கட்டாயம் மனித குலத்திற்கே மருந்தில்லா மருத்துவ பயிற்சி யோகாசனமே என்பதை பறைசாற்றியுள்ளது.

🦋நம்மை அறியாமலே பயன்

நம் முன்னோர்கள் முழுமையாக செயல்திறன் மிக்கவர்கள். இதை தான் யோ கர்மஸீ கெளலசம் (பகவத்கீதை) - செயலில் திறமையே யோகம் - என்கிறது. உடல் ஆரோக்கியமாக, வலிமையாக இருந்தால் மனதிடம் அதிகமாகும். மனதிடம்அதிகமானல் செயல்திறன் கூடும். உடல், மனம், எண்ணம் ஒருங் கிணைந்து செயல்பட்டால் நாம் ஒழுக்க சீலராக வாழ்வோம். நம் திறமை மேம்பட்டு நம்மை உயர்நிலைக்கு கொண்டு செல்லும். இதுவே உன்னதமான வாழ்வாக அமையும். நம்மை அறியாமலே இது அனைத்தையும் யோகாசனப் பயிற்சி மூலம் நமக்கு கிடைக்கும்.

🦋வெற்றிக்கு வழி

யோகாசனத்தின் முழுபலன் நோயற்ற தன்மை, நோய்களை போக்கும் தன்மை, மனதை அடக்கி ஆளும் தன்மை ஒருங்கே அமையப்பெற்றது. இதை தான் ஒருங்கிணைத்தல் என்று சொல்வர். இதையே யோகா, யோக், யோகம் என்றெல்லாம் கூறுகிறோம். ஆசனம் என்பது இருக்கை நிலைகள். 
ஆசனத்தில் அமர்ந்து மனதையும், உடலையும் ஒருநிலைப்படுத்துவதால் யோகாசனம் என்று கூறுகிறோம். மிகவும் எளிதான பயிற்சிகள் உண்டு. யோகாசனம் செய்தால் நாளமில்லா சுரப்பிகளின் இயக்கத்தன்மை கூடுகிறது. நரம்பு மண்டலம் புத்துணவு பெறுகிறது. தசைநார்கள் உறுதியடைந்து ரத்த நாளங்களின் செயல்திறனை கூட்டுகிறது. நாள்முழுவதும் நம்மை சுறுசுறுப்பாக இயங்க செய்கிறது. நோய் எதிர்ப்பு சக்தி கூடும். மனம், உடல் வலிமை பெறும். வேறென்ன வேண்டும் நமக்கு. உழைக்க உடம்பும், மன உறுதியும் இருந்தால் வாழ்க்கையில் வெற்றி பெறலாம்.

ஆதிதிராவிடர் நல பள்ளிகளுக்கு பொதுமாறுதல் கலந்தாய்வு அறிவித்து ஆனை வெளியீடு.



750 Pp - உயர் நிலைப்பள்ளி தலையாசிரியர் பெற்றுவரும் தனி ஊதியம் 750 மாவட்ட தொடக்கக் கல்வி அலுவலர் பதவி உயர்வில் நிர்ணயம்!!

அரசுப் பள்ளி ஆசிரியர்கள் சரியாக பணிபுரிந்தால் மாணவர்கள் ஏன் தனியார் பள்ளிகளை நாடுகிறார்கள்? - உயர்நீதி மன்றம் கேள்வி

அரசுப் பள்ளிகளில் ஆசிரியர்கள் சரியாக பணிபுரிந்தால் மாணவர்கள் ஏன் தனியார் பள்ளிகளை நாடுகிறார்கள்? என நீதிபதிகள் கேள்வி எழுப்பினர். தமிழகத்தில் நவோதயா பள்ளிகளை அமைப்பது தொடர்பான வழக்கில் ஆஜரான அரசு தரப்பு வழக்கறிஞரிடம் நீதிபதிகள் இவ்வாறு கேள்வி எழுப்பினர்.


குமரி மகா சபை செயலர் ஜெயக்குமார் தாமஸ், உயர் நீதிமன்ற கிளையில் தாக்கல் செய்த பொதுநல மனு:

மத்திய மற்றும் மாநில அரசின் பாடதிட்டங்களை பின்பற்றி தமிழகத்தில் கேந்திரிய வித்யாலயா, சைனிக், மாநில அரசின் முப்பருவ கல்வி முறை அடிப்படையில் பல்வேறு பள்ளிகள் இயங்கி வருகின்றன. மத்திய அரசின் கல்வி திட்டத்திற்கும், மாநில அரசின் கல்வி திட்டத்திற்கும் வேறுபாடு உள்ளது. கல்விக்காக தனியார் பள்ளிகளில் அதிக அளவு பணம் செலவு செய்ய வேண்டியதுள்ளது.

கிராமப்புற மாணவர்களுக்கு குறைந்த கட்டணத்தில் தரமான கல்வி வழங்க வேண்டும், என்ற நோக்கில் மத்திய அரசால் 1986-ம் ஆண்டு ஜவஹர் நவோதயா வித்யாலயா பள்ளிகள் தொடங்கப்பட்டன. உண்டு உறைவிட பள்ளியான நவோதயா பள்ளிகள் மத்திய மனித வள மேம்பாட்டு துறையின் கீழ் இயங்குகிறது. 6 முதல் பிளஸ் -2 வரை இரு பாலரும் படிக்கும் பள்ளியாக உள்ளது. குறைந்த கட்டணத்தில் கிராமப்புற மாணவர்கள் படிக்கும் வகையில் இப்பள்ளிகள் செயல்படுகின்றன. இப்பள்ளிகளில் மாநில மொழி, ஆங்கிலம், இந்தி கற்பிக்கப்படுகிறது.

ஜவகர் நவோதயா வித்யாலயா பள்ளிகள் தமிழகத்தை தவிர பிற மாநிலங்களில் சிறப்பாக செயல்பட்டு வருகின்றன. இவ்வகை பள்ளிகளை தொடங்க மாநில அரசு போதிய இடங்களை கொடுக்க வேண்டும். ஆனால் மாநில அரசு இந்த பள்ளிகள் தொடங்க ஒத்துழைப்பு வழங்க வில்லை. எனவே தமிழகத்தில் ஜவகர் நவோதயா வித்யாலயா பள்ளிகள் துவங்க உத்தரவிட வேண்டும் என மனுவில் கூறப்பட்டிருந்தது.

இந்த மனு நீதிபதிகள் ஏ. செல்வம், என். ஆதிநாதன் அமர்வில் செவ்வாய்கிழமை விசாரணைக்கு வந்தது. கூடுதல் அரசு வழக்கறிஞர் கோவிந்தன் வாதிடும்போது, தமிழகத்தில் தமிழ், ஆங்கிலம் ஆகியவையே கற்பித்தல் மொழியாக உள்ளன.

நவோதயா பள்ளிகளில் சமஸ்கிருதம் கற்பிக்கப்படுகிறது. மேலும் நவோதயா பள்ளிகளை அமைப்பதா? வேண்டாமா? என்பதை முடிவு செய்வது தமிழக அரசின் கொள்கை முடிவு. தமிழகத்தில் போதுமான எண்ணிக்கையில் கல்வி நிறுவனங்கள் உள்ளன. இந்த பள்ளிகளில் 25 சதவீத இடங்கள் ஏழை மாணவர்களுக்காக ஒதுக்கப்பட்டுள்ளது என்றார்.

அப்போது குறுக்கிட்ட நீதிபதிகள் அரசுப் பள்ளிகளில் ஆசிரியர்கள் சரியாக பணிபுரிந்தால் மாணவர்கள் ஏன் தனியார் பள்ளிகளை நாடுகிறார்கள்? என கேள்வி எழுப்பினர். பின்னர் தமிழகத்தில் நவோதயா பள்ளிகளை அமைப்பது தொடர்பான அரசின் விளக்கத்தை தெரிவிக்க அரசு தரப்பில் கூடுதல் அவகாசம் கோரப்பட்டது. இதற்கு அனுமதி வழங்கி விசாரணையை இன்று புதன் கிழமைக்கு நீதிபதிகள் ஒத்திவைத்தனர்.

குழப்பம் நீக்கிய T.R.B

மனுக்கள் அளித்தே பள்ளியை சீராக்கிய அரசுப் பள்ளி ஆசிரியர்!

"மாணவர்களுக்குக் கல்வி கற்பிப்பதோடு ஓர் ஆசிரியரின்கடமை முடிந்துவிடுவதில்லை. நல்ல குடிமக்களைஉருவாக்குவதிலும் பெரிய பொறுப்பு இருக்கிறது என்பது என்எண்ணம். ஆசிரியர்கள் செய்யும் நல்ல விஷயங்கள்,மாணவர்கள் மனதில் நன்றாகப் பதிந்து, நாம் சொல்லாமலேஅவர்களைச் செய்யவைக்கும். அதனால்தான் என்னால் 
முடிந்த சிறுசிறு சமூக விஷயங்களைச் செய்துவருகிறேன்" எனஅடக்கமாகப் பேசுகிறார், ஆசிரியர் சாந்தகுமார்.

 

 

நாமக்கல் மாவட்டம், திருச்செங்கோடு அருகிலுள்ளசானார்பாளையம் நகராட்சி நடுநிலைப் பள்ளியின் ஆசிரியர்.சலிப்பின்றி மனுக்களைக் கொடுத்து பள்ளியின் தேவைகளைப்பெறுவது, தகவல் அறியும் உரிமைச் சட்டத்தின் வாயிலாகத்தேவைப்படுவோருக்கான உதவிகளைப் பெற்றுத் தருவது,மாணவர்களுடன் சேர்ந்து விதைப்பந்துகளை உருவாக்குவதுஎன இவரது சமூக அக்கறை நீள்கிறது.\

மனுக்கள் அளித்தே பள்ளியை சீராக்கிய அரசுப் பள்ளிஆசிரியர்!

அரசுப் பள்ளி ஆசிரியர் சாந்தகுமார்

"மாணவர்களுக்குக் கல்வி கற்பிப்பதோடு ஓர் ஆசிரியரின்கடமை முடிந்துவிடுவதில்லை. நல்ல குடிமக்களைஉருவாக்குவதிலும் பெரிய பொறுப்பு இருக்கிறது என்பது என்எண்ணம். ஆசிரியர்கள் செய்யும் நல்ல விஷயங்கள்,மாணவர்கள் மனதில் நன்றாகப் பதிந்து, நாம் சொல்லாமலேஅவர்களைச் செய்யவைக்கும். அதனால்தான் என்னால் முடிந்தசிறுசிறு சமூக விஷயங்களைச் செய்துவருகிறேன்" எனஅடக்கமாகப் பேசுகிறார், ஆசிரியர் சாந்தகுமார்.

நாமக்கல் மாவட்டம், திருச்செங்கோடு அருகிலுள்ளசானார்பாளையம் நகராட்சி நடுநிலைப் பள்ளியின் ஆசிரியர்.சலிப்பின்றி மனுக்களைக் கொடுத்து பள்ளியின் தேவைகளைப்பெறுவது, தகவல் அறியும் உரிமைச் சட்டத்தின் வாயிலாகத்தேவைப்படுவோருக்கான உதவிகளைப் பெற்றுத் தருவது,மாணவர்களுடன் சேர்ந்து விதைப்பந்துகளை உருவாக்குவதுஎன இவரது சமூக அக்கறை நீள்கிறது.

மனு அளித்து மூடப்பட்ட கிணறு

 

"கும்பகோணம் தீ விபத்து சம்பவம் என் மனசுல பெரியதாக்கத்தை ஏற்படுத்திச்சு. நாம் வேலை செய்யும் இடத்தில் ஒருகுழந்தைக்குக்கூட சின்ன விபத்து நடந்துடக்கூடாதுனுஉறுதியாக இருந்தேன். சில வருஷங்களுக்கு முன்னாடி,பள்ளிக்குள்ளே இருந்த டிரான்ஸ்ஃபார்மரில் அடிக்கடிதீப்பொறி வந்துட்டு இருந்துச்சு. பள்ளிக்கு மேலாக உயரழுத்தமின் கம்பியும் இருந்துச்சு. இது எந்த நேரத்திலும்மாணவர்களுக்கு ஆபத்தை உண்டாக்கலாம்னு நினைச்சேன்.கலெக்டர் மற்றும் சம்பந்தப்பட்ட அதிகாரிகளுக்குத்தொடர்ச்சியாக மனுக்களைப் போட்டு இரண்டையுமே வேறுபகுதிக்கு மாற்றினேன். பள்ளி வளாகத்தில் ஆபத்தானநிலையில் ஒரு மூடாத கிணறு இருந்துச்சு. அதைச் சுற்றிஇரும்புத் தடுப்புகள் அமைக்க வைத்தேன்'' என்கிறார்சாந்தகுமார்.

தகவல் அறியும் உரிமைச் சட்டத்தின் வாயிலாக கடந்த ஏழுஆண்டுகளில் முந்நூற்றுக்கும் அதிகமான மனுக்களைவிண்ணப்பித்து, பலவற்றில் வெற்றிபெற்றிருப்பது இவரதுஹைலைட்.

''எல்லாமே பள்ளிக்கும் சுற்றுவட்டார மக்களுக்கும் பயன்படும்விஷயங்கள். ஆண்டுதோறும் திருச்செங்கோடு நகராட்சிசார்பில், அரசுப் பள்ளிகளுக்கு ஒரு கோடி ரூபாய் வரை கல்விப்பணிகளுக்குச் செலவழிக்க வேண்டும் என்பது நடைமுறை.இந்தச் செலவினங்களை தகவல் அறியும் உரிமைச்சட்டத்தின்படி கேட்டுத் தெரிஞ்சுக்கிட்டேன். இப்போ, அந்தப்பணம் முறையாக பல பள்ளிகளுக்கும் செலவழிக்கப்படுது.டி.எல்.ஓ எனப்படும் வாக்குச்சாவடி நிலை அலுவலர் உள்ளிட்டதேர்தல் சார்ந்த முகாம் பணிகளுக்கும், கள ஆய்வு மற்றும் மனுவாங்கும் பணிகளுக்கும் உடல்நிலை சரியில்லாதஆசிரியர்களையும் தொடர்ந்து பயன்படுத்தி வந்தாங்க. இதைஎதிர்த்து தகவல் அறியும் உரிமைச் சட்டத்தில் மனுக்கொடுத்தேன். இப்போ, உடல்நிலை சரியில்லாத ஆசிரியர்கள்டி.எல்.ஓ பணியில் இருந்து விடுவிக்கப்பட்டிருக்காங்க" என்கிறசாந்தகுமார், சட்டமன்ற மற்றும் நாடாளுமன்ற உறுப்பினர்தொகுதி மேம்பாட்டு நிதியிலிருந்தும் தான் பணியாற்றும்பள்ளிகளுக்கு உதவி பெற்றுள்ளார்.


"பல வருஷங்களுக்கு முன்னாடி கல்வி அதிகாரி ஒருவர்பள்ளிக்கு வந்தார். அலுவலகச் செலவுக்காக எல்லாஆசிரியர்களும் குறிப்பிட்ட தொகையைக் கொடுக்கணும்னுகேட்டு வாங்கினார். இதை எதிர்த்து கலெக்டரிடம் புகார்கொடுத்து, பணத்தைத் திரும்ப வாங்கினோம். மற்றொரு கல்விஅதிகாரி, ஆசிரியர்கள் பணம் கொடுக்க வேண்டும் எனசர்க்குலரே வெளியிட்டார். அதனை ஆதாரமாக வைத்துபள்ளிக் கல்வி இயக்குநருக்குப் புகார் அனுப்பினேன். அந்தஅதிகாரியைத் தற்காலிகப் பணிநீக்கம் செய்தாங்க. எங்கள்ஒன்றியத்தில் இருக்கும் தொடக்கப் பள்ளி தலைமை ஆசிரியைஒருவரை தரக்குறைவாகப் பேசிய தாசில்தார் பற்றி, உயர்அதிகாரிகளிடம் புகார் செய்து மன்னிப்பு கேட்கவெச்சேன்.திருச்செங்கோட்டில் தனியார் கட்டடத்தில் இயங்கிவந்த அரசுநூலகத்தை, பல முயற்சிகளுக்குப் பிறகு அரசுக் கட்டடத்துக்குமாத்தினேன்'' என்று அடுக்குகிறார் சாந்தகுமார்.

மாணவர்களிடமும் சமூகச் சிந்தனையை விதைக்கும் விதமாக,பள்ளி மற்றும் அவரவர் வீடுகளுக்கு அருகே இருக்கும்மரங்களிலிருந்து விழும் விதைகளைச் சேகரிக்கச் செய்கிறார்சாந்தகுமார். ''அப்படிச் சேகரிக்கும் விதைகளைமழைக்காலங்களில் விதைப்பந்துகளாகத் தயார்செய்துசுற்றுவட்டாரப் பகுதிகளில் வீசுவோம். விதைப்பந்துகள் பலவும்செடிகளாகி, மரங்களாக வளர்ந்துட்டிருக்கு'' எனப்புன்னகைக்கிறார்.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!