Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Monday, 17 July 2017

அரசு பள்ளிகளுக்கு 3 வண்ணங்களில் சீருடைகள்: அமைச்சர் செங்கோட்டையன்

அரசு பள்ளி மாணவர்களின் வகுப்புகளுக்கு ஏற்ப 3 வண்ணங்களில் சீருடைகள் வழங்கப்பட உள்ளதாக அமைச்சர் செங்கோட்டையன் தெரிவித்தார்.

அருப்புக்கோட்டையில் 6 மாவட்டங்களை சேர்ந்த 243 மெட்ரிக் மற்றும் தொடக்க, நர்சரி பள்ளிகளுக்கு தாற்காலிக அங்கீகார ஆணை வழங்கும் விழா சனிக்கிழமை நடைபெற்றது. விழாவில், ஆணைகளை வழங்கி பள்ளிக் கல்வித்துறை அமைச்சர் செங்கோட்டையன் பேசியதாவது:

தமிழக அரசு, ஏழை மாணவர்கள் சிறப்பான கல்வி மற்றும் வேலைவாய்ப்பை பெறுவதற்காக கல்வித் துறையில் பல்வேறு புதிய திட்டங்களை செயல்படுத்தி வருகிறது. அதன் அடிப்படையில் மேல்நிலை வகுப்பு மாணவர்கள், வேலைவாய்ப்புக்கு உத்தரவாதம் பெறும் வகையில் 765 பாடங்களை கற்பதற்கு வழி செய்யப்பட்டுள்ளது. இதற்காக 1112 இடங்களில் கல்வி வழிகாட்டி நெறிமுறை பயிற்சி வழங்கப்பட்டு வருகிறது. அதில் சுமார் 3 லட்சம் மாணவர்கள் பயனடைந்துள்ளனர்.

மேலும் கூட்டுறவு துறையில் வழங்கப்படும் மின்னணு அட்டையை போல், மாணவர்களுக்கும் வழங்க நடவடிக்கை எடுக்கப்பட்டு வருகிறது.

நிகழாண்டு ஒன்று முதல் ஐந்தாம் வகுப்பு வரை, ஆறு முதல் பத்தாம் வகுப்பு வரை, பிளஸ்1 பிளஸ் 2 பயிலும் மாணவ, மாணவிகளுக்கு என மூன்று விதமான வண்ணங்களில் சீருடைகள் வழங்கப்பட உள்ளன. மேலும் இந்திய ஆட்சிப் பணி தேர்வுகளை எதிர் கொள்ள பயிற்சி வகுப்புகளும் தொடங்கப்பட உள்ளன என்றார் அவர்.

பள்ளிகளில் தொடரும் கள ஆய்வு: பிளஸ் 1 வகுப்புக்கு விரைவில் மாதிரி வினாத்தாள்

பிளஸ் 1 வகுப்புக்கு புதிய வினாத்தாள் வடிவமைப்பதற்காக பள்ளி மாணவர்களிடம் கள ஆய்வு தொடர்ந்து நடைபெற்று வருகிறது. இதையடுத்து இந்தப் பணி அடுத்த சில நாள்களுக்குள் முடிக்கப்பட்டு வினாத்தாள் தொடர்பான அரசாணை வெளியிடப்படவுள்ளதாக பள்ளிக் கல்வித் துறை அதிகாரிகள் தெரிவித்துள்ளனர்.

பிளஸ் 1 வகுப்புக்கு நிகழ் கல்வியாண்டு (2017}18) முதல் மொத்தம் 600 மதிப்பெண்கள் அடிப்படையில் அரசு பொதுத்தேர்வு நடத்தப்படும் என அறிவிக்கப்பட்டுள்ளது. இதனால் இந்த ஆண்டு 10}ம் வகுப்பு, பிளஸ் 1, பிளஸ்}2 என மூன்று பொதுத் தேர்வுகளை மாணவர்கள் சந்திக்க உள்ளனர். இதைத் தொடர்ந்து பிளஸ் 1 வகுப்புக்கு ஒவ்வொரு பாடத்துக்கும் மாதிரி வினாத்தாள் தயாரிக்கும் பணி கடந்த சில வாரங்களாக நடைபெற்று வருகிறது.

ஆசிரியர்கள் வலியுறுத்தல்: இந்தநிலையில் பிளஸ் 1 அரசு பொதுத் தேர்வுக்கான புதிய மாதிரி வினாத் தாள்கள் இதுவரை வெளியிடப்படவில்லை.

இது குறித்து தமிழ்நாடு முதுநிலைப்பட்டதாரி ஆசிரியர் கழகத்தின் தலைவர் கே.பி.ஓ.சுரேஷ் கூறியது: பிளஸ் 1 பொதுத்தேர்வு கடந்த மே மாத இறுதியில் அறிவிக்கப்பட்டது.

புதிய வினாத்தாளில் எத்தனை ஒரு மதிப்பெண், 3 மதிப்பெண், 8 மதிப்பெண் வினாக்கள் கேட்கப்படும், அவை எந்தெந்த பாடங்களிலிருந்து கேட்கப்படும் என்பதை அறிய மாதிரி வினாத்தாள், ப்ளு பிரிண்ட் ஆகியவை உதவிகரமாக இருக்கும்.

பருவத் தேர்வுகளுக்கும், பாடங்களை முடிப்பதற்கும் ஆசிரியர்களுக்கு குறைந்த காலமே இருப்பதால் ப்ளு பிரிண்டுடன் கூடிய வினாத்தாளை வெளியிட அதிகாரிகள் நடவடிக்கை எடுக்க வேண்டும் என்றார்.

பள்ளிகளில் கள ஆய்வு: இது குறித்து மாநில கல்வியியல் ஆராய்ச்சி, பயிற்சி நிறுவனத்தின் இயக்குநர் க.அறிவொளி கூறுகையில், இயற்பியல், வேதியியல், கணிதம், பொருளியல், வணிகவியல் உள்ளிட்ட 23 முக்கிய பாடங்களுக்கும், தொழிற்கல்வி சார்ந்த 11 பாடங்களுக்கும் மாதிரி வினாத்தாள் வடிவமைக்கப்பட்டு வருகிறது. தற்போது 20 பாடங்களுக்கான வினாத்தாள்கள் தயாரிக்கப்பட்டு அனைத்து மாவட்டங்களிலும் உள்ள பல்வேறு பள்ளிகளில் மாணவர்களிடம் வினாத்தாள் அளிக்கப்பட்டு அவர்களைத் தேர்வு தேர்வு எழுதச் செய்து அதன் பின்னர் கருத்துக் கேட்கப்படும். இந்தக் கள ஆய்வு கடந்த சில நாள்களாக தொடர்ந்து நடத்தப்பட்டு வருகிறது.

முழு மதிப்பெண் சற்று கடினம்: இதைத் தொடர்ந்து புதிய வினாத்தாளின் தன்மை குறித்து மாணவர்கள், ஆசிரியர்கள் கூறும் குறைகள் உடனுக்குடன் நிவர்த்தி செய்யப்பட்டு வினாத்தாள்கள் முழுமையாக வடிவம் பெறும். தேசிய அளவிலான போட்டித்தேர்வுகளை தமிழக மாணவர்கள் திறம்பட எதிர்கொள்ள வேண்டும் என்பதை கருத்தில் கொண்டு வடிவமைக்கப்பட்டுள்ளதால் மாணவர்கள் எளிதில் 100 மதிப்பெண் பெற முடியாத அளவுக்கு வினாத்தாள் சற்று கடினமாக இருக்கும்.

பிளஸ் 1 புதிய வினாத்தாள் குறித்து ஆசிரியர்கள், மாணவர்கள் எந்தக் குழப்பமும் அடைய வேண்டாம். ஒரு வாரத்துக்குள் இந்தப் பணி முடிக்கப்பட்டு அரசுக்கு அனுப்பப்படும். மேலும் மாதிரி " வினாத்தாள் ஒரு வாரத்தில் இணையதளத்தில் வெளியிடப்படும். இதைப் பார்த்து கேள்விகள் எந்த முறையில் கேட்கப்படும் என்பதை மாணவர்கள் அறிந்து கொள்ளலாம்" என்றார்.

தபால் மூலம் படித்த மாணவர்கள் சட்டக்கல்லூரிகளில் சேர முடியுமா?

தபால் மூலம் படித்த மாணவர்கள் சட்டக்கல்லூரிகளில் சேர முடியுமா?

இந்திய பார் கவுன்சில் சட்டப் படிப்புக்கான விதிகளை இயற்றியுள்ளது. அந்த விதிகளின் விதி 5 ல் 3 ஆண்டுகள் சட்டப் படிப்பு மற்றும் 5 ஆண்டுகள் சட்டப் படிப்பு ஆகியவற்றிற்கு மாணவர்களை சேர்ப்பதற்கான தகுதிகள் குறித்து குறிப்பிட்டுள்ளது.

அந்த விதியின் படி 5 ஆண்டுகள் சட்டப் படிப்பில் சேருவதற்கான கல்வித் தகுதியாக 10,12 வகுப்புகள் முடித்திருக்க வேண்டும் என நிர்ணயித்துள்ளது. ஒரு மாணவர் 1 ம் வகுப்பு முதல் 10 ம் வகுப்பு வரையும், அதன்பின்னர் 12 ம் வகுப்பையும் முடித்திருந்த அந்த மாணவரின் வயது நிர்ணயிக்கப்பட்ட உச்ச வரம்பிற்கு உட்பட்டிருந்தால், 5 ஆண்டுகள் சட்டப் படிப்பில் சேருவதற்கு தகுதியுடையவராக கருதப்படுவார். 3 ஆண்டுகள் சட்டப் படிப்பில் சேருவதற்கு ஒருவர் 10 மற்றும் 12 மற்றும் 3 ஆண்டுகள் இளநிலை பட்டப்படிப்பை முடித்திருக்க வேண்டும்.

இந்திய பார் கவுன்சிலால் உருவாக்கப்பட்டுள்ள விதி 5 ல் 12 ம் வகுப்பு தேர்ச்சி சான்றிதழ் அல்லது முதல் பட்டப்படிப்பு சான்றிதழ் ஆகியவற்றை தொலைதூர கல்வியில் பெற்றிருந்தால் அவர்களை 5 ஆண்டுகள் சட்டப் படிப்பு அல்லது 3 ஆண்டுகள் சட்டப் படிப்பில் சேருவதற்கு தகுதியுடையவர்களாக கருதலாமென்று குறிப்பிடப்பட்டுள்ளது.

எனவே தொலைதூர கல்வி முறையில் 10, 12 மற்றும் இளநிலை பட்டப்படிப்பு முடித்தவர்களையும் சட்டப் படிப்பில் சேர்த்துக் கொள்ள தடை ஏதும் இல்லை என சென்னை உயர்நீதிமன்றம் தீர்ப்பு கூறியுள்ளது.

W. P. NOs - 34630,34220,32799,33108/2016

Dt - 21.10.2016

W. P. NO - 34630/2016

S. தீர்த்தகிரி Vs பள்ளி கல்வி இயக்குனர் மற்றும் பலர்

(2016-8-MLJ-456)
(2017-1-CTC-160)

SC, ST & MBC SCHOLARSHIP FORM-2017 -  PRIMARY

SC, ST & MBC SCHOLARSHIP FORM-2017 - UPPER PRIMARY

ஏ.சி. வசதியுடன் ஸ்மார்ட் கிளாஸ்; நேர்மை அங்காடி | ஏழை மாணவர்களிடம் பன்முகத் திறன்களை வளர்க்கும் ஆசிரியர்கள்: சென்னை மாநகராட்சி நடுநிலைப் பள்ளி சாதனை

பள்ளியில் உள்ள ஸ்மார்ட் கிளாஸ்வகுப்பறையில் பயிலும் மாணவர்கள்.

பள்ளி தோட்டத்தில் உள்ள செடிகள் பற்றி மாணவர்களிடம் விளக்கும் ஆசிரியை. | படம்: க.ஸ்ரீபரத்

சென்னை பெரம்பூர் மடுமா நகரில் இயங்கி வரும் மாநகராட்சி நடுநிலைப் பள்ளி.

குளிர்சாதன வசதி செய்யப்பட்ட அறையில் ஸ்மார்ட் கிளாஸ்; 13 கம்ப்யூட்டர்களுடன் நவீன ஆய்வகம்; 2,700 நூல்களுடன் நூலகம்; எல்.கே.ஜி. முதல் ஆங்கில வழி வகுப்புகள்; பள்ளியில் மின் சாதனங்கள் இயங்க சூரிய ஒளி மூலம் மின்சாரம்; விதவிதமான செடிகளுடன் பசுமையாகக் காட்சியளிக்கும் விசாலமான பள்ளி வளாகம்…

இப்படி இன்னும் பல வசதிகளுடன் மிக உயர்ந்த தரத்திலான கல்வியை, ஏழை மாணவர்களுக்கு முற்றிலும் இலவ சமாக வழங்கி வருகிறது சென்னை பெரம்பூர் மடுமா நகரில் இயங்கி வரும் மாநகராட்சி நடுநிலைப் பள்ளி.

மாணவர்கள் விரும்பும் வகை யில் போதனை முறைகள் இருக்க வேண்டும் என்ற நோக்கில் அனை வருக்கும் கல்வி இயக்கம் சார்பில் வழங்கப்பட்ட அனைத்து கற்பித்தல் சாதனங்களையும் இந்தப் பள்ளி ஆசிரியர்கள் முழுமையாகப் பயன் படுத்துகிறார்கள். எஸ்.எஸ்.ஏ. பயில ரங்குகளில் வழங்கப்படும் பயிற் சியை ஆசிரியர்கள் அப்படியே வகுப் பறைகளில் அமல்படுத்துகின்றனர். எந்த வகுப்பில் நுழைந்தாலும் அங்கே செயல்வழிக் கற்றல் என்பதைப் பார்க்க முடிகிறது.

உதாரணமாகக் கூற வேண்டுமானால், ஆங்கில எழுத்துகளை எவ்வாறு ஒலிக்க வேண்டும் (Phonetic Sound) என்பதை முதல் வகுப்பு மாணவர்களுக்கு ஆடல், பாடலுடன் ஆசிரியர் கற்பிக்கிறார். ஒவ்வொரு ஆங்கில எழுத்தையும், ஒவ்வொரு சொல்லையும் மிக நுட்ப மான ஒலியுடன் மாணவர்கள் வாசிப்பதை அடுத்தடுத்த வகுப்புகளில் காண முடிகிறது. மூன்றாம் வகுப்பு மாணவர்கள் ஆங்கில இலக்கண வகுப்பில் Articles பயன்பாடு பற்றி மிகத் தெளிவான புரிதலுடன் இருப் பதைப் பார்த்தபோது வியப்பாக இருந் தது. கணித பாடங்களில் எண்கள், வடிவங்கள், சூத்திரங்கள் உள்ளிட்ட வற்றை மாணவர்களுக்கு புரியவைக்க தனி அறையில் கணித ஆய்வகம் செயல்படுகிறது. எஸ்.எஸ்.ஏ. திட்டத்தில் வழங்கப்பட்ட எளிய முறை கற்பித்தல் சாதனங்களைப் பயன்படுத்தி கணித பாடத்தை ஆசிரியர்கள் புரிய வைக் கின்றனர்.

ஒவ்வொரு பாடத்தை நடத்தும் முன்னும் ஸ்மார்ட் கிளாஸ் வகுப் பறைக்கு அழைத்துச் சென்று முழு பாடமும், வீடியோ படங்களாக மாண வர்களுக்கு காண்பிக்கப்படுகிறது. காந்தியடிகள், காமராஜர் போன்ற தலைவர்களைப் பற்றி வந்துள்ள திரைப் படங்கள், கர்ணன் உள்ளிட்ட புராண இதிகாசங்கள் தொடர்பான திரைப் படங்கள் ஸ்மார்ட் கிளாஸ் வகுப்பறை யில் மாணவர்களுக்கு காட்டப்படுகிறது.

பாடங்களும், பாடப் புத்தகங்களும் சுமையானவை என்ற கருத்து மாணவர்களிடம் வந்துவிடக் கூடாது என்பதில் ஒவ்வொரு ஆசிரியரும் கவனமாக உள்ளனர். இதற்காக செயல் வழிக் கற்றலில் அவர்கள் மிகுந்த ஈடுபாடு காட்டுவது தெரிகிறது. வகுப் பறைகளுக்கு வெளியே இருக்கும் அதே உற்சாகத்தோடு வகுப்பறை உள்ளேயும் அனைத்து மாணவர்களும் அமர்ந்திருப்பதை சில பள்ளிகளில் மட்டுமே காண முடியும். அந்தக் காட்சிகளை இந்தப் பள்ளியிலும் காண முடிகிறது.

பள்ளி வளாகத்தில் நுழைந்தவுடன் வரவேற்கும் ஏராளமான தொட்டிச் செடிகளுடன் கூடிய தொங்கும் தோட்டம், பலவகை மூலிகைகளுடன் கூடிய மூலிகைத் தோட்டம், கொய்யா, நாவல், நெல்லி போன்ற பழ மரங்கள் ஆகியவை தோட்டத்தை பராமரிப்பதில் ஆசிரியர்களும், மாணவர்களும் பல ஆண்டுகளாக காட்டி வரும் ஆர்வத்தை காட்டுகிறது.

இங்கு செயல்படும் நேர்மை அங்காடியை பள்ளியின் மிக முக்கி யமான சிறப்பம்சங்களில் ஒன்றாகக் கூற வேண்டும். நோட்டு, பேனா, பென்சில், ரப்பர் போன்ற எழுதுபொருட்கள் அவசர மாகத் தேவைப்படுவோர் பள்ளிக்கு வெளியே உள்ள கடைகளுக்கு வாங்கச் சென்றால் வாகனங்களில் அடிபட நேரிடும். ஆகவே, பள்ளிக்கு உள்ளேயே ஒரு சிறிய அங்காடி வைத்துள்ளனர். அனைத்து எழுதுபொருட்களும் அந்த அங்காடியில் இருக்கும். ஆனால் விற்பனையாளர் என யாரும் இருக்க மாட்டார்கள்.

ஒவ்வொரு பொருளிலும் விலை குறிப்பிடப்பட்டிருக்கும். தேவையான பொருளை மாணவர்கள் எடுத்துக் கொண்டு, அதற்கான தொகையை அங்குள்ள உண்டியலில் போட்டு விடு வார்கள். விற்பனையாகும் பொருட்க ளுக்கான தொகை குறையவே குறையாது எனக் கூறும் ஆசிரியர்கள் இதற்கு நேர்மை அங்காடி என பெயர் வைத்துள்ளனர். பெயருக்கு ஏற்ப மாணவர்களிடம் நேர்மையை வளர்க்கும் இந்த அங்காடியில், லாப நோக்கம் இல்லாததால் குறைந்த விலைக்கு எழுதுபொருட்கள் கிடைக்கின்றன.

அரசுப் பள்ளிகளில் பயிலும் மாணவர்களின் கற்றல் திறன் உள்ளிட்ட பல்வேறு முன்னேற்றங்கள் பற்றி அனை வருக்கும் கல்வி இயக்கம் சார்பில் ஆய்வுகள் மேற்கொள்ளப்படும். “நாங்கள் மேற்கொள்ளும் ஒவ்வொரு ஆய்விலும் பெரம்பூர் மடுமா நகரில் உள்ள இந்த மாநகராட்சி நடுநிலைப் பள்ளி எப்போதும் ஏ கிரேடுதான் பெற்று வருகிறது” என்கிறார் ஆசிரியர் பயிற்றுநர் ஜி.அமலோற்பவமேரி.

“இந்தப் பள்ளிக்கு வரும் மாணவர் களில் பெரும்பான்மையானோர் பல விதமான வாழ்க்கைப் போராட் டங்களைச் சந்திக்கும் ஏழைக் குடும் பங்களைச் சேர்ந்தவர்கள்” என்கிறார் தலைமை ஆசிரியர் வா.கணேஷ்குமார்.

அவர் மேலும் கூறியதாவது:

“குடிகார தந்தையால் தினந்தோறும் வீட்டில் நடைபெறும் அடிதடி ரகளை; மதுபோதைக்கு அடிமையாகி சிறு வயதிலேயே உயிரிழந்த தந்தை; மனைவி யையும், குழந்தைகளையும் தவிக்க விட்டு ஓடிப் போன அப்பா; கணவன் இல்லாத வீட்டில் குழந்தைகளைக் காப்பாற்ற போராடும் அம்மா.

இப்படியான குடும்பங்களைச் சேர்ந்தவர்கள்தான் அதிக அளவில் எங்கள் பள்ளிக்கு வருகின்றனர். ஆகவே, எங்கள் மாணவர்களுக்கு வெறும் பாடத்தை மட்டும் கற்பித்தால் அதனை அவர்களால் உள்வாங்கிக் கொள்ள முடியாது. வீட்டில் கிடைக்காத அன்பையும், பாசத்தையும் பாடத்துடன் சேர்த்து புகட்டி வருகிறோம். அதனால் மாணவர்களும் எங்கள் மீது மிகுந்த பாசத்துடன் உள்ளனர். ஆசிரியர் மாணவர் இடையேயான இந்தப் பாசப் பிணைப்பின் காரணமாக பாடங்களை போதிப்பது மிகவும் எளிதாக உள்ளது.

தமிழக அரசு மற்றும் சென்னை மாநகராட்சி சார்பில் பல வசதிகள் செய்து கொடுக்கப்பட்டுள்ளன. இவை தவிர சென்னை பெட்ரோலியம் கார்ப்பரேஷன் போன்ற பெரு நிறுவனங்கள், வணிகர் அமைப்புகள், சேவை சங்கங்கள் ஆகியோரின் உதவியுடன் பல வசதிகளை ஏற்படுத்தியுள்ளோம். அனைவருக்கும் ஆர்.ஓ. முறையில் சுத்திகரிக்கப்பட்ட குடிநீர்; தொடக்க வகுப்புகளிலேயே கம்ப்யூட்டர்களை தாமே இயக்கி கல்வி கற்பதற்கான வாய்ப்பு; ஆங்கில உரையாடலுக்கான சிறப்பு பயிற்சிகள் என பல வசதிகள் செய்து கொடுக்கப்பட்டுள்ளன.

மிக மோசமான சமூக, பொருளாதார சூழல்களில் இருந்து வரும் மாண வர்களுக்கு கல்வி போதிப்பது எனக்கும், எங்கள் ஆசிரியர்களுக்கும் மிகவும் மன நிறைவை தருகிறது. மிகப் பெரும் தனியார் பள்ளிகளில் இருக்கும் அனைத்து நவீன வசதிகளும் இந்த ஏழைக் குழந்தைகளுக்கும் கிடைக்க வேண்டும் என்பதே எங்கள் பிரதான நோக்கம். இவ்வாறு அவர் கூறினார்.

தலைமை ஆசிரியரை தொடர்பு கொள்ள: 90031 20309

அனைத்து பள்ளிகளிலும் தமிழ் கட்டாயம்: உறுதி செய்ய அதிகாரிகளுக்கு உத்தரவு

பள்ளிகளில், தமிழ் பாடம் கட்டாயமாக நடத்தப்படுவதை உறுதி செய்ய, கல்வி துறை அலுவலர்களுக்கு உத்தரவிடப்பட்டுள்ளது.

தமிழகத்தில், பள்ளி கல்வி துறையில் இயங்கும் அனைத்து வகை பள்ளிகளில், தமிழ் பாடத்தை கட்டாயமாக படிக்க வேண்டும் என, தமிழ் கற்கும் சட்டம், 2006ல் அறிவுறுத்தப்பட்டுள்ளது. இதன் அடிப்படையில், 2006 - 07ல், அனைத்து பள்ளிகளிலும், முதல் வகுப்பில் தமிழ் கட்டாய பாடமாக்கப்பட்டது.

இதன்படி, ஒவ்வொரு ஆண்டாக அமல்படுத்தி, கடந்த ஆண்டு, 10ம் வகுப்பு பொதுத்தேர்வில், தமிழ் கட்டாயமாக்கப்பட்டது. இதற்கு எதிர்ப்பு தெரிவித்து, சிறுபான்மை பள்ளிகள், நீதிமன்றத்தை நாடின. இதுபோன்று எதிர்ப்பு எழாதபடி, நடப்பு கல்வியாண்டு தொடக்கம் முதலே, அனைத்து பள்ளிகளிலும், தமிழ் பாடம் நடத்துவதை உறுதி செய்து கொள்ள, முதன்மை கல்வி அலுவலர்களுக்கு உத்தரவிடப்பட்டுள்ளது. குறிப்பாக, சிறுபான்மை மொழி பள்ளிகளின் தலைமை ஆசிரியர்கள் கூட்டம் நடத்தி, தமிழ் பாடம் நடத்த, அறிவுரை வழங்க நடவடிக்கை எடுக்கப்படுகிறது.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!