Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Friday, 4 August 2017

DEE - தொடக்க நடுநிலைப்பள்ளி ஆசிரியர்களுக்கான ஒருங்கிணைந்த பயிற்சி-இயக்குனர் செயல்முறைகள்

11 லட்சம் ஆசிரியர்கள் தகுதி பெற கால அவகாசம் நீட்டிப்பு!! நாடாளுமன்றத்தில் மசோதா நிறைவேற்றம்

கல்வி உரிமை சட்டத்தின் கீழ் பணியமர்த்தப்பட்ட 11 லட்சம் ஆசிரியர்கள் வரும் 2019ம்  ஆண்டிற்குள் குறைந்த பட்ச கல்வி தகுதியை பெற வேண்டும் என நாடாளுமன்றத்தில் புதிய சட்ட திருத்தம் நிறைவேற்றப்பட்டுள்ளது.



குழந்தைகளுக்கு இலவச மற்றும் கட்டாய கல்வி உரிமை சட்ட திருத்த மசோதா கடந்த மாதம் லோக்சபாவில் நிறைவேற்றப்பட்டது. இது தற்போது ராஜ்யசபாவில் குரல் வாக்கெடுப்பு மூலம் நிறைவேற்றப்பட்டுள்ளது.

கடந்த 2010ம் ஆண்டு ஏப்ரல் 1ம் தேதி முதல் அமலுக்கு வந்த இச்சட்டத்தின் மூலம் பணியமர்த்தப்பட்ட ஆசிரியர்கள் 2015ம் ஆண்டு மார்ச் 31ம் தேதிக்குள் குறைந்தபட்ச கல்வியை தகுதியை பெற வேண்டும் என்று தெரிவிக்கப்பட்டது.

தற்போது இந்த காலக்கெடு 2019ம் ஆண்டு வரை நீட்டிக்கப்பட்டுள்ளது. இதன் மூலம் அந்த ஆசிரியர்களுக்கு பணி பாதுகாப்பு ஏற்பட்டுள்ளது.

''இச்சட்டம் அமல்படுத்தப்பட்டபோது தகுதியான ஆசிரியர்கள் எண்ணிக்கை குறைவாக இருந்தது. இதனால் பட்டம் மட்டுமே பயின்றவர்கள் ஆசிரியர்கள் மட்டுமே நிர்ணயம் செய்யப்பட்டனர். இதன் மூலம் தற்போது தனியார் பள்ளிகளில் 7 லட்சம் தகுதியற்ற ஆசிரியர்கள் பணியாற்றுகின்றனர். 2.5 லட்சம் பேர் அரசுப் பள்ளிகளில் பயில்கின்றனர்'' என்று மத்திய மனித வள மேம்பாட்டு துறை அமைச்சர் பிரகாஷ் ஜவடேகர் தெரிவித்தார்.

மேலும், அவர் கூறுகையில், ''1.5 லட்சம் ஆசிரியர்கள் ஓராண்டு பயிற்சியை முடித்துள்ளனர். இதன் மூலம் 11 லட்சம் ஆசிரியர்கள் தற்போது தகுதி பெறாமல் பணியாற்றி வருகின்றனர். அதனால் இந்த ஆசிரியர்கள் பி.எட் மற்றும் இதர தொழில் முறை பட்டங்களை நிறைவு செய்ய வேண்டும்'' என்றார்.

திருச்சி ஆசிரியருக்கு அமெரிக்காவில் சிறந்த ஆசிரியர் விருது

தமிழ், லூயிசியானா மாகாணத்தில் சிறந்த ஆசிரியர்களில் ஒருவராக தேர்வு செய்யப்பட்டுள்ளார்.

வழி படித்து பட்டம் பெற்ற திருச்சியைச் சேர்ந்த ஜோசுவா ஜான் பால், அமெரிக்கா

இவர், 2014ம் ஆண்டு முதல் இங்கு ஒரு உயர்நிலைப் பள்ளியில் கணித ஆசிரியராக பணியாற்றி வருகிறார். மாவட்ட அளவில் சிறந்த ஆசிரியராக சமீபத்தில் தேர்வு செய்யப்பட்ட இவர், லூசியானா மாகாண கல்வித்துறையால் தேர்வு செய்யப்பட்ட 9 சிறந்த ஆசிரியர்களில் ஒருவராக தேர்வானார். லூசியானா மாகாணத்தில் உள்ள 200 ஆசிரியர்களில் சிறந்தவர்களாக 24 பேர் தேர்வு செய்யப்பட்டு, பின்னர் அதிலிருந்து தேர்வு செய்யப்பட்ட 9 பேரில் இவர் ஒருவர் என்பது குறிப்பிடத்தக்கது.

லூசியானா மாகாணம் , புனித ெஹலனா பள்ளி மாவட்ட சார்பில் சிறந்த ஆசிரியர் தேர்வில் இவர் பங்கேற்றார். லூசியானா, பேடன் ரவுஜ் கிரவுன் நடைபெற்ற 11வது வருடாந்திர செசில் ஜெ.பிகார்டு கல்வியாளர் சாதனை கருத்தரங்கில் இவருக்கு சிறந்த ஆசிரியருக்கான விருது வழங்கப்பட்டது

DEE PROCEEDINGS-தமிழகத்தின் வட பகுதி 6 மாவட்டங்களில் AEEO அலுவலகங்கள் கட்ட கருத்துரு அனுப்ப இயக்குனர் உத்திரவு

தொடக்க கல்வி - 6 முதல் 8 வகுப்பு அறிவியல் ஆசிரியர்களுக்கு 5 நாட்கள் பயிற்சி - பெயர்பட்டியல் கேட்டு இயக்குனர் உத்தரவு

ஆசிரியர் படிப்பை முடித்த 4 லட்சம் பேருக்கு பணி வழங்க எவ்வளவு ஆண்டுகள் ஆகும்?: அரசுக்கு உயர் நீதிமன்றம் கேள்வி

ஆசிரியர் பயிற்சி பள்ளிகளில் பயிற்சி முடித்த 4 லட்சம் ஆசிரியர்களுக்கு பணி வழங்குவதற்கு 
எவ்வளவு ஆண்டுகள் ஆகும் என்பதை தமிழக அரசு தெரியப்படுத்துமாறு சென்னை உயர் நீதிமன்றம் உத்தரவிட்டுள்ளது.

திருச்சி மாவட்டத்தில், எஸ்.வி.ஐ. கல்வியியல் கல்லூரி கடந்த 2007 -ஆம் ஆண்டு முதல் செயல்பட்டு வருகிறது. இந்தக் கல்லூரியில் 2017 -18-ஆம் கல்வியாண்டில் இளங்கலை கல்வியியல் படிப்பில் மாணவர் சேர்க்கையை அதிகரிக்கவும், புதிதாக முதுகலை படிப்பை தொடங்கவும் அணுமதி கோரப்பட்டது.
அந்த விண்ணப்பத்தை நிராகரிப்பது தொடர்பாக, தேசிய ஆசிரியர் கல்விக் கழகம் கல்லூரி நிர்வாகத்துக்கு நோட்டீஸ் அனுப்பியது. அந்த நோட்டீஸை ரத்து செய்யக் கோரி கல்லூரி நிர்வாகம் சார்பில் உயர் நீதிமன்றத்தில் மனு தாக்கல் செய்யப்பட்டது.
ஏற்கெனவே, இந்த வழக்கை விசாரித்த நீதிபதி என்.கிருபாகரன், தமிழகத்தில் கல்வித் தரம் குறைவதற்கு 'லெட்டர்பேடு' கல்லூரிகளும், அங்கு பயின்ற ஆசிரியர்களுமே காரணம் எனக் கூறி, இதுதொடர்பாக தாமாகவே முன்வந்து வழக்குப்பதிவு செய்தார். மேலும் இந்த வழக்கில் பல்வேறு கேள்விகளை எழுப்பி, அதுதொடர்பாக மத்திய, மாநில அரசுகள் பதிலளிக்கவும் உத்தரவிட்டிருந்தார்.
இந்த நிலையில், இந்த வழக்கை விசாரித்த நீதிபதி என்.கிருபாகரன் பிறப்பித்த உத்தரவு:
திருச்சி கல்வியியல் கல்லூரிக்கு எதிராக, பெங்களூருவில் உள்ள தேசிய கல்விக் கழகத்தின் மண்டல இயக்குநர் அனுப்பிய நோட்டீஸ் ரத்து செய்யப்படுகிறது. மேலும் சம்பந்தப்பட்ட கல்லூரியில் 2 வாரத்தில் ஆய்வு நடத்தி உரிய உத்தரவுகளை தேசிய கல்விக் கழகம் பிறப்பிக்க வேண்டும்.
இதேபோன்று இந்த வழக்கில், தமிழகத்தில் எத்தனை ஆசிரியர் பயிற்சி கல்லூரிகள் உள்ளன?
அவற்றில் பயிலும் ஆசிரியப் பட்டதாரிகளின் தற்போதைய நிலை என்ன?
எத்தனை பேருக்கு பணியிடங்கள் வழங்கப்பட்டுள்ளன?
என பல கேள்விகளை எழுப்பி மத்திய, மாநில அரசு அதிகாரிகள் பதிலளிக்க உத்தரவிட்டும், இதுவரை பதிலளிக்கவில்லை.
இதையடுத்து, தமிழ்நாடு ஆசிரியர் கல்விக்கான பல்கலைக்கழகம் தாக்கல் செய்த பதில் மனுவில் , 2015 -18 காலகட்டத்தில் சுமார் 4 லட்சம் ஆசிரிய பட்டதாரிகள் படிப்பை நிறைவு செய்வர் என தெரிவித்துள்ளது. 4 லட்சம் பேர் ஆசிரியர் படிப்பை நிறைவு செய்யும்போது அவர்களில் எத்தனை பேருக்கு, எத்தனை ஆண்டுகளில் வேலைவாய்ப்பை வழங்க தயாராக இருக்கிறது என்பதை தமிழக அரசு தெளிவுபடுத்த வேண்டும்.
குறைந்தது 5 ஆண்டுகளுக்குள் அவர்களுக்கு வேலைவாய்ப்பு கிடைக்குமா? ஒவ்வொரு ஆண்டும் எத்தனை ஆசிரியர் பணியிடங்கள் காலியாகும்? எத்தனை பேருக்கு வேலைவாய்ப்பு வழங்க முடியும்? என்ற விவரங்களை தமிழக அரசு ஆண்டு வாரியாக தாக்கல் செய்ய வேண்டும்.
மேலும், இந்த 4 லட்சம் பேருக்கும் எத்தனை ஆண்டுகளில் வேலைவாய்ப்பை வழங்க முடியும் என்பது குறித்தும் தெரிவிக்க வேண்டும் என உத்தரவிட்டு, வழக்கு விசாரணையை வரும் 10 -ஆம் தேதிக்கு ஒத்திவைத்து நீதிபதி உத்தரவிட்டார்.

தமிழகம் முழுவதும் கடந்த 5 ஆண்டுகளில் ஒழுங்கு நடவடிக்கை எடுக்கப்பட்ட ஆசிரியர்களின் விவரங்கள் சேகரிப்பு: தொடக்கக் கல்வித்துறை இயக்குநர் உத்தரவு

தமிழகம் முழுவதும் கடந்த 5 ஆண்டுகளில் ஒழுங்கு நடவடிக்கை எடுக்கப்பட்ட ஆசிரியர்களின் விவரங்களை சேகரித்து சமர்ப்பிக்க வேண்டும்  என்று தொடக்கக் கல்வித்துறை உத்தரவிட்டுள்ளது. இதுதொடர்பாக மாவட்ட தொடக்கக் கல்வி அலுவலர்களுக்கு தொடக்க கல்வித்துறை இயக்குநர் பிறப்பித்துள்ள உத்தரவில் கூறியிருப்பதாவது: 

தொடக்க  கல்வித்துறையில் ஆசிரியர்கள் மீது கடந்த 5 ஆண்டுகளில் பணியில் காணப்பட்ட குறைபாடுகள் சார்பாக எடுக்கப்பட்ட நடவடிக்கை விவரங்களை  சேகரிக்கவேண்டும். தொகுப்பு அறிக்கை தயாரிக்கும்போது தமிழ்நாடு குடிமுறைப்பணி (ஒழுங்கு மற்றும் மேல்முறையீடு) விதிகளில் விதி 17, 17அ,  17ஆ, 17இ-யின் கீழ் ஒழுங்கு நடவடிக்கை மேற்கொள்ளப்பட்ட விவரங்களும் பணியில் ஒழுங்கீனம் காரணமாக ஊதியம் பிடித்தம் செய்யப்பட்ட  ஆசிரியர்களின் விவரங்களும் சேகரிக்க வேண்டும்.

எவ்வித விவரங்களும் விடுபடாமல், தனித்தனியாக மாவட்ட அளவில் தொகுத்து 2012-2013 முதல் 2016-2017ம் ஆண்டுகளின் விவரங்களை சேகரித்து  மாவட்ட தொடக்கக் கல்வி அலுவலர்கள் சமர்ப்பிக்கவேண்டும்.இவ்வாறு அதில் கூறப்பட்டிருந்தது.இந்த அறிக்கை எவ்வளவு நாட்களில் சமர்ப்பிக்க வேண்டும், இதன்மூலம் எடுக்கப்படும் நடவடிக்கை குறித்து எந்த தகவலும் தெரிவிக்கப்படவில்லை.

5,8ம் வகுப்புக்கு பொது தேர்வு?: செங்கோட்டையன் விளக்கம்

''மத்திய அமைச்சர் பிரகாஷ் ஜாவடேகர், ஐந்து மற்றும் எட்டாம் வகுப்புக்கு பொதுத்தேர்வு அறிவிக்க வேண்டும் என, தெரிவித்துள்ளார். இது பற்றி, மத்திய அரசிடம் இருந்து, தமிழக அரசுக்கு முறையாக எந்த தகவலும் வரவில்லை,'' என, பள்ளிக்கல்வித் துறை அமைச்சர் செங்கோட்டையன் கூறினார்.

ஈரோடு மாவட்டம், ஓடாநிலையில் நேற்று நடந்த, தீரன் சின்னமலை ஆடிப்பெருக்கு விழாவில், பள்ளிக் கல்வித் துறை அமைச்சர் செங்கோட்டையன் பேசியதாவது: முதல்வராக பழனிசாமி பொறுப்பேற்ற பின், விவசாயிகளுக்கு வறட்சி நிவாரணம் அறிவித்தார். குளம், குட்டைகளை துார்வாரி, மண்ணை, விவசாயிகளே எடுத்துக் கொள்ள அறிவித்தார். அத்திக்கடவு - அவிநாசி திட்டத்துக்கு, முதற்கட்டமாக, 250 கோடி ரூபாய் ஒதுக்கீடு செய்து, பணிகளை துவங்க செய்துள்ளார். இத்தனை பணிகளை செய்து வரும் நிலையில், இந்த ஆட்சி நிலைக்குமா என, பலரும் சந்தேகம் எழுப்புகின்றனர். இன்னும் நான்காண்டு மட்டுமல்ல, 400 ஆண்டுகளுக்கு இந்த ஆட்சி நிலைக்கும்.இவ்வாறு அவர் பேசினார்.

பின், அவர் அளித்த பேட்டியில், ''மத்திய அமைச்சர் பிரகாஷ் ஜாவடேகர், ஐந்து மற்றும் எட்டாம் வகுப்புக்கு பொதுத்தேர்வு அறிவிக்க வேண்டும் என, தெரிவித்துள்ளார். ''இது பற்றி, மத்திய அரசிடம் இருந்து, தமிழக அரசுக்கு முறையாக எந்த தகவலும் வரவில்லை. அவ்வாறு வந்தால், அதற்கான நடவடிக்கை எடுக்கப்படும்,'' என்றார்.

CPS : ஓய்வூதிய திட்டம் ஆராயும் குழுவுக்கு புதிய தலைவர்

பழைய ஓய்வூதிய திட்டத்தை தொடர்வதற்கான, சாத்தியக்கூறுகள் குறித்து ஆராய நியமிக்கப்பட்ட, வல்லுனர் குழுவின் தலைவராக, ஓய்வு பெற்ற ஐ.ஏ.எஸ்., அதிகாரி, ஸ்ரீதர் நியமிக்கப்பட்டுள்ளார்.

'பங்களிப்பு ஓய்வூதிய திட்டத்திற்கு பதிலாக, ஏற்கனவே அமலில் இருந்த, பழைய ஓய்வூதிய திட்டத்தை தொடர வேண்டும்' என, அரசு ஊழியர்கள் மற்றும் ஆசிரியர்கள், தமிழக அரசுக்கு கோரிக்கை விடுத்தனர். அதை ஏற்று, இதற்கான சாத்தியக்கூறுகளை ஆராய, ஓய்வு பெற்ற ஐ.ஏ.எஸ்., அதிகாரி சாந்தா ஷீலா நாயர் தலைமையில், 2016 பிப்., 22ல், வல்லுனர் குழு அமைக்கப்பட்டது.

குழுவும், பல்வேறு சங்கங்களின் பிரதிநிதிகளை அழைத்து, ஏழு நாட்கள் கூட்டம் நடத்தி, அவர்களின் கருத்துக்களை கேட்டறிந்தது. இந்நிலையில், மத்திய அரசானது, புதிய பங்களிப்பு ஓய்வூதிய திட்டத்தை மேம்படுத்துவதற்கான, சாத்தியக்கூறுகளை ஆராய, 2016 அக்., 21ல், ஒரு குழுவை நியமித்தது. அந்தக் குழுவின் பரிந்துரைகளையும் பரிசீலித்து, வல்லுனர் குழு அறிக்கை தயாரிக்க இருந்தது. ஆனால், குழுவின் தலைவராக இருந்த, சாந்தா ஷீலா நாயர், திடீரென தன் பதவியை ராஜினாமா செய்தார். 

இதையடுத்து, வல்லுனர் குழுவின் புதிய தலைவராக, ஓய்வு பெற்ற, ஐ.ஏ.எஸ்., அதிகாரி ஸ்ரீதரை, தமிழக அரசு நியமித்துள்ளது. குழுவானது, ஓய்வூதியம் குறித்த அறிக்கையை, நவம்பர் இறுதிக்குள் சமர்பிக்க வேண்டும் என்றும், உத்தரவிடப்பட்டு உள்ளது. 

வங்கிகளுக்கு தொடர் விடுமுறை

இந்த மாதத்தில் இரண்டு தடவை தொடர்ச்சியாக வங்கிகளுக்கு விடுமுறை நாட்கள் வருகிறது. எனவே, ஏடிஎம்கள் முடங்கும் அபாயம்  உள்ளது.

வங்கிகளுக்கு ஏற்கனவே மாதத்தில் 2வது சனி, 4வது சனி விடுமுறை நாட்களாக அறிவிக்கப்பட்டுள்ளது. அதாவது, மாதத்தில் குறைந்தபட்சம் 2  முறை சனி, ஞாயிறு என்று ெதாடர்ச்சியாக விடுமுறை நாட்களாக  வருகிறது. இரண்டு நாட்கள் வங்கிகள் விடுமுறை விட்டாலே பெரும்பாலான  ஏடிஎம்கள் இயங்காத நிலைதான் தமிழகம் முழுவதும் நீடித்து வருகிறது. மறுபடி  திங்கட்கிழமை வங்கிகள் திறந்த பிறகுதான் ஏடிஎம்கள் சரியாகும்  நிலை உள்ளது.

இந்நிலையில், இந்த மாதத்தில் வங்கிகளுக்கு 2 முறை தொடர் விடுமுறை தினங்களாக வருகிறது. அதாவது, வருகிற 12ம் தேதி இரண்டாவது  சனிக்கிழமை, 13ம் தேதி ஞாயிற்றுக்கிழமை, 14ம் தேதி திங்கட்கிழமை கிருஷ்ண ெஜயந்தி, 15ம் தேதி செவ்வாய் கிழமை சுதந்திர தினம் என  தொடர்ச்சியாக 4 நாட்கள் வங்கிகளுக்கு விடுமுறை நாட்கள் ஆகும். மறுபடியும் 25ம் தேதி வெள்ளிக்கிழமை விநாயகர் சதுர்த்தி, 26ம் தேதி 4வது  சனிக்கிழமை, 27ம் தேதி ஞாயிற்றுக்கிழமை என்று 3 நாட்கள் தொடர்ச்சியாக விடுமுறை நாட்கள். 

வங்கிகள் தொடர் விடுமுறையால் ஏடிஎம்கள் முடங்கும் அபாயம் ஏற்பட்டுள்ளது. இதனால், முன்கூட்டியே பொதுமக்கள் வங்கிகளுக்கோ, ஏடிஎம்  மையங்களுக்கோ சென்று தேவையான அளவுக்கு பணத்தை எடுத்துக்கொள்வது நல்லது என்று அறிவிக்கப்பட்டுள்ளது. அதேபோல, வங்கி நிர்வாகமும்  ஏடிஎம்களில் தேவையான அளவுக்கு பணத்தை இருப்பு வைக்கவும் பொதுமக்கள் கோரிக்கை விடுத்துள்ளனர். 

9 முதல் 12ம் வகுப்பு வரை நவோதயா பள்ளிகளில் தமிழை ஒரு பாடமாக சேர்க்க முடியுமா?: ஐகோர்ட் கிளை கேள்வி

நவோதயா பள்ளிகளில் 9 முதல் 12ம் வகுப்பு வரையில், தமிழை ஒரு பாடமாக சேர்க்க முடியுமா என்பது குறித்து விளக்கமளிக்குமாறு  ஐகோர்ட் கிளை உத்தரவிட்டுள்ளது.

கன்னியாகுமரி மாவட்டம், நாகர்கோவிலை சேர்ந்தவர் ஜெயக்குமார் தாமஸ். குமரி மகா சபா செயலாளரான இவர், ஐகோர்ட் மதுரை கிளையில் தாக்கல்  செய்த மனு: ஏழைகளுக்கும் தரமான கல்வி கிடைக்க வேண்டும் என்பதற்காக, கடந்த 1986ல் ஜவஹர் நவோதயா வித்யாலயா கல்வி முறை நாடு முழுவதும்  அறிமுகமானது. இந்த கல்வி முறை இதுவரை தமிழகத்தில் அமலாகவில்லை. எனவே, மத்திய அரசின் நவோதயா வித்யாலயா பள்ளிகளை  தமிழகத்தின் அனைத்து மாவட்டங்களிலும் துவக்க உத்தரவிட வேண்டும்.  இவ்வாறு மனுவில் கூறியிருந்தார்

இந்த மனு நீதிபதிகள் கே.கே.சசிதரன், ஜி.ஆர்.சுவாமிநாதன் ஆகியோர் முன் நேற்று மீண்டும் விசாரணைக்கு வந்தது. அப்போது தமிழக அரசு தரப்பில், ‘தமிழகத்தில் நவோதயா பள்ளியில் 9ம் வகுப்பு முதல் 12ம் வகுப்பு வரை தமிழ் மொழி பாடமே இல்லை. எனவே  நவோதயா பள்ளிகளை திறக்க வாய்ப்பில்லை’ என தெரிவிக்கப்பட்டது. மனுதாரரர் தரப்பில், ‘நவோதயா பள்ளிகள் திறக்கப்பட்டால், ஒரே மாதிரியான  கல்வி பெற முடியும்’ என தெரிவிக்கப்பட்டது. மத்திய அரசு வக்கீல் ஆஜராகி, ‘தேவையான நிலமும், சுமார் 250 மாணவர்களுடன் பள்ளி இயங்கக்கூடிய வகையிலான தற்காலிக கட்டிடமும்  கொடுத்தால் உடனடியாக பள்ளிகள் துவக்க மத்திய அரசு தயாராக உள்ளது. சொந்த கட்டிடம் கட்டியதும் தற்காலிக கட்டிடம் சம்பந்தப்பட்டவர்களிடம்  ஒப்படைக்கப்படும்’ என்றார். 

இதையடுத்து, ‘நவோதயா பள்ளிகளில் 9 முதல் 12ம் வகுப்பு வரையில் தமிழை ஒரு பாடமாக சேர்க்க முடியுமா என்பது குறித்து மத்திய அரசுடன்  ஆலோசித்து, நவோதயா சமிதி சார்பில் தெரிவிக்க வேண்டும்’ என உத்தரவிட்ட நீதிபதிகள், விசாரணையை ஆக. 29க்கு தள்ளி வைத்தனர். 

மாண்புமிகு கல்வி அமைச்சர் மற்றும் மதிப்புமிகு கல்வி செயலாளர் அவர்கள், அரசு பள்ளி மாணவர்கள் மற்றும் 40,000-கும் மேற்பட்ட கணினி ஆசிரியர்களின் நலன் கருதி அரசு பள்ளிகளில் கணினி அறிவியல் பாடத்தை நடைமுறைப் படுத்திடுமாறு வேண்டி விரும்பிக் கேட்டுக்கொள்கிறோம்


சமச்சீர் கல்வியில் 2011-ஆம் ஆண்டில் 6-10  வகுப்பு அரசு பள்ளி மாணவர்களின் நலன் கருதி கொண்டுவரப்பட்ட பாடத்திட்டங்களில் கணினி அறிவியல் பாடமும் ஒன்று.

* ஆனால், இந்த பாடத்திட்டம் கொண்டு வரப்பட்ட வேகத்திலேயே கைவிட்டதன் விளைவுதான் இன்று அரசு பள்ளிகளின் கல்வித்தரத்தை சற்றே சரித்துள்ளது.

* CBSE, MATRICULATION போன்ற தனியார் பள்ளிகளுக்கு நிகராக அரசு பள்ளி மாணவர்களும் தரமான கல்வியை பெற்று பயனடையும் விதமாகக் கொண்டுவரப்பட்டதுதான் இந்த 6-10 வகுப்புகளுக்கான கணினி அறிவியல் பாடத்திட்டம்...

* இந்த பாடத்திட்டம் நடைமுறையில் இருந்திருந்தால், இன்று 60,00,000 அரசு பள்ளி மாணவர்கள் பயனடைந்திருப்பார்கள்.... இதற்காக, ரூ.300 கோடி செலவில் 2011-ல் பாடப்புத்தகங்கள் அச்சிடப்பட்டன. அந்த பாடப்புத்தகங்கள் இன்றுவரையில் மாணவர்களுக்கு வழங்கப்படாமல் குடோனிலேயே அடுக்கி வைக்கப்பட்டுள்ளது.

* தனியார் பள்ளிகளில் ஒன்றாம் வகுப்பிலிருந்தே கணினி அறிவியல் பாடம் ஒரு அங்கமாக இடம்பெற்றுள்ளது.  ஆனால், அரசு பள்ளிகளில் கணினி அறிவியலை தேர்வு செய்யும் மேல்நிலைப் பள்ளி மாணவர்களுக்கு மட்டுமே கணினியைக் காணும் வாய்ப்பு கிட்டுகிறது.

*முதல்முறையாக கணியைக் கையாளும் அரசு பள்ளி மாணவன் அதன் முழு பயன்பாட்டினை அறியும் முன்னரே பள்ளிப் படிப்பை முடித்து பள்ளியை விட்டு வெளியேறுகிறான். கல்வியின் இந்த தொடர் பாரபட்சம் தமிழகத்தில் மட்டுமே தொடர்கதையாக நீள்கிறது.

*  கல்லூரியில் உயர்கல்வியை தொடரும்போது... கணினி அறிவியல் துறையைத் தவிர்த்து அனைத்து துறைகளிலும் கணினி அறிவியல் ஒரு இன்றியமையாத பாடமாக இடம்பெற்றுள்ளது. கிராமாப்புறங்களிலிருந்து செல்லும் பெரும்பாலான அரசு பள்ளி மாணவர்கள் நகர்ப்புற மாணவர்களுடன் ஈடுகொடுக்க முடியாமல் அங்கு ஒரு உளவியல் போரே நிகழ்கிறது!!

*கிராமப்புற மாணவர்கள் நகர்ப்புற மாணவர்களுடன் ஒத்துப்போக கடுமையான தாழ்வு மனப்பான்மையை (Extremed Superiority Complex) எதிர்கொள்ளகிறார்கள் என்பது கல்வியாளர்களின் தொடர் குற்றச்சாட்டு. இப்படி சமநிலையற்ற கல்விமுறையால் கல்வியின் வளர்ச்சியில் பின்னடைவே ஏற்படுகிறது.

*அரசு பள்ளிகளிலும் ஒன்றாம் வகுப்பு முதலே தகுதியான ஆசிரியர்களைக் கொண்டு கணினி அறிவியல் கற்பிக்கும் பட்சத்தில் இந்த நிலை வெகுவாக குறைய வாய்ப்புகள் உருவாகும்.

*கணினிமயமாகிவிட்ட இந்த நவீன யுகத்தில் தனியார் துறைகளில் வேலைவாய்ப்புகள் கொட்டி கிடக்கின்றன. ஆனால், தமிழக அரசின் பெரும்பாலான துறைகளில் இன்று வரையில் கணினி சார்ந்த பணிகளுக்கு எந்தவொரு நிலையான வாய்ப்புகளும் உருவாக்கப்படவில்லை என்பதே கசப்பான உண்மை.

* அப்படி, அரசு சார்ந்த வேலைவாய்ப்புகள் எதுவும் இல்லை எனத் தெரிந்தும் பெரும்பாலான மாணவர்கள் கணினி அறிவியலையே பள்ளி மற்றும் கல்லூரிகளில் ஆர்வத்துடன் தேர்வு செய்து படிகின்றனர். தமிழக அரசு மாணவர்களின் நலன் கருதி இனி வருங்காலங்களில் கணினி அறிவியலுக்கு முக்கியத்துவம் அளிக்கும் பட்சத்தில் தொழில்நுட்ப துறையில் தமிழகம் முதன்மை மாநிலமாகத் திகழும் என்பதில் சற்றும் ஐயமில்லை.

*  ஒரு மாணவனுக்கு ஒரு இலவச மடிக்கணினியை வழங்கும் தமிழக அரசு ஒரு பள்ளிக்கு ஒரு கணினி ஆசிரியரை நியமனம் செய்து தரமான கல்வியை வழங்கும் பட்சத்தில் அரசு பள்ளிகளின் கல்வித்தரம் உயரும் என்பது பெற்றோர்கள் மற்றும் ஆசிரியர்களின் நீண்ட நாள் கோரிக்கையாக உள்ளது. தமிழகத்திற்குப் பிறகுதான் கேரளாவில் கணினி அறிவியல் பாடம் அறிமுகப்படுத்தப்பட்டது. ஆனால், இன்று பத்தாம் வகுப்பு பொதுத் தேர்வில் கணினி அறிவியல் பாடத்திலும் கட்டாயத் தேர்ச்சி என்ற அளவிற்கு முன்னோடியாய் திகழ்கிறது.

* இதிலிருந்து ஒரு உண்மை என்னவென்றால், மாணவர்களை இந்த சமுதாயம் தொடர்ந்து ஏமாற்றிக்கொண்டிருக்கிறது என்பதே!! ஏமாற்றம் செய்கிறோம் என்பதைவிட மாணவர்களை நாம் அனுதினமும் தண்டிக்கின்றோம் என்பதே சரியாக இருக்கும். சரியான விழிப்புணர்வு இல்லாத எந்தவொரு நிகழ்வும் தோல்வியில் முடியும் என்பதே நிஜம்.

* மாணவர்களுக்கு இலவச மடிக்கணினிகள் வழங்குவது முற்றிலும் வரவேற்கத்தகுந்த திட்டமாகும். ஆனால், அந்த கணினிகளை எப்படி இயக்குவது என பாடம் சொல்லிக் கொடுக்க பெரும்பாலான பள்ளிகளில் ஆசிரியர்களே இல்லை என்பதே அதிர்ச்சியான உண்மை. இதனால், மாணவர்கள் கணினிகளை ஒரு விளையாட்டு சாதனமாக பயன்படுத்தி வருவதே இன்றைய அவல நிலையாகிவிட்டது.

* இதனால், இலவசமாக கணினிகள் வழங்கியும் மாணவர்களின் கணினி சார்ந்த பயன்பாடு இறங்குமுகமாகவே உள்ளது. மாணவர்களின் எதிர்கால நலன் கருதி இனியாவது ஒன்றாம் வகுப்பிலிருந்து கணினி அறிவியல் பாடத்தை நடைமுறைப்படுத்தினால் அரசு பள்ளிகளில் பயிலும் ஏழை எளிய மாணவர்கள் பயன்பெறுவார்கள்.

*  தரம் உயர்த்தப்பட்ட உயர்நிலைப் பள்ளிகளில் கணினி அறிவியல் பாடப்பிரிவு இன்னும் துவங்கப்படவில்லை. அங்கு கணினி அறிவியலை நிறுவி தகுதிவாய்ந்த ஆசிரியர்களைக் கொண்டு பாடம் கற்பிக்கும் பட்சத்தில் அந்த வட்டாரத்தில் பயிலும் மாணவர்கள் பயன் பெறுவார்கள்.

* அரசு வேலை கிடைக்கவில்லை என்பதை விட, அரசு பள்ளிகளில் இனிவருங்காலங்களில் கணினி அறிவியல் அழிந்துவிடக்கூடாது என போராடும் ஒரே கூட்டம் பி.எட்., படித்துவிட்டு காத்திருக்கும் கணினி அறிவியல் பட்டதாரி ஆசிரியர்களே!!

**  பி.எட்., படித்த கணினி அறிவியல் பட்டதாரிகளைப் பற்றி சில வரிகள்...

*  மற்ற துறை ஆசிரியர்கள் நிழலில் படித்து இன்று ஏ.சி.யில் வாழ்கின்றனர்!! ஆனால், கணினி அறிவியல் பட்டதாரிகள் ஏ.சி. அறையில் படித்துவிட்டு இன்று வெயிலில் வதைபடுகிறார்கள்..

*  பி.எட். பட்டம் பெற்ற கணினி ஆசிரியர்களுக்கு தனியார் பள்ளிகளில் கூட வாய்ப்புகள் மறுக்கப்படுகின்றன என்பதே வேதனையான ஒரு உண்மை

* "படிக்கவில்லையே என்ற காலம் போய், இவ்வளவு படித்தும் பயனில்லையே" என்ற கூற்று மற்ற துறை ஆசிரியர்களைக் காட்டிலும் கணினி அறிவியல் படித்த ஆசிரியர்களுக்கே மிகவும் பொருத்தமாக இருக்கும்

* திருமண வயதைத் தாண்டியும் பல ஆசிரியர்கள் இன்னும் திருமணமாகாமலேயே வாழும் நிலைக்குத் தள்ளப்பட்டுள்ளார்கள்... மிகவும் கஷ்டப்பட்டு, கடன்பட்டு கல்லூரி படிப்பை முடித்த பெண் கணினி ஆசிரியைகள் இன்னும் முதிர்கன்னிகளாகவே வாழ்ந்து கொண்டுள்ளனர்

*கசாப்புக்கடை முதல்... கரும்பு வெட்டும் தொழிலாளி வரை... கணினி ஆசிரியர்களின் துயரச்சித்திரம் நீண்டு கொண்டேதான் செல்கிறது... எங்களுக்கான நிலையான நீதி என்றுதான் கிடைக்கும்??

*கணினி அறிவியல் பட்டதாரிகளுக்கு TRB, TET போன்ற போட்டித் தேர்வுகளிலும் கூட எந்தவொரு வாய்ப்புகளும் வழங்கப்படவில்லை..

*EMIS Update, Aadar Card Update, Smart-Board Trainer, System Admin -போன்ற பணிகளுக்கு தனியார் ஒப்பந்த ஊழியர்களே நியமிக்கப்படுகிறார்கள். அதில் கணினி அறிவியல் பட்டதாரிகளுக்கு வாய்ப்புகள் வழங்கினால் உதவிகரமாக இருக்கும்.

*மாண்புமிகு கல்வி அமைச்சர் மற்றும் மதிப்புமிகு கல்வி செயலாளர் அவர்கள், அரசு பள்ளி மாணவர்கள் மற்றும் 40,000-கும் மேற்பட்ட கணினி ஆசிரியர்களின் நலன் கருதி அரசு பள்ளிகளில் கணினி அறிவியல் பாடத்தை நடைமுறைப் படுத்திடுமாறு வேண்டி விரும்பிக் கேட்டுக்கொள்கிறோம் ..

கு. ராஜ்குமார், MCA., BEd.,
9698339298,
இணையதள ஆசிரியர்,
தமிழ்நாடு பி.எட்., கணினி அறிவியல் வேலையில்லா பட்டதாரி ஆசிரியர்கள் சங்கம் 
பதிவு எண்®655/2014.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!