Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Tuesday, 22 August 2017

ஜீயோவிற்கு போட்டியாக ஏர்டெல்: தீபாவளிக்கு அசத்தல் சர்ப்ரைஸ்!



ஏர்டெல் நிறுவனம், ரிலையன்ஸ் ஜியோ அறிவித்துள்ள ரூ.1,500 விலையில்
வழங்கும் 4ஜி பீச்சர் போன் திட்டத்திற்கு போட்டியாக புதிய ஆஃபரை அறிவித்துள்ளது. 

இந்தியாவின் முன்னணி டெலிகாம் நிறுவனமான ஏர்டெல் சொந்தமான 4ஜி ஸ்மார்ட்போனை தீபாவளி அன்று வெளியிட திட்டமிடப்பட்டுள்ளது. 
லாவா மற்றும் கார்பன் ஸ்மார்ட்போன் நிறுவனங்களுடன் இதற்கான பேச்சுவார்த்தையில் ஈடுபட்டுள்ளது என செய்திகள் வெளியாகியுள்ளது. 
ஏர்டெல் நிறுவனத்தின் இந்த அதிரடி முடிவு ஜியோ போனுக்கு போட்டியாக உள்ளது. ஏர்டெல் போன் கூகுள் பிளே ஸ்டோரில் கிடைக்கும் செயலிகளை டவுன்லோடு செய்யும் வசதி கொண்டிருக்கலாம் என தெரிகிறது


NEET அவசர சட்டத்துக்கு ஒப்புதல் இல்லை: மத்திய அரசு

நீட் அவசர சட்டத்துக்கு ஒப்புதல் இல்லை: மத்திய அரசு திடீர் பல்டி


தமிழக அரசின் நீட் அவசர சட்டத்துக்கு ஒப்புதல் இல்லை- மத்திய அரசு

நீட் தேர்வில் இருந்து விலக்கு கோரி தமிழக அரசு சட்ட சட்டம் தாக்கல்

NEET - தமிழகத்தில் நாளை மறுநாள் மருத்துவ மாணவர் சேர்க்கை கலந்தாய்வு : மாநில சுகாதார துறை செயலாளர் அறிவிப்பு.

நீட் தேர்விலிருந்து தமிழகத்திற்கு விலக்கு அளிக்க வேண்டும் என்ற தமிழக அரசின் கோரிக்கை உச்சநீதிமன்றத்தால் நிராகரிக்கப்பட்டுள்ளது.

தமிழகத்தில் மருத்துவ மாணவர் சேர்க்கை நடைபெற்று முடிந்த நீட் தேர்வின் அடிப்படையிலேயே நடத்தப்பட வேண்டும் என உச்சநீதிமன்றம் உத்தரவிட்டுள்ளது. நீட் தேர்விலிருந்து தமிழகத்திற்கு மட்டும் விலக்கு அளிக்க முடியாது என உச்சநீதிமன்றம் திட்டவட்டமாக கூறியுள்ளது. மேலும் செப்டம்பர் 4-ம் தேதி வரை மருத்துவ படிப்பிற்கான கலந்தாய்வை நடத்த உச்சநீதிமன்றம் அனுமதி வழங்கியுள்ளது. உச்சநீதிமன்றத்தின் உத்தரவை அடுத்த தமிழகத்தில் மருத்துவ மாணவர் சேர்க்கை பிளஸ் 2 மதிப்பெண்கள் அடிப்படையில் நடைபெறாது. நீட் தேர்வில் வெற்றி பெற்ற மாணவர்கள் மட்டுமே MBBS சேர்க்கையில் பங்கபெற முடியும்  என்பது குறிப்பிடத்தக்கது.

முன்னதாக மத்திய அரசு வழக்கறிஞர் கூறுகையில், தமிழக அரசு தாக்கல் செய்துள்ள நீட் தேர்விலிருந்து ஓராண்டு விலக்கு கோரும் சட்டத்தை அமல்படுத்தினால் குழப்பமே ஏற்படும் என்றார். எனவே அவசர சட்டத்திற்கு ஒப்புதல் தர கூடாது என மத்திய அரசுக்கு அவர் பரிந்துரைத்தார். இதனை ஏற்ற மத்திய அரசு, தமிழக அரசின் அவசர சட்டத்திற்கு ஒப்புதல் அளிக்கப் போவதில்லை என உச்சநீதிமன்றத்தில் திட்டவட்டமாக கூறியது. ஒரு மாநிலத்திற்கு மட்டும் நீட்டிலிருந்து விலக்களிக்க முடியாது. ஏற்கனவே மத்திய அரசு பிறப்பித்த உத்தரவுக்கு முரணாக தமிழக அரசின் அவசர சட்டம் உள்ளது. எனவே தமிழக அரசின் அவசர சட்டத்தை ஏற்க முடியாது என மத்திய அரசு கூறியது. இதனை அடுத்தே தமிழகத்தின் அவசர சட்டம் ஒப்புதல் அளிக்கப்படாமல், நீட் தேர்வின் அடிப்படையிலேயே மருத்துவ மாணவர் சேர்க்கையை நடத்தி முடிக்க வேண்டும் என உச்சநீதிமன்றம் உத்தரவிட்டுள்ளது குறிப்பிடத்தக்கது.

இந்நிலையில் நாளை மறுநாள் தமிழகத்தில் மருத்துவ மாணவர் சேர்க்கை கலந்தாய்வு துவங்கி நடைபெறும் என மாநில சுகாதார துறை செயலாளர் ராதாகிருஷ்ணன் கூறியுள்ளார். நாளை மாணவர் தகுதிப்பட்டியல் வெளியிடப்படும் என்று தெரிவித்துள்ளார். 

EMIS WEBSITE OPEN NOW.....CLICK HERE FOR LINK...


CLICK HERE - EMIS WEBSITE


மாற்றங்களை உருவாக்குவோம்!!தமிழக அளவில் தனது கற்பித்தலாலும் செயல்பாடுகளாலும் சிறந்து விளங்குபவர்களை கொண்டாடும் அசத்தல் மேடை!!



மாற்றங்களை உருவாக்குவோம்!!

தமிழக அளவில் தனது கற்பித்தலாலும் செயல்பாடுகளாலும் சிறந்து விளங்குபவர்களை கொண்டாடும்


அசத்தல் மேடை!!


*நம்பிக்கை நட்சத்திரங்கள் விருது* விருது பெறும் மாணவர்கள்

*Airtel super singer Title winner*


செல்வி.பிரித்திகா


திருவாரூர்

*ரஷ்ய விண்வெளி மையம் சென்ற இளம்விஞ்ஞானி*


செல்வன்.ஜெயக்குமார்


விருதுநகர்

*நரம்புத்தளர்ச்சி பாதிப்புடன் அசத்தும் அறிவாற்றல்* செல்வன்.ஆலன்விஜய் பால்


தஞ்சாவூர்

*ஒருவார்த்தை ஒரு லட்சம் போட்டியின் வெற்றியாளர்கள்*


சீ.சுனில்குமார்


ர.கோகுல்


கோயம்புத்தூர்

*மது ஒழிப்பிற்காக 1 ம் வகுப்பில் இருந்து போராடும் மாணவி*


ந.பாரதி


நீலகிரி


தமிழகத்தில் தனது கல்விப்பணியால் சிறந்து விளங்கி சாதனை புரிந்து சமூகச்சிற்பி விருது பெறப் போகும்


அசத்தல் ஆசிரியர்கள்

*திரு.பிராங்க்ளின்* 
கோயம்புத்தூர்

*திரு.கருப்பையா*
புதுக்கோட்டை

*திரு.செல்வக்கண்ணன்*
கரூர்

*திரு.தென்னவன்*
மதுரை

*திருமதி.கிருஷ்ணவேணி*
திருப்பூர்

*திரு.தமிழரசன்*
விழுப்புரம்

*திரு.வசந்தன்*
கடலூர்

*திருமதி.விஜயலெட்சுமி*
திருப்பூர்

*திருமதி.கவிதா*
காஞ்சிபுரம்

*திரு.இளவழகன்*
பெரம்பலூர்

*திரு.திலீப்*
விழுப்புரம்

*திரு.குருமூர்த்தி*
திருச்சி

*திரு.செந்தில்செல்வன்*
சிவகங்கை

*திரு.தென்றல்*
வேலூர்

*திருமதி.மகாலெட்சுமி*
திருவண்ணாமலை

*திரு.தனபால்*
கரூர்

*திரு.தாமஸ் ஆண்டனி*
ஈரோடு

*திருமதி.ரூபி கேத்தரின் தெரஸா*
நாமக்கல்

*திரு.அமலன் ஜெரோம்*
சேலம்

*திரு.பெர்ஜின்*
ராமநாதபுரம்

*திரு.அன்பழகன்*
காஞ்சிபுரம்

*திரு.விஜய்குமார்*
விழுப்புரம்

*திருமதி.பார்வதிஸ்ரீ*
சேலம்

*செல்வி.சாந்தி*
சென்னை

*திருமதி.புஷ்பலதா*
திருச்சி

*திருமதி.சுவேதா*
சிவகங்கை

*திரு.லோகநாதன்*
ஈரோடு

*திருமதி.பிருந்தா*
கோயம்புத்தூர்

*திருமதி.சிவகாமிசுந்தரி*
மதுரை

*திரு.கோபிநாத்*
வேலூர்

*திரு.ஆனந்த்*
திருவாரூர்

*திரு.கருணைதாஸ்*
விருதுநகர்

*திரு.ஸ்டாலின் ஆரோக்கியராஜ்*
விழுப்புரம்

*திரு.மணிமாறன்*
திருவாரூர்

*திரு.திஷ்குமார்*
திருச்சி

*திருமதி.லதா*
சேலம்

*திரு.மாரிமுத்து*
நீலகிரி

*திருமதி.எஸ்தர்வேணி*
ராமநாதபுரம்

*திரு.சக்திவேல்முருகன்*
காஞ்சிபுரம்

*திருமதி.சந்திரா*
புதுக்கோட்டை

*திரு.செந்தில்குமார்*
தேனி

*செல்வி.அன்னபூர்ணா*
விழுப்புரம்

*திரு.நல்லமுத்து*
நீலகிரி

*திருமதி.சபரிமாலா*
விழுப்புரம்

*திரு.தங்கராஜ்*
திருநெல்வேலி

*திரு..ஸ்டீபன் மிக்கேல் ராஜ்*
சிவகங்கை

*திருமதி.ராஜலெட்சுமி*
கடலூர்

*திருமதி.தேன்மொழி* திருவண்ணாமலை

*திரு.திருமுருகன்*
கோயம்புத்தூர்

*திரு.சங்கர்*
தர்மபுரி

*திரு.சிங்கராஜ்*
திருவள்ளூர்

*திரு.தேவதாஸ்*
விழுப்புரம்

*திரு.கண்ணபிரான்*
திருப்பூர்

*திரு.கணேஷ்குமார்*
சென்னை

*திரு.பழனிக்குமார்*
திருநெல்வேலி

                                                                  🌷🌷🌷🌷🌷🌷🌷

வரும் கல்வியாண்டில் தங்களது பணியால் முத்திரை பதிப்பார்கள் என்னும் நம்பிக்கையுடன்


*நம்பிக்கை 2018* என்னும் விருது பெறும் விருதாளர்கள்

திருப்பூர் *பிரியதர்ஷினி*

புதுக்கோட்டை *கிறிஸ்டி*

வேலூர் *ஜானகிராமன்*

சிவகங்கை *கணேசன்*

காஞ்சிபுரம் *யுவராணி*

நீலகிரி வசந்தா*

சென்னை *கனகலெட்சுமி*

வேலூர் *கார்த்திகேயன்*

திருச்சி *கனகராஜ்*

தஞ்சாவூர் *ராமநாதன்*

விழுப்புரம் *நிகிலா*

திருப்பூர் *கனகராஜ்*

கடலூர் *ஹேமகுமாரி ஜூலி

நாகப்பட்டினம் *முழுமதி*

                                                              🌷🌷🌷🌷🌷🌷🌷🌷

*கல்விக்காவலர் விருது*


பெறப்போகும் பெருமைக்குரியவர்கள்

*பெற்றோர் ஆசிரியர் கழகம், அ.ம.மே.பள்ளி கீரமங்கலம்*
புதுக்கோட்டை

*முழுமதி அறக்கட்டளை* ஜப்பான்

*அக்னிச்சிறகுகள் அறக்கட்டளை*
தஞ்சாவூர்

*பரஸ்பரம் அறக்கட்டளை*
கோயம்புத்தூர்

*சிறுதுளி அமைப்பு*
சென்னை

*கலாம் அறக்கட்டளை*
சென்னை

வரும் *செப்டம்பர் 3 ல்*
திருச்சியில்
அசத்துவோம்

வருகை தாருங்கள்
வண்ணமயமாக கொண்டாடுவோம்.


திருப்பத்தூரில் ஒரு நாள் வேலை நிறுத்தம் ஆரம்பம்

5000 ஆண்டு வரை தேதி சொன்னால் கிழமையை சொல்லும் சிறுவன்; இந்திய சாதனையாளர் புத்தகத்தில் இடம்!!



ஒன்று முதல் ஐயாயிரம் ஆண்டு வரை, தேதியை சொன்னால், கிழமையை 
சொல்லும் 13 வயது சிறுவனுக்கு, அபார நினைவாற்றலுக்காக இந்திய சாதனையாளர் புத்தகத்தில் இடம் கிடைத்தது.

ராமநாதபுரம் மாவட்டம், கீழக்கரையைசேர்ந்தவர் சாகுல் ஹமீது. இவரது மகன் முகம்மது பஹீம்,13. துபாயில் ஏழாம் வகுப்பு படிக்கிறார். அபார ஞாபக சக்தி கொண்டவரான முகம்மதுபஹீமை அவரது பெற்றோர் 4 வயது முதல் ஊக்கப்படுத்தினர். 

சிறுவயதில் உறவினர் வீட்டிற்கு சென்றால், அவர்களின் வீட்டில் உள்ள காலண்டரை பார்த்துக்கொண்டே இருப்பார். இந்த நிலையில், தற்போது ஒன்று முதல் 5000 ஆண்டு வரை, எந்த தேதியை கூறினாலும் அதன் கிழமையை கூறுகிறார்.

இதேபோல் உலக நாடுகளின் கடிகார நேரத்தையும் கூறுகிறார். எந்த நாட்டை கேட்டாலும், அதன் தலைநகர், கொடி, மொழி, நாணயத்தை கூறுவார். சர்வதேச எண் முறை, அனைத்து அலைபேசி நிறுவனங்களின் பெயர், மாடல், தயாரிப்பு தேதி, மென்பொருள் குறித்தும் கூறுகிறார்.

எங்கெல்லாம் சென்றாரோ அந்த இடத்தின் பெயர், தேதி, நேரத்தை ஞாபகத்தில் வைத்து உள்ளார். இவருக்கு, சிறந்த ஞாபக சக்தியாளர் என்ற முறையில், 5000 ஆண்டுகளுக்கான தேதியை சொன்னால், கிழமையை சொல்லும் திறனுக்காக இந்திய சாதனையாளர் புத்தகத்தில் இடம் கிடைத்தது. இதற்கான சான்றிதழ் மற்றும் பதக்கத்தை இந்தியா சாதனையாளர் புத்தகத்தின் தென் மண்டல ஒருங்கிணைப்பாளர் கலைவாணி வழங்கினார். பின்னர் அந்த சிறுவன் கலெக்டர் நடராஜனை சந்தித்து வாழ்த்து பெற்றார்

அரசு பள்ளிகளில் பாடம் நடத்த தற்காலிக ஆசிரியருக்கு உத்தரவு

ஆசிரியர்கள் வேலை நிறுத்தம் காரணமாக, பகுதி நேர ஆசிரியர்கள், 16 ஆயிரம் பேரும் பணிக்கு வந்து, பாடம் நடத்த உத்தரவிடப்பட்டு உள்ளது. அரசு பள்ளி ஆசிரியர்களின், 25க்கும் மேற்பட்ட சங்கத்தினர் அடங்கிய, 
'ஜாக்டோ' கூட்டமைப்பும், அரசு ஊழியர்களின், 'ஜியோ' கூட்டமைப்பும் இணைந்து, இன்று, ஒரு நாள் வேலை நிறுத்த போராட்டம் அறிவித்து உள்ளன.இதில், நான்கு லட்சத்துக்கும் மேற்பட்ட ஆசிரியர்கள் பங்கேற்க முடிவு செய்துள்ளனர்.எனவே, அரசு பள்ளி களில், குறிப்பாக, தொடக்கப் பள்ளிகளில், இன்று வகுப்புகள் முடங்கும் அபாயம் உள்ளது. எனவே, மாற்று ஏற்பாடுகளை செய்ய, தலைமை ஆசிரியர்களுக்கு உத்தரவிடப்பட்டு உள்ளது.

அதன்படி, 'அரசு பள்ளிகளில் பணியாற்றும், 16 ஆயிரம் பகுதி நேர ஆசிரியர்கள், இன்று கட்டாயம் பள்ளிக்கு வர வேண்டும். 'வேலை நிறுத்த நாளில் பணியாற்றும், தற்காலிக தொகுப்பூதிய ஆசிரியர்கள் மற்றும் பெற்றோர் - ஆசிரியர் கழக ஆசிரியர்களுக்கு, ஒரு நாள் ஊதியம் கூடுதலாக வழங்கப்படும்.'பணி நிரந்தரம் செய்யும் போது,'போனஸ்' மதிப்பெண் தரப்படும்' என, அதிகாரிகள் கூறிஉள்ளனர்.பல பள்ளிகளில், தலைமை ஆசிரியர்களும் போராட்டத்தில் பங்கேற்பதால், அங்கு அதிகாரிகளே, பள்ளிகளை திறக்க அறிவுறுத்தப்பட்டு உள்ளனர்.

பிளஸ் 2 தேர்வில் மாற்றமில்லை

பிளஸ் 2 பொதுத் தேர்வு மதிப்பெண் மற்றும் வினாத்தாள் முறையில், மாற்றம் இல்லை' என, பள்ளிக்கல்வித் துறை முடிவு செய்துள்ளது. பிளஸ் 1 வகுப்புக்கு, இந்த ஆண்டு முதல், பொதுத் தேர்வு அறிமுகம் செய்யப்பட்டு உள்ளது. 
மேலும், தேர்வுக்கான மதிப்பெண்கள், பாட வாரியாக தலா, 200 என்பது, 100 ஆக மாற்றப்பட்டு உள்ளது.அது போல, பிளஸ் 2 தேர்வுக்கு மாற்றம் உண்டா என, மாணவ மாணவியரும் குழப்பத்தில் உள்ளனர். ஆனால், இந்த ஆண்டு, பிளஸ் 2 படிக்கும் மாணவர்களுக்கு, பொதுத் தேர்விலும், வினாத்தாள் மதிப்பெண் முறையிலும், மாற்றம் இல்லை என, அதிகாரிகள் தெரிவித்து உள்ளனர்.

இது குறித்து, அதிகாரிகள் கூறியதாவது: பழைய முறைப்படியே, இந்த ஆண்டு, பிளஸ் 2 பொதுத் தேர்வு நடக்கும். மாணவர்களுக்கு வழங்கப்பட்ட, 'புளூ பிரின்ட்' அடிப்படையில், கேள்விகள் அமையும். சிந்திக்கும் வகையிலும், சிக்கலுக்கு தீர்வு காணும் வகையிலும், பதில் எழுத, சில வினாக்கள் இடம் பெறும்.

தேர்வுக்கான மதிப்பெண்ணில், இந்த ஆண்டு மாற்றம் இல்லை.எனவே, மாணவர்கள் குழப்பமின்றி, பழைய தேர்வு முறையின்படி பயிற்சி பெறலாம். தமிழக பெற்றோர் - ஆசிரியர் கழகம் வெளியிட்ட, வினா வங்கிகளை பயன்படுத்தியும் பயிற்சி எடுக்கலாம். 'நீட்' போன்ற தேசிய நுழைவுத் தேர்வில் தேர்ச்சி பெறும் வகையில், மாணவர்களை, ஆசிரியர்கள் தயார்படுத்த வேண்டும். இவ்வாறு அவர்கள் கூறினர்.

இன்ஜி., மாணவர் சேர்க்கை : அண்ணா பல்கலை கெடு

தனியார் இன்ஜி., கல்லுாரிகளில், வரும், 31ம் தேதிக்குள் மாணவர் சேர்க்கையை முடிக்க, அண்ணா பல்கலை கெடு விதித்துள்ளது. உச்ச நீதிமன்ற உத்தரவின்படி, நாடு முழுவதும், அனைத்து இன்ஜி., கல்லுாரிகளிலும், ஜூலை, 31க்குள், பி.இ., - பி.டெக்., மாணவர் சேர்க்கையை முடித்திருக்க வேண்டும்.
ஆக., 1ல், அனைத்து கல்லுாரிகளிலும் வகுப்புகள் துவங்கப்பட்டிருக்க வேண்டும். 'நீட்' நுழைவுத்தேர்வு பிரச்னையால், தமிழகத்தில், மருத்துவ மாணவர் சேர்க்கை தள்ளிப் போனதால், இன்ஜி., மாணவர் சேர்க்கை, தாமதமாக துவங்கியது. ஆக., 18ல் கவுன்சிலிங் முடிந்துள்ளது. தொடர்ந்து, அண்ணா பல்கலை மற்றும் உறுப்பு கல்லுாரிகளில், முதலாம் ஆண்டு வகுப்புகள் துவங்கி உள்ளன. 'தனியார் இன்ஜி., கல்லுாரிகளில், 50 சதவீத இடங்கள் காலியாக உள்ளன. இவற்றில், நிர்வாக ஒதுக்கீட்டு இடங்களை, வரும், 31ம் தேதிக்குள் நிரப்ப வேண்டும்' என, அண்ணா பல்கலை கெடு விதித்துள்ளது. செப்.,1ல், வகுப்புகள் துவங்கவும், அறிவுறுத்தப்பட்டுள்ளது.

விதிமீறல் இன்றி நல்லாசிரியர் விருது : தேர்வுக்குழுவிற்கு அதிகாரிகள் உத்தரவு

ஆசிரியர் தின நல்லாசிரியர் விருதுக்கு, முதற்கட்ட பட்டியலை, பள்ளிக்கல்வி இயக்குனரிடம் அதிகாரிகள் சமர்ப்பித்து உள்ளனர். விதி மீறல் இன்றி ஆசிரியர்களை தேர்வு செய்ய உத்தரவிடப்பட்டு உள்ளது. 

முன்னாள் ஜனாதிபதி, டாக்டர் ராதாகிருஷ்ணனின் பிறந்த நாளான, செப்., 5, ஆசிரியர் தினமாக கொண்டாடப்படுகிறது. இதையொட்டி, பள்ளிகளில் கலை நிகழ்ச்சிகளும், பல போட்டிகளும் நடத்தப்படுகின்றன. மத்திய மற்றும் மாநில அரசுகள் சார்பில், சிறப்பாக செயல்படும் ஆசிரியர்களுக்கு, நல்லாசிரியர் விருதும், இதையொட்டி வழங்கப்படுகிறது.

இந்த விருதுக்கு, மத்திய, மாநில அரசுகள் தனித்தனியாக விண்ணப்பம் பெற்று, சிறந்த ஆசிரியர்களை தேர்வு செய்கின்றன. தமிழகத்தில் அமைச்சர்கள், ஆளுங்கட்சி ஆதரவு சங்கத்தை சேர்ந்தவர்கள் மற்றும் அதிகாரிகளால் சிபாரிசு செய்யப்படுவோருக்கே, மாநில அரசின் விருது வழங்கப்படுவதாக குற்றச்சாட்டு உள்ளது. மேலும், ஜாதி, மத பின்னணியிலும், ஆசிரியர்கள் தேர்வு செய்யப்படுவதாக, புகார்கள் எழுந்துள்ளன.

இந்தாண்டு, நல்லாசிரியர் விருதுக்கு, ஆக., 5ல் விண்ணப்பங்கள் வழங்க, இயக்குனரகம் உத்தரவிட்டது. பல மாவட்டங்களில், முதன்மை கல்வி அதிகாரிகள், அனைவருக்கும் விண்ணப்பங்களை வழங்கவில்லை என்றும், அதனால், மாவட்ட கல்வி அதிகாரிகளே, ஆசிரியர்களின் பெயர்களை தேர்வு செய்ததாக, தகவல்கள் வெளியாகின. சில மாவட்டங்களில் விண்ணப்பிக்கவே, ஆசிரியர்களுக்கு வாய்ப்பு வழங்கவில்லை என்றும் கூறப்படுகிறது.

இந்நிலையில், ஆக., 20ல், இதற்கான அவகாசம் முடிந்ததால், மாவட்ட கல்வி அதிகாரிகள், தங்கள் தேர்வு பட்டியலை, இயக்குனர் அலுவலகத்துக்கு அனுப்பி உள்ளனர். அந்த பட்டியல், சரியான பட்டியலா, தகுதி பெற்ற யாராவது விடுபட்டுள்ளனரா; விண்ணப்பிக்க வாய்ப்பு கிடைக்காதோருக்கு, மீண்டும் வாய்ப்பு வழங்கப்படுமா என, ஆசிரியர் சங்கத்தினர் சந்தேகங்களை எழுப்பி உள்ளனர்.

இது குறித்து, பள்ளிக்கல்வி அதிகாரிகள் கூறுகையில், 'யாராவது விடுபட்டிருந்தால், அவர்கள், நேரடியாக பள்ளிக்கல்வி தலைமை அலுவலகத்தை அணுகலாம். 'விதி மீறலுக்கும், சிபாரிசுக்கும் இடமின்றி, தகுதியானவர்களுக்கு மட்டுமே, நல்லாசிரியர் விருது வழங்க உத்தரவிடப்பட்டு உள்ளது' என்றனர்.

குழந்தைநேயப் பள்ளி திட்டத்தில் ஆயிரம் அரசு பள்ளிகள் இணைப்பு

10 நாட்களில் மாணவர் சேர்க்கை; மருத்துவ கவுன்சில் கெடுபிடி

’நீட்’ தேர்விலிருந்து, தமிழக அரசுக்கு இன்னும் விலக்கு கிடைக்காத நிலையில், வரும், 31க் குள்

மாணவர் சேர்க்கையை முடிக்க, இந்திய மருத்துவ கவுன்சில், ’கெடு’ விதித்து உள்ளது

மருத்துவ படிப்பு மாணவர் சேர்க்கைக்கு, ’நீட்’ தகுதித்தேர்வில் தேர்ச்சி பெறுவது கட்டாயம்.இந்தத் தேர்வின் அடிப்படையில், அனைத்து மாநிலங்களிலும், மருத்துவ படிப்புக்கான மாணவர் சேர்க்கை முடிந்துள்ளது. 

தமிழகத்தில் மட்டும், இன்னும் மாணவர் சேர்க்கை நடைபெறவில்லை.’நீட்’ தேர்விலில் இருந்து தமிழகத்திற்கு விலக்கு தர, உச்சநீதி மன்றம் மறுத்து விட்டது. அதனால், ’நீட்’ தேர்வுக்கு விலக்கு கேட்டு, தமிழக அரசு புதிய அவசர சட்டம் நிறைவேற்றி, மத்திய அரசின் அனுமதிக்கு அனுப்பி உள்ளது. இதற்கு ஒப்புதல் வழங்க, மத்திய அரசு பரிசீலிப்பதாக அறிவித்துள்ளது.

அதே நேரத்தில்,மருத்துவ மாணவர் சேர்க்கையை தாமதம் செய்யக்கூடாது என வலியுறுத்தி, உச்ச நீதிமன்றத்தில் மாணவர்கள் சார்பில், புதிய வழக்கு தொடரப்பட்டு உள்ளது.இந்த வழக்கில்,மத்திய - மாநில அரசுகள் பதில் தர, உச்சநீதிமன்றம் .

இதற்கிடையில், வரும், 31க்குள் மருத்துவ மாணவர் சேர்க்கையை நடத்தி முடிக்கும்படி,தமிழக அரசுக்கு இந்திய மருத்துவ கவுன்சிலான, எம்.சி.ஐ., உத்தர விட்டுள்ளது.

உச்சநீதிமன்ற வழிகாட்டுதலுடன், அனைத்து மாநிலங்களிலும், மாணவர் சேர்க்கை முடிந்து விட்டதால், தமிழகத்திலும்,மாணவர் சேர்க்கையை உரியகாலக்கெடுவில் முடிக்க வேண்டும் என்றும் அறிவுறுத்தியுள்ளது. அதனால், இன்னும், 10  நாட்களில் மாணவர்சேர்க்கையை முடிக்க வேண்டிய கட்டாயம், தமிழக அரசுக்கு ஏற்பட்டுள்ளது. 

இந்த நிலையில், ’நீட்’ தேர்வு வழக்கு, உச்சநீதி மன்றத்தில் நாளை விசாரணைக்கு வர உள்ளது. அப்போது, மாணவர் சேர்க்கைக்கு தமிழக அரசின் சார்பில், கூடுதல்அவகாசம் கேட்க, சுகாதாரத்துறை அதிகாரிகள் முடிவு செய்துள்ளனர். 

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!