Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Friday, 8 September 2017

SCERT- LEARNING OUTCOMES BRC LEVEL TRAINING FOR PRIMARY AND UPPER PRIMARY TEACHERS- POSTPONED TO 04.10.2017 TO 14.10.2017

கட்டண சேவைக்கு மாறப்போகிறது வாட்ஸ்அப்!

வாட்ஸ்அப் இனிமேலும் இலவச சேவையாக தொடரப்போவதில்லை. கட்டண சேவையை அறிமுகம் செய்ய உள்ளது உலகின் மிகப்பெரிய மெசேஜ் ஆப்களில் ஒன்றான வாட்ஸ்அப்.

2014ல் பேஸ்புக் நிறஉவனம் வாட்ஸ்அப் நிறுவனத்தை 19 பில்லியன் அமெரிக்க டாலருக்கு வாங்கியது. கட்டணம் இல்லாத, விளம்பரமும் இல்லாத ஒரு ஆப்புக்கு இவ்வளவு அதிக விலை கொடுத்து பேஸ்புக் வாங்கியது ஏன் என்ற கேள்வி அப்போது எல்லோரிடமும் எழுந்தது.


இதற்கான விடைதான் தற்போது வெளியாகியுள்ள தகவல். ஆம்.. வாட்ஸ்அப் இனிமேல் கட்டண சேவை அளிக்கும் ஆப் என்ற வகையில் மாறப்போகிறது.

வர்த்தக நோக்கம் கட்டண சேவை என்றதும், நெட்டிசன்கள் ஆதங்கப்பட தேவையில்லை. வாட்ஸ்அப்பில் வர்த்தக டூல் ஒன்று சேர்க்கப்படுகிறது. அதை பயன்படுத்துவோருக்குதான் கட்டணம். இந்தியாவில் 200 மில்லியன் பேர் வாட்ஸ்அப் பயன்படுத்துகிறார்கள், அவர்களை குறிவைத்து வர்த்தக நிறுவனங்கள் இந்த கட்டண சேவையை பயன்படுத்தலாம்.

விளம்பரதாரர்கள் 

இந்தியாவில்தான் வேறெந்த நாட்டைவிடவும் அதிகப்படியானோர் வாட்ஸ்அப் பயன்படுத்துகிறார்கள். இவர்களை, வணி நிறுவனங்களோடு இணைப்பதுதான் புதிய கட்டண சேவையின் நோக்கம். டிவிட்டர், பேஸ்புக் போலவே, வர்த்தக நிறுவனங்கள் ரியல்தான் என்பதை உறுதி செய்ய வெரிஃபைட் குறியீடு பயன்படப்போகிறது.

வாடிக்கையாளர்கள் தொடர்பு 

கட்டணம் செலுத்தும் வணிக நிறுவனங்கள் தங்கள் வாடிக்கையாளர்களுக்கு மெசேஜ் அனுப்ப முடியும். இவற்றை பிளாக் செய்யவும் வாடிக்கையாளர்களுக்கு வசதி உண்டு. உணவகங்கள், சேவை நிறுவனங்கள் தங்கள் வாடிக்கையாளரை வாட்ஸ்அப்பில் தொடர்புகொள்ள இது உதவும்.

பல சேவைகளுக்கு வாய்ப்பு 

புக்மைஷோ ஏற்கனவே வாட்ஸ்அப்புடன் இணைந்து இதுபோன்ற சேவையை வெள்ளோட்ட அடிப்படையில் செய்து வருகிறது. எப்போது வெரிஃபைடு குறியீட்டுடன் வாட்ஸ்அப் தனது வணிக சேவையை தொடங்கப்போகிறது என்பது ரகசியமாக வைக்கப்பட்டுள்ளது. சீனாவின் வீசாட் என்ற மெசேஜ் ஆப், பிறகு மேம்படுத்தப்பட்டு, கார், ஆட்டோ புக் செய்வது, பில் கட்டுவது உள்ளிட்ட பல சேவைகளை அளிக்க தொடங்கியது என்பது குறிப்பிடத்தக்கது.

அரசு பள்ளிகளில், கூடுதலாக உள்ள ஆசிரியர்களை இடம் மாற்றுவதற்காக, மாணவர் எண்ணிக்கை கணக்கெடுப்பு துவக்கம்.

அரசு பள்ளிகளில், கூடுதலாக உள்ள ஆசிரியர்களை இடம் மாற்றுவதற்காக, மாணவர் எண்ணிக்கை கணக்கெடுப்பு துவங்கப்பட்டு உள்ளது. தமிழக அரசு பள்ளிகளில், ஆசிரியர்கள் இடமாறுதலுக்கான பொது கவுன்சிலிங்,ஆண்டுதோறும், மே மாதம் நடத்தப்படும். 2011-2016 வரை, ஆகஸ்டில் இந்த கவுன்சிலிங் நடந்தது.
ஆனால், பள்ளிக்கல்வி செயலராக, உதயசந்திரன் பொறுப்பேற்றதும்,மாணவர்கள் நலன் கருதி, மே மாதம் விடுமுறை காலத்திலேயே, இடமாறுதல் கவுன்சிலிங் நடத்தி முடிக்கப்பட்டது.

இந்நிலையில், ஆக., ௩௧ல், தமிழக அரசு பள்ளிகளில், மாணவர் சேர்க்கை முடிவுக்கு வந்தது. இதையடுத்து, செப்., ௧ நிலவரப்படி, அரசு பள்ளிகளில் சேர்ந்துள்ள மாணவர் விபரங்களை கணக்கெடுக்க உத்தரவிடப்பட்டு உள்ளது.இதில், வகுப்புகள் தோறும் சேர்க்கப்பட்ட மாணவர்கள், வருகை தருவோர், கணக்கெடுப்பு நடத்தப்படும். ஆசிரியர் இடங்கள், அவற்றின் காலி இடங்கள், தற்போது பாட வாரியாக,வகுப்பு வாரியாக பணியாற்றும் ஆசிரியர்கள் எண்ணிக்கை ஆகிய விபரங்களை சேகரிக்க உத்தரவிடப்பட்டு உள்ளது.

இது குறித்து, அதிகாரிகள் கூறியதாவது: அனைத்து தொடக்க, நடுநிலை உயர், மேல்நிலைப் பள்ளிகளில், செப்., 1 நிலவரப்படி, மாணவர் எண்ணிக்கை விபரம் சேகரிக்கப்படுகிறது.போலியான எண்ணிக்கை இல்லாமல், தில்லுமுல்லுக்கு இடம் தராமல், இந்த விபரங்களையும் தருமாறு, தலைமை ஆசிரியர்கள் எச்சரிக்கப்பட்டு உள்ளனர். இந்த எண்ணிக்கையின்படி, ஆசிரியர்கள், மாணவர்கள் விகிதம், கட்டாய கல்வி உரிமை சட்டப்படி நிர்ணயிக்கப்படும்.இதையடுத்து, விகிதா சாரப்படி, கூடுதலாக உள்ள ஆசிரியர்கள், பணிநிரவல் படி, காலியாக உள்ள இடங்களுக்கு மாற்றப்படுவர். இதற்கான அறிவிப்பு, அதிகாரபூர்வமாக வெளியாகும்.இவ்வாறு அவர்கள் கூறினர். இந்த அறிவிப்பால், தென் மாவட்டங்கள் மற்றும் முக்கிய நகரங்களில், மாணவர்கள் விகிதத்தை விட கூடுதலாக இருக்கும் ஆசிரியர்கள், 'இடம்மாற்றம் வருமோ...' என, பீதியடைந்து உள்ளனர்.

தமிழகத்தில் உயர் கல்வி பயில்வோரின் எண்ணிக்கை 44.31 சதவீதமாக உயர்வு: முதல்வர் எடப்பாடி பழனிச்சாமி

தூத்துக்குடி அருகேயுள்ள சாயர்புரம் போப் கல்லூரியில் புதிதாக கட்டப்பட்ட அறிவியல் பிரிவு விரிவாக்கக் கட்டடத்தை வியாழக்கிழமை திறந்துவைக்கிறார் முதல்வர் எடப்பாடி கே. பழனிச்சாமி.

தமிழகத்தில் உயர் கல்வி பயில்வோரின் எண்ணிக்கை 44.31 சதவீதமாக உயர்ந்துள்ளது என, தமிழக முதல்வர் எடப்பாடி கே. பழனிச்சாமி தெரிவித்தார்.
தூத்துக்குடி மாவட்டம், சாயர்புரத்தில் உள்ள போப் கல்லூரியை தன்னாட்சிக் கல்லூரியாக அறிவிக்கும் நிகழ்ச்சியில் வியாழக்கிழமை கலந்துகொண்டு, புதிதாக கட்டப்பட்ட அறிவியல் பிரிவு விரிவாக்கக் கட்டடத்தை திறந்துவைத்து அவர் மேலும் பேசியது:
மாணவர்கள் கல்வி, நல்லொழுக்கம், நற்குணங்களை உருவாக்கிக்கொள்ள வேண்டும். 2011ஆம் ஆண்டு அதிமுக அரசு பொறுப்பேற்றபோது உயர்கல்வி படிப்போரின் எண்ணிக்கை 21 சதவீதமாக இருந்தது. மறைந்த முதல்வர் ஜெயலலிதா எடுத்த நடவடிக்கையால் தற்போது 44.31 சதவீதமாக உயர்ந்து, கல்வியில் சிறந்த மாநிலமாக தமிழகம் திகழ்ந்துகொண்டிருக்கிறது.
நாட்டில் உயர் கல்வி பயில்வோரின் எண்ணிக்கை 24.5 சதவீதமாக உள்ள நிலையில், அதில் தமிழகம் உயர்ந்த இடத்தில் உள்ளது. கடந்த 6 ஆண்டுகளில் 4 பொறியியல் கல்லூரிகள், 16 பாலிடெக்னிக் கல்லூரிகள், 21 அரசு கலைக் கல்லூரிகள், 24 பல்கலைக்கழக உறுப்புக் கல்லூரிகள் என, மொத்தம் 65 கல்லூரிகள் தொடங்கப்பட்டுள்ளன.
மேலும், ரூ. 100 கோடியில் உறுப்புக் கல்லூரிகளில் பல்வேறு கட்டமைப்பு வசதிகள் செய்யப்பட்டுள்ளன. கடந்த 6 ஆண்டுகளில் 961 புதிய பாடப்பிரிவுகள் அறிமுகப்படுத்தப்பட்டுள்ளன. சுயநிதிக் கல்லூரிகளில் பயிலும் ஆதிதிராவிட மாணவர்களுக்கு அரசே கல்விக் கட்டணத்தை செலுத்திவருகிறது.
தொழில்நுட்பத்தில் உலகத் தரத்துக்கு ஈடுகொடுக்கும் வகையில் இதுவரை 4 லட்சத்து 20 ஆயிரத்து 851 மாணவர்- மாணவிகளுக்கு விலையில்லா மடிக்கணினி வழங்கப்பட்டுள்ளது. அறிவியல்பூர்வமாக கல்வியை அளிக்கும் அரசாக தமிழக அரசு உள்ளது.
மறைந்த முதல்வர் எம்ஜிஆரின் நூற்றாண்டை முன்னிட்டு கடந்த 2 ஆண்டுகளில் 68 அரசு கலைக் கல்லூரிகளில் ரூ. 210 கோடியில் புதிய வகுப்பறைகள் கட்டப்பட்டுள்ளன என்றார் அவர்

ஜாக்டோ - ஜியோ வேலைநிறுத்தம் தமிழகம் முழுவதும் மறியலில் 7 லட்சம் பேர் கைது

ஜாக்டோ-ஜியோ அறிவித்த தொடர் வேலை நிறுத்தம் நேற்று தொடங்கியது. அதன் ஒருபகுதியாக நேற்று தமிழகம் முழுவதும் மறியலில் ஈடுபட்ட 7 லட்சம் ஆசிரியர்கள், அரசு ஊழியர்கள் கைது செய்யப்பட்டனர். 


ஜாக்டோ-ஜியோ சார்பில் நடத்தப்பட்ட பேச்சுவார்த்தை தோல்வியில் முடிந்தது. தொடர் வேலை நிறுத்தம் நடத்துவது தொடர்பாக ஜாக்டோ-ஜியோவில் நிலவிய கருத்து மோதல் காரணமாக கணேசன், இளங்கோவன் தலைமையில் ஒரு அணியும், சுப்பிரமணி, மாயவன் தலைமையில் ஒரு அணியாகவும் ஜாக்டோ-ஜியோ பிரிந்தன. இந்நிலையில், சுப்பிரமணி, மாயவன் தலைமையிலான அணியினர் நேற்று தொடர் வேலை நிறுத்தத்தில் ஈடுபட்டனர். பங்களிப்பு ஓய்வூதிய திட்டத்தை ரத்து செய்து விட்டு பழைய ஓய்வு ஊதிய திட்டம் கொண்டுவர வேண்டும் என்பதில் இந்த அணியினர் தீவிரம் காட்டி வருகின்றனர்.

நேற்று நடந்த வேலை நிறுத்தத்தில் தொடக்கப்பள்ளி ஆசிரியர் மன்றம், ஆரம்ப பள்ளி ஆசிரியர் சங்கம், தமிழக ஆரம்ப பள்ளி ஆசிரியர் கூட்டணி, தொடக்கப் பள்ளி ஆசிரியர் சங்கம் (ஜெஎஸ்ஆர்க), இடைநிலை பதிவு மூப்பு ஆசிரியர் சங்கம் (சிஏ), தமிழ்நாடு மேனிலைப் பள்ளி தலைமை ஆசிரியர் கழகம், தமிழ்நாடு உயர்நிலை, மேனிலைப் பள்ளி பட்டதாரி ஆசிரியர் சங்கம், முதுநிலை பட்டதாரி ஆசிரியர் சங்கம், இடைநிலை ஆசிரியர் சங்கம், தமிழ்நாடு ஆசிரியர் முன்னேற்ற சங்கம், பட்டதாரி ஆசிரியர் சங்கம், அரசு ஊழியர் சங்கம், வருவாய்த்துறை அலுவலர்கள் சங்கம், ஊரக வளர்ச்சித்துறை அலுவலர்கள் சங்கம், சத்துணவு பணியாளர்கள் சங்கம், சமூக நல அலுவலர்கள் சங்கம், வருவாய்த்துறை கிராம உதவியாளர்கள் சங்கம், நகராட்சி, மாநகராட்சி அலுவலர்கள் சங்கம், நிர்வாக அலுவலர்கள் சங்கம் என 60க்கும் மேற்பட்ட சங்கங்கள் வேலை நிறுத்தத்தில் ஈடுபட்டுள்ளன. 

கடந்த 8 ஆண்டில் பணி நியமனம் பெற்ற ஆசிரியர்களுக்கு ஓய்வு ஊதியம் கிடையாது என்பதால் அவர்கள் புதிய ஓய்வு ஊதிய  திட்டத்தை ரத்து செய்ய வேண்டும் என்பதில் அதிக ஆர்வம் காட்டி வருகின்றனர். அதனால் கணேசன் அணியில் உள்ளவர்களும் சங்கத்தின் விதிகளை மீறி நேற்றைய வேலை நிறுத்தப் போராட்டத்தில் பங்கேற்றனர். நேற்று நடந்த போராட்டத்தில் உயர்நிலை, மேனிலைப் பள்ளிகளை சேர்ந்த ஆசிரியர்கள் பெரும்பாலும் பங்கேற்கவில்லை. அதனால் அந்த வகை பள்ளிகள் பாதிக்கப்படவில்லை. இருப்பினும் 55 சதவீதம் ஆசிரியர்கள் நேற்று பணிக்கு வரவில்லை. தொடக்க, நடுநிலைப் பள்ளி ஆசிரியர்கள் 90 சதவீதம் பேர் நேற்று பள்ளிக்கு வரவில்லை. அதனால் அந்த வகை பள்ளிகள் பாதிக்கப்பட்டன. 

தென் மாவட்டங்களில் பெரும்பாலான இடங்களில் தொடக்க நடுநிலைப் பள்ளிகளுக்கு ஆசிரியர்கள் வராததால் பள்ளிகளுக்கு பூட்டு போடப்பட்டன. 

இந்நிலையில், ஏற்கனவே அறிவித்தபடி தமிழகம் முழுவதும் தாலுகா அலுவலகங்களில் முன்பு ஜாக்டோ-ஜியோ சார்பில் ஆர்ப்பாட்டம் நடத்தினர். பின்னர் மறியலில் ஈடுபட்டனர். மறியலில் ஈடுபட்ட ஆசிரியர்கள், அரசு ஊழி்யர்கள் என தமிழகம் முழுவதும் சுமார் 7 லட்சம் பேர் கைது செய்யப்பட்டு மாலையில் விடுவிக்கப்பட்டனர். இதையடுத்து இன்றும் மாவட்ட தலைநகரங்களில் ஆர்ப்பாட்டம் மற்றும் மறியல் போராட்டம் நடக்க உள்ளது. நாளை தமிழகம் முழுவதும் உள்ள ஜாக்டோ-ஜியோ அமைப்பினர் சென்னையில் ஒன்று திரண்டு மாபெரும் போராட்டத்தில் ஈடுபட உள்ளனர். திருமண மண்டபத்தில் தங்க வைக்கப்பட்டு இருந்த ஆசிரியர்கள், அரசு ஊழியர்களை திமுகவின் சார்பில் எம்.பி.,க்கள் ஆர்.எஸ்.பாரதி, டி.கே.எஸ்.இளங்கோவன் ஆகியோர் சந்தித்து வேலை நிறுத்த போராட்டத்துக்கு திமுகவின் ஆதரவை தெரிவித்தனர். 

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!