Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 4 October 2017

குழந்தைகளைக் கொண்டாடும் குழந்தை நேயப் பள்ளிகள்!

மனித வாழ்வின் முக்கியமான பருவம் குழந்தைப் பருவம். உலகளவில் குழந்தைகளின் உரிமைகள் பெருமளவு மறுக்கப்பட்டே வருகின்றன என்பது மறுப்பதற்கில்லை. பொதுவாகவே குழந்தைகள் வலிமையற்றவர்களாக இருப்பதால் எளிதில் அவர்களின் உரிமைகளும் அடிப்படைத் தேவைகளும் பறிக்கப்படுகின்றன. குழந்தைகளின் உரிமைகள் அதிகம் மறுக்கப்படுகின்ற இடங்களாகப் பள்ளிகளும், வீடுகளுமே இருக்கின்றன.

குழந்தைகளைப் பாதுகாத்து வளர்த்தெடுக்க வேண்டிய பள்ளிகளிலேயே ஒழுக்கம் என்ற பெயரில் அடித்தும், குழந்தைகளை அவமானப்படுத்தியும் உடல்ரீதியிலும், மனரீதியிலும் பாதிக்கும் தண்டனைகளை வழங்கிவருகின்றனர்.

இதனால் பல்வேறு சூழல்களிலிருந்து பள்ளிக்கு வருகின்ற குழந்தைகளுக்கு ஆரோக்கியமான முறையான கல்வி வழங்குவதும் குழந்தைகளைத் தக்கவைப்பதும் சவாலாகவே உள்ளது. இந்த நிலையில், தமிழகத்தில் குழந்தை நேயப் பள்ளிகளும் ஆங்காங்கே செயல்பட்டுக்கொண்டுதான் இருக்கின்றன என்பது குறிப்பிடத்தக்கது. இதுகுறித்து குழந்தைநேயப் பள்ளித் திட்ட இயக்குநர் ஷியாம்சுந்தர் நம்மிடம் சில தகவல்களைப் பகிர்ந்துகொண்டார்.

“குழந்தைகளைக் கொண்டாடும் பள்ளியும்; குழந்தைகள் கொண்டாடும் பள்ளியுமே குழந்தைநேயப் பள்ளி ஆகும். 1986-ன் தேசியக் கல்விக் கொள்கை அனைவருக்கும் ஆரம்பக் கல்வி அளித்தல், சேர்க்கை, தக்கவைத்தல் மற்றும் எல்லாக் குழந்தை களும் முக்கியமான அளவுகளில் கற்றலை அடைதல் ஆகியவற்றை நிறைவேற்ற ஒரு செயல்திட்டத்தை வகுத்தது. அதில் குழந்தையை மையமாகக் கொண்ட முக்கிய அம்சங்களோடு அணுகுமுறையைப் பரிந்துரைத்தது. இருந்தபோதிலும் தரமான, குழந்தை நேயம், அனைவரையும் உள்ளடக்கிய கல்வியை இந்தியாவில் உள்ள எல்லாக் குழந்தைகளுக்கும் அளிப்பதில் பல சவால்கள் இன்றும் நீடிக்கின்றன.

பள்ளிகளில் மாணவர் சேர்க்கையில் முன்னேற்றம் இருந்தபோதிலும் 6 முதல் 14 வயது வரை உள்ள குழந்தைகளில் இன்னும் 80 லட்சம்பேர் மிகப் பெரிய அளவில் பள்ளிக்கு வெளியே உள்ளதாகப் பள்ளியில் சேராமல் உள்ளதாகப் புள்ளி விவரங்கள் கூறுகின்றன.

பள்ளிகளில் சேர்க்கப்பட்ட குழந்தைகளில்கூட 42.39% பேர் 8ஆம் வகுப்பை முடிக்கும் முன்னரே பள்ளியில் இருந்து நின்றுவிடுகிறார்கள். குறிப்பாக, பெண் குழந்தைகள் மற்றும் புறக்கணிக்கப்பட்ட பிரிவுகளைச் சார்ந்த குழந்தைகளின் சேர்க்கை மற்றும் தக்கவைத்தல் என்பது கவலை அளிப்பதாகவே உள்ளது” என்று ஆதங்கத்தோடு தெரிவித்தார் ஷியாம்.

மேலும் அவர், “குழந்தைகளின் அடிப்படை உரிமைகளைப் பாதுக்காக்கின்ற பள்ளிகளாக நம் பள்ளிகள் இருந்தால்தான் தரமான கல்வியை வழங்க முடியும் எனக் குழந்தைகளுக்கான சர்வதேச நிதியமான யுனிசெப் (UNICEF) வலியுறுத்துகிறது.

பள்ளிச் சூழல், கற்பித்தல், உட்கட்டமைப்பு, சமுதாயப் பங்கேற்பை உத்தரவாதப்படுத்தல், ஆசிரியர் முன்னேற்றம் மற்றும் இணக்கமான உறவு, குழந்தைகள் நலன் சார்ந்த கொள்கைகள் ஆகியவற்றை நடைமுறைப்படுத்துவதன் மூலம் தரமான கல்வியைக் குழந்தைகளுக்கு வழங்குவதோடு மகிழ்ச்சியாகக் கற்கின்ற, அவர்களின் உரிமைகள் பாதுகாக்கின்ற இடமாகப் பள்ளிகள் திகழும் என்றும் வலியுறுத்துகிறது.

அதே சமயம், குழந்தை மையம் குறித்த உள்ளார்ந்த பார்வைகளை நடைமுறைப்படுத்துவதில் ஆசிரியர்களிடம் உள்ள நம்பிக்கைகள், பழக்கவழக்கங்கள், நடைமுறைகளில் தேவையான மாற்றங்களைக் கொண்டுவர நாம் இன்னும் நிறையவே செயல்படவேண்டியுள்ளது. உடல்ரீதியான தண்டனைகளும், மனரீதியான அச்சுறுத்தல்களும் குழந்தைகளுக்கு அளிக்கப்படுவது இன்னும் குறைந்தபாடில்லை. ‘குழந்தைகள் உரிமைகள் பாதுகாப்பு ஆணையம்’ (NCPCR) ஏழு மாநிலங்களில் 6,632 குழந்தைகளிடம் நடத்திய மாதிரி ஆய்வில் 80%க்கும் மேற்பட்ட குழந்தைகள் கடும் வார்த்தைகளால் திட்டப்படுவதாகவும், 75% க்கும் மேற்பட்ட குழந்தைகள் பிரம்புகளால் அடிக்கப்படுவதாகவும் தெரியவந்துள்ளது.

அதேபோல், பிரதாம் என்ற அமைப்பு வெளியிட்ட கல்வி நிலை குறித்த ஆண்டறிக்கை (Annual Status of Educational Report - ASER)  இந்தியப் பள்ளிக் குழந்தைகள் மிகவும் தாழ்ந்த தரத்தில் கற்று வருவதாகத் தெரிவிக்கின்றது. இவ்வறிக்கை 5ஆம் வகுப்பில் உள்ள குழந்தைகளில் பாதிக்கும் மேற்பட்டோர் 2ஆம் வகுப்புப் பாடத்தைக்கூடப் படிக்க முடியாமல் உள்ளனர் என்றும் தெரிவிக்கிறது.” என்கிறார்.

“இந்தச் சவால்கள், குழந்தைகளின் இலவச, கட்டாயக் கல்வி உரிமைச் சட்டம் 2009-ன் மூலம் கொள்கைச்சூழல் உருவாக்கப்பட்டபோதிலும், இந்தப் பார்வையை நடைமுறையாக்க வலிமையான, திட்டமிட்ட கட்டமைப்பும், ஒருங்கிணைந்த உத்திகளும் இன்னும் தேவை என்பதை எடுத்துக்காட்டுகின்றன. இந்த அடிப்படையில் குழந்தைநேயப் பள்ளி என்ற அணுகுமுறையை யுனிசெப் (UNICEF) பரிந்துரைக்கிறது.

குழந்தைகளின் ஒட்டுமொத்த உரிமைகளையும் பாதுகாக்கின்ற உத்தரவாதப்படுத்து கின்ற தரமான கல்வியை வழங்குகின்ற பயனுள்ள பள்ளி மாதிரியைத் தருகிறது. இம்மாதிரியைக் குழந்தைகளுக்கான சர்வதேச நிதியமான யுனிசெப் மற்றும் சமூகக் கல்வி நிறுவனம் - தமிழ்நாடு ஆகிய அமைப்புகள் தன்னார்வத்துடன் முன்வந்த ஆசிரியர்களின் ஒத்துழைப்போடு தமிழகத்தில் சுமார் ஆயிரம் அரசுப் பள்ளிகளில் நடைமுறைப்
படுத்தும் முயற்சி மேற்கொள்ளப்பட்டுள்ளது.

குழந்தைநேயப் பள்ளி என்பது அனைத்துக் குழந்தைகளுக்கும் சம வாய்ப்பை வழங்குகின்ற, கல்வி என்பது குழந்தைகளின் அடிப்படை உரிமை என்பதை உறுதி செய்கின்ற பள்ளியாக இருக்கவேண்டும். ஆக, அது அரசுப் பள்ளியாக மட்டும்தான் இருக்க முடியும். அதனால்தான் அரசுப் பள்ளிகளில் இம்முயற்சி மேற்கொள்ளப்பட்டு வருகிறது. குழந்தைகள் கொண்டாடுகின்ற, குழந்தைகளைக் கொண்டாடுகின்ற ஒரு மகிழ்ச்சியான கற்றல் சூழலைக்கொண்ட பள்ளிகளே குழந்தைநேயப் பள்ளிகள் ’’ என்கிறார் ஷியாம்சுந்தர்.

கால மாற்றத்திற்கு ஏற்றாற்போல் ஆசிரியர்கள் கற்பிக்கும் முறையிலும் தொழில்நுட்ப வளர்ச்சியிலும் கைதேர்ந்தவர்களாக வேண்டியது கட்டாயம். குழந்தைகளை உளவியல் ரீதியாகவும், குழந்தைகளின் புறக்காரணிகளையும் புரிந்து செயல்படுவதும் நல்லது. குழந்தைநேயப் பள்ளி

TRB - சிறப்பாசிரியர் சான்றிதழ் சரிபார்ப்பிற்கு ஒரு பணிக்கு 2 பேர் மட்டுமே அனுமதி - தேர்வர்கள் அதிர்ச்சி!!!

5ம் வகுப்பு அனைத்து பாடங்களுக்கான மனவரைபடம் (மாதிரி) ஆங்கிலவழி பிரிவு

நான்காம் வகுப்பு, தமிழன் இதயம் பாடல்

ஏழாவது ஊதியக்குழு பரிந்துரையின் அடிப்படையில்,... அரசு ஊழியர்களுக்கான உண்மை ஊதியம்!

ஏழாவது ஊதியக்குழு பரிந்துரையின் அடிப்படையில், தமிழக அரசு ஊழியர்களின் ஊதிய நிலைகளைச் சீரமைக்க நியமிக்கப்பட்டுள்ள அலுவல் குழுவின் பரிந்துரைகள், செப்டம்பர் மாதத்துக்குள் நடைமுறைக்கு வந்துவிடும் என்பது எதிர்பார்ப்பு. அப்படி வரும்பட்சத்தில், தமிழக அரசு ஊழியர்கள்,தமது புதிய ஊதிய நிலைகளின்படியான  ஊதியத்தை அக்டோபரிலோ அல்லது அதற்கு  அடுத்த மாதத்திலோ பெறக்கூடும். 

ஆண்டுதோறும் ஊதியம், ஆண்டுக்கு இருமுறை உயரும் அகவிலைப்படியால்  ஊதியமானது அதிகரித்துக்கொண்டு போகும் என்றாலும் ‘ஊதிய மேம்பாடு’ தருவது ஊதியக்குழு பரிந்துரையால்தான். ஏனென்றால், ஓர் ஊதியக் குழுவுக்கும், அதற்கடுத்த ஊதியக் குழுவுக்குமான பத்தாண்டு கால இடைவெளியில் தரப்படும் அகவிலைப்படி மொத்தத்தையும் அடிப்படை ஊதியமாக (Basic Pay) அங்கீகரித்துத் தருவது ஊதியக்குழுதான். இவ்வாறு நிர்ணயம் செய்யப்படும் அடிப்படை ஊதியத்தைத்தான் ‘உண்மை ஊதியம்’ (Real Pay) என்று குறிப்பிடுகிறது ஏழாவது ஊதியக்குழு. இதற்குப் பாதிப்பு ஏற்படாமல் பாதுகாப்பு தரவே அகவிலைப்படி உயர்வு அவ்வப்போது வழங்கப்பட்டு வருகிறது.

நான்கு அம்சங்கள்

அரசு இயந்திரம் சிறப்பாகச் செயல்பட ஊழியர்களின் ‘திருப்தி’ அவசியம் என்பதால், ஏழாவது ஊதியக்குழு கீழ்க்காணும் நான்கு முக்கிய அம்சங்களைக் கருத்தில்கொண்டு தனது ஊதிய நிர்ணய பரிந்துரையை அளித்துள்ளது.

1. ஊதியமானது, திறன்மிகுந்த ஊழியர்களை ஈர்த்து, தொடர்ந்து வேலையில் வைத்துக்கொள்ளும் வகையில் போதுமான அளவு இருக்க வேண்டும்.

2. ‘கடுமையாக உழைக்க வேண்டும்’ என்ற உந்துதலை ஊழியரிடையே ஏற்படுத்தக்கூடியதாக  இருக்க வேண்டும்.

3. ஊதியக் கொள்கையானது (Pay Policy) இதர மனிதவள மேலாண்மைச் சீர்திருத்தங்களுக்குத் தூண்டுகோலாக அமைய வேண்டும்.

4. அமைக்கப்படும் ஊதிய நிலைகள், நாட்டின் நிதிநிலை ஸ்திரத்தன்மையை நீண்ட காலத்துக்கு உறுதிப்படுத்துவதாக அமைய வேண்டும்.

இதன்படி, புதிய ஊதிய நிர்ணயம் பின்வருமாறு  இருக்கும்... 1.1.2016 அன்று ஊழியர்கள் பெற்றிருந்த அடிப்படை ஊதியமும், தர ஊதியமும் சேர்ந்தது 100%. அன்றைய தேதியில் தரப்பட்டிருந்த அகவிலைப் படி 125%.  ஊதியம் + அகவிலைப் படியின் கூட்டுத் தொகை 225%. ஏழாவது ஊதியக் குழு, தனது பரிந்துரையில் 14.2 சதவிகித உயர்வை வழங்கியுள்ளது. அதன்படி, 225 சதவிகிதத்தில் 14.2% உயர்வு என்பது 32% ஆகும். அப்படியானால் 100+125+32 = 257%. இதுதான் அனைவருக்கும் பொதுவான ஊதிய நிர்ணயமுறை.

இந்த 257 சதவிகிதம்தான் 2.57 மடங்கு எனக் குறிப்பிடப்படுகிறது. எனவே, 1.1.2016 அன்று பெற்றிருந்த அடிப்படை ஊதியம் + தர ஊதியத்தை 2.57 என்ற காரணியால் பெருக்கி, பெருக்கி வரும் தொகையை ரூ.100-ன் மடங்குகளில் அமைத்து, ஊதிய நிர்ணய அட்டவணை ஒன்று அமைந்துள்ளது. இதன்படி நிர்ணயம் செய்யப்படுவதே ‘உண்மை ஊதியம்’ என்று சொல்லப்படும் அடிப்படை ஊதியமாக இருக்கும். 1.1.2016-க்குப் பிறகு தர ஊதியம் கிடையாது.

இவ்வாறு புதிய ஊதியத்தை நிர்ணயம் செய்தபிறகு, பணியில் உள்ள ஊழியர்களுக்கு 1.1.2016-க்குப் பிறகு கிடைக்கும் சில பணிப் பலன்கள் பின்வருமாறு இருக்கும்.

ஊதிய உயர்வு

வருடத்துக்கு ஒருமுறை ஊழியர்களுக்கு தரப்படும் ஊதிய உயர்வானது, 1.1.2016-க்கு முன்பு இருந்த ஊதியம் + தர ஊதியத்தின் கூட்டுத் தொகையில் மூன்று சதவிதமாகக் கணக்கிடப்பட்டு, ரூ.10-ன் மடங்குகளில் இருந்தது.

01.01.2016-ல் தர ஊதியமானது அடிப்படை ஊதியத்துடன் சேர்க்கப்பட்டுவிட்டதால்,      1.1.2016-க்குப் பிறகு தரப்படும் ஊதிய உயர்வானது அடிப்படை ஊதியத்தில் மூன்று சதவிகிதமாகக் கணக்கிடப்பட்டு, ரூ.100-ன் மடங்குகளாக இருக்கும். இதன்படி, 31.12.2015 அன்று ரூ.22,850 அடிப்படை ஊதியமும் ரூ.5,400 தர ஊதியமும் பெற்றிருந்த ஒரு சிறப்பு நிலை செவிலியருக்கு, வருடாந்திர ஊதிய உயர்வு தொகையாக ரூ.850 தரப்பட்டிருக்கும். அதாவது, 22,850+5,400 = 28,250. இதற்கான மூன்று சதவிகித உயர்வு ரூ.850.

இந்தச் சிறப்பு நிலை, செவிலியரின் மொத்த ஊதியமான ரூ.28,250-க்கு நிர்ணயம் செய்யப்படும் புதிய ஊதியம்,  ஊதிய நிர்ணய அட்டவணைப்படி (Pay Matrix) ரூ.73,200-ஆக இருக்கும். எனவே, இவரது வருடாந்திர ஊதிய உயர்வு ரூ.2,200-ல் துவங்கி ரூ.2,300, ரூ.2,400 என ஆண்டுதோறும் உயர்ந்துகொண்டே போகும்.

அகவிலைப்படி உயர்வு

31.12.2015 அன்று ரூ.32,400 அடிப்படை ஊதியமும் ரூ.7,600 தர ஊதியமும் பெற்றிருந்த ஓர் அலுவலருக்கு ரூ.40,000-க்கு அகவிலைப் படி கணக்கிடப் பட்டிருக்கும். (32,400+7,600 = 40,000) இவரது புதிய ஊதியம் ரூ.1,02,800-ஆக நிர்ணயம் செய்யப்படும். ஆகையால், இனி இவரது அகவிலைப்படி ரூ.1,02,800-க்குக் கணக்கிடப் படும்.

ஊதிய முன்பணம்

அரசு ஊழியர், ஆசிரியர் முதலானோர் பணிமாறுதல் (Transfer) செய்யப்படும்போது ஒரு மாத அடிப்படை ஊதியத்தை முன்பணமாகப் பெற்றுக்கொள்ளலாம்; இதனை மூன்று சம தவணை களில் மூன்று மாதங்களில் திரும்பச் செலுத்தலாம். இதன்படி, 31.12.2015 அன்று ரூ.20,900 அடிப்படை ஊதியம் + ரூ4,800 தர ஊதியம் பெற்றிருந்த ஓர் ஆசிரியருக்குக் கிடைக்கக்கூடிய முன்பணம் ரூ.25,700-ஆக இருந்திருக்கும். புதிய ஊதிய நிர்ணயத்தின்படி, இவரது அடிப்படை ஊதியம் ரூ.68,000-ஆக உயரும் என்பதால், இவர் ரூ.68,000-யை வட்டி இல்லாத முன்பணமாகப் பெற்றுக் கொள்ளலாம். (இந்த ஊதிய முன்பணமானது சொந்த விருப்பத்தின் பேரில் சொந்த ஊருக்கே சென்றாலும் கிடைக்கும்.) மேற்கண்டவை அனைத்தும் ஏழாவது ஊதியக்குழு பரிந்துரை அடிப்படையில் நிர்ணயம் செய்யப்படவுள்ள, புதிய அடிப்படை ஊதியம் வழங்கவுள்ள மேம்பட்ட பணிப்பலன்களே.

இனி, உண்மை ஊதியமான அடிப்படை ஊதியம் புதிய பணியாளர்களுக்கு எப்படி மேம்பட்டிருக்கிறது என்று பார்ப்போம்.

புதிய ஊழியர்கள்

புதிதாகப் பணிக்கு வருவோர்க்கான தொடக்கநிலை ஊதியம் மேம்படுத்தப்பட்டுள்ளது. எடுத்துக்காட்டாக, 01.01.2016-க்குப் பிறகு பட்டதாரி ஆசிரியராகப் பணியில் சேருபவருக்குத் தரப்பட்ட ஊதியம் + தர ஊதியம் + 125% அகவிலைப் படி= 9,300+4,600+17,375 = ரூ.31,275 இது, ஏழாவது ஊதியக்குழு பரிந்துரை அமலாக்கத்துக்கு முந்தைய நிலை. ஊதியக்குழு பரிந்துரை நடைமுறைக்கு வந்தபின் பட்டதாரி ஆசிரியர் பெறக் கூடிய ஊதியம், 01.01.2016 அன்று, ரூ.44,900. அதாவது, தொடக்க நிலை அடிப்படை ஊதியம் ரூ.44900, முந்தைய ஊதியமான ரூ.31,275-யைவிட 43.56% அதிகம்.


இந்த 43.56% அடிப்படை ஊதிய உயர்வு என்பது பட்டதாரி ஆசிரியருக்கு மட்டு மன்றி, ரூ.9,300-34,800 என்ற ஊதிய ஏற்றமுறையும் ரூ.4,600 தர ஊதியமும் கொண்ட பழைய ஊதிய நிலைக்கு இணை யாகத் தற்போது மேம்படுத்தப் பட்டுள்ள புதிய ஊதிய நிலையில், நேரடி நியமனம் பெறும் அனைத்துப் பதவிகளுக்கும் பொருந்தும். இன்ன பதவிக்குத்தான் மேம்படுத்தப் பட்ட தொடக்க நிலை ஊதியம் என்றில்லாமல், நேரடி நியமனம் பெறத்தக்க அனைத்து பதவிகளுக்குமே அடிப்படை ஊதியத்தில் 62.22% வரை அதிகரித்த ஊதியத்தைத் தந்துள்ளது (Pay Matrix) ஊதிய நிர்ணய அட்டவணை.

‘மூத்த ஊழியரின் ஊதியம், அதே பதவியில் உள்ள இளைய ஊழியரின் ஊதியத்தைவிட குறைவாக இருக்கக்கூடாது’ என்பது விதிமுறை. இந்த விதிமுறையைப் பயன்படுத்தி சில வருடங்கள் முன்னதாகவே பணிக்கு வந்து, புதிய ஊதியத்தில் குறைவான ஊதியம் பெறுவோர், தமது இளையவரின் ஊதியத்துக்கு இணையாக ஊதியம் பெற முடியும். இதன் மூலம் மேம்படுத்தப்பட்ட தொடக்கநிலை ஊதியத்தின் பலன், ஐந்தாறு ஆண்டுகளுக்கு முன்பு பணிக்கு வந்த ஊழியர்களுக்கும் போய்ச் சேரும்.

சுருக்கமாகச் சொல்வதானால், ஏழாவது ஊதியக்குழு பரிந்துரையின் சிறப்பம்சமே தொடக்க நிலை ஊதிய மேம்பாடுதான். இந்த மேம்பாடானது, தற்போது பணியில் சேரும் ஊழியர்களுக்கு, கால ஓட்டத்தில் நிறைவான பணப்பலனை வழங்கக்கூடும்.  ஊதிய ஏற்றம் கருதி தனியார் துறைக்குச் செல்ல விரும்பும் திறன்மிகு இளைஞர்களை அரசுப் பணிக்குக் கொண்டு வந்துசேர்க்கும்! 

ஆசிரியர்களுக்கு புதிய உத்தரவு!!!



SCERT - பள்ளிக் கலைத்திருவிழா திட்டம் 2017 - 18 ஆம் கல்வியாண்டு - போட்டிகளை பல்வேறு நிலைகளில் நடத்துதல் சார்பு இயக்குநரின் செயல்முறைகள்




Genuineness பெறாத ஆசிரியர்கள் 10 மற்றும் 12ம் வகுப்பு சான்றிதழ் நகலுடன் 13.10.2017 க்குள் ஒப்படைக்க கோவை CEO உத்தரவு.



தொடக்கக்கல்வி - நிதி உதவி பெறும் பள்ளி உபரி ஆசிரியர்களை மாவட்டம் விட்டு மாவட்டம் பணி நிரவல் செய்ய இயக்குனர் உத்தரவு - செயல்முறைகள்



அக்டோபர் 7, 12 தேதிகளில் 2 புயல்கள் உருவாக வாய்ப்பு; தமிழகம் பாதிக்கும் அபாயம்! : இந்திய வானிலை ஆய்வு மையம்

அக்டோபர் 7 மற்றும் 12-ஆம் தேதிகளில் வங்கக் கடலில் 2 புயல்கள் உருவாக வாய்ப்பு உள்ளதாக இந்திய வானிலை ஆய்வு மையம் தெரிவித்துள்ளது.

தென்மேற்கு பருவமழையால் நாடு முழுவதும் நல்ல மழை பெய்துள்ளது. தற்போது தமிழகம் முழுவதும் வழக்கத்தை விட அதிக அளவு மழை பெய்து வருகிறது.

தென் மேற்கு பருவ மழை நிறைவு பெற்றதும் இம்மாத இறுதியில் வடகிழக்கு பருவ மழை தொடங்குகிறது.

வடகிழக்கு பருவ மழை தொடர்பாக தனியார் வானிலை அமைப்புகள் பல்வேறு தகவல்களை சமூக ஊடகங்களில் வெளியிட்டு பரபரப்பை ஏற்படுத்தி வருகின்றன.

இந்நிலையில், தில்லியில் உள்ள இந்திய வானிலை ஆய்வு மையம் வடகிழக்கு பருவ மழை குறித்து அறிக்கை வெளியிட்டுள்ளது.

அதில், வடகிழக்கு பருவ மழை கடந்த ஆண்டு (2016) போதிய அளவு பெய்யவில்லை. இயல்பை விட 62 சதவீதம் குறைவாகவே பெய்தது. இதனால் நாடு முழுவதும் கடும் வறட்சி நிலவியது.

மோசமாக பாதிக்கப்பட்ட மாநிலங்களில் தமிழகம் 2-வது இடத்தில் இருந்தது. இதனால் தமிழ்நாடு முழுவதும் கடுமையான குடிநீர் தட்டுப்பாடு நிலவியது. தென் மேற்கு பருவ மழை தொடங்கியதால் நிலைமை சமாளிக்கப்பட்டது.

இந்த வார இறுதியில் வட கிழக்கு பருவ மழை தொடங்குகிறது. இதையடுத்து வரும் 7 மற்றும் 12-ஆம் தேதிகளில் வங்கக் கடலில் 2 புயல்கள் உருவாக வாய்ப்பு உள்ளது.

முதலாவது புயல் 11-ஆம் தேதி வாக்கிலும், 2-வது புயல் 15-ஆம் தேதியில் இருந்து 20-ஆம் தேதி வாக்கில் கரையை கடக்கும் வாய்ப்பு உள்ளது. முதலாவது புயலின் போது தமிழகம் முழுவதும் நல்ல மழை பெய்யும்.

மேற்கண்ட கண்ட தேதிகளில் உருவாகும் இரு புயல்களுமே கடலூருக்கும், ஆந்திரா மாநிலம் நெல்லூருக்கும் இடையே சென்னையை ஒட்டியுள்ள கடற்கரை பகுதியில் கரையை கடக்கும். அப்போது பலத்த காற்றுடன் மழை பெய்யும். இதனால் அதிகமான அளவில் சேதம் இருக்கும்.

இந்த புயல்களால் 111 சதவீத அளவுக்கு இயல்பை விட கூடுதலான மழை பெய்யும்.

மேலும் வங்க கடலில் காற்றழுத்த தாழ்வு நிலை உருவாகி கோடியக்கரைக்கும், கடலூருக்கும் இடையே பலவீனம் அடையவும் வாய்ப்புள்ளது.

புயல்கள் காரணமாக வடகிழக்கு பருவ மழை வருகிற 26-ஆம் தேதி தொடங்கும். வழக்கமான அளவுக்கு மழை பெய்யும். மத்திய மற்றும் தென் தமிழ் நாட்டிலும் கூடுதலாக மழை பெய்யும் என தெரிவிக்கப்பட்டுள்ளது.


CCE Grade Calculator

ஜாக்டோ -ஜியோ சார்பில் அக்.8ல் விளக்க கூட்டம்

ஜாக்டோ -ஜியோ உயர்மட்ட குழு முடிவின்படி அக்.8ல் மாவட்ட தலைநகரங்களில் போராட்ட விளக்க கூட்டம் நடத்தப்படுகிறது. அரசு ஊழியர்கள், ஆசிரியர்கள் சங்க கூட்டமைப்பான 'ஜாக்டோ- ஜியோ' சார்பில், 
பழைய ஓய்வூதிய திட்டத்தை அமல்படுத்தல் உள்ளிட்ட பல கோரிக்கைகளை வலியுறுத்தி செப்.7 ம்தேதி முதல் வேலைநிறுத்த போராட்டம் நடந்தது. மாநிலம் முழுவதும் பல லட்சம் அரசு ஊழியர்கள், ஆசிரியர்கள், சத்துணவு ஊழியர்கள் பங்கேற்றனர். அரசு நிர்வாகம் ஸ்தம்பித்தது.இதற்கிடையே நீதிமன்றம் தலையிட்டதால் போராட்டம் ஒத்திவைக்கப்பட்டு அனைவரும் வேலைக்கு திரும்பினர். தமிழக அரசின் தலைமை செயலாளர் நீதிமன்றத்தில் ஆஜராகி சில உறுதிமொழிகளை வழங்கினார்.தொடர்ந்து ஜாக்டோ - ஜியோ கோரிக்கைகள் மீது நடவடிக்கை மேற்கொள்ளப்பட்டது.

ஏழாவது சம்பள கமிஷன் அறிக்கை தாக்கல் செய்தும், இடைக்கால நிவாரணம் வழங்குவது குறித்தும் பரிசீலிக்கப்பட்டு வருகிறது. நீதிமன்ற உத்தரவின்படி அக்.13ம் தேதி ஊதிய மாற்றம் குறித்து அறிவிக்க வேண்டும் என, ஜாக்டோ -ஜியோ உயர்மட்ட குழு கூட்டத்தில்தீர்மானம் நிறைவேற்றப்பட்டது.அக்.8ல் விளக்க கூட்டம்இந்நிலையில் ஜாக்டோ -ஜியோ வேலை நிறுத்தமும், நீதிமன்ற நடவடிக்கைகளும் என்ற தலைப்பில் அனைத்து மாவட்டங்களிலும் அக்.8ம் தேதி விளக்க கூட்டம் நடத்த முடிவு செய்யப்பட்டுள்ளது.

 இதன்படி 32 மாவட்டங்களிலும் யார், யார் பங்கேற்பது என்ற பட்டியலை வெளியிட்டுள்ளனர். ஒரு அரசு ஊழியர், இரண்டு ஆசிரியர்கள் வீதம் மாவட்ட தலைநகரங்களில் நடைபெறும் கூட்டத்திற்கு தலைமை வகித்து நடத்த உள்ளனர். இதில், வேலைநிறுத்தம் மற்றும் நீதிமன்ற நடவடிக்கைகள் குறித்து விவாதிக்கப்படும் என, தமிழ்நாடு பட்டதாரி ஆசிரியர் சங்க மாநில பொதுச்செயலாளர் பேட்ரிக் ரைமண்ட் தெரிவித்தார்.

டிவி ரிமோட் இனி வேண்டாம் கையசைத்தால் சேனல் மாறும்!!!



குழந்தைகளின் விஷயத்தில் பெற்றோர்களே சில தவறுகளை செய்கின்றார்கள்!

குழந்தைகளின் விஷயத்தில் பெற்றோர்களே சில தவறுகளை செய்கின்றார்கள். பெற்றோர்களை பொருத்தவரையில் குழந்தைகள் அதிகமாக சாப்பிட வேண்டும் என்ற ஒரு கருத்து மட்டுமே நிலவுகிறது. 

அதற்காக அவர்கள் போதும்.. போதும் என்று கூறினாலும் கூட அதிகப்படியான உணவினை குழந்தைக்கு திணிக்கின்றார்கள்

குழந்தைகளுக்கு மாலை நேரத்தில் அதிகமாக சாக்லேட், ஐஸ்க்ரீம் என கொடுத்துவிட்டால், அது அவர்களுக்கு இரவு உணவுக்கு முன்னர் எப்படி ஜீரணமாகும். அதற்காக மாலை நேர ஸ்நேக்ஸ் வேண்டாம் என்பதில்லை... 

உணவுகளுக்கு இடையில் இடைவெளி அவசியம். 10 வயது குழந்தைக்கு ஒரு நாளைக்கு 1000 கலோரிகள் மட்டும் போதுமானது. 300 முதல் 400 கலோரிகள் வரை அவர்களது ஜங்க் உணவுகள் மற்றும் நொறுக்கு தீனிகளின் மூலமாகவே பூர்த்தியடைந்துவிடும்.

பெரும்பாலான பெற்றோர்களுக்கு ஒருவேளைக்கு தனது குழந்தைக்கு எவ்வளவு மட்டும் போதுமானது என்பதே தெரிவதில்லை. அவர்களுக்கு தேவைக்கு அதிகமாக உணவை கொடுப்பதால், உடல் எடை அதிகரிப்பு மற்றும் மெட்டபாலிசத்தில் பிரச்சனை உண்டாகிறது.

குழந்தைகளுக்கு தரவேண்டிய உணவை சரியான இடைவெளியில் கொடுக்க வேண்டியது அவசியம். அதன்படி அவர்களுக்கு ஒரு நாளைக்கு மூன்று வேளை உணவு மற்றும் 2 முறை ஸ்நேக்ஸ் தருவதே சிறந்ததாகும்.

வீட்டில் சமைக்கப்படாத எந்த ஒரு உணவும் ஆரோக்கியமானது அல்ல. நீங்கள் உங்களது குழந்தைகளுக்கு வெளியில் இருந்து உணவுகள் அல்லது குளிர்பானங்களை வாங்கி கொடுத்தால் அவற்றில் உள்ள லேபிளை கவனமாக படிக்க வேண்டியது அவசியம். பதப்படுத்தப்பட்ட உணவுகளில் அதிமாக சர்க்கரை இருக்கும் எனவே கவனம் தேவை.

நீங்கள் உங்களது குழந்தைகளுக்கு தரும் உணவினை தினமும் சரியான நேரத்திற்கு தர வேண்டியது அவசியம். அந்த நேரத்திற்கு இடையில் நீங்கள் அதிக கலோரி உணவுகள் அல்லது செரிமானமாக தாமதமாகும் உணவுகளை கொடுப்பதை தவிர்க்க வேண்டும். நீங்கள் ஒவ்வொரு நாளும் ஒவ்வொரு நேரத்திற்கு உணவு கொடுத்தால், அது குழந்தையின் மெட்டபாலிசத்தை பாதிக்கும்.

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!