Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Monday, 15 January 2018

3rd term 5th std English Mind Map

நவீன முறையில் கணிதம் கற்பிக்கும் குடியாத்தம் பொன்னப்பட்டி அரசுப்பள்ளி பட்டதாரிஆசிரியர் கார்த்திக்















ஆசிரியர்களுக்கான ஒரு தளம்!

YOU TUBE தளத்தில்  karthikeyan rk CHANNEL உருவாக்கப்பட்டுள்ளது.
 இந்த சேனலில் ஏற்கனவே  140 க்கும் மேற்பட்ட  காணொளிகள் பதிவேற்றம் செய்யப்பட்டுள்ளது. அறிவியல் பாடம் சார்ந்த காணொளிகள், EMIS பற்றிய  காணொளிகள், Software Tutorial, phontic songs மற்றும் Hello English  வீடியோக்கள் பதிவேற்றம் செய்யப்பட்டுள்ளது. இந்த சேனலில் பதிவேற்றம் செய்யப்படும் வீடியோக்கள் பற்றிய தகவல்களை அறிய இந்த சேனலை SUBSCRIBE செய்து அருகில் உள்ள BELL SYMBOL ஐ Click செய்வதன் மூலம் பதிவேற்றம் செய்யப்பட்ட வீடியோ பதிவு செய்த அறிவிப்பானையை (Notification) பெற்றுக்கொள்ளலாம். இதை  பள்ளியில் படிக்கும் அனைத்து குழந்தைகளுக்கும் பயனுள்ளதாக இருக்கும்.

Channel link 

கல்வித்துறையில் 120 கண்காணிப்பாளர் பணியிடம் காலி

கல்வித்துறையில் அமைச்சு பணியாளர்களுக்கு பதவி உயர்வு நிறுத்திவைக்கப்பட்டுள்ளதால் 120 கண்காணிப்பாளர் பணியிடங்கள் ஓராண்டாகநிரப்பப்படவில்லை. 

இதனால் நிர்வாக பணிகளில் தேக்கம் ஏற்பட்டுள்ளது.மாநிலத்தில் இத்துறையின் கீழ் 35 ஆயிரத்திற்கும் மேற்பட்ட பணியாளர்கள்உள்ளனர். இவர்களுக்கு ஒவ்வொரு ஆண்டும் மார்ச் 15ல் பேனல்(பணிமூப்பு பட்டியல்) வெளியிட்டு பதவி உயர்வு வழங்க வேண்டும்.இரு ஆண்டுகளாக பேனல் வெளியிடாததால் பதவி உயர்வு நிறுத்திவைக்கப்பட்டுள்ளது. இதனால் உதவியாளர், இருக்கை கண்காணிப்பாளர்,கண்காணிப்பாளர், நேர்முக உதவியாளர்கள் பாதிக்கப்பட்டுள்ளனர்.

அவர்கள் கூறியதாவது: மாநிலத்தில் 120 கண்காணிப்பாளர்பணியிடங்கள்காலியாக உள்ளன. நிர்வாக பணிகள் ஸ்தம்பித்துள்ளன. பதவி உயர்வுஅளிக்கப்பட்டால் இப்பணியிடங்கள் நிரப்பப்படும். இப்பதவி உயர்வுமார்ச் 15ல் வழங்கப்பட்டிருக்க வேண்டும். இதுவரை அதற்கான பேனல்கூட வெளியிடப்படவில்லை.குறிப்பிட்டபடி மார்ச் 15 பதவி உயர்வு கிடைத்திருந்தால் சம்பளத்தில்பணப் பலன் 12 ஆயிரம் ரூபாய் வரை கிடைத்திருக்கும். அதிகாரிகள்குளறுபடியால் பணப் பலன் பலருக்கும் கிடைக்க வில்லை. 2018 க்கானபேனல் வெளியிடும் காலம் வந்துவிட்டது. போராட்டங்களில்ஈடுபடும்முன் கல்வி அதிகாரிகள் நடவடிக்கை எடுக்க வேண்டும், என்றனர்.

இணை இயக்குனர்கள் மாற்றம் காரணமா: அமைச்சு பணியாளர்கள் பேனல்,பதவி உயர்வு போன்ற பணிகளை கல்வித்துறை இணை இயக்குனர்(பணியாளர் தொகுப்பு) கண்காணிக்கிறார். கடந்த 15 மாதங்களில் இப்பணியில்இருந்த நரேஷ், சேதுராமவர்மா, பாஸ்கரசேதுபதி, சசிகலா என குறுகியகாலங்களில் அடுத்தடுத்து பணியிட மாற்றங்கள் செய்யப்பட்டனர்.

இதுபோன்ற நடவடிக்கையால் தான் பதவி உயர்வு வழங்கமுடியாமல்போய்விட்டதாக அமைச்சு பணியாளர்கள் குற்றம் சாட்டுகின்றனர்.அதேநேரம் தற்போதுள்ள இணை இயக்குனர் குப்புசாமியாவது இதில்சிறப்பு கவனம் செலுத்தி நடவடிக்கை எடுக்க வேண்டும், எனஎதிர்பார்க்கின்றனர்.


வருமான வரி செலுத்துவோருக்கு மத்திய அரசு.. '80 சி' பிரிவின் கீழ் உச்சவரம்பை அதிகரிக்க திட்டம்

அடுத்த மாதம் தாக்கல் செய்யப்படவுள்ள, மத்திய பட்ஜெட்டில், வருமான வரி செலுத்துவோருக்கு சாதகமான அம்சங்கள் இடம் பெறும் வகையில், அறிவிப்புகள் இருக்கும்' என, மத்திய அரசு வட்டாரங்கள் தெரிவித்துள்ளன. 

வருமான வரி சட்டம், 1961, பிரிவு 80சி,யின் கீழ், தற்போது வழங்கப்படும் வரி சலுகையை, 1.5 லட்சம் ரூபாயிலிருந்து, இரண்டு லட்சமாக உயர்த்த, மத்திய அரசு திட்டமிட்டுள்ளது.தற்போதைய பட்ஜெட்டில், முறையாக வரி செலுத்துவோருக்கு சலுகை அளிக்கவும், பொதுமக்களின் சேமிப்பை அதிகரிக்கவும், சில அறிவிப்புகளை வெளியிட, மத்திய அரசுதிட்டமிட்டுள்ளது.

இது குறித்து, மத்திய அரசு வட்டாரங்கள் கூறியதாவது: ஏராளமானோர் வரி ஏய்ப்பில் ஈடுபடும் நிலையில், மாத சம்பளம் பெறுவோர், சிறு தொழில் முனைவோர், பெண்கள், மூத்த குடிமக்கள் போன்ற பிரிவுகளை சேர்ந்தோர், முறையாக வரி செலுத்தி வருகின்றனர். இவர்களை ஊக்குவிக்கும் வகையிலும், இவர்களின் சேமிப்பை அதிகரிக்கும் வகையிலும், வருமான வரி சட்டசம், 1961, பிரிவு, 80 சி, யின் கீழ் சேமிக்கும் தொகையில், 1.5 லட்சம் ரூபாய் வரை வருமான வரி விளக்கு அளிக்கப் படுகிறது.இவர்களின் சேமிப்பை மேலும் அதிகரிக்கும் வகையில், இந்த உச்சவரம்பை, இரண்டு லட்சம் ரூபாயாக உயர்த்த, மத்திய அரசு திட்டமிட்டுள்ளது. இதன் மூலம், தனி நபர் சேமிப்பு உயர்வதுடன், வங்கிகளில் குவியும் டிபாசிட் தொகையும் பெருமளவு உயரும்.இதுகுறித்து, ஆடிட்டர்கள், நிதியியல் வல்லுனர்கள், மத்திய அரசு உயர் அதிகாரிகளுடன் கலந்து பேசி, மத்திய அரசு, விரைவில் நல்ல முடிவெடுக்க உள்ளது. இது குறித்த அறிவிப்பு, வரும் பட்ஜெட் கூட்ட தொடரிலேயே வெளியாக வாய்ப்பு உள்ளது. இவ்வாறு அவர்கள் கூறினர்.

இந்த அறிவிப்பு வெளியானால், அது, மாத சம்பளம் பெறும், மத்திய தர வகுப்பு மக்கள், பெண்கள் மற்றும் மூத்த குடிமக்கள் மத்தியில் பெரும் வரவேற்பை பெறும்.

இது, மத்தியில் ஆளும், பா.ஜ., அரசுக்கு, எதிர் வரும் தேர்தல்களில் ஓட்டு வங்கியாக மாறவும் வாய்ப்புள்ளதாக,பா.ஜ., வட்டாரங்கள் நம்பிக்கை தெரிவித்துள்ளன.


லண்டன் தரத்தில் பயிற்சி!!!

கற்றல் குறைபாடுகள் உள்ளகுழந்தைகளுக்கு லண்டனில் உள்ளது போல் தமிழகத்திலும்பயிற்சி அளிக்கப்படும் அமைச்சர் செங்கோட்டையன் தெரிவித்துள்ளார்.

சட்டமன்ற கூட்டத்தொடரின் போது பேசிய பள்ளிக்கல்வித்துறை அமைச்சர் செங்கோட்டையன், வரும் பிப்ரவரி மாதம் முதல் அரசு நூலகங்களில் ஐ.ஏ.எஸ் பயிற்சி வழங்க திட்டமிட்டிருப்பதாகவும், தமிழகத்தில் உள்ள 314 முழுநேர நூலகங்கள் 2 கோடி ரூபாய் செலவில் கணினிமயமாக்கப்படும் என்று தெரிவித்திருந்தார்.

இந்நிலையில் கோபிச்செட்டிபாளையம் பாரியூரில் இன்று (ஜனவரி 14) தமிழக அரசின் சிறப்பு மருத்துவ முகாமை திறந்து வைத்து பேசிய அமைச்சர் செங்கோட்டையன்,"தமிழகத்திலுள்ள 32 மாவட்டங்களிலும் இம்மாத இறுதிக்குள் இலவச ஐ.ஏ.எஸ் பயிற்சி முகாம்கள் முதல்வர் மற்றும் துணை முதல்வரின் திருக்கரங்களால் திறந்து வைக்கப்படும் என்று கூறினார்.

மேலும் கற்றல் குறைபாடுகள் உள்ள குழந்தைகளுக்கு லண்டனில் உள்ளது போல் தமிழகத்திலும் பயிற்சி அளிக்கப்படும் என்றும் பள்ளிக்கல்வித்துறை அமைச்சர் செங்கோட்டையன் தெரிவித்தார்.


கற்றல் குறைபாடு தீர்க்க கல்வித்துறை புது திட்டம்

மாணவர்களின் கற்றல் குறைபாடுகளை தீர்க்க, புதிய திட்டம் கொண்டு வரப்பட உள்ளதாக, அமைச்சர் செங்கோட்டையன் கூறினார்.அவர் கூறியதாவது:தமிழக அரசு, பள்ளிக்கல்வித்துறையில், பல்வேறு மாற்றங்களை ஏற்படுத்தி வருகிறது. இந்த மாத இறுதிக்குள், 32 மாவட்டங்களிலும், ஐ.ஏ.எஸ்., அகாடமி துவங்க நடவடிக்கை மேற்கொண்டுள்ளோம். இங்கு, கட்டணம் இல்லாமல் பயிற்சி பெற, நடவடிக்கை எடுக்கப்பட்டுள்ளது.ஏழை, எளியமாணாக்கர்களின் நலனை கருத்தில் கொண்டு, கற்றல் குறைபாடுள்ளவர்களின் நிலைமையை மாற்றி அமைக்க புதிய திட்டம் கொண்டு வரப்பட இருக்கிறது. 

கற்றல் குறைபாட்டைதீர்க்கும் வகையில், பில்கேட்ஸ் நிறுவனம் மூலம், நடவடிக்கை மேற்கொள்ள உள்ளோம்.இவ்வாறு அவர் கூறினார்.


ஆங்கில பாட புத்தகத்தில் அப்துல் கலாம் சுயசரிதை

பள்ளிகளில், ஆங்கில பாட புத்தகத்தில், முன்னாள் ஜனாதிபதி அப்துல் கலாமின் சுயசரிதையிலிருந்து, சில பகுதிகளை சேர்க்க ஆலோசிக்கப்பட்டு வருகிறது.

மத்திய மற்றும் மாநில கல்வி துறைகளில், பாட புத்தகங்கள் குறித்து ஆலோசனை வழங்கும், சி.ஏ.பி.இ., எனப்படும் மத்திய கல்வி ஆலோசனை வாரியத்தின், இரண்டு நாள் கூட்டம், டில்லியில், இன்று துவங்குகிறது.இது பற்றி வாரிய உறுப்பினர் ஒருவர் கூறியதாவது: மத்திய மற்றும் மாநில உயர்நிலை மற்றும் மேல்நிலை கல்வி வாரியங்களின் ஆங்கில பாட புத்தகங்களில், முன்னாள் ஜனாதிபதி அப்துல் கலாமின் சுயசரிதையிலிருந்து, சில பகுதிகளை சேர்க்க, ௨௦௧௭ம் ஆண்டிலேயே ஆலோசிக்கப்பட்டது. இதுபற்றி, இந்த கூட்டத்தில், இறுதி முடிவு எடுக்கப்படுகிறது.மேலும், மருத்துவ அறிவியல் தொடர்பாக, குறுகிய கால சான்றிதழ் படிப்பு துவக்குவது பற்றியும் ஆலோசிக்கப்பட்டு வருகிறது.

முதலுதவி, மருத்துவமனை மேலாண்மை, வார்டு மேலாண்மை, ஆகியவற்றை, இந்த சான்றிதழ் படிப்பில் சேர்க்கவும் ஆலோசிக்கப்பட்டு, இந்த கூட்டத்தில், இறுதி முடிவு எடுக்கப்படும். கல்வி உரிமை சட்டத்தை விரிவுப்படுத்துவது உட்பட பல விஷயங்கள் இந்த கூட்டத்தில் ஆலோசிக்கப்படுகிறது. இவ்வாறு அவர் கூறினார்.


சம்பள நீட்டிப்பு ஆணை வெளியிடாததால் 3 மாதமாக ஊதியம் கிடைக்காமல் தவிக்கும் பட்டதாரி ஆசிரியர்கள்

சம்பள நீட்டிப்பு ஆணை வெளியிடப்படாததால், மாநிலம் முழுவதும் உள்ள 100 பட்டதாரி ஆசிரியர்கள் 3 மாதமாக ஊதியம் பெற முடியாமல் தவித்து வருகின்றனர். 

தமிழகத்தில் கடந்த 2007ம் ஆண்டு 100 வரலாற்று பிரிவு பட்டதாரி ஆசிரியர் பணியிடங்கள் புதிதாக தோற்றுவிக்கப்பட்டன.

இந்த பணியிடங்கள் அனைத்தும், ஏஏ தற்காலிக பிரிவில் (ஏஏ டெம்ப்ரரி ஹெட்) அரசாணை எண் 106ன் கீழ் கொண்டு வரப்பட்டன. இந்த 100 பணியிடங்களுக்கு தேர்வு செய்யப்படும் அனைத்து ஆசிரியர்களுக்கும், இந்த சம்பள பட்டியலுக்கு கீழ் தான் ஊதியம் வழங்கப்படும். இந்த ஆசிரியர்களுக்கு, சம்பள நீட்டிப்பு செய்து ஆண்டுதோறும் அரசாணை வெளியிடப்பட வேண்டும்.

அதனை அடிப்படையாக கொண்டு ஒவ்வொரு மாதமும் ஊதியம் வழங்கப்படும். கடைசியாக கடந்த 2016ம் ஆண்டு ஜூலை மாதம், சம்பள நீட்டிப்பு செய்து அரசாணை  வெளியிடப்பட்டது. இதனை அடிப்படையாக கொண்டு 100 வரலாற்று பட்டதாரி ஆசிரியர்களுக்கும், கடந்த ஜூன் மாதம் வரை ஊதியம் வழங்கப்பட்டு வந்தது.

ஆனால், அதன்பின்னர் 6 மாதங்களை கடந்த நிலையில், இன்று வரை சம்பள நீட்டிப்பிற்கான ஆணை வெளியிடப்படவில்லை. இதனால், ஊதியம் பெறமுடியாமல் பட்டதாரி ஆசிரியர்கள் தவித்து வருகின்றனர். இதுகுறித்து பாதிக்கப்பட்ட பட்டதாரி ஆசிரியர்கள் கூறியதாவது: .

கடந்த ஜூன் மாதம் வெளியிட வேண்டிய சம்பள நீட்டிப்பு ஆணை, இதுவரை வெளியாகவில்லை. இதுபோன்ற சமயங்களில், 3 மாதத்தை சான்றிதழ் காலமாக கருத்தில் கொண்டு ஊதியம் வழங்க பள்ளிக்கல்வி இயக்குநருக்கு அதிகாரம் உள்ளது.

அதனை பயன்படுத்தி, கடந்த ஜூலை, ஆகஸ்ட் மற்றும் செப்டம்பர் மாதம் ஊதியம் கிடைத்தது. ஆனால், அதன்பின்னர் சம்பளம் அளிக்க அவருக்கு அதிகாரம் இல்லாததால், அக்டோபர், நவம்பர் மற்றும் டிசம்பர் மாதத்திற்கான ஊதியம், இதுநாள் வரை கிடைக்கவில்லை. இதனால், பல்வேறு பொருளாதார நெருக்கடிக்கு உள்ளாகியுள்ளோம்.

இதுகுறித்து முறையிட்டால், சம்பள நீட்டிப்பு ஆணை வராமல், தங்களால் ஒன்றும் செய்ய முடியாது என கைவிரித்து விட்டனர். ஆணை வெளியிடாததால், 7வது சம்பள உயர்வு அமல்படுத்துவதிலும், நிலுவைத் தொகை பெறுவதிலும் பல்வேறு சிக்கல் எழுந்துள்ளது.

தற்போது பொங்கல் பண்டிகை நெருங்கி வரும் நிலையில், என்ன செய்வதென்று தெரியாமல் தவித்து வருகிறோம். எனவே, தமிழக முதல்வர், பள்ளிக்கல்வித்துறை அமைச்சர் மற்றும் துறை உயர் அதிகாரிகள் உடனடியாக நடவடிக்கை எடுத்து, 100 ஆசிரியர்களுக்கும் நிலுவை தொகையுடன், ஊதியம் வழங்க நடவடிக்கை எடுக்க வேண்டும். இவ்வாறு பட்டதாரி ஆசிரியர்கள் தெரிவித்தனர்.


ஜனவரி 29இல் பட்ஜெட் கூட்டத்தொடர்!

நாடாளுமன்ற பட்ஜெட் கூட்டத்தொடர் வருகிற 29ஆம் தேதி தொடங்கி ஏப்ரல் 6ஆம் தேதி வரை நடைபெறும் என்று அறிவிக்கப்பட்டுள்ளது.

நாடாளுமன்ற பட்ஜெட் கூட்டத்தொடரை ஜனவரி 29ஆம் தேதி தொடங்கி, ஏப்ரல் மாதம் 6ஆம் தேதி வரை நடத்துவதற்கு மத்திய அமைச்சரவைக் குழு பரிந்துரைத்திருந்தது.

இதைகுடியரசு தலைவர் ராம்நாத் கோவிந்த் ஏற்றுக்கொண்டுள்ளார்.இதையடுத்து, நாடாளுமன்ற பட்ஜெட் கூட்டத்தொடர் இரு அமர்வுகளாக நடைபெறுகிறது. இதன்படி, பட்ஜெட் கூட்டத்தொடரின் முதல் அமர்வு ஜனவரி 29ஆம் தேதி தொடங்கி, பிப்ரவரி 9ஆம் தேதி வரை நடக்கிறது.

இரண்டாவது அமர்வு மார்ச் 5ஆம் தேதி தொடங்கி ஏப்ரல் மாதம் 6ஆம் தேதி வரை நடக்கிறது.இந்தாண்டின் முதல் கூட்டத்தொடர் இது என்பதால், ஜனவரி29ஆம் தேதி இரு அவைகளின் கூட்டுக் கூட்டத்தில் குடியரசு தலைவர் உரை நிகழ்த்துவார். அதேநாளில், பொருளாதார ஆய்வறிக்கையும் தாக்கல் செய்யப்படவிருக்கிறது.

இதுகுறித்து மாநிலங்களவைச் செயலகம் வெளியிட்டுள்ள அறிவிக்கையில், “குடியரசு தலைவரால் மாநிலங்களவை வரும் 29ஆம் தேதி கூட்டப்பட்டுள்ளது. அவை அலுவல் ஏப்ரல் மாதம் 6ஆம் தேதியுடன் நிறைவடைகிறது” எனத் தெரிவிக்கப்பட்டுள்ளது.


காச நோயாளிகளுக்கு உதவித்தொகை!!!

காசநோயாளிகளுக்கு உதவித்தொகைவழங்க மத்திய அரசு முடிவு செய்துள்ளதாக அறிவிக்கப்பட்டுள்ளது.‘டியூபர்செல் பாசிலஸ்’ எனும் கிருமியால் வரும் நோயின் பெயர் ‘டியூபர் குளோசிஸ்’. இதைச் சுருக்கி ‘டிபி’ என்று அழைக்கிறோம். 

இந்நோய் ஊட்டச்சத்து குறைபாடு மற்றும் நோய் எதிர்ப்புச் சக்தி இல்லாமல் இருப்பதால்தான் வருகிறது. இது, நெஞ்சுப் பகுதி முழுவதும் சளி சேர்ந்து, பாதிக்கப்பட்டோரின் உடம்பை உருக்கிவிடும். இந்தியாவில் டிபியால் பாதிப்படையும் மக்கள் இறப்பது குறைந்திருந்தாலும், நோயால் மக்கள் பாதிக்கப்படுவது நாளுக்கு நாள் அதிகரித்து வருகிறது. இந்தியாவில் ஆண்டுதோறும் சுமார் 28 லட்சம் பேர் காசநோயால் (டிபி) பாதிக்கப்படுகின்றனர். அவர்களில் 17 லட்சம் பேர் மட்டுமே உரிய சிகிச்சை பெறுவதாக சர்வதேச சுகாதார அமைப்பு தெரிவித்துள்ளது.இந்த நிலையில், நாடு முழுவதும் காசநோயால் பாதிக்கப்பட்ட 25 லட்சம் பேருக்கு மாதம் 500 ரூபாய் உதவித்தொகை வழங்க மத்திய சுகாதார அமைச்சகம் முடிவு செய்துள்ளது.மத்திய சுகாதாரத் துறை அதிகாரி ஒருவர், “காச நோயாளிகளுக்கு உதவித்தொகை வழங்க செலவு நிதி குழு ஒப்புதல் அளித்துள்ளது.

நோயாளிகளின் மருத்துவ ஆவணங்கள் மற்றும் ஆதார் எண் அடிப்படையில் உதவித்தொகை வழங்குவது குறித்த திட்டம் தயாரிக்கப்பட்டுள்ளது. காச நோயாளிகளுக்கு நோய் குணமாகும் வரை இந்த உதவித்தொகை வழங்கப்படும். இதனால், காசநோயாளிகள் தங்களுக்குத் தேவையான ஊட்டச்சத்துமிக்க உணவுகளை வாங்கி சாப்பிடவும், போக்குவரத்து செலவுக்கும் பயன்படுத்த முடியும். காசநோயை 2025ஆம் ஆண்டுக்குள் 90% ஒழிக்கும் வகையில் இத்திட்டம் செயல்படுத்தப்பட உள்ளது.காசநோயால் பாதிக்கப்பட்டவர்கள் இதுவரை வாரத்துக்கு மூன்று முறை மருந்து உட்கொள்ளும் முறையைப் பின்பற்றி வந்தனர்.

 “ஃபிக்சட் டோஸ் காம்பினேஷன் என்று அழைக்கப்படும் இந்த டிபி மருந்து கலவையை உட்கொள்ளும் முறைகளில் தற்போது மாற்றம் கொண்டு வரப்பட்டுள்ளது. அதன்படி, வாரத்துக்கு மூன்று முறை மருந்து எடுத்துக்கொள்ளாமல், தினமும் மருந்தை உட்கொள்ள வேண்டும்.

மேலும், குழந்தைகளுக்குக் கசப்பான மாத்திரைக்குப் பதிலாக எளிதில் கரையக்கூடியஇனிப்பு சுவையுள்ள மருந்துகள் வழங்கப்படவுள்ளன” எனத் தெரிவித்துள்ளார்.2014ஆம் ஆண்டு ஜனவரி முதல் 2016ஆம் ஆண்டு டிசம்பர் வரை டெல்லியில் 2 லட்சம் காசநோயாளிகள் இருந்துள்ளனர். இந்த எண்ணிக்கை 2014இல் 73,096, 2015இல் 83,028, 2016இல் 69,169 ஆகவும் இருந்தது. இந்நோய் மூலம் கடந்த 2014இல் 4,350 பேரும், 2015இல் 3,635 பேரும் உயிரிழந்துள்ளனர்.

உலக சுகாதார அமைப்பின் 2017ஆம் ஆண்டின் அறிக்கைபடி, காச நோயால் பாதிக்கப்பட்டவர்களின் எண்ணிக்கை 28.2 லட்சத்திலிருந்து 27 லட்சமாகக் குறைந்துள்ளது. கடந்த ஓராண்டில் இறப்பு 60 ஆயிரமாகக் குறைக்கப்பட்டுள்ளது.


ஆதார் எண் கொடுக்காதவர்களுக்கு சமையல் எரிவாயு இணைப்பு துண்டிப்பு

சமையல் எரிவாயு இணைப்பு பெற்றவர்களுக்கு மானிய தொகையை வங்கிக் கணக்கில் செலுத்தும் திட்டத்தை 2015ம் ஆண்டு முதல் படிப்படியாக மத்திய அரசு அமல்படுத்தி வருகிறது. 

இணைப்பு பெற்றுள்ள அனைவரும் தங்கள் ஆதார் எண்ணை இணைக்க வேண்டும் என்று இந்த நிறுவனங்கள் வலியுறுத்தின.

அதிலும் டிச.31ம் தேதிக்குள் ஆதார் எண் வழங்காவிட்டால் இணைப்பு துண்டிக்கப்படும் என்றும் இந்த நிறுவனங்கள் எச்சரித்தன. இந்நிலையில், அரசின் எந்த திட்டங்களுக்கும் ஆதார் எண்ணை கட்டாயப்படுத்தக் கூடாது என்று உச்ச நீதிமன்றத்தின் அரசியல் சாசன அமர்வு உத்தரவிட்டது.

அப்போது மத்திய அரசு தரப்பில், ‘ஆதார் எண் கட்டாயம் என்பதற்கான காலக்கெடுவை 2018 மார்ச் 31ம் தேதி வரை நீட்டிப்பதாக’ உறுதி அளித்தது. ஆனால், ஆதார் எண் கட்டாயம் இணைக்க வேண்டும் என்று தொலைத் தொடர்பு நிறுவனங்கள் உட்பட அனைத்து மத்திய அரசு நிறுவனங்களும், மாநில அரசு நிறுவனங்களும் வலியுறுத்தி வருகின்றன. அதற்கு ஏற்ப, ஆதார் எண்ணை இணைக்காத  வாடிக்கையாளர்களின்  எரிவாயு இணைப்பை துண்டித்துள்ளது.

இதுகுறித்து அந்த பகுதி முகவர்களிடம் கேட்டால், ‘ஆதார் எண் கொடுத்தால் ஒரு வாரத்தில் மீண்டும் இணைப்பு புதுப்பிக்கப்படும்’ என்று சொல்கின்றனர். 


எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!