Subscribe Our YouTube channel

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 14 February 2018

Teachers profile online entry பணியை 16.02.2018க்குள் மு.க.அ. சரிபார்த்து முடிக்க பள்ளிக்கல்வி இயக்குநர் உத்தரவு



EMIS- STUDENT PHOTO UPLOAD REPORT AS ON 14/02/2018

Video Lesson-The Swing-Poem- 5th std -3rd term


கல்லூரி தரவரிசை : யு.ஜி.சி., உத்தரவு

பல்கலை மானிய குழுவான, யு.ஜி.சி., மற்றும் தேசிய தர அங்கீகார அமைப்பான, 'நாக்' சார்பில், உயர் கல்வி நிறுவனங்களுக்கு, தரவரிசை அந்தஸ்து வழங்கப்படுகிறது.

எட்டு வகை, 'கிரேடு'களில், தரவரிசை தரப்படுகிறது. ஒவ்வொரு பல்கலையும், கல்லுாரியும், நாக் தரவரிசையை கட்டாயம் பெற வேண்டும். மாணவர் சேர்க்கையின் போது, தங்கள் கல்வி நிறுவனங்களின் தரவரிசை குறித்து, சில கல்லுாரிகள், மாணவர்களுக்கு தவறான தகவலை தருவதாக, புகார்கள் எழுந்துள்ளன.

இதை தடுக்கும் வகையில், கல்லுாரிகளும், பல்கலைகளும், தாங்கள் பெற்ற, தரவரிசை குறித்த விபரத்தை, தங்கள் நிறுவன இணையதளத்தில் வெளியிட வேண்டும் என, யு.ஜி.சி., அறிவுறுத்தியுள்ளது.


நீட்' தேர்வுக்கு இலவச, 'ஆன்லைன்' வசதி : அரசு பள்ளி மாணவர்கள் எதிர்பார்ப்பு!!!

மருத்துவ படிப்புக்கான, 'நீட்' நுழைவு தேர்வுக்கு, அரசு பள்ளி மாணவர்கள் விண்ணப்பிக்க வசதியாக,

அரசு சார்பில், இலவச, 'ஆன்லைன்' வசதி செய்து தர வேண்டும் என்ற, கோரிக்கை எழுந்து உள்ளது. பிளஸ் 2 முடிக்கும் அறிவியல் பிரிவு மாணவர்கள், எம்.பி.பி.எஸ்., - பி.டி.எஸ்., படிப்புகளில் சேர, மத்திய அரசின், நீட் நுழைவு தேர்வில், கட்டாயம் தேர்ச்சி பெற வேண்டும்.

கட்சிகளால் குழப்பம் : நடப்பாண்டு, 2017 - 18 வரை, நீட் தேர்வு குறித்து, அரசியல் கட்சிகள், மாணவர்களை குழப்பி விட்டதால், பெரும்பாலான மாணவர்கள், நீட் தேர்வை எழுத முடியவில்லை. இந்த ஆண்டு மருத்துவ படிப்பில் சேர, நீட் தேர்வு கட்டாயம் என்பது, எந்த குழப்பமும் இன்றி, துவக்கத்திலேயே உறுதியாகி விட்டது. அதனால், தமிழக பாடத்திட்டத்தில், பிளஸ் 2 அறிவியல் பிரிவில் படிக்கும், இரண்டு லட்சத்துக்கும் மேற்பட்ட மாணவர்கள், நீட் நுழைவு தேர்வு எழுத உள்ளனர். அவற்றில், அரசு பள்ளிகளில் படிக்கும், 70 ஆயிரம் மாணவர்களுக்கு, அரசின் சார்பில், நீட் நுழைவு தேர்வு பயிற்சி இலவசமாக வழங்கப்படுகிறது.நீட் தேர்வு, மே, 6ல் நடக்கும் என, சி.பி.எஸ்.இ., அறிவித்துள்ளது. இதற்கான ஆன்லைன் பதிவு, கடந்த, 9ல் துவங்கியது. தனியார் பள்ளிகளும், பயிற்சி மையங்கள், தங்களிடம் படிக்கும் மாணவர்களுக்கும், விண்ணப்ப பதிவுகளை செய்து தருகின்றன. ஆனால், நீட் தேர்வு குறித்த அறிக்கை மற்றும் தகவல் கையேடு ஆங்கிலத்தில் உள்ளதால், அரசு பள்ளி மாணவர்களால், அவற்றை முழுவதுமாக படித்து, வழிகாட்டுதல் பெற முடியாத நிலை உள்ளது.
கிராமப்புற மாணவர்கள் : சென்னை போன்ற மாநகரங்கள் முதல், குக்கிராமங்கள் வரையுள்ள, பொருளாதாரத்தில் பின்தங்கிய மாணவர்கள், நீட் தேர்வுக்கு, ஆன்லைனில் விண்ணப்பிக்கும் வசதிகள் இன்றி தவிக்கின்றனர். எனவே, தமிழக அரசு தலையிட்டு, பள்ளிக்கல்வித் துறை அல்லது சுகாதாரத் துறை சார்பில், நீட் தேர்வுக்கு விண்ணப்பிக்க, இலவச ஆன்லைன் வசதி செய்து தரவேண்டும் என்ற, கோரிக்கை எழுந்து உள்ளது.


புதிய பாடப்புத்தகம் அச்சிடுவது எப்போது?

புதிய பாடத்திட்டப்படி, ஒன்று, ஆறு, ஒன்பது மற்றும் பிளஸ் 1 

வகுப்புகளுக்கான புதிய பாடப்புத்தகம் அச்சிடும் பணி, ஒரு வாரத்தில் துவங்க உள்ளது. தமிழகத்தில், ஒன்றாம் வகுப்பு முதல், 10ம் வகுப்பு வரை, ஏழு ஆண்டுகளுக்கு மேலாகவும்,
பிளஸ் 1, பிளஸ் 2வுக்கு, 13 ஆண்டுகளை கடந்தும், பாடத்திட்டம் மாறாமல் உள்ளது. அதை மாற்ற, கல்வியாளர்கள் அறிவுறுத்தியதால், தமிழக அரசு, புதிய பாடத்திட்டத்தை தயாரிக்க உத்தரவிட்டுள்ளது. மாநில கல்வியியல் ஆராய்ச்சி மற்றும் பயிற்சி நிறுவன இயக்குனர், அறிவொளி, பாடத்திட்ட தயாரிப்பு பணிகளை கவனித்து வருகிறார். அண்ணா பல்கலையின் முன்னாள் துணை வேந்தர், அனந்தகிருஷ்ணன் தலைமையிலான குழு, பாடத்திட்டத்தை வடிவமைத்து உள்ளது. வரும் கல்வி ஆண்டில், ஒன்று, ஆறு, ஒன்பது மற்றும் பிளஸ் 1 ஆகிய வகுப்புகளுக்கு, புதிய பாடத்திட்டம் அமலாகிறது. இதில், ஒன்று மற்றும் ஆறாம் வகுப்புக்கு, பாட புத்தகம் எழுதும் பணி முடிந்துள்ளது. ஒன்பது மற்றும் பிளஸ் 1 பாட புத்தகங்களுக்கு, மறு ஆய்வு பணிகள் துவங்கியுள்ளன. இன்னும் ஒரு வாரத்தில், புதிய பாடபுத்தகங்கள் அச்சிடும் பணியை துவக்க, பள்ளிக்கல்வித் துறை முடிவு செய்துள்ளது. பாடத்திட்டம் நிறைவு பெற்றதும், அதற்கான ஒப்புதலை, தமிழக அரசு வழங்க வேண்டும். இதற்காக, புதிய பாடத்திட்ட அறிக்கை, முதல்வர் அலுவலகத்துக்கு அனுப்பி வைக்கப்படும். கடந்த, 2011ல், தயாரிக்கப்பட்ட பாடத்திட்டத்திற்கு, முதல்வராக இருந்த ஜெயலலிதாவின் ஒப்புதல் கிடைக்காததால், அது, கடைசி வரை அமலுக்கு வரவில்லை. எனவே, தற்போதைய புதிய பாடத்திட்டத்திற்கு, முதல்வர் ஒப்புதலை பெற, அதிகாரிகள் முயற்சித்து வருகின்றனர்.


அரசாணை எண் 17 பள்ளிக்கல்வி நாள்:07/02/18- பள்ளி மாணவர்களுக்கு விபத்து காப்பீடு அரசாணை வெளியீடு





ஸ்மார்ட் க்ளாஸ்ரூம் உள்ளே... இயற்கை தோட்டம் வெளியே... சூப்பர் அரசுப் பள்ளி!


அரசுப்பள்ளிகளில் தங்கள் பிள்ளைகளை சேர்ப்பதற்கு மெத்தப் படித்தவர்கள் பலரே யோசிக்கிறார்கள். 'தனியார் பள்ளிகளில்தான் அறிவு ஊற்றெடுக்கும்; அரசுப்பள்ளிகளில் அறிவின்மையே வளரும்' என்ற அவர்களின் தவறான கற்பிதங்கள்தாம் அதற்கு காரணம். ஆனால், தமிழகத்தில் இன்று பல அரசுப்பள்ளிகள் மாணவர்களுக்கு கல்வி போதிப்பதிலும்,சுற்றுப்புறத்தை செம்மையாக வைத்திருப்பதிலும்  தனியார் பள்ளிகளைவிட சிறப்பாக செயல்படுகின்றன. அவற்றில் ஒன்றுதான் கரூர் மாவட்டம்,குளித்தலை ஒன்றியத்தில் உள்ள பொய்யாமணியில் உள்ள ஊராட்சி ஒன்றிய நடுநிலைப்பள்ளி. சுற்றுச்சூழல் மன்றம் மூலமாக இயற்கை முறையில் மாடித்தோட்டம், கிடைக்கும் சொற்ப இடங்களில் எல்லாம் கத்தரி, வெண்டை, தக்காளி,கீரைகள் என்று மாணவர்களை கொண்டு இந்த பள்ளியில் தோட்டத்தை இயற்கை முறையில் பராமரிக்கிறார்கள். அதோடு, அந்தக் கிராமம் முழுக்க நாட்டு மரக்கன்றுகளை நட்டு,அவற்றிற்கு ஒவ்வொரு மாணவரின் பெயரையும் வைத்து, அவர்கள் மூலம் அந்த மரக்கன்றுகளை வளர்த்து வருகிறார்கள்.

 

இந்த விஷயத்தைக் கேள்விப்பட்டதும் நாம் அந்த பள்ளிக்குச் சென்றோம். 'அது அரசுப்பள்ளியா, இல்லை இயற்கைக் காடா' என்று நாம் குழம்பும் அளவிற்கு எங்கு பார்த்தாலும், மரங்கள், காய்கறித் தோட்டங்கள் என்று பச்சை போர்த்தி இருந்தது. பள்ளிக்கு முகப்பிலேயே, 'இயற்கையைக் காப்போம்; உயிரைக் காப்போம்... சுற்றுச்சூழல் மன்றம்' என்ற பலகை நம்மை வரவேற்றது. காய்கறிகளைப் பறித்துக் கொண்டிருந்த ஆறாவது படிக்கும் சாரதி என்ற மாணவன்,
 "அண்ணே,எங்க குடும்பம் விவசாய குடும்பம்தாண்ணே. ஆனா,எனக்கு விவசாயத்து மேல விருப்பம் இருந்ததில்லை. ஆனால், ஒன்றரை வருஷமா எனக்கு விவசாயத்து மேல, குறிப்பா இயற்கை விவசாயத்து மேல ஆர்வம் வந்திருக்கு. அதற்கு, காரணம் எங்க ஆங்கில வகுப்பு சார் பூபதிதான். அவர் வந்தப்புறம், எங்களுக்கு இயற்கை மீது ஆர்வத்தை வளர்த்தார். இயற்கை விவசாயம் செய்வதன் அவசியத்தை உணர்த்தினார். அதனால், அவர் தூண்டுதலில் முதலில் ஊர் முழுக்க வேம்பு,புங்கை,பூவரசுன்னு 500 நாட்டு மரக்கன்றுகளை வைத்தோம். அந்த மரக்கன்றுகள் ஒவ்வொன்றுக்கும் எங்களது பெயரை சார் சூட்டினார். 'ஒவ்வொரு மரமும் உங்கள் சகோதரர். அதை நீங்கள்தான் காபந்து பண்ணனும்'ன்னு சார் சொன்னார். அதனால்,தினமும் தண்ணீர் பாய்ச்சி அதை கண்ணும் கருத்துமா வளர்த்துட்டு வர்றோம். அதேபோல்,மாடித்தோட்டம் உருவாக்கி கத்தரி, வெண்டை, தக்காளி, பாகை, மிளகாய், கீரை வகைகளான அரைக்கீரை, சிறுகீரை, புளிச்சக்கீரை, முருங்கை கீரைன்னு இயற்கை முறையில் பயிரிடுறோம். அதோட, அத்தனை காய்கறிகளையும் கீழேயும் பள்ளியை சுத்தி கிடைக்கிற சின்ன சின்ன இடங்களில்கூட பயிர் செஞ்சுருக்கோம். அந்தக் காய்கறிகளை கொண்டுதான் மதிய உணவு சமைக்கப்பட்டு,நாங்க சாப்பிடுறோம். விவசாயம் மீது எங்களுக்கு பெரும் விருப்பம் ஏற்பட்டிருக்கு அண்ணே" என்றான்.
 இந்த மாற்றத்திற்கு காரணகர்த்தாவாக அனைவராலும் கைநீட்டப்பட்ட ஆசிரியர் பூபதியிடம் பேசினோம்.
 "பள்ளியில் ஸ்பான்சர் மூலமா போர் போட்டு, அனைத்து மரக்கன்றுகள், காய்கறித் தோட்டப் பயிர்களுக்கு சொட்டுநீர் பாசனம் மூலம் தண்ணீர் பாய்ச்சுகிறோம். மாணவர்கள் கைகழுவும் தண்ணீரையும் மறுசுழற்சி முறையில் பயிர்களுக்கு தானாக பாயும்படி செட்டப்பை அமைத்திருக்கிறோம். அதேபோல், பத்து இடங்களில் மழைநீர் சேமிப்பு அமைப்பை அமைத்திருக்கிறோம். இந்தக் காய்கறி பயிர்களுக்கு குப்பைகள், அசோஸ் பயிரில்லம், மண்புழு உரம் உள்ளிட்ட இயற்கை உரங்களைதான் பயன்படுத்துகிறோம். எங்கள் பள்ளியில் புதிதாக சேரும் மாணவர்களை மரக்கன்றுகள் கொடுத்து வரவேற்கிறோம். மாணவர்களுக்கு அடிக்கடி புராஜெக்ட் கொடுத்து, அதை செயல்முறையிலும் அவர்களை அமைக்க சொல்கிறோம். அந்த வகையில், பத்து எட்டாம் வகுப்பு மாணவர்கள் செயல்வடிவமாக பறவைகளை வளர்க்கிறார்கள். முன்னாள் மாணவர்கள்,பெற்றோர் ஆசிரியர் கழகத்தை வைத்து அடிக்கடி பள்ளி வளர்ச்சி தொடர்பான கூட்டங்களை போடுறோம். வாராவாரம் மாணவவர்களுக்கு இலவச கராத்தே,யோகா உள்ளிட்ட கிளாஸ்களை நடத்துகிறோம்.
மாணவர்களுக்கு தரமான கல்வி கிடைக்க பல்வேறு ஸ்பான்ஸர்களை பிடித்து, ஒவ்வொரு வசதியா செஞ்சுகிட்டு இருக்கோம். எட்டு கணினிகளை வாங்கினோம். ஸ்மார்ட் கிளாஸ்ரூம் அமைத்து, மாணவர்களுக்கு பாடங்களை இணையம் மூலமாக பிடிஎஃப் பைலாக மாற்றி நடத்துகிறோம். இதனால்,அவர்களுக்கு ஆர்வம் கூடுகிறது. அதேபோல்,கரூர் மாவட்டத்திலேயே இரண்டு ஏ.சி வகுப்பறைகள் கொண்ட ஒரே பள்ளியாக எங்க பள்ளியை மாற்றினோம். பசங்களோட எல்லா நிகழ்வுகளையும் வீடியோ,போட்டோவாக்கி யூடியூப், பேஸ்புக், வாட்ஸப் என்று அப்லோடு செய்கிறோம்.
அதற்கு,கிடைக்கும் வரபேற்பை பார்த்து,மாணவர்களுக்கு ஆர்வம் கூடுகிறது. எல்லா வகுப்பறைகளிலும் டைல்ஸ் போட்டிருக்கிறோம். மாணவர்கள் அனைவருக்கும் நல்ல தரமான சீருடைகள் தந்திருக்கிறோம். நடனம், இசை மூலம் பாடங்களை கற்பிக்கும் முறையையும் இங்கே செயல்படுத்துகிறோம். இதற்கெல்லாம்,சென்னையில் உள்ள ஸ்ரீராதாகிருஷ்ண சுவாமிஜி அறக்கட்டளை, பெங்களூர், ஆஸ்திரேலியா, டெல்லியில உள்ள நண்பர்கள் உதவி பண்ணினாங்க.


இப்போ, இங்கே இன்னும் இருக்கும் ஆறு வகுப்பறைகளையும் ஸ்மார்ட் கிளாஸ் ஆக்குறது, மல்டி மீடியம் லேப் அமைக்கிறது, ஆங்கில லேப் அமைக்கிறதுங்கிற முயற்சியிலும் இறங்கியிருக்கோம். இத்தனை விஷயங்களையும் எங்கள் பள்ளியின் தலைமை ஆசிரியை முத்துலெட்சுமி,சக ஆசிரியர்கள், பெற்றோர் ஆசிரியர் சங்கத்தினர்,முன்னாள் மாணவர்கள்,பெற்றோர்கள், மாணவர்கள் என எல்லோரும் சேர்ந்துதான் சாதித்தோம். இன்னும் இலக்குகள் அதிகம் இருக்கு சார். அதையும் அடைவோம்" என்றார் உணர்ச்சி மேலிட!.
 கல்விச்சிறகுகள் வாழ்த்துகிறது. 

தனியார் சுயநிதி, நர்சரி மற்றும் மெட்ரிக்குலேசன் பள்ளிகள் Teachers’ Profile பதிவேற்றம் செய்ய இணையதள முகவரி அறிவிக்கப்பட்டுள்ளது

தனியார் சுயநிதி, நர்சரி மற்றும் மெட்ரிக்குலேசன் பள்ளிகள்

Teachers’ Profile பதிவேற்றம் செய்ய இதனை கிளிக் செய்யவும்.


Click Here

கட்டாயத் தேர்ச்சி முறையை மறுஆய்வு செய்ய வேண்டும்: நாடாளுமன்றக் குழு பரிந்துரை!!!

பள்ளிகளில் எட்டாம் வகுப்பு வரை மாணவர்களுக்கு கட்டாயத் தேர்ச்சி அளிக்கும்

நடைமுறையை மறுஆய்வு செய்யுமாறு பெரும்பாலான மாநில அரசுகள் வலியுறுத்தியுள்ளதாக நாடாளுமன்ற நிலைக் குழு தெரிவித்துள்ளது.

ஆண்டுதோறும் தேர்வுகள் நடத்தி மாணவர்களைத் திறனை மதிப்பிட்டால்தான் அவர்களது கல்வியறிவு மேம்படும் என்றும் அக்குழு கூறியுள்ளது.

ஒன்றிலிருந்து எட்டாம் வகுப்பு வரை பயிலும் மாணவர்களுக்கு அனைவருக்கும் கல்வி சட்டத்தின் கீழ் கட்டாயத் தேர்ச்சி அளிக்கப்பட்டு வருகிறது. இதுதொடர்பான சட்டத் திருத்தம் கடந்த ஆண்டு ஆகஸ்ட் மாதத்தில் நாடாளுமன்றத்தில் அறிமுகப்படுத்தப்பட்டது.
எதிர்க்கட்சிகளின் வலியுறுத்தலின்படி, அந்த மசோதா மனிதவள மேம்பாட்டுத் துறைக்கான நாடாளுமன்ற நிலைக் குழுவின் பரிசீலனைக்கு அனுப்பப்பட்டது

. பாஜக எம்.பி. சத்தியநாராயணன் ஜாட்டியா தலைமையிலான அக்குழு கடந்த சில மாதங்களை அதனை ஆய்வு செய்தது. இந்நிலையில், நாடாளுமன்றத்தில் தனது ஆய்வறிக்கையை அக்குழு சமர்ப்பித்துள்ளது.

 அதுதொடர்பான விவரங்கள் மாநிலங்களவைச் செயலர் அலுவலகத்தில் இருந்து திங்கள்கிழமை வெளியாகியுள்ளன

.அதில் குறிப்பிடப்பட்டுள்ளதாவது:
எட்டாம் வகுப்பு வரை மாணவர்களுக்கு கட்டாயத் தேர்ச்சியளிக்கும் நடைமுறை தொடர வேண்டும் என்று 6 மாநிலங்கள் மட்டுமே விருப்பம் தெரிவித்துள்ளன.

 மீதமுள்ள மாநிலங்கள் அனைத்தும் அதில் சில திருத்தங்கள் செய்ய வேண்டும் என்றும் மறுஆய்வு செய்ய வேண்டும் என்றும் வலியுறுத்தியுள்ளன.

அதன் அடிப்படையில் பார்க்கும்போது கட்டாயத் தேர்ச்சி முறையை மாற்றியமைப்பதே சரியான நடவடிக்கையாக இருக்கும் எனத் தோன்றுகிறது. ஆண்டுதோறும் மாணவர்களுக்குத் தேர்வுகள் நடத்தி அவர்களது திறனை மதிப்பிடுவது அவசியம்.

 அதில் தோல்வியடைபவர்களுக்கு மறு வாய்ப்பு அளிக்கலாம். அதன் மூலம் அவர்கள் கல்வியறிவு செழுமையடையும் என்று அந்த அறிக்கையில் தெரிவிக்கப்பட்டுள்ளது.


அரசு பள்ளிகளில் பணிபுரியும் ஆசிரியர்கள் வகுப்பறையில் பாடம் நடத்தி முடியும் வரை(அல்லது பாட வேளை முடியும் வரையில் ) நின்றுகொண்டு தான் கற்பிக்க வேண்டுமா?மாண்புமிகு தமிழக முதலமைச்சர் அவர்களின் தனிப்பிரிவில் பெற்ற தகவல்!!!

எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!